TITUS
Ramayana
Part No. 334
Previous part

Chapter: 9 
Adhyāya 9


Verse: 1 
Halfverse: a    avadʰūya ca tāṃ buddʰiṃ   babʰūvāvastʰitas tadā
   avadʰūya ca tāṃ buddʰiṃ   babʰūva_avastʰitas tadā /
Halfverse: c    jagāma cāparāṃ cintāṃ   sītāṃ prati mahākapiḥ
   jagāma ca_aparāṃ cintāṃ   sītāṃ prati mahā-kapiḥ /1/

Verse: 2 
Halfverse: a    na rāmeṇa viyuktā sā   svaptum arhati bʰāminī
   na rāmeṇa viyuktā sā   svaptum arhati bʰāminī /
Halfverse: c    na bʰoktuṃ nāpy alaṃkartuṃ   na pānam upasevitum
   na bʰoktuṃ na_apy alaṃkartuṃ   na pānam upasevitum /2/

Verse: 3 
Halfverse: a    nānyaṃ naram upastʰātuṃ   surāṇām api ceśvaram
   na_anyaṃ naram upastʰātuṃ   surāṇām api ca_īśvaram /
Halfverse: c    na hi rāmasamaḥ kaś cid   vidyate tridaśeṣv api
   na hi rāma-samaḥ kaścid   vidyate tridaśeṣv api /
Halfverse: e    anyeyam iti niścitya   pānabʰūmau cacāra saḥ
   anyā_iyam iti niścitya   pāna-bʰūmau cacāra saḥ /3/

Verse: 4 
Halfverse: a    krīḍitenāparāḥ klāntā   gītena ca tatʰā parāḥ
   krīḍitena_aparāḥ klāntā   gītena ca tatʰā parāḥ /
Halfverse: c    nr̥ttena cāparāḥ klāntāḥ   pānaviprahatās tatʰā
   nr̥ttena ca_aparāḥ klāntāḥ   pāna-viprahatās tatʰā /4/

Verse: 5 
Halfverse: a    murajeṣu mr̥daṅgeṣu   pīṭʰikāsu ca saṃstʰitāḥ
   murajeṣu mr̥daṅgeṣu   pīṭʰikāsu ca saṃstʰitāḥ /
Halfverse: c    tatʰāstaraṇamukʰyyeṣu   saṃviṣṭāś cāparāḥ striyaḥ
   tatʰā_āstaraṇa-mukʰyyeṣu   saṃviṣṭāś ca_aparāḥ striyaḥ /5/

Verse: 6 
Halfverse: a    aṅganānāṃ sahasreṇa   bʰūṣitena vibʰūṣaṇaiḥ
   aṅganānāṃ sahasreṇa   bʰūṣitena vibʰūṣaṇaiḥ /
Halfverse: c    rūpasam̐llāpaśīlena   yuktagītārtʰabʰāṣiṇā {!}
   rūpa-sam̐llāpa-śīlena   yukta-gīta_artʰa-bʰāṣiṇā /6/ {!} {!}

Verse: 7 
Halfverse: a    deśakālābʰiyuktena   yuktavākyābʰidʰāyinā
   deśa-kāla_abʰiyuktena   yukta-vākya_abʰidʰāyinā /
Halfverse: c    ratābʰiratasaṃsuptaṃ   dadarśa hariyūtʰapaḥ
   rata_abʰirata-saṃsuptaṃ   dadarśa hari-yūtʰapaḥ /7/

Verse: 8 
Halfverse: a    tāsāṃ madʰye mahābāhuḥ   śuśubʰe rākṣaseśvaraḥ
   tāsāṃ madʰye mahā-bāhuḥ   śuśubʰe rākṣasa_īśvaraḥ /
Halfverse: c    goṣṭʰe mahati mukʰyānāṃ   gavāṃ madʰye yatʰā vr̥ṣaḥ
   goṣṭʰe mahati mukʰyānāṃ   gavāṃ madʰye yatʰā vr̥ṣaḥ /8/

Verse: 9 
Halfverse: a    sa rākṣasendraḥ śuśubʰe   tābʰiḥ parivr̥taḥ svayam
   sa rākṣasa_indraḥ śuśubʰe   tābʰiḥ parivr̥taḥ svayam /
Halfverse: c    kareṇubʰir yatʰāraṇyaṃ   parikīrṇo mahādvipaḥ
   kareṇubʰir yatʰā_araṇyaṃ   parikīrṇo mahā-dvipaḥ /

