TITUS
Ramayana
Part No. 254
Previous part

Chapter: 66 
Adhyāya 66


Verse: 1 
Halfverse: a    tau tu tatra stʰitau dr̥ṣṭvā   bʰrātarau rāmalakṣmaṇau
   tau tu tatra stʰitau dr̥ṣṭvā   bʰrātarau rāma-lakṣmaṇau /
Halfverse: c    bāhupāśaparikṣiptau   kabandʰo vākyam abravīt
   bāhu-pāśa-parikṣiptau   kabandʰo vākyam abravīt /1/

Verse: 2 
Halfverse: a    tiṣṭʰataḥ kiṃ nu māṃ dr̥ṣṭvā   kṣudʰārtaṃ kṣatriyarṣabʰau
   tiṣṭʰataḥ kiṃ nu māṃ dr̥ṣṭvā   kṣudʰā_ārtaṃ kṣatriya-r̥ṣabʰau /
Halfverse: c    āhārārtʰaṃ tu saṃdiṣṭau   daivena gatacetasau
   āhāra_artʰaṃ tu saṃdiṣṭau   daivena gata-cetasau /2/

Verse: 3 
Halfverse: a    tac cʰrutvā lakṣmaṇo vākyaṃ   prāptakālaṃ hitaṃ tadā
   tat śrutvā lakṣmaṇo vākyaṃ   prāpta-kālaṃ hitaṃ tadā /
Halfverse: c    uvācārtisamāpanno   vikrame kr̥taniścayaḥ
   uvāca_ārti-samāpanno   vikrame kr̥ta-niścayaḥ /3/

Verse: 4 
Halfverse: a    tvāṃ ca māṃ ca purā tūrṇam   ādatte rākṣasādʰamaḥ
   tvāṃ ca māṃ ca purā tūrṇam   ādatte rākṣasa_adʰamaḥ /
Halfverse: c    tasmād asibʰyām asyāśu   bāhū cʰindāvahe gurū
   tasmād asibʰyām asya_āśu   bāhū cʰindāvahe gurū /4/

Verse: 5 
Halfverse: a    tatas tau deśakālajñau   kʰaḍgābʰyām eva rāgʰavau
   tatas tau deśa-kālajñau   kʰaḍgābʰyām eva rāgʰavau /
Halfverse: c    accʰindatāṃ susaṃhr̥ṣṭau   bāhū tasyāṃsadeśayoḥ
   accʰindatāṃ susaṃhr̥ṣṭau   bāhū tasya_aṃsa-deśayoḥ /5/

Verse: 6 
Halfverse: a    dakṣiṇo dakṣiṇaṃ bāhum   asaktam asinā tataḥ
   dakṣiṇo dakṣiṇaṃ bāhum   asaktam asinā tataḥ /
Halfverse: c    ciccʰeda rāmo vegena   savyaṃ vīras tu lakṣmaṇaḥ
   ciccʰeda rāmo vegena   savyaṃ vīras tu lakṣmaṇaḥ /6/

Verse: 7 
Halfverse: a    sa papāta mahābāhuś   cʰinnabāhur mahāsvanaḥ
   sa papāta mahā-bāhuś   cʰinna-bāhur mahā-svanaḥ /
Halfverse: c    kʰaṃ ca gāṃ ca diśaś caiva   nādayañ jalado yatʰā
   kʰaṃ ca gāṃ ca diśaś caiva   nādayan jalado yatʰā /7/

Verse: 8 
Halfverse: a    sa nikr̥ttau bʰujau dr̥ṣṭvā   śoṇitaugʰapariplutaḥ
   sa nikr̥ttau bʰujau dr̥ṣṭvā   śoṇita_ogʰa-pariplutaḥ /
Halfverse: c    dīnaḥ papraccʰa tau vīrau   kau yuvām iti dānavaḥ
   dīnaḥ papraccʰa tau vīrau   kau yuvām iti dānavaḥ /8/

Verse: 9 
Halfverse: a    iti tasya bruvāṇasya   lakṣmaṇaḥ śubʰalakṣaṇaḥ
   iti tasya bruvāṇasya   lakṣmaṇaḥ śubʰa-lakṣaṇaḥ /
Halfverse: c    śaśaṃsa tasya kākutstʰaṃ   kabandʰasya mahābalaḥ
   śaśaṃsa tasya kākutstʰaṃ   kabandʰasya mahā-balaḥ /9/

Verse: 10 
Halfverse: a    ayam ikṣvākudāyādo   rāmo nāma janaiḥ śrutaḥ
   ayam ikṣvāku-dāyādo   rāmo nāma janaiḥ śrutaḥ /
Halfverse: c    asyaivāvarajaṃ viddʰi   bʰrātaraṃ māṃ ca lakṣmaṇam
   asya_eva_avarajaṃ viddʰi   bʰrātaraṃ māṃ ca lakṣmaṇam /10/

Verse: 11 
Halfverse: a    asya devaprabʰāvasya   vasato vijane vane
   asya deva-prabʰāvasya   vasato vijane vane /
Halfverse: c    rakṣasāpahr̥tā bʰāryā   yām iccʰantāv ihāgatau
   rakṣasā_apahr̥tā bʰāryā   yām iccʰantāv iha_āgatau /11/

Verse: 12 
Halfverse: a    tvaṃ tu ko vā kimartʰaṃ vā   kabandʰa sadr̥śo vane
   tvaṃ tu ko vā kim-artʰaṃ vā   kabandʰa sadr̥śo vane /
Halfverse: c    āsyenorasi dīptena   bʰagnajaṅgʰo viceṣṭase
   āsyena_urasi dīptena   bʰagna-jaṅgʰo viceṣṭase /12/

Verse: 13 
Halfverse: a    evam uktaḥ kabandʰas tu   lakṣmaṇenottaraṃ vacaḥ
   evam uktaḥ kabandʰas tu   lakṣmaṇena_uttaraṃ vacaḥ /
Halfverse: c    uvāca paramaprītas   tad indravacanaṃ smaran
   uvāca parama-prītas   tad indra-vacanaṃ smaran /13/

Verse: 14 
Halfverse: a    svāgataṃ vāṃ naravyāgʰrau   diṣṭyā paśyāmi cāpy aham
   svāgataṃ vāṃ nara-vyāgʰrau   diṣṭyā paśyāmi ca_apy aham /
Halfverse: c    diṣṭyā cemau nikr̥ttau me   yuvābʰyāṃ bāhubandʰanau
   diṣṭyā ca_imau nikr̥ttau me   yuvābʰyāṃ bāhu-bandʰanau /14/

Verse: 15 
Halfverse: a    virūpaṃ yac ca me rūpaṃ   prāptaṃ hy avinayād yatʰā
   virūpaṃ yac ca me rūpaṃ   prāptaṃ hy avinayād yatʰā /
Halfverse: c    tan me śr̥ṇu naravyāgʰra   tattvataḥ śaṃsatas tava
   tan me śr̥ṇu nara-vyāgʰra   tattvataḥ śaṃsatas tava /15/ {E}



Next part


This text is part of the TITUS edition of Ramayana.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.