TITUS
Ramayana
Part No. 328
Previous part

Chapter: 3 
Adhyāya 3


Verse: 1 
Halfverse: a    sa lambaśikʰare lambe   lambatoyadasaṃnibʰe
   sa lamba-śikʰare lambe   lamba-toyada-saṃnibʰe /
Halfverse: c    sattvam āstʰāya medʰāvī   hanumān mārutātmajaḥ
   sattvam āstʰāya medʰāvī   hanumān māruta_ātmajaḥ /1/

Verse: 2 
Halfverse: a    niśi laṅkāṃ mahāsattvo   viveśa kapikuñjaraḥ
   niśi laṅkāṃ mahā-sattvo   viveśa kapi-kuñjaraḥ /
Halfverse: c    ramyakānanatoyāḍʰyāṃ   purīṃ rāvaṇapālitām
   ramya-kānana-toya_āḍʰyāṃ   purīṃ rāvaṇa-pālitām /2/

Verse: 3 
Halfverse: a    śāradāmbudʰaraprakʰyair   bʰavanair upaśobʰitām
   śārada_ambu-dʰara-prakʰyair   bʰavanair upaśobʰitām /
Halfverse: c    sāgaropamanirgʰoṣāṃ   sāgarānilasevitām
   sāgara_upama-nirgʰoṣāṃ   sāgara_anila-sevitām /3/

Verse: 4 
Halfverse: a    supuṣṭabalasaṃguptāṃ   yatʰaiva viṭapāvatīm
   supuṣṭa-bala-saṃguptāṃ   yatʰaiva viṭapāvatīm /
Halfverse: c    cārutoraṇaniryūhāṃ   pāṇḍuradvāratoraṇām
   cāru-toraṇa-niryūhāṃ   pāṇḍura-dvāra-toraṇām /4/

Verse: 5 
Halfverse: a    bʰujagācaritāṃ guptāṃ   śubʰāṃ bʰogavatīm iva
   bʰujaga_ācaritāṃ guptāṃ   śubʰāṃ bʰogavatīm iva /
Halfverse: c    tāṃ savidyudgʰanākīrṇāṃ   jyotirmārganiṣevitām
   tāṃ savidyud-gʰana_ākīrṇāṃ   jyotir-mārga-niṣevitām /5/

Verse: 6 
Halfverse: a    caṇḍamārutanirhrādāṃ   yatʰendrasyāmarāvatīm
   caṇḍa-māruta-nirhrādāṃ   yatʰā_indrasya_amarāvatīm /
Halfverse: c    śātakumbʰena mahatā   prākāreṇābʰisaṃvr̥tām
   śātakumbʰena mahatā   prākāreṇa_abʰisaṃvr̥tām /6/

Verse: 7 
Halfverse: a    kiṅkiṇījālagʰoṣābʰiḥ   patākābʰir alaṃkr̥tām
   kiṅkiṇī-jāla-gʰoṣābʰiḥ   patākābʰir alaṃkr̥tām /
Halfverse: c    āsādya sahasā hr̥ṣṭaḥ   prākāram abʰipedivān
   āsādya sahasā hr̥ṣṭaḥ   prākāram abʰipedivān /7/

Verse: 8 
Halfverse: a    vismayāviṣṭahr̥dayaḥ   purīm ālokya sarvataḥ
   vismaya_āviṣṭa-hr̥dayaḥ   purīm ālokya sarvataḥ /
Halfverse: c    jāmbūnadamayair dvārair   vaidūryakr̥tavedikaiḥ
   jāmbūnadamayair dvārair   vaidūrya-kr̥ta-vedikaiḥ /8/

Verse: 9 
Halfverse: a    maṇispʰaṭika muktābʰir   maṇikuṭṭimabʰūṣitaiḥ
   maṇi-spʰaṭika muktābʰir   maṇi-kuṭṭima-bʰūṣitaiḥ /
Halfverse: c    taptahāṭakaniryūhai   rājatāmalapāṇḍuraiḥ
   tapta-hāṭaka-niryūhai   rājata_amala-pāṇḍuraiḥ /9/ {!}

Verse: 10 
Halfverse: a    vaidūryatalasopānaiḥ   spʰāṭikāntarapāṃsubʰiḥ
   vaidūrya-tala-sopānaiḥ   spʰāṭika_antara-pāṃsubʰiḥ /
Halfverse: c    cārusaṃjavanopetaiḥ   kʰam ivotpatitaiḥ śubʰaiḥ
   cāru-saṃjavana_upetaiḥ   kʰam iva_utpatitaiḥ śubʰaiḥ /10/

