TITUS
Ramayana
Part No. 256
Previous part

Chapter: 68 
Adhyāya 68


Verse: 1 
Halfverse: a    evam uktau tu tau vīrau   kabandʰena nareśvarau
   evam uktau tu tau vīrau   kabandʰena nara_īśvarau /
Halfverse: c    giripradaram āsādya   pāvakaṃ visasarjatuḥ
   giri-pradaram āsādya   pāvakaṃ visasarjatuḥ /1/

Verse: 2 
Halfverse: a    lakṣmaṇas tu maholkābʰir   jvalitābʰiḥ samantataḥ
   lakṣmaṇas tu mahā_ulkābʰir   jvalitābʰiḥ samantataḥ /
Halfverse: c    citām ādīpayām āsa   sā prajajvāla sarvataḥ
   citām ādīpayām āsa   sā prajajvāla sarvataḥ /2/

Verse: 3 
Halfverse: a    tac cʰarīraṃ kabandʰasya   gʰr̥tapiṇḍopamaṃ mahat
   tat śarīraṃ kabandʰasya   gʰr̥ta-piṇḍa_upamaṃ mahat /
Halfverse: c    medasā pacyamānasya   mandaṃ dahati pāvaka
   medasā pacyamānasya   mandaṃ dahati pāvaka /3/

Verse: 4 
Halfverse: a    sa vidʰūya citām āśu   vidʰūmo 'gnir ivottʰitaḥ
   sa vidʰūya citām āśu   vidʰūmo_agnir iva_uttʰitaḥ /
Halfverse: c    araje vāsasī vibʰran   mālāṃ divyāṃ mahābalaḥ
   araje vāsasī vibʰran   mālāṃ divyāṃ mahā-balaḥ /4/

Verse: 5 
Halfverse: a    tataś citāyā vegena   bʰāsvaro virajāmbaraḥ
   tataś citāyā vegena   bʰāsvaro viraja_ambaraḥ /
Halfverse: c    utpapātāśu saṃhr̥ṣṭaḥ   sarvapratyaṅgabʰūṣaṇaḥ
   utpapāta_āśu saṃhr̥ṣṭaḥ   sarva-pratyaṅga-bʰūṣaṇaḥ /5/

Verse: 6 
Halfverse: a    vimāne bʰāsvare tiṣṭʰan   haṃsayukte yaśaskare
   vimāne bʰāsvare tiṣṭʰan   haṃsa-yukte yaśas-kare /
Halfverse: c    prabʰayā ca mahātejā   diśo daśa virājayan
   prabʰayā ca mahā-tejā   diśo daśa virājayan /6/

Verse: 7 
Halfverse: a    so 'ntarikṣagato rāmaṃ   kabandʰo vākyam abravīt
   so_antarikṣa-gato rāmaṃ   kabandʰo vākyam abravīt /
Halfverse: c    śr̥ṇu rāgʰava tattvena   yatʰā sīmām avāpsyasi
   śr̥ṇu rāgʰava tattvena   yatʰā sīmām avāpsyasi /7/

Verse: 8 
Halfverse: a    rāma ṣaḍ yuktayo loke   yābʰiḥ sarvaṃ vimr̥śyate
   rāma ṣaḍ yuktayo loke   yābʰiḥ sarvaṃ vimr̥śyate /
Halfverse: c    parimr̥ṣṭo daśāntena   daśābʰāgena sevyate
   parimr̥ṣṭo daśa_antena   daśa_ābʰāgena sevyate /8/

Verse: 9 
Halfverse: a    daśābʰāgagato hīnas   tvaṃ rāma sahalakṣmaṇaḥ
   daśa_ābʰāga-gato hīnas   tvaṃ rāma saha-lakṣmaṇaḥ /
Halfverse: c    yat kr̥te vyasanaṃ prāptaṃ   tvayā dārapradʰarṣaṇam
   yat kr̥te vyasanaṃ prāptaṃ   tvayā dāra-pradʰarṣaṇam /9/

Verse: 10 
Halfverse: a    tad avaśyaṃ tvayā kāryaḥ   sa suhr̥t suhr̥dāṃ vara
   tad avaśyaṃ tvayā kāryaḥ   sa suhr̥t suhr̥dāṃ vara /
Halfverse: c    akr̥tvā na hi te siddʰim   ahaṃ paśyāmi cintayan
   akr̥tvā na hi te siddʰim   ahaṃ paśyāmi cintayan /10/

Verse: 11 
Halfverse: a    śrūyatāṃ rāma vakṣyāmi   sugrīvo nāma vānaraḥ
   śrūyatāṃ rāma vakṣyāmi   sugrīvo nāma vānaraḥ /
Halfverse: c    bʰrātrā nirastaḥ kruddʰena   vālinā śakrasūnunā
   bʰrātrā nirastaḥ kruddʰena   vālinā śakra-sūnunā /11/

Verse: 12 
Halfverse: a    r̥ṣyamūke girivare   pampāparyantaśobʰite
   r̥ṣyamūke giri-vare   pampā-paryanta-śobʰite /
Halfverse: c    nivasaty ātmavān vīraś   caturbʰiḥ saha vānaraiḥ
   nivasaty ātmavān vīraś   caturbʰiḥ saha vānaraiḥ /12/

