TITUS
Ramayana
Part No. 257
Previous part

Chapter: 69 
Adhyāya 69


Verse: 1 
Halfverse: a    nidarśayitvā rāmāya   sītāyāḥ pratipādane
   nidarśayitvā rāmāya   sītāyāḥ pratipādane /
Halfverse: c    vākyam anvartʰam artʰajñaḥ   kabandʰaḥ punar abravīt
   vākyam anvartʰam artʰajñaḥ   kabandʰaḥ punar abravīt /1/

Verse: 2 
Halfverse: a    eṣa rāma śivaḥ pantʰā   yatraite puṣpitā drumāḥ
   eṣa rāma śivaḥ pantʰā   yatra_ete puṣpitā drumāḥ /
Halfverse: c    pratīcīṃ diśam āśritya   prakāśante manoramāḥ
   pratīcīṃ diśam āśritya   prakāśante mano-ramāḥ /2/

Verse: 3 
Halfverse: a    jambūpriyālapanasāḥ   plakṣanyagrodʰatindukāḥ
   jambū-priyāla-panasāḥ   plakṣa-nyagrodʰa-tindukāḥ /
Halfverse: c    aśvattʰāḥ karṇikārāś ca   cūtāś cānye ca pādapāḥ
   aśvattʰāḥ karṇikārāś ca   cūtāś ca_anye ca pādapāḥ /3/

Verse: 4 
Halfverse: a    tān āruhyātʰavā bʰūmau   pātayitvā ca tān balāt
   tān āruhya_atʰavā bʰūmau   pātayitvā ca tān balāt /
Halfverse: c    pʰalāny amr̥takalpāni   bʰakṣayantau gamiṣyatʰaḥ
   pʰalāny amr̥ta-kalpāni   bʰakṣayantau gamiṣyatʰaḥ /4/

Verse: 5 
Halfverse: a    caṅkramantau varān deśāñ   śailāc cʰailaṃ vanād vanam
   caṅkramantau varān deśān   śailāt śailaṃ vanād vanam /
Halfverse: c    tataḥ puṣkariṇīṃ vīrau   pampāṃ nāma gamiṣyatʰaḥ
   tataḥ puṣkariṇīṃ vīrau   pampāṃ nāma gamiṣyatʰaḥ /5/

Verse: 6 
Halfverse: a    aśarkarām avibʰraṃśāṃ   samatīrtʰam aśaivalām
   aśarkarām avibʰraṃśāṃ   sama-tīrtʰam aśaivalām /
Halfverse: c    rāma saṃjātavālūkāṃ   kamalotpalaśobʰitām
   rāma saṃjāta-vālūkāṃ   kamala_utpala-śobʰitām /6/

Verse: 7 
Halfverse: a    tatra haṃsāḥ plavāḥ krauñcāḥ   kurarāś caiva rāgʰava
   tatra haṃsāḥ plavāḥ krauñcāḥ   kurarāś caiva rāgʰava /
Halfverse: c    valgusvarā nikūjanti   pampāsalilagocarāḥ
   valgu-svarā nikūjanti   pampā-salila-gocarāḥ /7/

Verse: 8 
Halfverse: a    nodvijante narān dr̥ṣṭvā   vadʰasyākovidāḥ śubʰāḥ
   na_udvijante narān dr̥ṣṭvā   vadʰasya_akovidāḥ śubʰāḥ /
Halfverse: c    gʰr̥tapiṇḍopamān stʰūlāṃs   tān dvijān bʰakṣayiṣyatʰaḥ
   gʰr̥ta-piṇḍa_upamān stʰūlāṃs   tān dvijān bʰakṣayiṣyatʰaḥ /8/

Verse: 9 
Halfverse: a    rohitān vakratuṇḍāṃś ca   nalamīnāṃś ca rāgʰava
   rohitān vakra-tuṇḍāṃś ca   nala-mīnāṃś ca rāgʰava /
Halfverse: c    pampāyām iṣubʰir matsyāṃs   tatra rāma varān hatān
   pampāyām iṣubʰir matsyāṃs   tatra rāma varān hatān /9/