Verse: 11 
Halfverse: a    krauñcabarhiṇasaṃgʰuṣṭe   rājahaṃsaniṣevitaiḥ
   krauñca-barhiṇa-saṃgʰuṣṭe   rāja-haṃsa-niṣevitaiḥ /
Halfverse: c    tūryābʰaraṇanirgʰoṣaiḥ   sarvataḥ pratināditām
   tūrya_ābʰaraṇa-nirgʰoṣaiḥ   sarvataḥ pratināditām /11/

Verse: 12 
Halfverse: a    vasvokasārāpratimāṃ   samīkṣya nagarīṃ tataḥ
   vasvokasārā-pratimāṃ   samīkṣya nagarīṃ tataḥ /
Halfverse: c    kʰam ivotpatitāṃ laṅkāṃ   jaharṣa hanumān kapiḥ
   kʰam iva_utpatitāṃ laṅkāṃ   jaharṣa hanumān kapiḥ /12/

Verse: 13 
Halfverse: a    tāṃ samīkṣya purīṃ laṅkāṃ   rākṣasādʰipateḥ śubʰām
   tāṃ samīkṣya purīṃ laṅkāṃ   rākṣasa_adʰipateḥ śubʰām /
Halfverse: c    anuttamām r̥ddʰiyutāṃ   cintayām āsa vīryavān
   anuttamām r̥ddʰi-yutāṃ   cintayām āsa vīryavān /13/

Verse: 14 
Halfverse: a    neyam anyena nagarī   śakyā dʰarṣayituṃ balāt
   na_iyam anyena nagarī   śakyā dʰarṣayituṃ balāt /
Halfverse: c    rakṣitā rāvaṇabalair   udyatāyudʰadʰāribʰiḥ
   rakṣitā rāvaṇa-balair   udyata_āyudʰa-dʰāribʰiḥ /14/

Verse: 15 
Halfverse: a    kumudāṅgadayor vāpi   suṣeṇasya mahākapeḥ
   kumuda_aṅgadayor vā_api   suṣeṇasya mahā-kapeḥ /
Halfverse: c    prasiddʰeyaṃ bʰaved bʰūmir   maindadvividayor api
   prasiddʰā_iyaṃ bʰaved bʰūmir   mainda-dvividayor api /15/

Verse: 16 
Halfverse: a    vivasvatas tanūjasya   hareś ca kuśaparvaṇaḥ
   vivasvatas tanūjasya   hareś ca kuśa-parvaṇaḥ /
Halfverse: c    r̥kṣasya ketumālasya   mama caiva gatir bʰavet
   r̥kṣasya ketu-mālasya   mama caiva gatir bʰavet /16/

Verse: 17 
Halfverse: a    samīkṣya tu mahābāho   rāgʰavasya parākramam
   samīkṣya tu mahā-bāho   rāgʰavasya parākramam /
Halfverse: c    lakṣmaṇasya ca vikrāntam   abʰavat prītimān kapiḥ
   lakṣmaṇasya ca vikrāntam   abʰavat prītimān kapiḥ /17/

Verse: 18 
Halfverse: a    tāṃ ratnavasanopetāṃ   koṣṭʰāgārāvataṃsakām
   tāṃ ratna-vasana_upetāṃ   koṣṭʰa_āgāra_avataṃsakām /
Halfverse: c    yantrāgārastanīm r̥ddʰāṃ   pramadām iva bʰūṣitām
   yantra_agāra-stanīm r̥ddʰāṃ   pramadām iva bʰūṣitām /18/

Verse: 19 
Halfverse: a    tāṃ naṣṭatimirāṃ dīpair   bʰāsvaraiś ca mahāgr̥haiḥ
   tāṃ naṣṭa-timirāṃ dīpair   bʰāsvaraiś ca mahā-gr̥haiḥ /
Halfverse: c    nagarīṃ rākṣasendrasya   dadarśa sa mahākapiḥ
   nagarīṃ rākṣasa_indrasya   dadarśa sa mahā-kapiḥ /19/

Verse: 20 
Halfverse: a    praviṣṭaḥ sattvasaṃpanno   niśāyāṃ mārutātmajaḥ
   praviṣṭaḥ sattva-saṃpanno   niśāyāṃ māruta_ātmajaḥ /
Halfverse: c    sa mahāpatʰam āstʰāya   muktāpuṣpavirājitam
   sa mahā-patʰam āstʰāya   muktā-puṣpa-virājitam /20/

