TITUS
Ramayana
Part No. 275
Previous part

Chapter: 16 
Adhyāya 16


Verse: 1 
Halfverse: a    tām evaṃ bruvatīṃ tārāṃ   tārādʰipanibʰānanām
   tām evaṃ bruvatīṃ tārāṃ   tārā_adʰipa-nibʰa_ānanām /
Halfverse: c    vālī nirbʰartsayām āsa   vacanaṃ cedam abravīt
   vālī nirbʰartsayām āsa   vacanaṃ ca_idam abravīt /

Verse: 2 
Halfverse: a    garjato 'sya ca saṃrambʰaṃ   bʰrātuḥ śatror viśeṣataḥ
   garjato_asya ca saṃrambʰaṃ   bʰrātuḥ śatror viśeṣataḥ /
Halfverse: c    marṣayiṣyāmy ahaṃ kena   kāraṇena varānane
   marṣayiṣyāmy ahaṃ kena   kāraṇena vara_ānane /

Verse: 3 
Halfverse: a    adʰarṣitānāṃ śūrāṇāṃ   samareṣv anivartinām
   adʰarṣitānāṃ śūrāṇāṃ   samareṣv anivartinām /
Halfverse: c    dʰarṣaṇāmarṣaṇaṃ bʰīru   maraṇād atiricyate
   dʰarṣaṇa_amarṣaṇaṃ bʰīru   maraṇād atiricyate /

Verse: 4 
Halfverse: a    soḍʰuṃ na ca samartʰo 'haṃ   yuddʰakāmasya saṃyuge
   soḍʰuṃ na ca samartʰo_ahaṃ   yuddʰa-kāmasya saṃyuge /
Halfverse: c    sugrīvasya ca saṃrambʰaṃ   hīnagrīvasya garjataḥ
   sugrīvasya ca saṃrambʰaṃ   hīna-grīvasya garjataḥ /

Verse: 5 
Halfverse: a    na ca kāryo viṣādas te   rāgʰavaṃ prati matkr̥te
   na ca kāryo viṣādas te   rāgʰavaṃ prati mat-kr̥te /
Halfverse: c    dʰarmajñaś ca kr̥tajñaś ca   katʰaṃ pāpaṃ kariṣyati
   dʰarmajñaś ca kr̥tajñaś ca   katʰaṃ pāpaṃ kariṣyati /

Verse: 6 
Halfverse: a    nivartasva saha strībʰiḥ   katʰaṃ bʰūyo 'nugaccʰasi
   nivartasva saha strībʰiḥ   katʰaṃ bʰūyo_anugaccʰasi /
Halfverse: c    sauhr̥daṃ darśitaṃ tāre   mayi bʰaktiḥ kr̥tā tvayā
   sauhr̥daṃ darśitaṃ tāre   mayi bʰaktiḥ kr̥tā tvayā /

Verse: 7 
Halfverse: a    pratiyotsyāmy ahaṃ gatvā   sugrīvaṃ jahi saṃbʰramam
   pratiyotsyāmy ahaṃ gatvā   sugrīvaṃ jahi saṃbʰramam /
Halfverse: c    darpaṃ cāsya vineṣyāmi   na ca prāṇair vimokṣyate
   darpaṃ ca_asya vineṣyāmi   na ca prāṇair vimokṣyate /

Verse: 8 
Halfverse: a    śāpitāsi mama prāṇair   nivartasva jayena ca
   śāpitā_asi mama prāṇair   nivartasva jayena ca /
Halfverse: c    ahaṃ jitvā nivartiṣye   tam alaṃ bʰrātaraṃ raṇe
   ahaṃ jitvā nivartiṣye   tam alaṃ bʰrātaraṃ raṇe /

Verse: 9 
Halfverse: a    taṃ tu tārā pariṣvajya   vālinaṃ priyavādinī
   taṃ tu tārā pariṣvajya   vālinaṃ priya-vādinī /
Halfverse: c    cakāra rudatī mandaṃ   dakṣiṇā sā pradakṣiṇam
   cakāra rudatī mandaṃ   dakṣiṇā sā pradakṣiṇam /