Verse: 10 
Halfverse: a    nistvakpakṣān ayastaptān   akr̥śān ekakaṇṭakān
   nistvak-pakṣān ayas-taptān   akr̥śān eka-kaṇṭakān /
Halfverse: c    tava bʰaktyā samāyukto   lakṣmaṇaḥ saṃpradāsyati
   tava bʰaktyā samāyukto   lakṣmaṇaḥ saṃpradāsyati /10/

Verse: 11 
Halfverse: a    bʰr̥śaṃ te kʰādato matsyān   pampāyāḥ puṣpasaṃcaye
   bʰr̥śaṃ te kʰādato matsyān   pampāyāḥ puṣpa-saṃcaye /
Halfverse: c    padmagandʰi śivaṃ vāri   sukʰaśītam anāmayam
   padma-gandʰi śivaṃ vāri   sukʰa-śītam anāmayam /11/

Verse: 12 
Halfverse: a    uddʰr̥tya sa tadākliṣṭaṃ   rūpyaspʰaṭikasaṃnibʰam
   uddʰr̥tya sa tadā_akliṣṭaṃ   rūpya-spʰaṭika-saṃnibʰam /
Halfverse: c    atʰa puṣkaraparṇena   lakṣmaṇaḥ pāyayiṣyati
   atʰa puṣkara-parṇena   lakṣmaṇaḥ pāyayiṣyati /12/

Verse: 13 
Halfverse: a    stʰūlān giriguhāśayyān   varāhān vanacāriṇaḥ
   stʰūlān giri-guhā-śayyān   varāhān vana-cāriṇaḥ /
Halfverse: c    apāṃ lobʰād upāvr̥ttān   vr̥ṣabʰān iva nardataḥ
   apāṃ lobʰād upāvr̥ttān   vr̥ṣabʰān iva nardataḥ /
Halfverse: e    rūpānvitāṃś ca pampāyāṃ   drakṣyasi tvaṃ narottama
   rūpa_anvitāṃś ca pampāyāṃ   drakṣyasi tvaṃ nara_uttama /13/

Verse: 14 
Halfverse: a    sāyāhne vicaran rāma   viṭapī mālyadʰāriṇaḥ
   sāya_ahne vicaran rāma   viṭapī mālya-dʰāriṇaḥ /
Halfverse: c    śītodakaṃ ca pampāyāṃ   dr̥ṣṭvā śokaṃ vihāsyasi
   śīta_udakaṃ ca pampāyāṃ   dr̥ṣṭvā śokaṃ vihāsyasi /14/

Verse: 15 
Halfverse: a    sumanobʰiś citāṃs tatra   tilakān naktamālakān
   sumanobʰiś citāṃs tatra   tilakān nakta-mālakān /
Halfverse: c    utpalāni ca pʰullāni   paṅkajāni ca rāgʰava
   utpalāni ca pʰullāni   paṅkajāni ca rāgʰava /15/

Verse: 16 
Halfverse: a    na tāni kaś cin mālyāni   tatrāropayitā naraḥ
   na tāni kaścin mālyāni   tatra_āropayitā naraḥ /
Halfverse: c    mataṅgaśiṣyās tatrāsann   r̥ṣayaḥ susamāhitaḥ
   mataṅga-śiṣyās tatra_āsann   r̥ṣayaḥ susamāhitaḥ /16/

Verse: 17 
Halfverse: a    teṣāṃ bʰārābʰitaptānāṃ   vanyam āharatāṃ guroḥ
   teṣāṃ bʰāra_abʰitaptānāṃ   vanyam āharatāṃ guroḥ /
Halfverse: c    ye prapetur mahīṃ tūrṇaṃ   śarīrāt svedabindavaḥ
   ye prapetur mahīṃ tūrṇaṃ   śarīrāt sveda-bindavaḥ /17/

Verse: 18 
Halfverse: a    tāni mālyāni jātāni   munīnāṃ tapasā tadā
   tāni mālyāni jātāni   munīnāṃ tapasā tadā /
Halfverse: c    svedabindusamuttʰāni   na vinaśyanti rāgʰava
   sveda-bindu-samuttʰāni   na vinaśyanti rāgʰava /18/

Verse: 19 
Halfverse: a    teṣām adyāpi tatraiva   dr̥śyate paricāriṇī
   teṣām adya_api tatra_eva   dr̥śyate paricāriṇī /
Halfverse: c    śramaṇī śabarī nāma   kākutstʰa cirajīvinī
   śramaṇī śabarī nāma   kākutstʰa cira-jīvinī /19/

