TITUS
Ramayana
Part No. 255
Previous part

Chapter: 67 
Adhyāya 67


Verse: 1 
Halfverse: a    purā rāma mahābāho   mahābalaparākrama
   purā rāma mahā-bāho   mahā-bala-parākrama /
Halfverse: c    rūpam āsīn mamācintyaṃ   triṣu lokeṣu viśrutam
   rūpam āsīn mama_acintyaṃ   triṣu lokeṣu viśrutam /
Halfverse: e    yatʰā somasya śakrasya   sūryasya ca yatʰā vapuḥ
   yatʰā somasya śakrasya   sūryasya ca yatʰā vapuḥ /1/

Verse: 2 
Halfverse: a    so 'haṃ rūpam idaṃ kr̥tvā   lokavitrāsanaṃ mahat
   so_ahaṃ rūpam idaṃ kr̥tvā   loka-vitrāsanaṃ mahat /
Halfverse: c    r̥ṣīn vanagatān rāma   trāsayāmi tatas tataḥ
   r̥ṣīn vana-gatān rāma   trāsayāmi tatas tataḥ /2/

Verse: 3 
Halfverse: a    tataḥ stʰūlaśirā nāma   maharṣiḥ kopito mayā
   tataḥ stʰūla-śirā nāma   maharṣiḥ kopito mayā /
Halfverse: c    saṃcinvan vividʰaṃ vanyaṃ   rūpeṇānena dʰarṣitaḥ
   saṃcinvan vividʰaṃ vanyaṃ   rūpeṇa_anena dʰarṣitaḥ /3/

Verse: 4 
Halfverse: a    tenāham uktaḥ prekṣyaivaṃ   gʰoraśāpābʰidʰāyinā
   tena_aham uktaḥ prekṣya_evaṃ   gʰora-śāpa_abʰidʰāyinā /
Halfverse: c    etad eva nr̥śaṃsaṃ te   rūpam astu vigarhitam
   etad eva nr̥śaṃsaṃ te   rūpam astu vigarhitam /4/

Verse: 5 
Halfverse: a    sa mayā yācitaḥ kruddʰaḥ   śāpasyānto bʰaved iti
   sa mayā yācitaḥ kruddʰaḥ   śāpasya_anto bʰaved iti /
Halfverse: c    abʰiśāpakr̥tasyeti   tenedaṃ bʰāṣitaṃ vacaḥ
   abʰiśāpa-kr̥tasya_iti   tena_idaṃ bʰāṣitaṃ vacaḥ /5/

Verse: 6 
Halfverse: a    yadā cʰittvā bʰujau rāmas   tvāṃ dahed vijane vane
   yadā cʰittvā bʰujau rāmas   tvāṃ dahed vijane vane /
Halfverse: c    tadā tvaṃ prāpsyase rūpaṃ   svam eva vipulaṃ śubʰam
   tadā tvaṃ prāpsyase rūpaṃ   svam eva vipulaṃ śubʰam /6/

Verse: 7 
Halfverse: a    śriyā virājitaṃ putraṃ   danos tvaṃ viddʰi lakṣmaṇa
   śriyā virājitaṃ putraṃ   danos tvaṃ viddʰi lakṣmaṇa /
Halfverse: c    indrakopād idaṃ rūpaṃ   prāptam evaṃ raṇājire
   indra-kopād idaṃ rūpaṃ   prāptam evaṃ raṇa_ājire /7/

Verse: 8 
Halfverse: a    ahaṃ hi tapasogreṇa   pitāmaham atoṣayam
   ahaṃ hi tapasā_ugreṇa   pitāmaham atoṣayam /
Halfverse: c    dīrgʰam āyuḥ sa me prādāt   tato māṃ vibʰramo 'spr̥śat
   dīrgʰam āyuḥ sa me prādāt   tato māṃ vibʰramo_aspr̥śat /8/

Verse: 9 
Halfverse: a    dīrgʰam āyur mayā prāptaṃ   kiṃ me śakraḥ kariṣyati
   dīrgʰam āyur mayā prāptaṃ   kiṃ me śakraḥ kariṣyati /
Halfverse: c    ity evaṃ buddʰim āstʰāya   raṇe śakram adʰarṣayam
   ity evaṃ buddʰim āstʰāya   raṇe śakram adʰarṣayam /9/

Verse: 10 
Halfverse: a    tasya bāhupramuktena   vajreṇa śataparvaṇā
   tasya bāhu-pramuktena   vajreṇa śata-parvaṇā /
Halfverse: c    saktʰinī ca śiraś caiva   śarīre saṃpraveśitam
   saktʰinī ca śiraś caiva   śarīre saṃpraveśitam /10/

