TITUS
Ramayana
Part No. 293
Previous part

Chapter: 34 
Adhyāya 34


Verse: 1 
Halfverse: a    tatʰā bruvāṇaṃ saumitriṃ   pradīptam iva tejasā
   tatʰā bruvāṇaṃ saumitriṃ   pradīptam iva tejasā /
Halfverse: c    abravīl lakṣmaṇaṃ tārā   tārādʰipanibʰānanā
   abravīl lakṣmaṇaṃ tārā   tārā_adʰipa-nibʰa_ānanā /

Verse: 2 
Halfverse: a    naivaṃ lakṣmaṇa vaktavyo   nāyaṃ paruṣam arhati
   na_evaṃ lakṣmaṇa vaktavyo   na_ayaṃ paruṣam arhati /
Halfverse: c    harīṇām īśvaraḥ śrotuṃ   tava vaktrād viśeṣataḥ
   harīṇām īśvaraḥ śrotuṃ   tava vaktrād viśeṣataḥ /

Verse: 3 
Halfverse: a    naivākr̥tajñaḥ sugrīvo   na śaṭʰo nāpi dāruṇaḥ
   na_eva_akr̥tajñaḥ sugrīvo   na śaṭʰo na_api dāruṇaḥ /
Halfverse: c    naivānr̥takatʰo vīra   na jihmaś ca kapīśvaraḥ
   na_eva_anr̥ta-katʰo vīra   na jihmaś ca kapi_īśvaraḥ /

Verse: 4 
Halfverse: a    upakāraṃ kr̥taṃ vīro   nāpy ayaṃ vismr̥taḥ kapiḥ
   upakāraṃ kr̥taṃ vīro   na_apy ayaṃ vismr̥taḥ kapiḥ /
Halfverse: c    rāmeṇa vīra sugrīvo   yad anyair duṣkaraṃ raṇe
   rāmeṇa vīra sugrīvo   yad anyair duṣkaraṃ raṇe /

Verse: 5 
Halfverse: a    rāmaprasādāt kīrtiṃ ca   kapirājyaṃ ca śāśvatam
   rāma-prasādāt kīrtiṃ ca   kapi-rājyaṃ ca śāśvatam /
Halfverse: c    prāptavān iha sugrīvo   rumāṃ māṃ ca paraṃtapa
   prāptavān iha sugrīvo   rumāṃ māṃ ca paraṃ-tapa /

Verse: 6 
Halfverse: a    suduḥkʰaṃ śāyitaḥ pūrvaṃ   prāpyedaṃ sukʰam uttamam
   suduḥkʰaṃ śāyitaḥ pūrvaṃ   prāpya_idaṃ sukʰam uttamam /
Halfverse: c    prāptakālaṃ na jānīte   viśvāmitro yatʰā muniḥ
   prāpta-kālaṃ na jānīte   viśvāmitro yatʰā muniḥ /

Verse: 7 
Halfverse: a    gʰr̥tācyāṃ kila saṃsakto   daśavarṣāṇi lakṣmaṇa
   gʰr̥tācyāṃ kila saṃsakto   daśa-varṣāṇi lakṣmaṇa /
Halfverse: c    aho 'manyata dʰarmātmā   viśvāmitro mahāmuniḥ
   aho_amanyata dʰarma_ātmā   viśvāmitro mahā-muniḥ /

Verse: 8 
Halfverse: a    sa hi prāptaṃ na jānīte   kālaṃ kālavidāṃ varaḥ
   sa hi prāptaṃ na jānīte   kālaṃ kālavidāṃ varaḥ /
Halfverse: c    viśvāmitro mahātejāḥ   kiṃ punar yaḥ pr̥tʰagjanaḥ
   viśvāmitro mahā-tejāḥ   kiṃ punar yaḥ pr̥tʰag-janaḥ /

Verse: 9 
Halfverse: a    dehadʰarmaṃ gatasyāsya   pariśrāntasya lakṣmaṇa
   deha-dʰarmaṃ gatasya_asya   pariśrāntasya lakṣmaṇa /
Halfverse: c    avitr̥ptasya kāmeṣu   rāmaḥ kṣantum ihārhati
   avitr̥ptasya kāmeṣu   rāmaḥ kṣantum iha_arhati /

Verse: 10 
Halfverse: a    na ca roṣavaśaṃ tāta   gantum arhasi lakṣmaṇa
   na ca roṣa-vaśaṃ tāta   gantum arhasi lakṣmaṇa /
Halfverse: c    niścayārtʰam avijñāya   sahasā prākr̥to yatʰā
   niścaya_artʰam avijñāya   sahasā prākr̥to yatʰā /

Verse: 11 
Halfverse: a    sattvayuktā hi puruṣās   tvadvidʰāḥ puruṣarṣabʰa
   sattva-yuktā hi puruṣās   tvad-vidʰāḥ puruṣa-r̥ṣabʰa /
Halfverse: c    avimr̥śya na roṣasya   sahasā yānti vaśyatām
   avimr̥śya na roṣasya   sahasā yānti vaśyatām /

Verse: 12 
Halfverse: a    prasādaye tvāṃ dʰarmajña   sugrīvārtʰe samāhitā
   prasādaye tvāṃ dʰarmajña   sugrīva_artʰe samāhitā /
Halfverse: c    mahān roṣasamutpannaḥ   saṃrambʰas tyajyatām ayam
   mahān roṣa-samutpannaḥ   saṃrambʰas tyajyatām ayam /

