TITUS
Ramayana
Part No. 261
Previous part

Chapter: 2 
Adhyāya 2


Verse: 1 
Halfverse: a    tau tu dr̥ṣṭvā mahātmānau   bʰrātarau rāmalakṣmaṇau
   tau tu dr̥ṣṭvā mahātmānau   bʰrātarau rāma-lakṣmaṇau /
Halfverse: c    varāyudʰadʰarau vīrau   sugrīvaḥ śaṅkito 'bʰavat
   vara_āyudʰa-dʰarau vīrau   sugrīvaḥ śaṅkito_abʰavat /

Verse: 2 
Halfverse: a    udvignahr̥dayaḥ sarvā   diśaḥ samavalokayan
   udvigna-hr̥dayaḥ sarvā   diśaḥ samavalokayan /
Halfverse: c    na vyatiṣṭʰata kasmiṃś cid   deśe vānarapuṃgavaḥ
   na vyatiṣṭʰata kasmiṃścid   deśe vānara-puṃgavaḥ /

Verse: 3 
Halfverse: a    naiva cakre manaḥ stʰāne   vīkṣamāṇo mahābalau
   na_eva cakre manaḥ stʰāne   vīkṣamāṇo mahā-balau /
Halfverse: c    kapeḥ paramabʰītasya   cittaṃ vyavasasāda ha
   kapeḥ parama-bʰītasya   cittaṃ vyavasasāda ha /

Verse: 4 
Halfverse: a    cintayitvā sa dʰarmātmā   vimr̥śya gurulāgʰavam
   cintayitvā sa dʰarma_ātmā   vimr̥śya guru-lāgʰavam /
Halfverse: c    sugrīvaḥ paramodvignaḥ   sarvair anucaraiḥ saha
   sugrīvaḥ parama_udvignaḥ   sarvair anucaraiḥ saha /

Verse: 5 
Halfverse: a    tataḥ sa sacivebʰyas tu   sugrīvaḥ plavagādʰipaḥ
   tataḥ sa sacivebʰyas tu   sugrīvaḥ plavaga_adʰipaḥ /
Halfverse: c    śaśaṃsa paramodvignaḥ   paśyaṃs tau rāmalakṣmaṇau
   śaśaṃsa parama_udvignaḥ   paśyaṃs tau rāma-lakṣmaṇau /

Verse: 6 
Halfverse: a    etau vanam idaṃ durgaṃ   vālipraṇihitau dʰruvam
   etau vanam idaṃ durgaṃ   vāli-praṇihitau dʰruvam /
Halfverse: c    cʰadmanā cīravasanau   pracarantāv ihāgatau
   cʰadmanā cīra-vasanau   pracarantāv iha_āgatau /

Verse: 7 
Halfverse: a    tataḥ sugrīvasacivā   dr̥ṣṭvā paramadʰanvinau
   tataḥ sugrīva-sacivā   dr̥ṣṭvā parama-dʰanvinau /
Halfverse: c    jagmur giritaṭāt tasmād   anyac cʰikʰaram uttamam
   jagmur giri-taṭāt tasmād   anyat śikʰaram uttamam /

Verse: 8 
Halfverse: a    te kṣipram abʰigamyātʰa   yūtʰapā yūtʰaparṣabʰam
   te kṣipram abʰigamya_atʰa   yūtʰapā yūtʰapa-r̥ṣabʰam /
Halfverse: c    harayo vānaraśreṣṭʰaṃ   parivāryopatastʰire
   harayo vānara-śreṣṭʰaṃ   parivārya_upatastʰire /

Verse: 9 
Halfverse: a    ekam ekāyanagatāḥ   plavamānā girer girim
   ekam eka_ayana-gatāḥ   plavamānā girer girim /
Halfverse: c    prakampayanto vegena   girīṇāṃ śikʰarāṇi ca
   prakampayanto vegena   girīṇāṃ śikʰarāṇi ca /

Verse: 10 
Halfverse: a    tataḥ śākʰāmr̥gāḥ sarve   plavamānā mahābalāḥ
   tataḥ śākʰā-mr̥gāḥ sarve   plavamānā mahā-balāḥ /
Halfverse: c    babʰañjuś ca nagāṃs tatra   puṣpitān durgasaṃśritān
   babʰañjuś ca nagāṃs tatra   puṣpitān durga-saṃśritān /