Verse: 13 
Halfverse: a    vayasyaṃ taṃ kuru kṣipram   ito gatvādya rāgʰava
   vayasyaṃ taṃ kuru kṣipram   ito gatvā_adya rāgʰava /
Halfverse: c    adrohāya samāgamya   dīpyamāne vibʰāvasau
   adrohāya samāgamya   dīpyamāne vibʰāvasau /13/

Verse: 14 
Halfverse: a    na ca te so 'vamantavyaḥ   sugrīvo vānarādʰipaḥ
   na ca te so_avamantavyaḥ   sugrīvo vānara_adʰipaḥ /
Halfverse: c    kr̥tajñaḥ kāmarūpī ca   sahāyārtʰī ca vīryavān
   kr̥tajñaḥ kāma-rūpī ca   sahāya_artʰī ca vīryavān /14/

Verse: 15 
Halfverse: a    śaktau hy adya yuvāṃ kartuṃ   kāryaṃ tasya cikīrṣitam
   śaktau hy adya yuvāṃ kartuṃ   kāryaṃ tasya cikīrṣitam /
Halfverse: c    kr̥tārtʰo vākr̥tārtʰo vā   kr̥tyaṃ tava kariṣyati
   kr̥ta_artʰo vā_akr̥ta_artʰo vā   kr̥tyaṃ tava kariṣyati /15/

Verse: 16 
Halfverse: a    sa r̥kṣarajasaḥ putraḥ   pampām aṭati śaṅkitaḥ
   sa r̥kṣa-rajasaḥ putraḥ   pampām aṭati śaṅkitaḥ /
Halfverse: c    bʰāskarasyaurasaḥ putro   vālinā kr̥takilbiṣaḥ
   bʰāskarasya_aurasaḥ putro   vālinā kr̥ta-kilbiṣaḥ /16/

Verse: 17 
Halfverse: a    saṃnidʰāyāyudʰaṃ kṣipram   r̥ṣyamūkālayaṃ kapim
   saṃnidʰāya_āyudʰaṃ kṣipram   r̥ṣyamūka_ālayaṃ kapim /
Halfverse: c    kuru rāgʰava satyena   vayasyaṃ vanacāriṇam
   kuru rāgʰava satyena   vayasyaṃ vana-cāriṇam /17/

Verse: 18 
Halfverse: a    sa hi stʰānāni sarvāṇi   kārtsnyena kapikuñjaraḥ
   sa hi stʰānāni sarvāṇi   kārtsnyena kapi-kuñjaraḥ /
Halfverse: c    naramāṃsāśināṃ loke   naipuṇyād adʰigaccʰati
   nara-māṃsa_aśināṃ loke   naipuṇyād adʰigaccʰati /18/

Verse: 19 
Halfverse: a    na tasyāviditaṃ loke   kiṃ cid asti hi rāgʰava
   na tasya_aviditaṃ loke   kiṃcid asti hi rāgʰava /
Halfverse: c    yāvat sūryaḥ pratapati   sahasrāṃśur ariṃdama
   yāvat sūryaḥ pratapati   sahasra_aṃśur ariṃ-dama /19/

Verse: 20 
Halfverse: a    sa nadīr vipulāñ śailān   giridurgāṇi kandarān
   sa nadīr vipulān śailān   giri-durgāṇi kandarān /
Halfverse: c    anviṣya vānaraiḥ sārdʰaṃ   patnīṃ te 'dʰigamiṣyati
   anviṣya vānaraiḥ sārdʰaṃ   patnīṃ te_adʰigamiṣyati /20/

Verse: 21 
Halfverse: a    vānarāṃś ca mahākāyān   preṣayiṣyati rāgʰava
   vānarāṃś ca mahā-kāyān   preṣayiṣyati rāgʰava /
Halfverse: c    diśo vicetuṃ tāṃ sītāṃ   tvadviyogena śocatīm
   diśo vicetuṃ tāṃ sītāṃ   tvad-viyogena śocatīm /21/

Verse: 22 


Halfverse: a    sa meruśr̥ṅgāgragatām aninditāṃ    sa meruśr̥ṅgāgragatām aninditāṃ
   sa meru-śr̥ṅga_agra-gatām aninditāṃ    sa meru-śr̥ṅga_agra-gatām aninditāṃ / {Gem}
Halfverse: b    praviśya pātālatale 'pi vāśritām    praviśya pātālatale 'pi vāśritām
   praviśya pātāla-tale_api vā_āśritām    praviśya pātāla-tale_api vā_āśritām / {Gem}
Halfverse: c    plavaṃgamānāṃ pravaras tava priyāṃ    plavaṃgamānāṃ pravaras tava priyāṃ
   plavaṃ-gamānāṃ pravaras tava priyāṃ    plavaṃ-gamānāṃ pravaras tava priyāṃ / {Gem}
Halfverse: d    nihatya rakṣāṃsi punaḥ pradāsyati    nihatya rakṣāṃsi punaḥ pradāsyati
   nihatya rakṣāṃsi punaḥ pradāsyati    nihatya rakṣāṃsi punaḥ pradāsyati /22/ {E} {Gem}




Next part


This text is part of the TITUS edition of Ramayana.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.