TITUS
Ramayana
Part No. 299
Previous part

Chapter: 40 
Adhyāya 40


Verse: 1 
Halfverse: a    tataḥ prastʰāpya sugrīvas   tan mahad vānaraṃ balam
   tataḥ prastʰāpya sugrīvas   tan mahad vānaraṃ balam /
Halfverse: c    dakṣiṇāṃ preṣayām āsa   vānarān abʰilakṣitān
   dakṣiṇāṃ preṣayām āsa   vānarān abʰilakṣitān /

Verse: 2 
Halfverse: a    nīlam agnisutaṃ caiva   hanumantaṃ ca vānaram
   nīlam agni-sutaṃ caiva   hanumantaṃ ca vānaram /
Halfverse: c    pitāmahasutaṃ caiva   jāmbavantaṃ mahākapim
   pitāmaha-sutaṃ caiva   jāmbavantaṃ mahā-kapim /

Verse: 3 
Halfverse: a    suhotraṃ ca śarīraṃ ca   śaragulmaṃ tatʰaiva ca
   suhotraṃ ca śarīraṃ ca   śara-gulmaṃ tatʰaiva ca /
Halfverse: c    gajaṃ gavākṣaṃ gavayaṃ   suṣeṇam r̥ṣabʰaṃ tatʰā
   gajaṃ gava_akṣaṃ gavayaṃ   suṣeṇam r̥ṣabʰaṃ tatʰā /

Verse: 4 
Halfverse: a    maindaṃ ca dvividaṃ caiva   vijayaṃ gandʰamādanam
   maindaṃ ca dvividaṃ caiva   vijayaṃ gandʰa-mādanam /
Halfverse: c    ulkāmukʰam asaṅgaṃ ca   hutāśana sutāv ubʰau
   ulkā-mukʰam asaṅgaṃ ca   huta_aśana sutāv ubʰau /

Verse: 5 
Halfverse: a    aṅgadapramukʰān vīrān   vīraḥ kapigaṇeśvaraḥ
   aṅgada-pramukʰān vīrān   vīraḥ kapi-gaṇa_īśvaraḥ /
Halfverse: c    vegavikramasaṃpannān   saṃdideśa viśeṣavit
   vega-vikrama-saṃpannān   saṃdideśa viśeṣavit /

Verse: 6 
Halfverse: a    teṣām agresaraṃ caiva   mahad balam asaṃgagam {!}
   teṣām agresaraṃ caiva   mahad balam asaṃgagam / {!}
Halfverse: c    vidʰāya harivīrāṇām   ādiśad dakṣiṇāṃ diśam
   vidʰāya hari-vīrāṇām   ādiśad dakṣiṇāṃ diśam /

Verse: 7 
Halfverse: a    ye ke cana samuddeśās   tasyāṃ diśi sudurgamāḥ
   ye kecana samuddeśās   tasyāṃ diśi sudurgamāḥ /
Halfverse: c    kapīśaḥ kapimukʰyānāṃ   sa teṣāṃ tān udāharat
   kapi_īśaḥ kapi-mukʰyānāṃ   sa teṣāṃ tān udāharat /

Verse: 8 
Halfverse: a    sahasraśirasaṃ vindʰyaṃ   nānādrumalatāvr̥tam
   sahasra-śirasaṃ vindʰyaṃ   nānā-druma-latā_āvr̥tam /
Halfverse: c    narmadāṃ ca nadīṃ durgāṃ   mahoraganiṣevitām
   narmadāṃ ca nadīṃ durgāṃ   mahā_uraga-niṣevitām /

Verse: 9 
Halfverse: a    tato godāvarīṃ ramyāṃ   kr̥ṣṇāveṇīṃ mahānadīm
   tato godāvarīṃ ramyāṃ   kr̥ṣṇā-veṇīṃ mahā-nadīm /
Halfverse: c    varadāṃ ca mahābʰāgāṃ   mahoraganiṣevitām
   varadāṃ ca mahā-bʰāgāṃ   mahā_uraga-niṣevitām /

Verse: 10 
Halfverse: a    mekʰalān utkalāṃś caiva   daśārṇanagarāṇy api
   mekʰalān utkalāṃś caiva   daśa_arṇa-nagarāṇy api /
Halfverse: c    avantīm abʰravantīṃ ca   sarvam evānupaśyata
   avantīm abʰravantīṃ ca   sarvam eva_anupaśyata /

