TITUS
Ramayana
Part No. 268
Previous part

Chapter: 9 
Adhyāya 9


Verse: 1 
Halfverse: a    vālī nāma mama bʰrātā   jyeṣṭʰaḥ śatruniṣūdanaḥ
   vālī nāma mama bʰrātā   jyeṣṭʰaḥ śatru-niṣūdanaḥ /
Halfverse: c    pitur bahumato nityaṃ   mama cāpi tatʰā purā
   pitur bahumato nityaṃ   mama ca_api tatʰā purā /

Verse: 2 
Halfverse: a    pitary uparate 'smākaṃ   jyeṣṭʰo 'yam iti mantribʰiḥ
   pitary uparate_asmākaṃ   jyeṣṭʰo_ayam iti mantribʰiḥ /
Halfverse: c    kapīnām īśvaro rājye   kr̥taḥ paramasaṃmataḥ
   kapīnām īśvaro rājye   kr̥taḥ parama-saṃmataḥ /

Verse: 3 
Halfverse: a    rājyaṃ praśāsatas tasya   pitr̥paitāmahaṃ mahat
   rājyaṃ praśāsatas tasya   pitr̥-paitāmahaṃ mahat /
Halfverse: c    ahaṃ sarveṣu kāleṣu   praṇataḥ preṣyavat stʰitaḥ
   ahaṃ sarveṣu kāleṣu   praṇataḥ preṣyavat stʰitaḥ /

Verse: 4 
Halfverse: a    māyāvī nāma tejasvī   pūrvajo dundubʰeḥ sutaḥ
   māyāvī nāma tejasvī   pūrvajo dundubʰeḥ sutaḥ /
Halfverse: c    tena tasya mahad vairaṃ   strīkr̥taṃ viśrutaṃ purā
   tena tasya mahad vairaṃ   strī-kr̥taṃ viśrutaṃ purā /

Verse: 5 
Halfverse: a    sa tu supte jane rātrau   kiṣkindʰād vāram āgataḥ
   sa tu supte jane rātrau   kiṣkindʰād vāram āgataḥ /
Halfverse: c    nardati sma susaṃrabdʰo   vālinaṃ cāhvayad raṇe
   nardati sma susaṃrabdʰo   vālinaṃ ca_āhvayad raṇe /

Verse: 6 
Halfverse: a    prasuptas tu mama bʰrātā   narditaṃ bʰairavasvanam
   prasuptas tu mama bʰrātā   narditaṃ bʰairava-svanam /
Halfverse: c    śrutvā na mamr̥ṣe vālī   niṣpapāta javāt tadā
   śrutvā na mamr̥ṣe vālī   niṣpapāta javāt tadā /

Verse: 7 
Halfverse: a    sa tu vai niḥsr̥taḥ krodʰāt   taṃ hantum asurottamam
   sa tu vai niḥsr̥taḥ krodʰāt   taṃ hantum asura_uttamam /
Halfverse: c    vāryamāṇas tataḥ strībʰir   mayā ca praṇatātmanā
   vāryamāṇas tataḥ strībʰir   mayā ca praṇata_ātmanā /

Verse: 8 
Halfverse: a    sa tu nirdʰūya sarvānno   nirjagāma mahābalaḥ
   sa tu nirdʰūya sarva_anno   nirjagāma mahā-balaḥ /
Halfverse: c    tato 'ham api sauhārdān   niḥsr̥to vālinā saha
   tato_aham api sauhārdān   niḥsr̥to vālinā saha /

Verse: 9 
Halfverse: a    sa tu me bʰrātaraṃ dr̥ṣṭvā   māṃ ca dūrād avastʰitam
   sa tu me bʰrātaraṃ dr̥ṣṭvā   māṃ ca dūrād avastʰitam /
Halfverse: c    asuro jātasaṃtrāsaḥ   pradudrāva tadā bʰr̥śam
   asuro jāta-saṃtrāsaḥ   pradudrāva tadā bʰr̥śam /

Verse: 10 
Halfverse: a    tasmin dravati saṃtraste   hy āvāṃ drutataraṃ gatau
   tasmin dravati saṃtraste   hy āvāṃ drutataraṃ gatau / {Pāda}
Halfverse: c    prakāśo 'pi kr̥to mārgaś   candreṇodgaccʰatā tadā
   prakāśo_api kr̥to mārgaś   candreṇa_udgaccʰatā tadā /

Verse: 11 
Halfverse: a    sa tr̥ṇair āvr̥taṃ durgaṃ   dʰaraṇyā vivaraṃ mahat
   sa tr̥ṇair āvr̥taṃ durgaṃ   dʰaraṇyā vivaraṃ mahat /
Halfverse: c    praviveśāsuro vegād   āvām āsādya viṣṭʰitau
   praviveśa_asuro vegād   āvām āsādya viṣṭʰitau /

Verse: 12 
Halfverse: a    taṃ praviṣṭaṃ ripuṃ dr̥ṣṭvā   bilaṃ roṣavaśaṃ gataḥ
   taṃ praviṣṭaṃ ripuṃ dr̥ṣṭvā   bilaṃ roṣa-vaśaṃ gataḥ /
Halfverse: c    mām uvāca tadā vālī   vacanaṃ kṣubʰitendriyaḥ
   mām uvāca tadā vālī   vacanaṃ kṣubʰita_indriyaḥ /

