TITUS
Ramayana
Part No. 278
Previous part

Chapter: 19 
Adhyāya 19


Verse: 1 
Halfverse: a    sa vānaramahārājaḥ   śayānaḥ śaravikṣataḥ
   sa vānara-mahā-rājaḥ   śayānaḥ śara-vikṣataḥ /
Halfverse: c    pratyukto hetumadvākyair   nottaraṃ pratyapadyata
   pratyukto hetumad-vākyair   na_uttaraṃ pratyapadyata /

Verse: 2 
Halfverse: a    aśmabʰiḥ paribʰinnāṅgaḥ   pādapair āhato bʰr̥śam
   aśmabʰiḥ paribʰinna_aṅgaḥ   pādapair āhato bʰr̥śam /
Halfverse: c    rāmabāṇena cākrānto   jīvitānte mumoha saḥ
   rāma-bāṇena ca_ākrānto   jīvita_ante mumoha saḥ /

Verse: 3 
Halfverse: a    taṃ bʰāryābāṇamokṣeṇa   rāmadattena saṃyuge
   taṃ bʰāryā-bāṇa-mokṣeṇa   rāma-dattena saṃyuge /
Halfverse: c    hataṃ plavagaśārdūlaṃ   tārā śuśrāva vālinam
   hataṃ plavaga-śārdūlaṃ   tārā śuśrāva vālinam /

Verse: 4 
Halfverse: a    sā saputrāpriyaṃ śrutvā   vadʰaṃ bʰartuḥ sudāruṇam
   sā saputra_apriyaṃ śrutvā   vadʰaṃ bʰartuḥ sudāruṇam /
Halfverse: c    niṣpapāta bʰr̥śaṃ trastā   vividʰād girigahvarāt
   niṣpapāta bʰr̥śaṃ trastā   vividʰād giri-gahvarāt /

Verse: 5 
Halfverse: a    ye tv aṅgadaparīvārā   vānarā hi mahābalāḥ
   ye tv aṅgada-parīvārā   vānarā hi mahā-balāḥ /
Halfverse: c    te sakārmukam ālokya   rāmaṃ trastāḥ pradudruvuḥ
   te sakārmukam ālokya   rāmaṃ trastāḥ pradudruvuḥ /

Verse: 6 
Halfverse: a    sā dadarśa tatas trastān   harīn āpatato drutam
   sā dadarśa tatas trastān   harīn āpatato drutam /
Halfverse: c    yūtʰād iva paribʰraṣṭān   mr̥gān nihatayūtʰapān
   yūtʰād iva paribʰraṣṭān   mr̥gān nihata-yūtʰapān /

Verse: 7 
Halfverse: a    tān uvāca samāsādya   duḥkʰitān duḥkʰitā satī
   tān uvāca samāsādya   duḥkʰitān duḥkʰitā satī /
Halfverse: c    rāma vitrāsitān sarvān   anubaddʰān iveṣubʰiḥ
   rāma vitrāsitān sarvān   anubaddʰān iva_iṣubʰiḥ /

Verse: 8 
Halfverse: a    vānarā rājasiṃhasya   yasya yūyaṃ puraḥsarāḥ
   vānarā rāja-siṃhasya   yasya yūyaṃ puraḥ-sarāḥ /
Halfverse: c    taṃ vihāya suvitrastāḥ   kasmād dravata durgatāḥ
   taṃ vihāya suvitrastāḥ   kasmād dravata durgatāḥ /

Verse: 9 
Halfverse: a    rājyahetoḥ sa ced bʰrātā   bʰrātā raudreṇa pātitaḥ
   rājya-hetoḥ sa ced bʰrātā   bʰrātā raudreṇa pātitaḥ /
Halfverse: c    rāmeṇa prasr̥tair dūrān   mārgaṇair dūra pātibʰiḥ
   rāmeṇa prasr̥tair dūrān   mārgaṇair dūra pātibʰiḥ /

Verse: 10 
Halfverse: a    kapipatnyā vacaḥ śrutvā   kapayaḥ kāmarūpiṇaḥ
   kapi-patnyā vacaḥ śrutvā   kapayaḥ kāma-rūpiṇaḥ /
Halfverse: c    prāptakālam aviśliṣṭam   ūcur vacanam aṅganām
   prāpta-kālam aviśliṣṭam   ūcur vacanam aṅganām /