Verse: 10 
Halfverse: a    sarvakāmair upetāṃ ca   pānabʰūmiṃ mahātmanaḥ
   sarva-kāmair upetāṃ ca   pāna-bʰūmiṃ mahātmanaḥ /
Halfverse: c    dadarśa kapiśārdūlas   tasya rakṣaḥpater gr̥he
   dadarśa kapi-śārdūlas   tasya rakṣaḥ-pater gr̥he /10/

Verse: 11 
Halfverse: a    mr̥gāṇāṃ mahiṣāṇāṃ ca   varāhāṇāṃ ca bʰāgaśaḥ
   mr̥gāṇāṃ mahiṣāṇāṃ ca   varāhāṇāṃ ca bʰāgaśaḥ /
Halfverse: c    tatra nyastāni māṃsāni   pānabʰūmau dadarśa saḥ
   tatra nyastāni māṃsāni   pāna-bʰūmau dadarśa saḥ /11/

Verse: 12 
Halfverse: a    raukmeṣu ca viśaleṣu   bʰājaneṣv ardʰabʰakṣitān
   raukmeṣu ca viśaleṣu   bʰājaneṣv ardʰa-bʰakṣitān /
Halfverse: c    dadarśa kapiśārdūla   mayūrān kukkuṭāṃs tatʰā
   dadarśa kapi-śārdūla   mayūrān kukkuṭāṃs tatʰā /12/

Verse: 13 
Halfverse: a    varāhavārdʰrāṇasakān   dadʰisauvarcalāyutān
   varāha-vārdʰrāṇasakān   dadʰi-sauvarcala_āyutān /
Halfverse: c    śalyān mr̥gamayūrāṃś ca   hanūmān anvavaikṣata
   śalyān mr̥ga-mayūrāṃś ca   hanūmān anvavaikṣata /13/

Verse: 14 
Halfverse: a    kr̥karān vividʰān siddʰāṃś   cakorān ardʰabʰakṣitān
   kr̥karān vividʰān siddʰāṃś   cakorān ardʰa-bʰakṣitān /
Halfverse: c    mahiṣān ekaśalyāṃś ca   cʰāgāṃś ca kr̥taniṣṭʰitān
   mahiṣān eka-śalyāṃś ca   cʰāgāṃś ca kr̥ta-niṣṭʰitān /
Halfverse: e    lekʰyam uccāvacaṃ peyaṃ   bʰojyāni vividʰāni ca
   lekʰyam ucca_avacaṃ peyaṃ   bʰojyāni vividʰāni ca /14/

Verse: 15 
Halfverse: a    tatʰāmlalavaṇottaṃsair   vividʰai rāgaṣāḍavaiḥ
   tatʰā_amla-lavaṇa_uttaṃsair   vividʰai rāga-ṣāḍavaiḥ /
Halfverse: c    hāra nūpurakeyūrair   apaviddʰair mahādʰanaiḥ
   hāra nūpura-keyūrair   apaviddʰair mahā-dʰanaiḥ /15/

Verse: 16 
Halfverse: a    pānabʰājanavikṣiptaiḥ   pʰalaiś ca vividʰair api
   pāna-bʰājana-vikṣiptaiḥ   pʰalaiś ca vividʰair api /
Halfverse: c    kr̥tapuṣpopahārā bʰūr   adʰikaṃ puṣyati śriyam
   kr̥ta-puṣpa_upahārā bʰūr   adʰikaṃ puṣyati śriyam /16/

Verse: 17 
Halfverse: a    tatra tatra ca vinyastaiḥ   suśliṣṭaiḥ śayanāsanaiḥ
   tatra tatra ca vinyastaiḥ   suśliṣṭaiḥ śayana_āsanaiḥ /
Halfverse: c    pānabʰūmir vinā vahniṃ   pradīptevopalakṣyate
   pāna-bʰūmir vinā vahniṃ   pradīptā_iva_upalakṣyate /17/

Verse: 18 
Halfverse: a    bahuprakārair vividʰair   varasaṃskārasaṃskr̥taiḥ
   bahu-prakārair vividʰair   vara-saṃskāra-saṃskr̥taiḥ /
Halfverse: c    māṃsaiḥ kuśalasaṃyuktaiḥ   pānabʰūmigataiḥ pr̥tʰak
   māṃsaiḥ kuśala-saṃyuktaiḥ   pāna-bʰūmi-gataiḥ pr̥tʰak /18/