Verse: 20 
Halfverse: a    tvāṃ tu dʰarme stʰitā nityaṃ   sarvabʰūtanamaskr̥tam
   tvāṃ tu dʰarme stʰitā nityaṃ   sarva-bʰūta-namas-kr̥tam /
Halfverse: c    dr̥ṣṭvā devopamaṃ rāma   svargalokaṃ gamiṣyati
   dr̥ṣṭvā deva_upamaṃ rāma   svarga-lokaṃ gamiṣyati /20/

Verse: 21 
Halfverse: a    tatas tad rāma pampāyās   tīram āśritya paścimam
   tatas tad rāma pampāyās   tīram āśritya paścimam /
Halfverse: c    āśramastʰānam atulaṃ   guhyaṃ kākutstʰa paśyasi
   āśrama-stʰānam atulaṃ   guhyaṃ kākutstʰa paśyasi /21/

Verse: 22 
Halfverse: a    na tatrākramituṃ nāgāḥ   śaknuvanti tam āśramam
   na tatra_ākramituṃ nāgāḥ   śaknuvanti tam āśramam /
Halfverse: c    r̥ṣes tasya mataṅgasya   vidʰānāt tac ca kānanam
   r̥ṣes tasya mataṅgasya   vidʰānāt tac ca kānanam /22/

Verse: 23 
Halfverse: a    tasmin nandanasaṃkāśe   devāraṇyopame vane
   tasmin nandana-saṃkāśe   deva_araṇya_upame vane /
Halfverse: c    nānāvihagasaṃkīrṇe   raṃsyase rāma nirvr̥taḥ
   nānā-vihaga-saṃkīrṇe   raṃsyase rāma nirvr̥taḥ /23/

Verse: 24 
Halfverse: a    r̥ṣyamūkas tu pampāyāḥ   purastāt puṣpitadrumaḥ
   r̥ṣyamūkas tu pampāyāḥ   purastāt puṣpita-drumaḥ /
Halfverse: c    suduḥkʰārohaṇo nāma   śiśunāgābʰirakṣitaḥ
   suduḥkʰa_ārohaṇo nāma   śiśu-nāga_abʰirakṣitaḥ /
Halfverse: e    udāro brahmaṇā caiva   pūrvakāle vinirmitaḥ
   udāro brahmaṇā caiva   pūrva-kāle vinirmitaḥ /24/

Verse: 25 
Halfverse: a    śayānaḥ puruṣo rāma   tasya śailasya mūrdʰani
   śayānaḥ puruṣo rāma   tasya śailasya mūrdʰani /
Halfverse: c    yat svapne labʰate vittaṃ   tat prabuddʰo 'dʰigaccʰati
   yat svapne labʰate vittaṃ   tat prabuddʰo_adʰigaccʰati /25/

Verse: 26 
Halfverse: a    na tv enaṃ viṣamācāraḥ   pāpakarmādʰirohati
   na tv enaṃ viṣama_ācāraḥ   pāpa-karmā_adʰirohati /
Halfverse: c    tatraiva praharanty enaṃ   suptam ādāya rākṣasāḥ
   tatra_eva praharanty enaṃ   suptam ādāya rākṣasāḥ /26/

Verse: 27 
Halfverse: a    tato 'pi śiśunāgānām   ākrandaḥ śrūyate mahān
   tato_api śiśu-nāgānām   ākrandaḥ śrūyate mahān /
Halfverse: c    krīḍatāṃ rāma pampāyāṃ   mataṅgāraṇyavāsinām
   krīḍatāṃ rāma pampāyāṃ   mataṅga_araṇya-vāsinām /27/

Verse: 28 
Halfverse: a    siktā rudʰiradʰārābʰiḥ   saṃhatya paramadvipāḥ
   siktā rudʰira-dʰārābʰiḥ   saṃhatya parama-dvipāḥ /
Halfverse: c    pracaranti pr̥tʰak kīrṇā   megʰavarṇās tarasvinaḥ
   pracaranti pr̥tʰak kīrṇā   megʰa-varṇās tarasvinaḥ /28/

