TITUS
Ramayana
Part No. 315
Previous part

Chapter: 56 
Adhyāya 56


Verse: 1 
Halfverse: a    śokād bʰraṣṭasvaram api   śrutvā te hariyūtʰapāḥ
   śokād bʰraṣṭa-svaram api   śrutvā te hari-yūtʰapāḥ /
Halfverse: c    śraddadʰur naiva tad vākyaṃ   karmaṇā tasya śaṅkitāḥ
   śraddadʰur na_eva tad vākyaṃ   karmaṇā tasya śaṅkitāḥ /

Verse: 2 
Halfverse: a    te prāyam upaviṣṭās tu   dr̥ṣṭvā gr̥dʰraṃ plavaṃgamāḥ
   te prāyam upaviṣṭās tu   dr̥ṣṭvā gr̥dʰraṃ plavaṃ-gamāḥ /
Halfverse: c    cakrur buddʰiṃ tadā raudrāṃ   sarvān no bʰakṣayiṣyati
   cakrur buddʰiṃ tadā raudrāṃ   sarvān no bʰakṣayiṣyati /

Verse: 3 
Halfverse: a    sarvatʰā prāyam āsīnān   yadi no bʰakṣayiṣyati
   sarvatʰā prāyam āsīnān   yadi no bʰakṣayiṣyati /
Halfverse: c    kr̥takr̥tyā bʰaviṣyāmaḥ   kṣipraṃ siddʰim ito gatāḥ
   kr̥ta-kr̥tyā bʰaviṣyāmaḥ   kṣipraṃ siddʰim ito gatāḥ /

Verse: 4 
Halfverse: a    etāṃ buddʰiṃ tataś cakruḥ   sarve te vānararṣabʰāḥ
   etāṃ buddʰiṃ tataś cakruḥ   sarve te vānara-r̥ṣabʰāḥ /
Halfverse: c    avatārya gireḥ śr̥ṅgād   gr̥dʰram āhāṅgadas tadā
   avatārya gireḥ śr̥ṅgād   gr̥dʰram āha_aṅgadas tadā /

Verse: 5 
Halfverse: a    babʰūvur kṣarajo nāma   vānarendraḥ pratāpavān
   babʰūvur kṣarajo nāma   vānara_indraḥ pratāpavān /
Halfverse: c    mamāryaḥ pārtʰivaḥ pakṣin   dʰārmikau tasya cātmajau
   mama_āryaḥ pārtʰivaḥ pakṣin   dʰārmikau tasya ca_ātmajau /

Verse: 6 
Halfverse: a    sugrīvaś caiva valī ca   putrāv ogʰabalāv ubʰau
   sugrīvaś caiva valī ca   putrāv ogʰa-balāv ubʰau /
Halfverse: c    loke viśrutakarmābʰūd   rājā vālī pitā mama
   loke viśruta-karmā_abʰūd   rājā vālī pitā mama /

Verse: 7 
Halfverse: a    rājā kr̥tsnasya jagata   ikṣvākūṇāṃ mahāratʰaḥ
   rājā kr̥tsnasya jagata   ikṣvākūṇāṃ mahā-ratʰaḥ /
Halfverse: c    rāmo dāśaratʰiḥ śrīmān   praviṣṭo daṇḍakāvanam
   rāmo dāśaratʰiḥ śrīmān   praviṣṭo daṇḍakā-vanam /

Verse: 8 
Halfverse: a    lakṣmaṇena saha bʰrātrā   vaidehyā cāpi bʰāryayā
   lakṣmaṇena saha bʰrātrā   vaidehyā ca_api bʰāryayā /
Halfverse: c    pitur nideśanirato   dʰarmyaṃ pantʰānam āśritaḥ
   pitur nideśa-nirato   dʰarmyaṃ pantʰānam āśritaḥ /
Halfverse: e    tasya bʰāryā janastʰānād   rāvaṇena hr̥tā balāt
   tasya bʰāryā jana-stʰānād   rāvaṇena hr̥tā balāt /

Verse: 9 
Halfverse: a    rāmasya ca pitur mitraṃ   jaṭāyur nāma gr̥dʰrarāṭ
   rāmasya ca pitur mitraṃ   jaṭāyur nāma gr̥dʰra-rāṭ /
Halfverse: c    dadarśa sītāṃ vaidehīṃ   hriyamāṇāṃ vihāyasā
   dadarśa sītāṃ vaidehīṃ   hriyamāṇāṃ vihāyasā /

