TITUS
Ramayana
Part No. 263
Previous part

Chapter: 4 
Adhyāya 4


Verse: 1 
Halfverse: a    tataḥ prahr̥ṣṭo hanumān   kr̥tyavān iti tad vacaḥ
   tataḥ prahr̥ṣṭo hanumān   kr̥tyavān iti tad vacaḥ /
Halfverse: c    śrutvā madʰurasaṃbʰāṣaṃ   sugrīvaṃ manasā gataḥ
   śrutvā madʰura-saṃbʰāṣaṃ   sugrīvaṃ manasā gataḥ /

Verse: 2 
Halfverse: a    bʰavyo rājyāgamas tasya   sugrīvasya mahātmanaḥ
   bʰavyo rājya_āgamas tasya   sugrīvasya mahātmanaḥ /
Halfverse: c    yad ayaṃ kr̥tyavān prāptaḥ   kr̥tyaṃ caitad upāgatam
   yad ayaṃ kr̥tyavān prāptaḥ   kr̥tyaṃ ca_etad upāgatam /

Verse: 3 
Halfverse: a    tataḥ paramasaṃhr̥ṣṭo   hanūmān plavagarṣabʰaḥ
   tataḥ parama-saṃhr̥ṣṭo   hanūmān plavaga-r̥ṣabʰaḥ /
Halfverse: c    pratyuvāca tato vākyaṃ   rāmaṃ vākyaviśāradaḥ
   pratyuvāca tato vākyaṃ   rāmaṃ vākya-viśāradaḥ /

Verse: 4 
Halfverse: a    kimartʰaṃ tvaṃ vanaṃ gʰoraṃ   pampākānanamaṇḍitam
   kim-artʰaṃ tvaṃ vanaṃ gʰoraṃ   pampā-kānana-maṇḍitam /
Halfverse: c    āgataḥ sānujo durgaṃ   nānāvyālamr̥gāyutam
   āgataḥ sānujo durgaṃ   nānā-vyāla-mr̥ga_āyutam /

Verse: 5 
Halfverse: a    tasya tadvacanaṃ śrutvā   lakṣmaṇo rāmacoditaḥ
   tasya tad-vacanaṃ śrutvā   lakṣmaṇo rāma-coditaḥ /
Halfverse: c    ācacakṣe mahātmānaṃ   rāmaṃ daśaratʰātmajam
   ācacakṣe mahātmānaṃ   rāmaṃ daśaratʰa_ātmajam /

Verse: 6 
Halfverse: a    rājā daśaratʰo nāma   dyutimān dʰarmavatsalaḥ
   rājā daśaratʰo nāma   dyutimān dʰarma-vatsalaḥ /
Halfverse: c    tasyāyaṃ pūrvajaḥ putro   rāmo nāma janaiḥ śrutaḥ
   tasya_ayaṃ pūrvajaḥ putro   rāmo nāma janaiḥ śrutaḥ /

Verse: 7 
Halfverse: a    śaraṇyaḥ sarvabʰūtānāṃ   pitur nirdeśapāragaḥ
   śaraṇyaḥ sarva-bʰūtānāṃ   pitur nirdeśa-pāragaḥ /
Halfverse: c    vīro daśaratʰasyāyaṃ   putrāṇāṃ guṇavattaraḥ
   vīro daśaratʰasya_ayaṃ   putrāṇāṃ guṇavattaraḥ /

Verse: 8 
Halfverse: a    rājyād bʰraṣṭo vane vastuṃ   mayā sārdʰam ihāgataḥ
   rājyād bʰraṣṭo vane vastuṃ   mayā sārdʰam iha_āgataḥ /
Halfverse: c    bʰāryayā ca mahātejāḥ   sītayānugato vaśī
   bʰāryayā ca mahā-tejāḥ   sītayā_anugato vaśī /
Halfverse: e    dinakṣaye mahātejāḥ   prabʰayeva divākaraḥ
   dina-kṣaye mahā-tejāḥ   prabʰayā_iva divā-karaḥ /

