TITUS
Ramayana
Part No. 271
Previous part

Chapter: 12 
Adhyāya 12


Verse: 1 
Halfverse: a    etac ca vacanaṃ śrutvā   sugrīveṇa subʰāṣitam
   etac ca vacanaṃ śrutvā   sugrīveṇa subʰāṣitam /
Halfverse: c    pratyayārtʰaṃ mahātejā   rāmo jagrāha kārmukam
   pratyaya_artʰaṃ mahā-tejā   rāmo jagrāha kārmukam /

Verse: 2 
Halfverse: a    sa gr̥hītvā dʰanur gʰoraṃ   śaram ekaṃ ca mānadaḥ
   sa gr̥hītvā dʰanur gʰoraṃ   śaram ekaṃ ca mānadaḥ /
Halfverse: c    sālān uddiśya cikṣepa   jyāsvanaiḥ pūrayan diśaḥ
   sālān uddiśya cikṣepa   jyā-svanaiḥ pūrayan diśaḥ /

Verse: 3 
Halfverse: a    sa visr̥ṣṭo balavatā   bāṇaḥ svarṇapariṣkr̥taḥ
   sa visr̥ṣṭo balavatā   bāṇaḥ svarṇa-pariṣkr̥taḥ /
Halfverse: c    bʰittvā sālān giriprastʰe   sapta bʰūmiṃ viveśa ha
   bʰittvā sālān giri-prastʰe   sapta bʰūmiṃ viveśa ha /

Verse: 4 
Halfverse: a    praviṣṭas tu muhūrtena   rasāṃ bʰittvā mahājavaḥ
   praviṣṭas tu muhūrtena   rasāṃ bʰittvā mahā-javaḥ /
Halfverse: c    niṣpatya ca punas tūrṇaṃ   svatūṇīṃ praviveśa ha
   niṣpatya ca punas tūrṇaṃ   sva-tūṇīṃ praviveśa ha /

Verse: 5 
Halfverse: a    tān dr̥ṣṭvā sapta nirbʰinnān   sālān vānarapuṃgavaḥ
   tān dr̥ṣṭvā sapta nirbʰinnān   sālān vānara-puṃgavaḥ /
Halfverse: c    rāmasya śaravegena   vismayaṃ paramaṃ gataḥ
   rāmasya śara-vegena   vismayaṃ paramaṃ gataḥ /

Verse: 6 
Halfverse: a    sa mūrdʰnā nyapatad bʰūmau   pralambīkr̥tabʰūṣaṇaḥ
   sa mūrdʰnā nyapatad bʰūmau   pralambī-kr̥ta-bʰūṣaṇaḥ /
Halfverse: c    sugrīvaḥ paramaprīto   rāgʰavāya kr̥tāñjaliḥ
   sugrīvaḥ parama-prīto   rāgʰavāya kr̥ta_añjaliḥ /

Verse: 7 
Halfverse: a    idaṃ covāca dʰarmajñaṃ   karmaṇā tena harṣitaḥ
   idaṃ ca_uvāca dʰarmajñaṃ   karmaṇā tena harṣitaḥ /
Halfverse: c    rāmaṃ sarvāstraviduṣāṃ   śreṣṭʰaṃ śūram avastʰitam
   rāmaṃ sarva_astra-viduṣāṃ   śreṣṭʰaṃ śūram avastʰitam /

Verse: 8 
Halfverse: a    sendrān api surān sarvāṃs   tvaṃ bāṇaiḥ puruṣarṣabʰa
   sa_indrān api surān sarvāṃs   tvaṃ bāṇaiḥ puruṣa-r̥ṣabʰa /
Halfverse: c    samartʰaḥ samare hantuṃ   kiṃ punar vālinaṃ prabʰo
   samartʰaḥ samare hantuṃ   kiṃ punar vālinaṃ prabʰo /

Verse: 9 
Halfverse: a    yena sapta mahāsālā   girir bʰūmiś ca dāritāḥ
   yena sapta mahā-sālā   girir bʰūmiś ca dāritāḥ /
Halfverse: c    bāṇenaikena kākutstʰa   stʰātā te ko raṇāgrataḥ
   bāṇena_ekena kākutstʰa   stʰātā te ko raṇa_agrataḥ /