Verse: 11 
Halfverse: a    vidarbʰān r̥ṣikāṃś caiva   ramyān māhiṣakān api
   vidarbʰān r̥ṣikāṃś caiva   ramyān māhiṣakān api /
Halfverse: c    tatʰā baṅgān kaliṅgāṃś ca   kauśikāṃś ca samantataḥ
   tatʰā baṅgān kaliṅgāṃś ca   kauśikāṃś ca samantataḥ /

Verse: 12 
Halfverse: a    anvīkṣya daṇḍakāraṇyaṃ   saparvatanadīguham
   anvīkṣya daṇḍaka_araṇyaṃ   saparvata-nadī-guham /
Halfverse: c    nadīṃ godāvarīṃ caiva   sarvam evānupaśyata
   nadīṃ godāvarīṃ caiva   sarvam eva_anupaśyata /

Verse: 13 
Halfverse: a    tatʰaivāndʰrāṃś ca puṇḍrāṃś ca   colān pāṇḍyān sakeralān
   tatʰaiva_āndʰrāṃś ca puṇḍrāṃś ca   colān pāṇḍyān sakeralān /
Halfverse: c    ayomukʰaś ca gantavyaḥ   parvato dʰātumaṇḍitaḥ
   ayo-mukʰaś ca gantavyaḥ   parvato dʰātu-maṇḍitaḥ /

Verse: 14 
Halfverse: a    vicitraśikʰaraḥ śrīmāṃś   citrapuṣpitakānanaḥ
   vicitra-śikʰaraḥ śrīmāṃś   citra-puṣpita-kānanaḥ /
Halfverse: c    sacandanavanoddeśo   mārgitavyo mahāgiriḥ
   sacandana-vana_uddeśo   mārgitavyo mahā-giriḥ /

Verse: 15 
Halfverse: a    tatas tām āpagāṃ divyāṃ   prasannasalilāṃ śivām
   tatas tām āpagāṃ divyāṃ   prasanna-salilāṃ śivām /
Halfverse: c    tatra drakṣyatʰa kāverīṃ   vihr̥tām apsarogaṇaiḥ
   tatra drakṣyatʰa kāverīṃ   vihr̥tām apsaro-gaṇaiḥ /

Verse: 16 
Halfverse: a    tasyāsīnaṃ nagasyāgre   malayasya mahaujasaṃ
   tasya_āsīnaṃ nagasya_agre   malayasya mahā_ojasaṃ /
Halfverse: c    drakṣyatʰādityasaṃkāśam   agastyam r̥ṣisattamam
   drakṣyatʰa_āditya-saṃkāśam   agastyam r̥ṣi-sattamam /

Verse: 17 
Halfverse: a    tatas tenābʰyanujñātāḥ   prasannena mahātmanā
   tatas tena_abʰyanujñātāḥ   prasannena mahātmanā /
Halfverse: c    tāmraparṇīṃ grāhajuṣṭāṃ   tariṣyatʰa mahānadīm
   tāmra-parṇīṃ grāha-juṣṭāṃ   tariṣyatʰa mahā-nadīm /

Verse: 18 
Halfverse: a    sā candanavanair divyaiḥ   praccʰannā dvīpa śālinī
   sā candana-vanair divyaiḥ   praccʰannā dvīpa śālinī /
Halfverse: c    kānteva yuvatiḥ kāntaṃ   samudram avagāhate
   kāntā_iva yuvatiḥ kāntaṃ   samudram avagāhate /

Verse: 19 
Halfverse: a    tato hemamayaṃ divyaṃ   muktāmaṇivibʰūṣitam
   tato hemamayaṃ divyaṃ   muktā-maṇi-vibʰūṣitam /
Halfverse: c    yuktaṃ kavāṭaṃ pāṇḍyānāṃ   gatā drakṣyatʰa vānarāḥ
   yuktaṃ kavāṭaṃ pāṇḍyānāṃ   gatā drakṣyatʰa vānarāḥ /