Verse: 13 
Halfverse: a    rumāṃ māṃ kapirājyaṃ ca   dʰanadʰānyavasūni ca
   rumāṃ māṃ kapi-rājyaṃ ca   dʰana-dʰānya-vasūni ca /
Halfverse: c    rāmapriyārtʰaṃ sugrīvas   tyajed iti matir mama
   rāma-priya_artʰaṃ sugrīvas   tyajed iti matir mama /

Verse: 14 
Halfverse: a    samāneṣvyati sugrīvaḥ   sītayā saha rāgʰavam
   samāneṣvyati sugrīvaḥ   sītayā saha rāgʰavam /
Halfverse: c    śaśāṅkam iva rohiṣyā   nihatvā rāvaṇaṃ raṇe
   śaśa_aṅkam iva rohiṣyā   nihatvā rāvaṇaṃ raṇe /

Verse: 15 
Halfverse: a    śatakoṭisahasrāṇi   laṅkāyāṃ kila rakṣasām
   śata-koṭi-sahasrāṇi   laṅkāyāṃ kila rakṣasām /
Halfverse: c    ayutāni ca ṣaṭtriṃśat   sahasrāṇi śatāni ca
   ayutāni ca ṣaṭ-triṃśat   sahasrāṇi śatāni ca /

Verse: 16 
Halfverse: a    ahatvā tāṃś ca durdʰarṣān   rākṣasān kāmarūpiṇaḥ
   ahatvā tāṃś ca durdʰarṣān   rākṣasān kāma-rūpiṇaḥ /
Halfverse: c    na śakyo rāvaṇo hantuṃ   yena sā maitʰilī hr̥tā
   na śakyo rāvaṇo hantuṃ   yena sā maitʰilī hr̥tā /

Verse: 17 
Halfverse: a    te na śakyā raṇe hantum   asahāyena lakṣmaṇa
   te na śakyā raṇe hantum   asahāyena lakṣmaṇa /
Halfverse: c    rāvaṇaḥ krūrakarmā ca   sugrīveṇa viśeṣataḥ
   rāvaṇaḥ krūra-karmā ca   sugrīveṇa viśeṣataḥ /

Verse: 18 
Halfverse: a    evam ākʰyātavān vālī   sa hy abʰijño harīśvaraḥ
   evam ākʰyātavān vālī   sa hy abʰijño hari_īśvaraḥ /
Halfverse: c    āgamas tu na me vyaktaḥ   śravāt tasya bravīmy aham
   āgamas tu na me vyaktaḥ   śravāt tasya bravīmy aham /

Verse: 19 
Halfverse: a    tvatsahāyanimittaṃ vai   preṣitā haripuṃgavāḥ
   tvat-sahāya-nimittaṃ vai   preṣitā hari-puṃgavāḥ /
Halfverse: c    ānetuṃ vānarān yuddʰe   subahūn hariyūtʰapān
   ānetuṃ vānarān yuddʰe   subahūn hari-yūtʰapān /

Verse: 20 
Halfverse: a    tāṃś ca pratīkṣamāṇo 'yaṃ   vikrāntān sumahābalān
   tāṃś ca pratīkṣamāṇo_ayaṃ   vikrāntān sumahā-balān /
Halfverse: c    rāgʰavasyārtʰasiddʰyartʰaṃ   na niryāti harīśvaraḥ
   rāgʰavasya_artʰa-siddʰy-artʰaṃ   na niryāti hari_īśvaraḥ /

Verse: 21 
Halfverse: a    kr̥tā tu saṃstʰā saumitre   sugrīveṇa yatʰāpurā
   kr̥tā tu saṃstʰā saumitre   sugrīveṇa yatʰā-purā /
Halfverse: c    adya tair vānarair sarvair   āgantavyaṃ mahābalaiḥ
   adya tair vānarair sarvair   āgantavyaṃ mahā-balaiḥ /

Verse: 22 
Halfverse: a    r̥kṣakoṭisahasrāṇi   golāṅgūlaśatāni ca
   r̥kṣa-koṭi-sahasrāṇi   go-lāṅgūla-śatāni ca /
Halfverse: c    adya tvām upayāsyanti   jahi kopam ariṃdama
   adya tvām upayāsyanti   jahi kopam ariṃ-dama /
Halfverse: e    koṭyo 'nekās tu kākutstʰa   kapīnāṃ dīptatejasām
   koṭyo_anekās tu kākutstʰa   kapīnāṃ dīpta-tejasām /

Verse: 23 
Halfverse: a    tava hi mukʰam idaṃ nirīkṣya   kopāt kṣatajanibʰe nayane nirīkṣamāṇāḥ
   tava hi mukʰam idaṃ nirīkṣya   kopāt kṣataja-nibʰe nayane nirīkṣamāṇāḥ /
Halfverse: c    harivaravanitā na   yānti śāntiṃ pratʰamabʰayasya hi śaṅkitāḥ sma sarvāḥ
   hari-vara-vanitā na   yānti śāntiṃ pratʰama-bʰayasya hi śaṅkitāḥ sma sarvāḥ / {E}



Next part


This text is part of the TITUS edition of Ramayana.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.