Verse: 11 
Halfverse: a    jīva putre nivartasya   putraṃ rakṣasva cāndagam
   jīva putre nivartasya   putraṃ rakṣasva ca_andagam /
Halfverse: c    antako rāma rūpeṇa   hatvā nayati vālinam
   antako rāma rūpeṇa   hatvā nayati vālinam /

Verse: 12 
Halfverse: a    kṣiptān vr̥kṣān samāvidʰya   vipulāś ca śilās tatʰā
   kṣiptān vr̥kṣān samāvidʰya   vipulāś ca śilās tatʰā /
Halfverse: c    vālī vajrasamair bāṇair   vajreṇeva nipātitaḥ
   vālī vajra-samair bāṇair   vajreṇa_iva nipātitaḥ /

Verse: 13 
Halfverse: a    abʰidrutam idaṃ sarvaṃ   vidrutaṃ prasr̥taṃ balam
   abʰidrutam idaṃ sarvaṃ   vidrutaṃ prasr̥taṃ balam /
Halfverse: c    asmin plavagaśārdūle   hate śakrasamaprabʰe
   asmin plavaga-śārdūle   hate śakra-sama-prabʰe /

Verse: 14 
Halfverse: a    rakṣyatāṃ nagaraṃ śūrair   aṅgadaś cābʰiṣicyatām
   rakṣyatāṃ nagaraṃ śūrair   aṅgadaś ca_abʰiṣicyatām /
Halfverse: c    padastʰaṃ vālinaḥ putraṃ   bʰajiṣyanti plavaṃgamāḥ
   padastʰaṃ vālinaḥ putraṃ   bʰajiṣyanti plavaṃ-gamāḥ /

Verse: 15 
Halfverse: a    atʰa vā ruciraṃ stʰānam   iha te rucirānane
   atʰavā ruciraṃ stʰānam   iha te rucira_ānane /
Halfverse: c    āviśanti hi durgāṇi   kṣipram adyaiva vānarāḥ
   āviśanti hi durgāṇi   kṣipram adya_eva vānarāḥ /

Verse: 16 
Halfverse: a    abʰāryāḥ saha bʰāryāś ca   santy atra vanacāriṇaḥ
   abʰāryāḥ saha bʰāryāś ca   santy atra vana-cāriṇaḥ /
Halfverse: c    lubdʰebʰyo viprayuktebʰyaḥ   svebʰyo nas tumulaṃ bʰayam
   lubdʰebʰyo viprayuktebʰyaḥ   svebʰyo nas tumulaṃ bʰayam /

Verse: 17 
Halfverse: a    alpāntaragatānāṃ tu   śrutvā vacanam aṅganā
   alpa_antara-gatānāṃ tu   śrutvā vacanam aṅganā /
Halfverse: c    ātmanaḥ pratirūpaṃ sā   babʰāṣe cāruhāsinī
   ātmanaḥ pratirūpaṃ sā   babʰāṣe cāru-hāsinī /

Verse: 18 
Halfverse: a    putreṇa mama kiṃ kāryaṃ   kiṃ rājyena kim ātmanā
   putreṇa mama kiṃ kāryaṃ   kiṃ rājyena kim ātmanā /
Halfverse: c    kapisiṃhe mahābʰāge   tasmin bʰartari naśyati
   kapi-siṃhe mahā-bʰāge   tasmin bʰartari naśyati /

Verse: 19 
Halfverse: a    pādamūlaṃ gamiṣyāmi   tasyaivāhaṃ mahātmanaḥ
   pāda-mūlaṃ gamiṣyāmi   tasya_eva_ahaṃ mahātmanaḥ /
Halfverse: c    yo 'sau rāmaprayuktena   śareṇa vinipātitaḥ
   yo_asau rāma-prayuktena   śareṇa vinipātitaḥ /