Verse: 29 
Halfverse: a    te tatra pītvā pānīyaṃ   vimalaṃ śītam avyayam
   te tatra pītvā pānīyaṃ   vimalaṃ śītam avyayam /
Halfverse: c    nivr̥ttāḥ saṃvigāhante   vanāni vanagocarāḥ
   nivr̥ttāḥ saṃvigāhante   vanāni vana-gocarāḥ /29/

Verse: 30 
Halfverse: a    rāma tasya tu śailasya   mahatī śobʰate guhā
   rāma tasya tu śailasya   mahatī śobʰate guhā /
Halfverse: c    śilāpidʰānā kākutstʰa   duḥkʰaṃ cāsyāḥ praveśanam
   śilā-pidʰānā kākutstʰa   duḥkʰaṃ ca_asyāḥ praveśanam /30/

Verse: 31 
Halfverse: a    tasyā guhāyāḥ prāgdvāre   mahāñ śītodako hradaḥ
   tasyā guhāyāḥ prāg-dvāre   mahān śīta_udako hradaḥ /
Halfverse: c    bahumūlapʰalo ramyo   nānānagasamāvr̥taḥ
   bahu-mūla-pʰalo ramyo   nānā-naga-samāvr̥taḥ /31/

Verse: 32 
Halfverse: a    tasyāṃ vasati sugrīvaś   caturbʰiḥ saha vānaraiḥ
   tasyāṃ vasati sugrīvaś   caturbʰiḥ saha vānaraiḥ /
Halfverse: c    kadā cic cʰikʰare tasya   parvatasyāvatiṣṭʰate
   kadācit śikʰare tasya   parvatasya_avatiṣṭʰate /32/

Verse: 33 
Halfverse: a    kabandʰas tv anuśāsyaivaṃ   tāv ubʰau rāmalakṣmaṇau
   kabandʰas tv anuśāsya_evaṃ   tāv ubʰau rāma-lakṣmaṇau /
Halfverse: c    sragvī bʰāskaravarṇābʰaḥ   kʰe vyarocata vīryavān
   sragvī bʰāskara-varṇa_ābʰaḥ   kʰe vyarocata vīryavān /33/

Verse: 34 
Halfverse: a    taṃ tu kʰastʰaṃ mahābʰāgaṃ   kabandʰaṃ rāmalakṣmaṇau
   taṃ tu kʰastʰaṃ mahā-bʰāgaṃ   kabandʰaṃ rāma-lakṣmaṇau /
Halfverse: c    prastʰitau tvaṃ vrajasveti   vākyam ūcatur antikāt
   prastʰitau tvaṃ vrajasva_iti   vākyam ūcatur antikāt /34/

Verse: 35 
Halfverse: a    gamyatāṃ kāryasiddʰyartʰam   iti tāv abravīc ca saḥ
   gamyatāṃ kārya-siddʰy-artʰam   iti tāv abravīc ca saḥ /
Halfverse: c    suprītau tāv anujñāpya   kabandʰaḥ prastʰitas tadā
   suprītau tāv anujñāpya   kabandʰaḥ prastʰitas tadā /35/

Verse: 36 


Halfverse: a    sa tat kabandʰaḥ pratipadya rūpaṃ    sa tat kabandʰaḥ pratipadya rūpaṃ
   sa tat kabandʰaḥ pratipadya rūpaṃ    sa tat kabandʰaḥ pratipadya rūpaṃ / {Gem}
Halfverse: b    vr̥taḥ śriyā bʰāskaratulyadehaḥ    vr̥taḥ śriyā bʰāskaratulyadehaḥ
   vr̥taḥ śriyā bʰāskara-tulya-dehaḥ    vr̥taḥ śriyā bʰāskara-tulya-dehaḥ / {Gem}
Halfverse: c    nidarśayan rāmam avekṣya kʰastʰaḥ    nidarśayan rāmam avekṣya kʰastʰaḥ
   nidarśayan rāmam avekṣya kʰastʰaḥ    nidarśayan rāmam avekṣya kʰastʰaḥ / {Gem}
Halfverse: d    sakʰyaṃ kuruṣveti tadābʰyuvāca    sakʰyaṃ kuruṣveti tadābʰyuvāca
   sakʰyaṃ kuruṣva_iti tadā_abʰyuvāca    sakʰyaṃ kuruṣva_iti tadā_abʰyuvāca /36/ {E} {Gem}




Next part


This text is part of the TITUS edition of Ramayana.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.