Verse: 20 
Halfverse: a    tataḥ samudram āsādya   saṃpradʰāryārtʰaniścayam
   tataḥ samudram āsādya   saṃpradʰārya_artʰa-niścayam /
Halfverse: c    agastyenāntare tatra   sāgare viniveśitaḥ
   agastyena_antare tatra   sāgare viniveśitaḥ /

Verse: 21 
Halfverse: a    citranānānagaḥ śrīmān   mahendraḥ parvatottamaḥ
   citra-nānā-nagaḥ śrīmān   mahā_indraḥ parvata_uttamaḥ /
Halfverse: c    jātarūpamayaḥ śrīmān   avagāḍʰo mahārṇavam
   jāta-rūpamayaḥ śrīmān   avagāḍʰo mahā_arṇavam /

Verse: 22 
Halfverse: a    nānāvidʰair nagaiḥ pʰullair   latābʰiś copaśobʰitam
   nānā-vidʰair nagaiḥ pʰullair   latābʰiś ca_upaśobʰitam /
Halfverse: c    devarṣiyakṣapravarair   apsarobʰiś ca sevitam
   deva-r̥ṣi-yakṣa-pravarair   apsarobʰiś ca sevitam /

Verse: 23 
Halfverse: a    siddʰacāraṇasaṃgʰaiś ca   prakīrṇaṃ sumanoharam
   siddʰa-cāraṇa-saṃgʰaiś ca   prakīrṇaṃ sumano-haram /
Halfverse: c    tam upaiti sahasrākṣaḥ   sadā parvasu parvasu
   tam upaiti sahasra_akṣaḥ   sadā parvasu parvasu /

Verse: 24 
Halfverse: a    dvīpas tasyāpare pāre   śatayojanam āyataḥ
   dvīpas tasya_apare pāre   śata-yojanam āyataḥ /
Halfverse: c    agamyo mānuṣair dīptas   taṃ mārgadʰvaṃ samantataḥ
   agamyo mānuṣair dīptas   taṃ mārgadʰvaṃ samantataḥ /
Halfverse: e    tatra sarvātmanā sītā   mārgitavyā viśeṣataḥ
   tatra sarva_ātmanā sītā   mārgitavyā viśeṣataḥ /

Verse: 25 
Halfverse: a    sa hi deśas tu vadʰyasya   rāvaṇasya durātmanaḥ
   sa hi deśas tu vadʰyasya   rāvaṇasya durātmanaḥ /
Halfverse: c    rākṣasādʰipater vāsaḥ   sahasrākṣasamadyuteḥ
   rākṣasa_adʰipater vāsaḥ   sahasra_akṣa-samadyuteḥ /

Verse: 26 
Halfverse: a    dakṣiṇasya samudrasya   madʰye tasya tu rākṣasī
   dakṣiṇasya samudrasya   madʰye tasya tu rākṣasī /
Halfverse: c    aṅgāraketi vikʰyātā   cʰāyām ākṣipya bʰojinī
   aṅgāraka_iti vikʰyātā   cʰāyām ākṣipya bʰojinī /

Verse: 27 
Halfverse: a    tam atikramya lakṣmīvān   samudre śatayojane
   tam atikramya lakṣmīvān   samudre śata-yojane /
Halfverse: c    giriḥ puṣpitako nāma   siddʰacāraṇasevitaḥ
   giriḥ puṣpitako nāma   siddʰa-cāraṇa-sevitaḥ /

Verse: 28 
Halfverse: a    candrasūryāṃśusaṃkāśaḥ   sāgarāmbusamāvr̥taḥ
   candra-sūrya_aṃśu-saṃkāśaḥ   sāgara_ambu-samāvr̥taḥ /
Halfverse: c    bʰrājate vipulaiḥ śr̥ṅgair   ambaraṃ vilikʰann iva
   bʰrājate vipulaiḥ śr̥ṅgair   ambaraṃ vilikʰann iva /

Verse: 29 
Halfverse: a    tasyaikaṃ kāñcanaṃ śr̥ṅgaṃ   sevate yaṃ divākaraḥ
   tasya_ekaṃ kāñcanaṃ śr̥ṅgaṃ   sevate yaṃ divā-karaḥ /
Halfverse: c    śvetaṃ rājatam ekaṃ ca   sevate yaṃ niśākaraḥ
   śvetaṃ rājatam ekaṃ ca   sevate yaṃ niśā-karaḥ /