Verse: 10 
Halfverse: a    adya me vigataḥ śokaḥ   prītir adya parā mama
   adya me vigataḥ śokaḥ   prītir adya parā mama /
Halfverse: c    suhr̥daṃ tvāṃ samāsādya   mahendravaruṇopamam
   suhr̥daṃ tvāṃ samāsādya   mahā_indra-varuṇa_upamam /

Verse: 11 
Halfverse: a    tam adyaiva priyārtʰaṃ me   vairiṇaṃ bʰrātr̥rūpiṇam
   tam adya_eva priya_artʰaṃ me   vairiṇaṃ bʰrātr̥-rūpiṇam /
Halfverse: c    vālinaṃ jahi kākutstʰa   mayā baddʰo 'yam añjaliḥ
   vālinaṃ jahi kākutstʰa   mayā baddʰo_ayam añjaliḥ /

Verse: 12 
Halfverse: a    tato rāmaḥ pariṣvajya   sugrīvaṃ priyadarśanam
   tato rāmaḥ pariṣvajya   sugrīvaṃ priya-darśanam /
Halfverse: c    pratyuvāca mahāprājño   lakṣmaṇānumataṃ vacaḥ
   pratyuvāca mahā-prājño   lakṣmaṇa_anumataṃ vacaḥ /

Verse: 13 
Halfverse: a    asmād gaccʰāma kiṣkindʰāṃ   kṣipraṃ gaccʰa tvam agrataḥ
   asmād gaccʰāma kiṣkindʰāṃ   kṣipraṃ gaccʰa tvam agrataḥ /
Halfverse: c    gatvā cāhvaya sugrīva   vālinaṃ bʰrātr̥gandʰinam
   gatvā ca_āhvaya sugrīva   vālinaṃ bʰrātr̥-gandʰinam /

Verse: 14 
Halfverse: a    sarve te tvaritaṃ gatvā   kiṣkindʰāṃ vālinaḥ purīm
   sarve te tvaritaṃ gatvā   kiṣkindʰāṃ vālinaḥ purīm /
Halfverse: c    vr̥kṣair ātmānam āvr̥tya   vyatiṣṭʰan gahane vane
   vr̥kṣair ātmānam āvr̥tya   vyatiṣṭʰan gahane vane /

Verse: 15 
Halfverse: a    sugrīvo vyanadad gʰoraṃ   vālino hvānakāraṇāt
   sugrīvo vyanadad gʰoraṃ   vālino hvāna-kāraṇāt /
Halfverse: c    gāḍʰaṃ parihito vegān   nādair bʰindann ivāmbaram
   gāḍʰaṃ parihito vegān   nādair bʰindann iva_ambaram /

Verse: 16 
Halfverse: a    taṃ śrutvā ninadaṃ bʰrātuḥ   kruddʰo vālī mahābalaḥ
   taṃ śrutvā ninadaṃ bʰrātuḥ   kruddʰo vālī mahā-balaḥ /
Halfverse: c    niṣpapāta susaṃrabdʰo   bʰāskaro 'stataṭād iva
   niṣpapāta susaṃrabdʰo   bʰāskaro_asta-taṭād iva /

Verse: 17 
Halfverse: a    tataḥ sutumulaṃ yuddʰaṃ   vālisugrīvayor abʰūt
   tataḥ sutumulaṃ yuddʰaṃ   vāli-sugrīvayor abʰūt /
Halfverse: c    gagane grahayor gʰoraṃ   budʰāṅgārakayor iva
   gagane grahayor gʰoraṃ   budʰa_aṅgārakayor iva /

Verse: 18 
Halfverse: a    talair aśanikalpaiś ca   vajrakalpaiś ca muṣṭibʰiḥ
   talair aśani-kalpaiś ca   vajra-kalpaiś ca muṣṭibʰiḥ /
Halfverse: c    jagʰnatuḥ samare 'nyonyaṃ   bʰrātarau krodʰamūrcʰitau
   jagʰnatuḥ samare_anyonyaṃ   bʰrātarau krodʰa-mūrcʰitau /