Verse: 21 
Halfverse: a    hasitodgʰuṣṭaninadais   tūryagʰoṣa puraḥ saraiḥ
   hasita_udgʰuṣṭa-ninadais   tūrya-gʰoṣa puraḥ saraiḥ /
Halfverse: c    vajrāṅkuśanikāśaiś ca   vajrajālavibʰūṣitaiḥ
   vajra_aṅkuśa-nikāśaiś ca   vajra-jāla-vibʰūṣitaiḥ /
Halfverse: e    gr̥hamedʰaiḥ purī ramyā   babʰāse dyaur ivāmbudaiḥ
   gr̥ha-medʰaiḥ purī ramyā   babʰāse dyaur iva_ambudaiḥ /21/

Verse: 22 
Halfverse: a    prajajvāla tadā laṅkā   rakṣogaṇagr̥haiḥ śubʰaiḥ
   prajajvāla tadā laṅkā   rakṣo-gaṇa-gr̥haiḥ śubʰaiḥ /
Halfverse: c    sitābʰrasadr̥śaiś citraiḥ   padmasvastikasaṃstʰitaiḥ
   sita_abʰra-sadr̥śaiś citraiḥ   padma-svastika-saṃstʰitaiḥ /
Halfverse: e    vardʰamānagr̥haiś cāpi   sarvataḥ suvibʰāṣitaiḥ
   vardʰamāna-gr̥haiś ca_api   sarvataḥ suvibʰāṣitaiḥ /22/

Verse: 23 
Halfverse: a    tāṃ citramālyābʰaraṇāṃ   kapirājahitaṃkaraḥ
   tāṃ citra-mālya_ābʰaraṇāṃ   kapi-rāja-hitaṃ-karaḥ /
Halfverse: c    rāgʰavārtʰaṃ carañ śrīmān   dadarśa ca nananda ca
   rāgʰava_artʰaṃ caran śrīmān   dadarśa ca nananda ca /23/

Verse: 24 
Halfverse: a    śuśrāva madʰuraṃ gītaṃ   tristʰānasvarabʰūṣitam
   śuśrāva madʰuraṃ gītaṃ   tri-stʰāna-svara-bʰūṣitam /
Halfverse: c    strīṇāṃ madasamr̥ddʰānāṃ   divi cāpsarasām iva
   strīṇāṃ mada-samr̥ddʰānāṃ   divi ca_apsarasām iva /24/

Verse: 25 
Halfverse: a    śuśrāva kāñcīninadaṃ   nūpurāṇāṃ ca niḥsvanam {!}
   śuśrāva kāñcī-ninadaṃ   nūpurāṇāṃ ca niḥsvanam / {!}
Halfverse: c    sopānaninadāṃś caiva   bʰavaneṣu mahātmanam
   sopāna-ninadāṃś caiva   bʰavaneṣu mahātmanam /
Halfverse: e    āspʰoṭitaninādāṃś ca   kṣveḍitāṃś ca tatas tataḥ
   āspʰoṭita-ninādāṃś ca   kṣveḍitāṃś ca tatas tataḥ /25/

Verse: 26 
Halfverse: a    svādʰyāya niratāṃś caiva   yātudʰānān dadarśa saḥ
   svādʰyāya niratāṃś caiva   yātu-dʰānān dadarśa saḥ /
Halfverse: c    rāvaṇastavasaṃyuktān   garjato rākṣasān api
   rāvaṇa-stava-saṃyuktān   garjato rākṣasān api /26/

Verse: 27 
Halfverse: a    rājamārgaṃ samāvr̥tya   stʰitaṃ rakṣobalaṃ mahat
   rāja-mārgaṃ samāvr̥tya   stʰitaṃ rakṣo-balaṃ mahat /
Halfverse: c    dadarśa madʰyame gulme   rākṣasasya carān bahūn
   dadarśa madʰyame gulme   rākṣasasya carān bahūn /27/

Verse: 28 
Halfverse: a    dīkṣitāñ jaṭilān muṇḍān   go'jināmbaravāsasaḥ
   dīkṣitān jaṭilān muṇḍān   go_ajina_ambara-vāsasaḥ /
Halfverse: c    darbʰamuṣṭipraharaṇān   agnikuṇḍāyudʰāṃs tatʰā
   darbʰa-muṣṭi-praharaṇān   agni-kuṇḍa_āyudʰāṃs tatʰā /28/