Verse: 30 
Halfverse: a    na taṃ kr̥tagʰnāḥ paśyanti   na nr̥śaṃsā na nāstikāḥ
   na taṃ kr̥tagʰnāḥ paśyanti   na nr̥śaṃsā na nāstikāḥ /
Halfverse: c    praṇamya śirasā śailaṃ   taṃ vimārgata vānarāḥ
   praṇamya śirasā śailaṃ   taṃ vimārgata vānarāḥ /

Verse: 31 
Halfverse: a    tam atikramya durdʰarṣāḥ   sūryavān nāma parvataḥ
   tam atikramya durdʰarṣāḥ   sūryavān nāma parvataḥ /
Halfverse: c    adʰvanā durvigāhena   yojanāni caturdaśa
   adʰvanā durvigāhena   yojanāni caturdaśa /

Verse: 32 
Halfverse: a    tatas tam apy atikramya   vaidyuto nāma parvataḥ
   tatas tam apy atikramya   vaidyuto nāma parvataḥ /
Halfverse: c    sarvakāmapʰalair vr̥kṣaiḥ   sarvakālamanoharaiḥ
   sarva-kāma-pʰalair vr̥kṣaiḥ   sarva-kāla-mano-haraiḥ /

Verse: 33 
Halfverse: a    tatra bʰuktvā varārhāṇi   mūlāni ca pʰalāni ca
   tatra bʰuktvā vara_arhāṇi   mūlāni ca pʰalāni ca /
Halfverse: c    madʰūni pītvā mukʰyāni   paraṃ gaccʰata vānarāḥ
   madʰūni pītvā mukʰyāni   paraṃ gaccʰata vānarāḥ /

Verse: 34 
Halfverse: a    tatra netramanaḥkāntaḥ   kuñjaro nāma parvataḥ
   tatra netra-manaḥ-kāntaḥ   kuñjaro nāma parvataḥ /
Halfverse: c    agastyabʰavanaṃ yatra   nirmitaṃ viśvakarmaṇā
   agastya-bʰavanaṃ yatra   nirmitaṃ viśva-karmaṇā /

Verse: 35 
Halfverse: a    tatra yojanavistāram   uccʰritaṃ daśayojanam
   tatra yojana-vistāram   uccʰritaṃ daśa-yojanam /
Halfverse: c    śaraṇaṃ kāñcanaṃ divyaṃ   nānāratnavibʰūṣitam
   śaraṇaṃ kāñcanaṃ divyaṃ   nānā-ratna-vibʰūṣitam /

Verse: 36 
Halfverse: a    tatra bʰogavatī nāma   sarpāṇām ālayaḥ purī
   tatra bʰogavatī nāma   sarpāṇām ālayaḥ purī /
Halfverse: c    viśālaratʰyā durdʰarṣā   sarvataḥ parirakṣitā
   viśāla-ratʰyā durdʰarṣā   sarvataḥ parirakṣitā / {!}
Halfverse: e    rakṣitā pannagair gʰorais   tīkṣṇadaṃṣṭrair mahāviṣaiḥ
   rakṣitā pannagair gʰorais   tīkṣṇa-daṃṣṭrair mahā-viṣaiḥ / {!}

Verse: 37 
Halfverse: a    sarparājo mahāgʰoro   yasyāṃ vasati vāsukiḥ
   sarpa-rājo mahā-gʰoro   yasyāṃ vasati vāsukiḥ /
Halfverse: c    niryāya mārgitavyā ca   sā ca bʰogavatī purī
   niryāya mārgitavyā ca   sā ca bʰogavatī purī /

Verse: 38 
Halfverse: a    taṃ ca deśam atikramya   mahān r̥ṣabʰasaṃstʰitaḥ
   taṃ ca deśam atikramya   mahān r̥ṣabʰa-saṃstʰitaḥ /
Halfverse: c    sarvaratnamayaḥ śrīmān   r̥ṣabʰo nāma parvataḥ
   sarva-ratnamayaḥ śrīmān   r̥ṣabʰo nāma parvataḥ /