Verse: 10 
Halfverse: a    rāvaṇaṃ viratʰaṃ kr̥tvā   stʰāpayitvā ca maitʰilīm
   rāvaṇaṃ viratʰaṃ kr̥tvā   stʰāpayitvā ca maitʰilīm /
Halfverse: c    pariśrāntaś ca vr̥ddʰaś ca   rāvaṇena hato raṇe
   pariśrāntaś ca vr̥ddʰaś ca   rāvaṇena hato raṇe /

Verse: 11 
Halfverse: a    evaṃ gr̥dʰro hatas tena   rāvaṇena bahīyasā
   evaṃ gr̥dʰro hatas tena   rāvaṇena bahīyasā /
Halfverse: c    saṃskr̥taś cāpi rāmeṇa   gataś ca gatim uttamām
   saṃskr̥taś ca_api rāmeṇa   gataś ca gatim uttamām /

Verse: 12 
Halfverse: a    tato mama pitr̥vyeṇa   sugrīveṇa mahātmanā
   tato mama pitr̥vyeṇa   sugrīveṇa mahātmanā /
Halfverse: c    cakāra rāgʰavaḥ sakʰyaṃ   so 'vadʰīt pitaraṃ mama
   cakāra rāgʰavaḥ sakʰyaṃ   so_avadʰīt pitaraṃ mama /

Verse: 13 
Halfverse: a    māma pitrā viruddʰo hi   sugrīvaḥ sacivaiḥ saha
   māma pitrā viruddʰo hi   sugrīvaḥ sacivaiḥ saha /
Halfverse: c    nihatya vālinaṃ rāmas   tatas tam abʰiṣecayat
   nihatya vālinaṃ rāmas   tatas tam abʰiṣecayat /

Verse: 14 
Halfverse: a    sa rājye stʰāpitas tena   sugrīvo vānareśvaraḥ
   sa rājye stʰāpitas tena   sugrīvo vānara_īśvaraḥ /
Halfverse: c    rājā vānaramukʰyānāṃ   yena prastʰāpitā vayam
   rājā vānara-mukʰyānāṃ   yena prastʰāpitā vayam /

Verse: 15 
Halfverse: a    evaṃ rāmaprayuktās tu   mārgamāṇās tatas tataḥ
   evaṃ rāma-prayuktās tu   mārgamāṇās tatas tataḥ /
Halfverse: c    vaidehīṃ nādʰigaccʰāmo   rātrau sūryaprabʰām iva
   vaidehīṃ na_adʰigaccʰāmo   rātrau sūrya-prabʰām iva /

Verse: 16 
Halfverse: a    te vayaṃ daṇḍakāraṇyaṃ   vicitya susamāhitāḥ {!}
   te vayaṃ daṇḍaka_araṇyaṃ   vicitya susamāhitāḥ / {!}
Halfverse: c    ajñānāt tu praviṣṭāḥ sma   dʰaraṇyā vivr̥taṃ bilam
   ajñānāt tu praviṣṭāḥ sma   dʰaraṇyā vivr̥taṃ bilam /

Verse: 17 
Halfverse: a    mayasya māyā vihitaṃ   tad bilaṃ ca vicinvatām
   mayasya māyā vihitaṃ   tad bilaṃ ca vicinvatām /
Halfverse: c    vyatītas tatra no māso   yo rājñā sāmayaḥ kr̥taḥ
   vyatītas tatra no māso   yo rājñā sāmayaḥ kr̥taḥ /

Verse: 18 
Halfverse: a    te vayaṃ kapirājasya   sarve vacanakāriṇaḥ
   te vayaṃ kapi-rājasya   sarve vacana-kāriṇaḥ /
Halfverse: c    kr̥tāṃ saṃstʰām atikrāntā   bʰayāt prāyam upāsmahe
   kr̥tāṃ saṃstʰām atikrāntā   bʰayāt prāyam upāsmahe /

Verse: 19 
Halfverse: a    kruddʰe tasmiṃs tu kākutstʰe   sugrīve ca salakṣmaṇe
   kruddʰe tasmiṃs tu kākutstʰe   sugrīve ca salakṣmaṇe /
Halfverse: c    gatānām api sarveṣāṃ   tatra no nāsti jīvitam
   gatānām api sarveṣāṃ   tatra no na_asti jīvitam / {E}



Next part


This text is part of the TITUS edition of Ramayana.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.