Verse: 13 
Halfverse: a    iha tvaṃ tiṣṭʰa sugrīva   biladvāri samāhitaḥ
   iha tvaṃ tiṣṭʰa sugrīva   bila-dvāri samāhitaḥ /
Halfverse: c    yāvad atra praviśyāhaṃ   nihanmi samare ripum
   yāvad atra praviśya_ahaṃ   nihanmi samare ripum /

Verse: 14 
Halfverse: a    mayā tv etad vacaḥ śrutvā   yācitaḥ sa paraṃtapa
   mayā tv etad vacaḥ śrutvā   yācitaḥ sa paraṃ-tapa /
Halfverse: c    śāpayitvā ca māṃ padbʰyāṃ   praviveśa bilaṃ tadā
   śāpayitvā ca māṃ padbʰyāṃ   praviveśa bilaṃ tadā /

Verse: 15 
Halfverse: a    tasya praviṣṭasya bilaṃ   sāgraḥ saṃvatsaro gataḥ
   tasya praviṣṭasya bilaṃ   sāgraḥ saṃvatsaro gataḥ /
Halfverse: c    stʰitasya ca mama dvāri   sa kālo vyatyavartata
   stʰitasya ca mama dvāri   sa kālo vyatyavartata /

Verse: 16 
Halfverse: a    ahaṃ tu naṣṭaṃ taṃ jñātvā   snehād āgatasaṃbʰramaḥ
   ahaṃ tu naṣṭaṃ taṃ jñātvā   snehād āgata-saṃbʰramaḥ /
Halfverse: c    bʰrātaraṃ na hi paśyāmi   pāpaśaṅki ca me manaḥ
   bʰrātaraṃ na hi paśyāmi   pāpa-śaṅki ca me manaḥ /

Verse: 17 
Halfverse: a    atʰa dīrgʰasya kālasya   bilāt tasmād viniḥsr̥tam
   atʰa dīrgʰasya kālasya   bilāt tasmād viniḥsr̥tam /
Halfverse: c    sapʰenaṃ rudʰiraṃ raktam   ahaṃ dr̥ṣṭvā suduḥkʰitaḥ
   sapʰenaṃ rudʰiraṃ raktam   ahaṃ dr̥ṣṭvā suduḥkʰitaḥ /

Verse: 18 
Halfverse: a    nardatām asurāṇāṃ ca   dʰvanir me śrotram āgataḥ
   nardatām asurāṇāṃ ca   dʰvanir me śrotram āgataḥ /
Halfverse: c    nirastasya ca saṃgrāme   krośato niḥsvano guroḥ
   nirastasya ca saṃgrāme   krośato niḥsvano guroḥ /

Verse: 19 
Halfverse: a    ahaṃ tv avagato buddʰyā   cihnais tair bʰrātaraṃ hatam
   ahaṃ tv avagato buddʰyā   cihnais tair bʰrātaraṃ hatam /
Halfverse: c    pidʰāya ca biladvāraṃ   śilayā girimātrayā
   pidʰāya ca bila-dvāraṃ   śilayā giri-mātrayā /
Halfverse: e    śokārtaś codakaṃ kr̥tvā   kiṣkindʰām āgataḥ sakʰe
   śoka_ārtaś ca_udakaṃ kr̥tvā   kiṣkindʰām āgataḥ sakʰe /

Verse: 20 
Halfverse: a    gūhamānasya me tattvaṃ   yatnato mantribʰiḥ śrutam
   gūhamānasya me tattvaṃ   yatnato mantribʰiḥ śrutam /
Halfverse: c    tato 'haṃ taiḥ samāgamya   sametair abʰiṣecitaḥ
   tato_ahaṃ taiḥ samāgamya   sametair abʰiṣecitaḥ /

Verse: 21 
Halfverse: a    rājyaṃ praśāsatas tasya   nyāyato mama rāgʰava
   rājyaṃ praśāsatas tasya   nyāyato mama rāgʰava /
Halfverse: c    ājagāma ripuṃ hatvā   vālī tam asurottamam
   ājagāma ripuṃ hatvā   vālī tam asura_uttamam /

Verse: 22 
Halfverse: a    abʰiṣiktaṃ tu māṃ dr̥ṣṭvā   krodʰāt saṃraktalocanaḥ
   abʰiṣiktaṃ tu māṃ dr̥ṣṭvā   krodʰāt saṃrakta-locanaḥ /
Halfverse: c    madīyān mantriṇo baddʰvā   paruṣaṃ vākyam abravīt
   madīyān mantriṇo baddʰvā   paruṣaṃ vākyam abravīt /

Verse: 23 
Halfverse: a    nigrahe 'pi samartʰasya   taṃ pāpaṃ prati rāgʰava
   nigrahe_api samartʰasya   taṃ pāpaṃ prati rāgʰava /
Halfverse: c    na prāvartata me buddʰir   bʰrātr̥gauravayantritā
   na prāvartata me buddʰir   bʰrātr̥-gaurava-yantritā /

Verse: 24 
Halfverse: a    mānayaṃs taṃ mahātmānaṃ   yatʰāvac cābʰyavādayam
   mānayaṃs taṃ mahātmānaṃ   yatʰāvac ca_abʰyavādayam /
Halfverse: c    uktāś ca nāśiṣas tena   saṃtuṣṭenāntarātmanā
   uktāś ca na_āśiṣas tena   saṃtuṣṭena_antar-ātmanā / {E}



Next part


This text is part of the TITUS edition of Ramayana.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.