Verse: 39 
Halfverse: a    gośīrṣakaṃ padmakaṃ ca   hariśyāmaṃ ca candanam
   go-śīrṣakaṃ padmakaṃ ca   hari-śyāmaṃ ca candanam /
Halfverse: c    divyam utpadyate yatra   tac caivāgnisamaprabʰam
   divyam utpadyate yatra   tac caiva_agni-sama-prabʰam /

Verse: 40 
Halfverse: a    na tu tac candanaṃ dr̥ṣṭvā   spraṣṭavyaṃ ca kadā cana
   na tu tac candanaṃ dr̥ṣṭvā   spraṣṭavyaṃ ca kadācana /
Halfverse: c    rohitā nāma gandʰarvā   gʰorā rakṣanti tad vanam
   rohitā nāma gandʰarvā   gʰorā rakṣanti tad vanam /

Verse: 41 
Halfverse: a    tatra gandʰarvapatayaḥ   pañcasūryasamaprabʰāḥ
   tatra gandʰarva-patayaḥ   pañca-sūrya-sama-prabʰāḥ /
Halfverse: c    śailūṣo grāmaṇīr bʰikṣuḥ   śubʰro babʰrus tatʰaiva ca
   śailūṣo grāmaṇīr bʰikṣuḥ   śubʰro babʰrus tatʰaiva ca /

Verse: 42 
Halfverse: a    ante pr̥tʰivyā durdʰarṣās   tatra svargajitaḥ stʰitāḥ
   ante pr̥tʰivyā durdʰarṣās   tatra svargajitaḥ stʰitāḥ /
Halfverse: c    tataḥ paraṃ na vaḥ sevyaḥ   pitr̥lokaḥ sudāruṇaḥ
   tataḥ paraṃ na vaḥ sevyaḥ   pitr̥-lokaḥ sudāruṇaḥ /
Halfverse: e    rājadʰānī yamasyaiṣā   kaṣṭena tamasāvr̥tā
   rāja-dʰānī yamasya_eṣā   kaṣṭena tamasā_āvr̥tā /

Verse: 43 
Halfverse: a    etāvad eva yuṣmābʰir   vīrā vānarapuṃgavāḥ
   etāvad eva yuṣmābʰir   vīrā vānara-puṃgavāḥ /
Halfverse: c    śakyaṃ vicetuṃ gantuṃ vā   nāto gatimatāṃ gatiḥ
   śakyaṃ vicetuṃ gantuṃ vā   na_ato gatimatāṃ gatiḥ /

Verse: 44 
Halfverse: a    sarvam etat samālokya   yac cānyad api dr̥śyate
   sarvam etat samālokya   yac ca_anyad api dr̥śyate /
Halfverse: c    gatiṃ viditvā vaidehyāḥ   saṃnivartitam arhatʰa
   gatiṃ viditvā vaidehyāḥ   saṃnivartitam arhatʰa /

Verse: 45 
Halfverse: a    yas tu māsān nivr̥tto 'gre   dr̥ṣṭā sīteti vakṣyati
   yas tu māsān nivr̥tto_agre   dr̥ṣṭā sīteti vakṣyati / {sīte_iti}
Halfverse: c    mattulyavibʰavo bʰogaiḥ   sukʰaṃ sa vihariṣyati
   mat-tulya-vibʰavo bʰogaiḥ   sukʰaṃ sa vihariṣyati /

Verse: 46 
Halfverse: a    tataḥ priyataro nāsti   mama prāṇād viśeṣataḥ
   tataḥ priyataro na_asti   mama prāṇād viśeṣataḥ /
Halfverse: c    kr̥tāparādʰo bahuśo   mama bandʰur bʰaviṣyati
   kr̥ta_aparādʰo bahuśo   mama bandʰur bʰaviṣyati /

Verse: 47 
Halfverse: a    amitabalaparākramā   bʰavanto vipulaguṇeṣu kuleṣu ca prasūtāḥ
   amita-bala-parākramā   bʰavanto vipula-guṇeṣu kuleṣu ca prasūtāḥ /
Halfverse: c    manujapatisutāṃ yatʰā   labʰadʰvaṃ tad adʰiguṇaṃ puruṣārtʰam ārabʰadʰvam
   manuja-pati-sutāṃ yatʰā   labʰadʰvaṃ tad adʰiguṇaṃ puruṣa_artʰam ārabʰadʰvam / {E}



Next part


This text is part of the TITUS edition of Ramayana.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.