Verse: 9 
Halfverse: a    aham asyāvaro bʰrātā   guṇair dāsyam upāgataḥ
   aham asya_avaro bʰrātā   guṇair dāsyam upāgataḥ /
Halfverse: c    kr̥tajñasya bahujñasya   lakṣmaṇo nāma nāmataḥ
   kr̥tajñasya bahujñasya   lakṣmaṇo nāma nāmataḥ /

Verse: 10 
Halfverse: a    sukʰārhasya mahārhasya   sarvabʰūtahitātmanaḥ
   sukʰa_arhasya mahā_arhasya   sarva-bʰūta-hita_ātmanaḥ /
Halfverse: c    aiśvaryeṇa vihīnasya   vanavāsāśritasya ca
   aiśvaryeṇa vihīnasya   vana-vāsa_āśritasya ca /

Verse: 11 
Halfverse: a    rakṣasāpahr̥tā bʰāryā   rahite kāmarūpiṇā
   rakṣasā_apahr̥tā bʰāryā   rahite kāma-rūpiṇā /
Halfverse: c    tac ca na jñāyate rakṣaḥ   patnī yenāsya sā hr̥tā
   tac ca na jñāyate rakṣaḥ   patnī yena_asya sā hr̥tā /

Verse: 12 
Halfverse: a    danur nāma śriyaḥ putraḥ   śāpād rākṣasatāṃ gataḥ
   danur nāma śriyaḥ putraḥ   śāpād rākṣasatāṃ gataḥ /
Halfverse: c    ākʰyātas tena sugrīvaḥ   samartʰo vānarādʰipaḥ
   ākʰyātas tena sugrīvaḥ   samartʰo vānara_adʰipaḥ /

Verse: 13 
Halfverse: a    sa jñāsyati mahāvīryas   tava bʰāryāpahāriṇam
   sa jñāsyati mahā-vīryas   tava bʰāryā_apahāriṇam /
Halfverse: c    evam uktvā danuḥ svargaṃ   bʰrājamāno gataḥ sukʰam
   evam uktvā danuḥ svargaṃ   bʰrājamāno gataḥ sukʰam /

Verse: 14 
Halfverse: a    etat te sarvam ākʰyātaṃ   yātʰātatʰyena pr̥ccʰataḥ
   etat te sarvam ākʰyātaṃ   yātʰātatʰyena pr̥ccʰataḥ /
Halfverse: c    ahaṃ caiva hi rāmaś ca   sugrīvaṃ śaraṇaṃ gatau
   ahaṃ caiva hi rāmaś ca   sugrīvaṃ śaraṇaṃ gatau /

Verse: 15 
Halfverse: a    eṣa dattvā ca vittāni   prāpya cānuttamaṃ yaśaḥ
   eṣa dattvā ca vittāni   prāpya ca_anuttamaṃ yaśaḥ /
Halfverse: c    lokanātʰaḥ purā bʰūtvā   sugrīvaṃ nātʰam iccʰati
   loka-nātʰaḥ purā bʰūtvā   sugrīvaṃ nātʰam iccʰati /

Verse: 16 
Halfverse: a    śokābʰibʰūte rāme tu   śokārte śaraṇaṃ gate
   śoka_abʰibʰūte rāme tu   śoka_ārte śaraṇaṃ gate /
Halfverse: c    kartum arhati sugrīvaḥ   prasādaṃ saha yūtʰapaiḥ
   kartum arhati sugrīvaḥ   prasādaṃ saha yūtʰapaiḥ /

Verse: 17 
Halfverse: a    evaṃ bruvāṇaṃ saumitriṃ   karuṇaṃ sāśrupātanam
   evaṃ bruvāṇaṃ saumitriṃ   karuṇaṃ sāśru-pātanam /
Halfverse: c    hanūmān pratyuvācedaṃ   vākyaṃ vākyaviśāradaḥ
   hanūmān pratyuvāca_idaṃ   vākyaṃ vākya-viśāradaḥ /

Verse: 18 
Halfverse: a    īdr̥śā buddʰisaṃpannā   jitakrodʰā jitendriyāḥ
   īdr̥śā buddʰi-saṃpannā   jita-krodʰā jita_indriyāḥ /
Halfverse: c    draṣṭavyā vānarendreṇa   diṣṭyā darśanam āgatāḥ
   draṣṭavyā vānara_indreṇa   diṣṭyā darśanam āgatāḥ /