Verse: 10 
Halfverse: a    tataḥ svastyayanaṃ kr̥tvā   mantravad vijayaiṣiṇī
   tataḥ svastyayanaṃ kr̥tvā   mantravad vijaya_eṣiṇī /
Halfverse: c    antaḥpuraṃ saha strībʰiḥ   praviṣṭā śokamohitā
   antaḥ-puraṃ saha strībʰiḥ   praviṣṭā śoka-mohitā /

Verse: 11 
Halfverse: a    praviṣṭāyāṃ tu tārāyāṃ   saha strībʰiḥ svam ālayam
   praviṣṭāyāṃ tu tārāyāṃ   saha strībʰiḥ svam ālayam /
Halfverse: c    nagarān niryayau kruddʰo   mahāsarpa iva śvasan
   nagarān niryayau kruddʰo   mahā-sarpa iva śvasan /

Verse: 12 
Halfverse: a    sa niḥśvasya mahāvego   vālī paramaroṣaṇaḥ
   sa niḥśvasya mahā-vego   vālī parama-roṣaṇaḥ /
Halfverse: c    sarvataś cārayan dr̥ṣṭiṃ   śatrudarśanakāṅkṣayā
   sarvataś cārayan dr̥ṣṭiṃ   śatru-darśana-kāṅkṣayā /

Verse: 13 
Halfverse: a    sa dadarśa tataḥ śrīmān   sugrīvaṃ hemapiṅgalam
   sa dadarśa tataḥ śrīmān   sugrīvaṃ hema-piṅgalam /
Halfverse: c    susaṃvītam avaṣṭabdʰaṃ   dīpyamānam ivānalam
   susaṃvītam avaṣṭabdʰaṃ   dīpyamānam iva_analam /

Verse: 14 
Halfverse: a    sa taṃ dr̥ṣṭvā mahāvīryaṃ   sugrīvaṃ paryavastʰitam
   sa taṃ dr̥ṣṭvā mahā-vīryaṃ   sugrīvaṃ paryavastʰitam /
Halfverse: c    gāḍʰaṃ paridadʰe vāso   vālī paramaroṣaṇaḥ
   gāḍʰaṃ paridadʰe vāso   vālī parama-roṣaṇaḥ /

Verse: 15 
Halfverse: a    sa vālī gāḍʰasaṃvīto   muṣṭim udyamya vīryavān
   sa vālī gāḍʰa-saṃvīto   muṣṭim udyamya vīryavān /
Halfverse: c    sugrīvam evābʰimukʰo   yayau yoddʰuṃ kr̥takṣaṇaḥ
   sugrīvam eva_abʰimukʰo   yayau yoddʰuṃ kr̥ta-kṣaṇaḥ /

Verse: 16 
Halfverse: a    śliṣṭamuṣṭiṃ samudyamya   saṃrabdʰataram āgataḥ
   śliṣṭa-muṣṭiṃ samudyamya   saṃrabdʰataram āgataḥ /
Halfverse: c    sugrīvo 'pi samuddiśya   vālinaṃ hemamālinam
   sugrīvo_api samuddiśya   vālinaṃ hema-mālinam /

Verse: 17 
Halfverse: a    taṃ vālī krodʰatāmrākṣaḥ   sugrīvaṃ raṇapaṇḍitam
   taṃ vālī krodʰa-tāmra_akṣaḥ   sugrīvaṃ raṇa-paṇḍitam /
Halfverse: c    āpatantaṃ mahāvegam   idaṃ vacanam abravīt
   āpatantaṃ mahā-vegam   idaṃ vacanam abravīt /

Verse: 18 
Halfverse: a    eṣa muṣṭir mayā baddʰo   gāḍʰaḥ sunihitāṅguliḥ
   eṣa muṣṭir mayā baddʰo   gāḍʰaḥ sunihita_aṅguliḥ /
Halfverse: c    mayā vegavimuktas te   prāṇān ādāya yāsyati
   mayā vega-vimuktas te   prāṇān ādāya yāsyati /