Verse: 11 
Halfverse: a    sa mayā yācyamānaḥ sann   ānayad yamasādanam
   sa mayā yācyamānaḥ sann   ānayad yama-sādanam /
Halfverse: c    pitāmahavacaḥ satyaṃ   tad astv iti mamābravīt
   pitāmaha-vacaḥ satyaṃ   tad astv iti mama_abravīt /11/

Verse: 12 
Halfverse: a    anāhāraḥ katʰaṃ śakto   bʰagnasaktʰiśiromukʰaḥ
   anāhāraḥ katʰaṃ śakto   bʰagna-saktʰi-śiro-mukʰaḥ /
Halfverse: c    vajreṇābʰihataḥ kālaṃ   sudīrgʰam api jīvitum
   vajreṇa_abʰihataḥ kālaṃ   sudīrgʰam api jīvitum /12/

Verse: 13 
Halfverse: a    evam uktas tu me śakro   bāhū yojanam āyatau
   evam uktas tu me śakro   bāhū yojanam āyatau /
Halfverse: c    prādād āsyaṃ ca me kukṣau   tīkṣṇadaṃṣṭram akalpayat
   prādād āsyaṃ ca me kukṣau   tīkṣṇa-daṃṣṭram akalpayat /13/

Verse: 14 
Halfverse: a    so 'haṃ bʰujābʰyāṃ dīrgʰābʰyāṃ   samākr̥ṣya vanecarān
   so_ahaṃ bʰujābʰyāṃ dīrgʰābʰyāṃ   samākr̥ṣya vane-carān /
Halfverse: c    siṃhadvipamr̥gavyāgʰrān   bʰakṣayāmi samantataḥ
   siṃha-dvipa-mr̥ga-vyāgʰrān   bʰakṣayāmi samantataḥ /14/

Verse: 15 
Halfverse: a    sa tu mām abravīd indro   yadā rāmaḥ salakṣmaṇaḥ
   sa tu mām abravīd indro   yadā rāmaḥ salakṣmaṇaḥ /
Halfverse: c    cʰetsyate samare bāhū   tadā svargaṃ gamiṣyasi
   cʰetsyate samare bāhū   tadā svargaṃ gamiṣyasi /15/

Verse: 16 
Halfverse: a    sa tvaṃ rāmo 'si bʰadraṃ te   nāham anyena rāgʰava
   sa tvaṃ rāmo_asi bʰadraṃ te   na_aham anyena rāgʰava /
Halfverse: c    śakyo hantuṃ yatʰātattvam   evam uktaṃ maharṣiṇā
   śakyo hantuṃ yatʰā-tattvam   evam uktaṃ maharṣiṇā /16/

Verse: 17 
Halfverse: a    ahaṃ hi matisācivyaṃ   kariṣyāmi nararṣabʰa
   ahaṃ hi mati-sācivyaṃ   kariṣyāmi nara-r̥ṣabʰa /
Halfverse: c    mitraṃ caivopadekṣyāmi   yuvābʰyāṃ saṃskr̥to 'gninā
   mitraṃ caiva_upadekṣyāmi   yuvābʰyāṃ saṃskr̥to_agninā /17/

Verse: 18 
Halfverse: a    evam uktas tu dʰarmātmā   danunā tena rāgʰavaḥ
   evam uktas tu dʰarma_ātmā   danunā tena rāgʰavaḥ /
Halfverse: c    idaṃ jagāda vacanaṃ   lakṣmaṇasyopaśr̥ṇvataḥ
   idaṃ jagāda vacanaṃ   lakṣmaṇasya_upaśr̥ṇvataḥ /18/

Verse: 19 
Halfverse: a    rāvaṇena hr̥tā sītā   mama bʰāryā yaśasvinī
   rāvaṇena hr̥tā sītā   mama bʰāryā yaśasvinī /
Halfverse: c    niṣkrāntasya janastʰānāt   saha bʰrātrā yatʰāsukʰam
   niṣkrāntasya jana-stʰānāt   saha bʰrātrā yatʰā-sukʰam /19/

Verse: 20 
Halfverse: a    nāmamātraṃ tu jānāmi   na rūpaṃ tasya rakṣasaḥ
   nāma-mātraṃ tu jānāmi   na rūpaṃ tasya rakṣasaḥ /
Halfverse: c    nivāsaṃ vā prabʰāvaṃ vā   vayaṃ tasya na vidmahe
   nivāsaṃ vā prabʰāvaṃ vā   vayaṃ tasya na vidmahe /20/

Verse: 21 
Halfverse: a    śokārtānām anātʰānām   evaṃ viparidʰāvatām
   śoka_ārtānām anātʰānām   evaṃ viparidʰāvatām /
Halfverse: c    kāruṇyaṃ sadr̥śaṃ kartum   upakāre ca vartatām
   kāruṇyaṃ sadr̥śaṃ kartum   upakāre ca vartatām /21/