Verse: 20 
Halfverse: a    evam uktvā pradudrāva   rudatī śokakarśitā
   evam uktvā pradudrāva   rudatī śoka-karśitā /
Halfverse: c    śiraś coraś ca bāhubʰyāṃ   duḥkʰena samabʰigʰnatī
   śiraś coraś ca bāhubʰyāṃ   duḥkʰena samabʰigʰnatī /

Verse: 21 
Halfverse: a    āvrajantī dadarśātʰa   patiṃ nipatitaṃ bʰuvi
   āvrajantī dadarśa_atʰa   patiṃ nipatitaṃ bʰuvi /
Halfverse: c    hantāraṃ dānavendrāṇāṃ   samareṣv anivartinām
   hantāraṃ dānava_indrāṇāṃ   samareṣv anivartinām /

Verse: 22 
Halfverse: a    kṣeptāraṃ parvatendrāṇāṃ   vajrāṇām iva vāsavam
   kṣeptāraṃ parvata_indrāṇāṃ   vajrāṇām iva vāsavam /
Halfverse: c    mahāvātasamāviṣṭaṃ   mahāmegʰaugʰaniḥsvanam
   mahā-vāta-samāviṣṭaṃ   mahā-megʰa_ogʰa-niḥsvanam /

Verse: 23 
Halfverse: a    śakratulyaparākrāntaṃ   vr̥ṣṭvevoparataṃ gʰanam
   śakra-tulya-parākrāntaṃ   vr̥ṣṭvā_iva_uparataṃ gʰanam /
Halfverse: c    nardantaṃ nardatāṃ bʰīmaṃ   śūraṃ śūreṇa pātitam
   nardantaṃ nardatāṃ bʰīmaṃ   śūraṃ śūreṇa pātitam /

Verse: 24 
Halfverse: a    śārdūlenāmiṣasyārtʰe   mr̥garājaṃ yatʰā hatam
   śārdūlena_āmiṣasya_artʰe   mr̥ga-rājaṃ yatʰā hatam /
Halfverse: c    arcitaṃ sarvalokasya   sapatākaṃ savedikam
   arcitaṃ sarva-lokasya   sapatākaṃ savedikam /

Verse: 25 
Halfverse: a    nāgahetoḥ suparṇena   caityam unmatʰitaṃ yatʰā
   nāga-hetoḥ suparṇena   caityam unmatʰitaṃ yatʰā /
Halfverse: c    avaṣṭabʰyāvatiṣṭʰantaṃ   dadarśa dʰanur ūrjitam
   avaṣṭabʰya_avatiṣṭʰantaṃ   dadarśa dʰanur ūrjitam /

Verse: 26 
Halfverse: a    rāmaṃ rāmānujaṃ caiva   bʰartuś caivānujaṃ śubʰā
   rāmaṃ rāma_anujaṃ caiva   bʰartuś caiva_anujaṃ śubʰā /
Halfverse: c    tān atītya samāsādya   bʰartāraṃ nihataṃ raṇe
   tān atītya samāsādya   bʰartāraṃ nihataṃ raṇe /

Verse: 27 
Halfverse: a    samīkṣya vyatʰitā bʰūmau   saṃbʰrāntā nipapāta ha
   samīkṣya vyatʰitā bʰūmau   saṃbʰrāntā nipapāta ha /
Halfverse: c    supteva punar uttʰāya   āryaputreti krośatī
   suptā_iva punar uttʰāya   ārya-putra_iti krośatī /

Verse: 28 
Halfverse: a    ruroda sā patiṃ dr̥ṣṭvā   saṃditaṃ mr̥tyudāmabʰiḥ
   ruroda sā patiṃ dr̥ṣṭvā   saṃditaṃ mr̥tyu-dāmabʰiḥ /
Halfverse: c    tām avekṣya tu sugrīvaḥ   krośantīṃ kurarīm iva
   tām avekṣya tu sugrīvaḥ   krośantīṃ kurarīm iva /

Verse: 29 
Halfverse: a    viṣādam agamat kaṣṭaṃ   dr̥ṣṭvā cāṅgadam āgatam
   viṣādam agamat kaṣṭaṃ   dr̥ṣṭvā ca_aṅgadam āgatam / {E}



Next part


This text is part of the TITUS edition of Ramayana.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.