Verse: 19 
Halfverse: a    tato rāmo dʰanuṣpāṇis   tāv ubʰau samudīkṣya tu
   tato rāmo dʰanuṣ-pāṇis   tāv ubʰau samudīkṣya tu /
Halfverse: c    anyonyasadr̥śau vīrāv   ubʰau devāv ivāśvinau
   anyonya-sadr̥śau vīrāv   ubʰau devāv iva_aśvinau /

Verse: 20 
Halfverse: a    yan nāvagaccʰat sugrīvaṃ   vālinaṃ vāpi rāgʰavaḥ
   yan na_avagaccʰat sugrīvaṃ   vālinaṃ vā_api rāgʰavaḥ /
Halfverse: c    tato na kr̥tavān buddʰiṃ   moktum antakaraṃ śaram
   tato na kr̥tavān buddʰiṃ   moktum anta-karaṃ śaram /

Verse: 21 
Halfverse: a    etasminn antare bʰagnaḥ   sugrīvas tena vālinā
   etasminn antare bʰagnaḥ   sugrīvas tena vālinā /
Halfverse: c    apaśyan rāgʰavaṃ nātʰam   r̥śyamūkaṃ pradudruve
   apaśyan rāgʰavaṃ nātʰam   r̥śyamūkaṃ pradudruve /

Verse: 22 
Halfverse: a    klānto rudʰirasiktāṅgaḥ   prahārair jarjarīkr̥taḥ
   klānto rudʰira-sikta_aṅgaḥ   prahārair jarjarī-kr̥taḥ /
Halfverse: c    vālinābʰidrutaḥ krodʰāt   praviveśa mahāvanam
   vālinā_abʰidrutaḥ krodʰāt   praviveśa mahā-vanam /

Verse: 23 
Halfverse: a    taṃ praviṣṭaṃ vanaṃ dr̥ṣṭvā   vālī śāpabʰayāt tataḥ
   taṃ praviṣṭaṃ vanaṃ dr̥ṣṭvā   vālī śāpa-bʰayāt tataḥ /
Halfverse: c    mukto hy asi tvam ity uktvā   sa nivr̥tto mahābalaḥ
   mukto hy asi tvam ity uktvā   sa nivr̥tto mahā-balaḥ /

Verse: 24 
Halfverse: a    rāgʰavo 'pi saha bʰrātrā   saha caiva hanūmatā
   rāgʰavo_api saha bʰrātrā   saha caiva hanūmatā /
Halfverse: c    tad eva vanam āgaccʰat   sugrīvo yatra vānaraḥ
   tad eva vanam āgaccʰat   sugrīvo yatra vānaraḥ /

Verse: 25 
Halfverse: a    taṃ samīkṣyāgataṃ rāmaṃ   sugrīvaḥ sahalakṣmaṇam
   taṃ samīkṣya_āgataṃ rāmaṃ   sugrīvaḥ saha-lakṣmaṇam /
Halfverse: c    hrīmān dīnam uvācedaṃ   vasudʰām avalokayan
   hrīmān dīnam uvāca_idaṃ   vasudʰām avalokayan /

Verse: 26 
Halfverse: a    āhvayasveti mām uktvā   darśayitvā ca vikramam
   āhvayasva_iti mām uktvā   darśayitvā ca vikramam /
Halfverse: c    vairiṇā gʰātayitvā ca   kim idānīṃ tvayā kr̥tam
   vairiṇā gʰātayitvā ca   kim idānīṃ tvayā kr̥tam /

Verse: 27 
Halfverse: a    tām eva velāṃ vaktavyaṃ   tvayā rāgʰava tattvataḥ
   tām eva velāṃ vaktavyaṃ   tvayā rāgʰava tattvataḥ /
Halfverse: c    vālinaṃ na nihanmīti   tato nāham ito vraje
   vālinaṃ na nihanmi_iti   tato na_aham ito vraje /

Verse: 28 
Halfverse: a    tasya caivaṃ bruvāṇasya   sugrīvasya mahātmanaḥ
   tasya caivaṃ bruvāṇasya   sugrīvasya mahātmanaḥ /
Halfverse: c    karuṇaṃ dīnayā vācā   rāgʰavaḥ punar abravīt
   karuṇaṃ dīnayā vācā   rāgʰavaḥ punar abravīt /