Verse: 22 
Halfverse: a    kāṣṭʰāny ānīya śuṣkāṇi   kāle bʰagnāni kuñjaraiḥ
   kāṣṭʰāny ānīya śuṣkāṇi   kāle bʰagnāni kuñjaraiḥ /
Halfverse: c    bʰakṣyāmas tvāṃ vayaṃ vīra   śvabʰre mahati kalpite
   bʰakṣyāmas tvāṃ vayaṃ vīra   śvabʰre mahati kalpite /22/

Verse: 23 
Halfverse: a    sa tvaṃ sītāṃ samācakṣva   yena vā yatra vā hr̥tā
   sa tvaṃ sītāṃ samācakṣva   yena vā yatra vā hr̥tā /
Halfverse: c    kuru kalyāṇam atyartʰaṃ   yadi jānāsi tattvataḥ
   kuru kalyāṇam atyartʰaṃ   yadi jānāsi tattvataḥ /23/

Verse: 24 
Halfverse: a    evam uktas tu rāmeṇa   vākyaṃ danur anuttamam
   evam uktas tu rāmeṇa   vākyaṃ danur anuttamam /
Halfverse: c    provāca kuśalo vaktuṃ   vaktāram api rāgʰavam
   provāca kuśalo vaktuṃ   vaktāram api rāgʰavam /24/

Verse: 25 
Halfverse: a    divyam asti na me jñānaṃ   nābʰijānāmi maitʰilīm
   divyam asti na me jñānaṃ   na_abʰijānāmi maitʰilīm /
Halfverse: c    yas tāṃ jñāsyati taṃ vakṣye   dagdʰaḥ svaṃ rūpam āstʰitaḥ
   yas tāṃ jñāsyati taṃ vakṣye   dagdʰaḥ svaṃ rūpam āstʰitaḥ /25/

Verse: 26 
Halfverse: a    adagdʰasya hi vijñātuṃ   śaktir asti na me prabʰo
   adagdʰasya hi vijñātuṃ   śaktir asti na me prabʰo /
Halfverse: c    rākṣasaṃ taṃ mahāvīryaṃ   sītā yena hr̥tā tava
   rākṣasaṃ taṃ mahā-vīryaṃ   sītā yena hr̥tā tava /26/

Verse: 27 
Halfverse: a    vijñānaṃ hi mahad bʰraṣṭaṃ   śāpadoṣeṇa rāgʰava
   vijñānaṃ hi mahad bʰraṣṭaṃ   śāpa-doṣeṇa rāgʰava /
Halfverse: c    svakr̥tena mayā prāptaṃ   rūpaṃ lokavigarhitam
   svakr̥tena mayā prāptaṃ   rūpaṃ loka-vigarhitam /27/

Verse: 28 
Halfverse: a    kiṃ tu yāvan na yāty astaṃ   savitā śrāntavāhanaḥ
   kiṃ tu yāvan na yāty astaṃ   savitā śrānta-vāhanaḥ /
Halfverse: c    tāvan mām avaṭe kṣiptvā   daha rāma yatʰāvidʰi
   tāvan mām avaṭe kṣiptvā   daha rāma yatʰā-vidʰi /28/

Verse: 29 
Halfverse: a    dagdʰas tvayāham avaṭe   nyāyena ragʰunandana
   dagdʰas tvayā_aham avaṭe   nyāyena ragʰu-nandana /
Halfverse: c    vakṣyāmi tam ahaṃ vīra   yas taṃ jñāsyati rākṣasaṃ
   vakṣyāmi tam ahaṃ vīra   yas taṃ jñāsyati rākṣasaṃ /29/

Verse: 30 
Halfverse: a    tena sakʰyaṃ ca kartavyaṃ   nyāyyavr̥ttena rāgʰava
   tena sakʰyaṃ ca kartavyaṃ   nyāyya-vr̥ttena rāgʰava /
Halfverse: c    kalpayiṣyati te prītaḥ   sāhāyyaṃ lagʰuvikramaḥ
   kalpayiṣyati te prītaḥ   sāhāyyaṃ lagʰu-vikramaḥ /30/

Verse: 31 
Halfverse: a    na hi tasyāsty avijñātaṃ   triṣu lokeṣu rāgʰava
   na hi tasya_asty avijñātaṃ   triṣu lokeṣu rāgʰava /
Halfverse: c    sarvān parisr̥to lokān   purā vai kāraṇāntare
   sarvān parisr̥to lokān   purā vai kāraṇa_antare /31/ {E}



Next part


This text is part of the TITUS edition of Ramayana.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.