Verse: 29 
Halfverse: a    kūṭamudgarapāṇīṃś ca   daṇḍāyudʰadʰarān api
   kūṭa-mudgara-pāṇīṃś ca   daṇḍa_āyudʰa-dʰarān api /
Halfverse: c    ekākṣānekakarṇāṃś ca   calallambapayodʰarān
   eka_akṣa_aneka-karṇāṃś ca   calal-lamba-payo-dʰarān /29/

Verse: 30 
Halfverse: a    karālān bʰugnavaktrāṃś ca   vikaṭān vāmanāṃs tatʰā
   karālān bʰugna-vaktrāṃś ca   vikaṭān vāmanāṃs tatʰā /
Halfverse: c    dʰanvinaḥ kʰaḍginaś caiva   śatagʰnī musalāyudʰān
   dʰanvinaḥ kʰaḍginaś caiva   śatagʰnī musala_āyudʰān /
Halfverse: e    parigʰottamahastāṃś ca   vicitrakavacojjvalān
   parigʰa_uttama-hastāṃś ca   vicitra-kavaca_ujjvalān /30/

Verse: 31 
Halfverse: a    nātistʰūlān nātikr̥śān   nātidīrgʰātihrasvakān {!}
   nātistʰūlān nātikr̥śān   nātidīrgʰa_atihrasvakān / {!}
Halfverse: c    virūpān bahurūpāṃś ca   surūpāṃś ca suvarcasaḥ
   virūpān bahu-rūpāṃś ca   surūpāṃś ca suvarcasaḥ /31/

Verse: 32 
Halfverse: a    śaktivr̥kṣāyudʰāṃś caiva   paṭṭiśāśanidʰāriṇaḥ
   śakti-vr̥kṣa_āyudʰāṃś caiva   paṭṭiśa_aśani-dʰāriṇaḥ /
Halfverse: c    kṣepaṇīpāśahastāṃś ca   dadarśa sa mahākapiḥ
   kṣepaṇī-pāśa-hastāṃś ca   dadarśa sa mahā-kapiḥ /32/

Verse: 33 
Halfverse: a    sragviṇas tv anuliptāṃś ca   varābʰaraṇabʰūṣitān
   sragviṇas tv anuliptāṃś ca   vara_ābʰaraṇa-bʰūṣitān /
Halfverse: c    tīkṣṇaśūladʰarāṃś caiva   vajriṇaś ca mahābalān
   tīkṣṇa-śūla-dʰarāṃś caiva   vajriṇaś ca mahā-balān /33/

Verse: 34 
Halfverse: a    śatasāhasram avyagram   ārakṣaṃ madʰyamaṃ kapiḥ
   śata-sāhasram avyagram   ārakṣaṃ madʰyamaṃ kapiḥ /
Halfverse: c    prākārāvr̥tam atyantaṃ   dadarśa sa mahākapiḥ
   prākāra_āvr̥tam atyantaṃ   dadarśa sa mahā-kapiḥ /34/

Verse: 35 
Halfverse: a    triviṣṭapanibʰaṃ divyaṃ   divyanādavināditam
   triviṣṭapa-nibʰaṃ divyaṃ   divya-nāda-vināditam /
Halfverse: c    vājiheṣitasaṃgʰuṣṭaṃ   nāditaṃ bʰūṣaṇais tatʰā
   vāji-heṣita-saṃgʰuṣṭaṃ   nāditaṃ bʰūṣaṇais tatʰā /35/

Verse: 36 
Halfverse: a    ratʰair yānair vimānaiś ca   tatʰā gajahayaiḥ śubʰaiḥ
   ratʰair yānair vimānaiś ca   tatʰā gaja-hayaiḥ śubʰaiḥ /
Halfverse: c    vāraṇaiś ca caturdantaiḥ   śvetābʰranicayopamaiḥ
   vāraṇaiś ca catur-dantaiḥ   śveta_abʰra-nicaya_upamaiḥ /36/

Verse: 37 
Halfverse: a    bʰūṣitaṃ ruciradvāraṃ   mattaiś ca mr̥gapakṣibʰiḥ
   bʰūṣitaṃ rucira-dvāraṃ   mattaiś ca mr̥ga-pakṣibʰiḥ /
Halfverse: c    rākṣasādʰipater guptam   āviveśa gr̥haṃ kapiḥ
   rākṣasa_adʰipater guptam   āviveśa gr̥haṃ kapiḥ /37/ {E}



Next part


This text is part of the TITUS edition of Ramayana.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.