Verse: 29 
Halfverse: a    sugrīva śrūyatāṃ tātaḥ   krodʰaś ca vyapanīyatām
   sugrīva śrūyatāṃ tātaḥ   krodʰaś ca vyapanīyatām /
Halfverse: c    kāraṇaṃ yena bāṇo 'yaṃ   na mayā sa visarjitaḥ
   kāraṇaṃ yena bāṇo_ayaṃ   na mayā sa visarjitaḥ /

Verse: 30 
Halfverse: a    alaṃkāreṇa veṣeṇa   pramāṇena gatena ca
   alaṃkāreṇa veṣeṇa   pramāṇena gatena ca /
Halfverse: c    tvaṃ ca sugrīva vālī ca   sadr̥śau stʰaḥ parasparam
   tvaṃ ca sugrīva vālī ca   sadr̥śau stʰaḥ parasparam /

Verse: 31 
Halfverse: a    svareṇa varcasā caiva   prekṣitena ca vānara
   svareṇa varcasā caiva   prekṣitena ca vānara /
Halfverse: c    vikrameṇa ca vākyaiś ca   vyaktiṃ vāṃ nopalakṣaye
   vikrameṇa ca vākyaiś ca   vyaktiṃ vāṃ na_upalakṣaye /

Verse: 32 
Halfverse: a    tato 'haṃ rūpasādr̥śyān   mohito vānarottama
   tato_ahaṃ rūpa-sādr̥śyān   mohito vānara_uttama /
Halfverse: c    notsr̥jāmi mahāvegaṃ   śaraṃ śatrunibarhaṇam
   na_utsr̥jāmi mahā-vegaṃ   śaraṃ śatru-nibarhaṇam /

Verse: 33 
Halfverse: a    etanmuhūrte tu mayā   paśya vālinam āhave
   etan-muhūrte tu mayā   paśya vālinam āhave /
Halfverse: c    nirastam iṣuṇaikena   veṣṭamānaṃ mahītale
   nirastam iṣuṇā_ekena   veṣṭamānaṃ mahī-tale /

Verse: 34 
Halfverse: a    abʰijñānaṃ kuruṣva tvam   ātmano vānareśvara
   abʰijñānaṃ kuruṣva tvam   ātmano vānara_īśvara /
Halfverse: c    yena tvām abʰijānīyāṃ   dvandvayuddʰam upāgatam
   yena tvām abʰijānīyāṃ   dvandva-yuddʰam upāgatam /

Verse: 35 
Halfverse: a    gajapuṣpīm imāṃ pʰullām   utpāṭya śubʰalakṣaṇām
   gaja-puṣpīm imāṃ pʰullām   utpāṭya śubʰa-lakṣaṇām /
Halfverse: c    kuru lakṣmaṇa kaṇṭʰe 'sya   sugrīvasya mahātmanaḥ
   kuru lakṣmaṇa kaṇṭʰe_asya   sugrīvasya mahātmanaḥ /

Verse: 36 
Halfverse: a    tato giritaṭe jātām   utpāṭya kusumāyutām
   tato giri-taṭe jātām   utpāṭya kusuma_āyutām /
Halfverse: c    lakṣmaṇo gajapuṣpīṃ tāṃ   tasya kaṇṭʰe vyasarjayat
   lakṣmaṇo gaja-puṣpīṃ tāṃ   tasya kaṇṭʰe vyasarjayat /

Verse: 37 
Halfverse: a    sa tatʰā śuśubʰe śrīmām̐l   latayā kaṇṭʰasaktayā
   sa tatʰā śuśubʰe śrīmām̐l   latayā kaṇṭʰa-saktayā /
Halfverse: c    mālayeva balākānāṃ   sasaṃdʰya iva toyadaḥ
   mālayā_iva balākānāṃ   sasaṃdʰya iva toyadaḥ /

Verse: 38 
Halfverse: a    vibʰrājamāno vapuṣā   rāmavākyasamāhitaḥ
   vibʰrājamāno vapuṣā   rāma-vākya-samāhitaḥ /
Halfverse: c    jagāma saha rāmeṇa   kiṣkindʰāṃ vālipālitām
   jagāma saha rāmeṇa   kiṣkindʰāṃ vāli-pālitām / {E}



Next part


This text is part of the TITUS edition of Ramayana.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.