Verse: 11 
Halfverse: a    āplavanto harivarāḥ   sarvatas taṃ mahāgirim
   āplavanto hari-varāḥ   sarvatas taṃ mahā-girim /
Halfverse: c    mr̥gamārjāraśārdūlāṃs   trāsayanto yayus tadā
   mr̥ga-mārjāra-śārdūlāṃs   trāsayanto yayus tadā /

Verse: 12 
Halfverse: a    tataḥ sugrīvasacivāḥ   parvatendraṃ samāśritāḥ
   tataḥ sugrīva-sacivāḥ   parvata_indraṃ samāśritāḥ /
Halfverse: c    saṃgamya kapimukʰyena   sarve prāñjalayaḥ stʰitāḥ
   saṃgamya kapi-mukʰyena   sarve prāñjalayaḥ stʰitāḥ /

Verse: 13 
Halfverse: a    tatas taṃ bʰayasaṃtrastaṃ   vālikilbiṣaśaṅkitam
   tatas taṃ bʰaya-saṃtrastaṃ   vāli-kilbiṣa-śaṅkitam /
Halfverse: c    uvāca hanumān vākyaṃ   sugrīvaṃ vākyakovidaḥ
   uvāca hanumān vākyaṃ   sugrīvaṃ vākya-kovidaḥ /

Verse: 14 
Halfverse: a    yasmād udvignacetās tvaṃ   pradruto haripuṃgava
   yasmād udvigna-cetās tvaṃ   pradruto hari-puṃgava /
Halfverse: c    taṃ krūradarśanaṃ krūraṃ   neha paśyāmi vālinam
   taṃ krūra-darśanaṃ krūraṃ   na_iha paśyāmi vālinam /

Verse: 15 
Halfverse: a    yasmāt tava bʰayaṃ saumya   pūrvajāt pāpakarmaṇaḥ
   yasmāt tava bʰayaṃ saumya   pūrvajāt pāpa-karmaṇaḥ /
Halfverse: c    sa neha vālī duṣṭātmā   na te paśyāmy ahaṃ bʰayam
   sa na_iha vālī duṣṭa_ātmā   na te paśyāmy ahaṃ bʰayam /

Verse: 16 
Halfverse: a    aho śākʰāmr̥gatvaṃ te   vyaktam eva plavaṃgama
   aho śākʰā-mr̥gatvaṃ te   vyaktam eva plavaṃ-gama /
Halfverse: c    lagʰucittatayātmānaṃ   na stʰāpayasi yo matau
   lagʰu-cittatayā_ātmānaṃ   na stʰāpayasi yo matau /

Verse: 17 
Halfverse: a    buddʰivijñānasaṃpanna   iṅgitaiḥ sarvam ācara
   buddʰi-vijñāna-saṃpanna   iṅgitaiḥ sarvam ācara /
Halfverse: c    na hy abuddʰiṃ gato rājā   sarvabʰūtāni śāsti hi
   na hy abuddʰiṃ gato rājā   sarva-bʰūtāni śāsti hi /

Verse: 18 
Halfverse: a    sugrīvas tu śubʰaṃ vākyaṃ   śrutvā sarvaṃ hanūmataḥ
   sugrīvas tu śubʰaṃ vākyaṃ   śrutvā sarvaṃ hanūmataḥ /
Halfverse: c    tataḥ śubʰataraṃ vākyaṃ   hanūmantam uvāca ha
   tataḥ śubʰataraṃ vākyaṃ   hanūmantam uvāca ha /

Verse: 19 
Halfverse: a    dīrgʰabāhū viśālākṣau   śaracāpāsidʰāriṇau
   dīrgʰa-bāhū viśāla_akṣau   śara-cāpa_asi-dʰāriṇau /
Halfverse: c    kasya na syād bʰayaṃ dr̥ṣṭvā   etau surasutopamau
   kasya na syād bʰayaṃ dr̥ṣṭvā   etau sura-suta_upamau /

Verse: 20 
Halfverse: a    vālipraṇihitāv etau   śaṅke 'haṃ puruṣottamau
   vāli-praṇihitāv etau   śaṅke_ahaṃ puruṣa_uttamau /
Halfverse: c    rājāno bahumitrāś ca   viśvāso nātra hi kṣamaḥ
   rājāno bahu-mitrāś ca   viśvāso na_atra hi kṣamaḥ /