Verse: 19 
Halfverse: a    sa hi rājyāc ca vibʰraṣṭaḥ   kr̥tavairaś ca vālinā
   sa hi rājyāc ca vibʰraṣṭaḥ   kr̥ta-vairaś ca vālinā /
Halfverse: c    hr̥tadāro vane trasto   bʰrātrā vinikr̥to bʰr̥śam
   hr̥ta-dāro vane trasto   bʰrātrā vinikr̥to bʰr̥śam /

Verse: 20 
Halfverse: a    kariṣyati sa sāhāyyaṃ   yuvayor bʰāskarātmajaḥ
   kariṣyati sa sāhāyyaṃ   yuvayor bʰāskara_ātmajaḥ /
Halfverse: c    sugrīvaḥ saha cāsmābʰiḥ   sītāyāḥ parimārgaṇe
   sugrīvaḥ saha ca_asmābʰiḥ   sītāyāḥ parimārgaṇe /

Verse: 21 
Halfverse: a    ity evam uktvā hanumāñ   ślakṣṇaṃ madʰurayā girā
   ity evam uktvā hanumān   ślakṣṇaṃ madʰurayā girā /
Halfverse: c    babʰāṣe so 'bʰigaccʰāmaḥ   sugrīvam iti rāgʰavam
   babʰāṣe so_abʰigaccʰāmaḥ   sugrīvam iti rāgʰavam /

Verse: 22 
Halfverse: a    evaṃ bruvāṇaṃ dʰarmātmā   hanūmantaṃ sa lakṣmaṇaḥ
   evaṃ bruvāṇaṃ dʰarma_ātmā   hanūmantaṃ sa lakṣmaṇaḥ /
Halfverse: c    pratipūjya yatʰānyāyam   idaṃ provāca rāgʰavam
   pratipūjya yatʰā-nyāyam   idaṃ provāca rāgʰavam /

Verse: 23 
Halfverse: a    kapiḥ katʰayate hr̥ṣṭo   yatʰāyaṃ mārutātmajaḥ
   kapiḥ katʰayate hr̥ṣṭo   yatʰā_ayaṃ māruta_ātmajaḥ /
Halfverse: c    kr̥tyavān so 'pi saṃprāptaḥ   kr̥takr̥tyo 'si rāgʰava
   kr̥tyavān so_api saṃprāptaḥ   kr̥ta-kr̥tyo_asi rāgʰava /

Verse: 24 
Halfverse: a    prasannamukʰavarṇaś ca   vyaktaṃ hr̥ṣṭaś ca bʰāṣate
   prasanna-mukʰa-varṇaś ca   vyaktaṃ hr̥ṣṭaś ca bʰāṣate /
Halfverse: c    nānr̥taṃ vakṣyate vīro   hanūmān mārutātmajaḥ
   na_anr̥taṃ vakṣyate vīro   hanūmān māruta_ātmajaḥ /

Verse: 25 
Halfverse: a    tataḥ sa tu mahāprājño   hanūmān mārutātmajaḥ
   tataḥ sa tu mahā-prājño   hanūmān māruta_ātmajaḥ /
Halfverse: c    jagāmādāya tau vīrau   harirājāya rāgʰavau
   jagāma_ādāya tau vīrau   hari-rājāya rāgʰavau /

Verse: 26 
Halfverse: a    sa tu vipula yaśāḥ kapipravīraḥ   pavanasutaḥ kr̥takr̥tyavat prahr̥ṣṭaḥ
   sa tu vipula yaśāḥ kapi-pravīraḥ   pavana-sutaḥ kr̥ta-kr̥tyavat prahr̥ṣṭaḥ /
Halfverse: c    girivaram uruvikramaḥ   prayātaḥ sa śubʰamatiḥ saha rāmalakṣmaṇābʰyām
   giri-varam uru-vikramaḥ   prayātaḥ sa śubʰa-matiḥ saha rāma-lakṣmaṇābʰyām / {E}



Next part


This text is part of the TITUS edition of Ramayana.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.