Verse: 19 
Halfverse: a    evam uktas tu sugrīvaḥ   kruddʰo vālinam abravīt
   evam uktas tu sugrīvaḥ   kruddʰo vālinam abravīt /
Halfverse: c    tavaiva ca haran prāṇān   muṣṭiḥ patatu mūrdʰani
   tava_eva ca haran prāṇān   muṣṭiḥ patatu mūrdʰani /

Verse: 20 
Halfverse: a    tāḍitas tena saṃkruddʰaḥ   samabʰikramya vegataḥ
   tāḍitas tena saṃkruddʰaḥ   samabʰikramya vegataḥ /
Halfverse: c    abʰavac cʰoṇitodgārī   sotpīḍa iva parvataḥ
   abʰavat śoṇita_udgārī   sa_utpīḍa iva parvataḥ /

Verse: 21 
Halfverse: a    sugrīveṇa tu niḥsaṃgaṃ   sālam utpāṭya tejasā
   sugrīveṇa tu niḥsaṃgaṃ   sālam utpāṭya tejasā /
Halfverse: c    gātreṣv abʰihato vālī   vajreṇeva mahāgiriḥ
   gātreṣv abʰihato vālī   vajreṇa_iva mahā-giriḥ /

Verse: 22 
Halfverse: a    sa tu vālī pracaritaḥ   sālatāḍanavihvalaḥ
   sa tu vālī pracaritaḥ   sāla-tāḍana-vihvalaḥ /
Halfverse: c    gurubʰārasamākrāntā   sāgare naur ivābʰavat
   guru-bʰāra-samākrāntā   sāgare naur iva_abʰavat /

Verse: 23 
Halfverse: a    tau bʰīmabalavikrāntau   suparṇasamaveginau
   tau bʰīma-bala-vikrāntau   suparṇa-samaveginau /
Halfverse: c    pravr̥ddʰau gʰoravapuṣau   candrasūryāv ivāmbare
   pravr̥ddʰau gʰora-vapuṣau   candra-sūryāv iva_ambare /

Verse: 24 
Halfverse: a    vālinā bʰagnadarpas tu   sugrīvo mandavikramaḥ
   vālinā bʰagna-darpas tu   sugrīvo manda-vikramaḥ /
Halfverse: c    vālinaṃ prati sāmarṣo   darśayām āsa lāgʰavam
   vālinaṃ prati sāmarṣo   darśayām āsa lāgʰavam /

Verse: 25 
Halfverse: a    tato dʰanuṣi saṃdʰāya   śaram āśīviṣopamam
   tato dʰanuṣi saṃdʰāya   śaram āśīviṣa_upamam /
Halfverse: c    rāgʰaveṇa mahābāṇo   vālivakṣasi pātitaḥ
   rāgʰaveṇa mahā-bāṇo   vāli-vakṣasi pātitaḥ /

Verse: 26 
Halfverse: a    vegenābʰihato vālī   nipapāta mahītale
   vegena_abʰihato vālī   nipapāta mahī-tale / {ab only}

Verse: 27 


Halfverse: a    atʰokṣitaḥ śoṇitatoyavisravaiḥ    atʰokṣitaḥ śoṇitatoyavisravaiḥ
   atʰa_ukṣitaḥ śoṇita-toya-visravaiḥ    atʰa_ukṣitaḥ śoṇita-toya-visravaiḥ / {Gem}
Halfverse: b    supuṣpitāśoka ivāniloddʰataḥ    supuṣpitāśoka ivāniloddʰataḥ
   supuṣpita_aśoka iva_anila_uddʰataḥ    supuṣpita_aśoka iva_anila_uddʰataḥ / {Gem}
Halfverse: c    vicetano vāsavasūnur āhave    vicetano vāsavasūnur āhave
   vicetano vāsava-sūnur āhave    vicetano vāsava-sūnur āhave / {Gem}
Halfverse: d    prabʰraṃśitendradʰvajavat kṣitiṃ gataḥ    prabʰraṃśitendradʰvajavat kṣitiṃ gataḥ
   prabʰraṃśita_indra-dʰvajavat kṣitiṃ gataḥ    prabʰraṃśita_indra-dʰvajavat kṣitiṃ gataḥ / {E} {Gem}




Next part


This text is part of the TITUS edition of Ramayana.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.