Verse: 21 
Halfverse: a    arayaś ca manuṣyeṇa   vijñeyāś cʰannacāriṇaḥ
   arayaś ca manuṣyeṇa   vijñeyāś cʰanna-cāriṇaḥ /
Halfverse: c    viśvastānām aviśvastāś   cʰidreṣu praharanti hi
   viśvastānām aviśvastāś   cʰidreṣu praharanti hi /

Verse: 22 
Halfverse: a    kr̥tyeṣu vālī medʰāvī   rājāno bahudarśanāḥ
   kr̥tyeṣu vālī medʰāvī   rājāno bahu-darśanāḥ /
Halfverse: c    bʰavanti parahantāras   te jñeyāḥ prākr̥tair naraiḥ
   bʰavanti para-hantāras   te jñeyāḥ prākr̥tair naraiḥ /

Verse: 23 
Halfverse: a    tau tvayā prākr̥tenaiva   gatvā jñeyau plavaṃgama
   tau tvayā prākr̥tena_eva   gatvā jñeyau plavaṃ-gama /
Halfverse: c    śaṅkitānāṃ prakāraiś ca   rūpavyābʰāṣaṇena ca
   śaṅkitānāṃ prakāraiś ca   rūpa-vyābʰāṣaṇena ca /

Verse: 24 
Halfverse: a    lakṣayasva tayor bʰāvaṃ   prahr̥ṣṭamanasau yadi
   lakṣayasva tayor bʰāvaṃ   prahr̥ṣṭa-manasau yadi /
Halfverse: c    viśvāsayan praśaṃsābʰir   iṅgitaiś ca punaḥ punaḥ
   viśvāsayan praśaṃsābʰir   iṅgitaiś ca punaḥ punaḥ /

Verse: 25 
Halfverse: a    mamaivābʰimukʰaṃ stʰitvā   pr̥ccʰa tvaṃ haripuṃgava
   mama_eva_abʰimukʰaṃ stʰitvā   pr̥ccʰa tvaṃ hari-puṃgava /
Halfverse: c    prayojanaṃ praveśasya   vanasyāsya dʰanurdʰarau
   prayojanaṃ praveśasya   vanasya_asya dʰanur-dʰarau /

Verse: 26 
Halfverse: a    śuddʰātmānau yadi tv etau   jānīhi tvaṃ plavaṃgama
   śuddʰa_ātmānau yadi tv etau   jānīhi tvaṃ plavaṃ-gama /
Halfverse: c    vyābʰāṣitair vā rūpair vā   vijñeyā duṣṭatānayoḥ
   vyābʰāṣitair vā rūpair vā   vijñeyā duṣṭatā_anayoḥ /

Verse: 27 
Halfverse: a    ity evaṃ kapirājena   saṃdiṣṭo mārutātmajaḥ
   ity evaṃ kapi-rājena   saṃdiṣṭo māruta_ātmajaḥ /
Halfverse: c    cakāra gamane buddʰiṃ   yatra tau rāmalakṣmaṇau
   cakāra gamane buddʰiṃ   yatra tau rāma-lakṣmaṇau /

Verse: 28 


Halfverse: a    tatʰeti saṃpūjya vacas tu tasya    tatʰeti saṃpūjya vacas tu tasya
   tatʰā_iti saṃpūjya vacas tu tasya    tatʰā_iti saṃpūjya vacas tu tasya / {Gem}
Halfverse: b    kapeḥ subʰītasya durāsadasya    kapeḥ subʰītasya durāsadasya
   kapeḥ subʰītasya durāsadasya    kapeḥ subʰītasya durāsadasya / {Gem}
Halfverse: c    mahānubʰāvo hanumān yayau tadā    mahānubʰāvo hanumān yayau tadā
   mahā_anubʰāvo hanumān yayau tadā    mahā_anubʰāvo hanumān yayau tadā / {Gem}
Halfverse: d    sa yatra rāmo 'tibalaś ca lakṣmaṇaḥ    sa yatra rāmo 'tibalaś ca lakṣmaṇaḥ
   sa yatra rāmo_atibalaś ca lakṣmaṇaḥ    sa yatra rāmo_atibalaś ca lakṣmaṇaḥ / {E} {Gem}




Next part


This text is part of the TITUS edition of Ramayana.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.