Verse: 19 
Halfverse: a    divyāḥ prasannā vividʰāḥ   surāḥ kr̥tasurā api
   divyāḥ prasannā vividʰāḥ   surāḥ kr̥ta-surā api /
Halfverse: c    śarkarāsavamādʰvīkāḥ   puṣpāsavapʰalāsavāḥ
   śarkara_āsava-mādʰvīkāḥ   puṣpa_āsava-pʰala_āsavāḥ /
Halfverse: e    vāsacūrṇaiś ca vividʰair   mr̥ṣṭās tais taiḥ pr̥tʰakpr̥tʰak
   vāsa-cūrṇaiś ca vividʰair   mr̥ṣṭās tais taiḥ pr̥tʰak-pr̥tʰak /19/

Verse: 20 
Halfverse: a    saṃtatā śuśubʰe bʰūmir   mālyaiś ca bahusaṃstʰitaiḥ
   saṃtatā śuśubʰe bʰūmir   mālyaiś ca bahu-saṃstʰitaiḥ /
Halfverse: c    hiraṇmayaiś ca karakair   bʰājanaiḥ spʰāṭikair api
   hiraṇmayaiś ca karakair   bʰājanaiḥ spʰāṭikair api /
Halfverse: e    jāmbūnadamayaiś cānyaiḥ   karakair abʰisaṃvr̥tā
   jāmbū-nadamayaiś ca_anyaiḥ   karakair abʰisaṃvr̥tā

Verse: 21 
Halfverse: a    rājateṣu ca kumbʰeṣu   jāmbūnadamayeṣu ca
   rājateṣu ca kumbʰeṣu   jāmbūnadamayeṣu ca /
Halfverse: c    pānaśreṣṭʰaṃ tadā bʰūri   kapis tatra dadarśa ha
   pāna-śreṣṭʰaṃ tadā bʰūri   kapis tatra dadarśa ha /21/

Verse: 22 
Halfverse: a    so 'paśyac cʰātakumbʰāni   śīdʰor maṇimayāni ca
   so_apaśyat śāta-kumbʰāni   śīdʰor maṇimayāni ca / {?}
Halfverse: c    rājatāni ca pūrṇāni   bʰājanāni mahākapiḥ
   rājatāni ca pūrṇāni   bʰājanāni mahā-kapiḥ /22/

Verse: 23 
Halfverse: a    kva cid ardʰāvaśeṣāṇi   kva cit pītāni sarvaśaḥ
   kvacid ardʰa_avaśeṣāṇi   kvacit pītāni sarvaśaḥ /
Halfverse: c    kva cin naiva prapītāni   pānāni sa dadarśa ha
   kvacin na_eva prapītāni   pānāni sa dadarśa ha /23/

Verse: 24 
Halfverse: a    kva cid bʰakṣyāṃś ca vividʰān   kva cit pānāni bʰāgaśaḥ
   kvacid bʰakṣyāṃś ca vividʰān   kvacit pānāni bʰāgaśaḥ /
Halfverse: c    kva cid annāvaśeṣāṇi   paśyan vai vicacāra ha
   kvacid anna_avaśeṣāṇi   paśyan vai vicacāra ha /24/

Verse: 25 
Halfverse: a    kva cit prabʰinnaiḥ karakaiḥ   kva cid āloḍitair gʰaṭaiḥ
   kvacit prabʰinnaiḥ karakaiḥ   kvacid āloḍitair gʰaṭaiḥ /
Halfverse: c    kva cit saṃpr̥ktamālyāni   jalāni ca pʰalāni ca
   kvacit saṃpr̥kta-mālyāni   jalāni ca pʰalāni ca /25/

Verse: 26 
Halfverse: a    śayanāny atra nārīṇāṃ   śūnyāni bahudʰā punaḥ
   śayanāny atra nārīṇāṃ   śūnyāni bahudʰā punaḥ /
Halfverse: c    parasparaṃ samāśliṣya   kāś cit suptā varāṅganāḥ
   parasparaṃ samāśliṣya   kāścit suptā vara_aṅganāḥ /26/

Verse: 27 
Halfverse: a    kā cic ca vastram anyasyā   apahr̥tyopaguhya ca
   kācic ca vastram anyasyā   apahr̥tya_upaguhya ca / {upaguhya!}
Halfverse: c    upagamyābalā suptā   nidrābalaparājitā
   upagamya_abalā suptā   nidrā-bala-parājitā /27/

Verse: 28 
Halfverse: a    tāsām uccʰvāsavātena   vastraṃ mālyaṃ ca gātrajam
   tāsām uccʰvāsa-vātena   vastraṃ mālyaṃ ca gātrajam /
Halfverse: c    nātyartʰaṃ spandate citraṃ   prāpya mandam ivānilam
   na_atyartʰaṃ spandate citraṃ   prāpya mandam iva_anilam /28/

Verse: 29 
Halfverse: a    candanasya ca śītasya   śīdʰor madʰurasasya ca
   candanasya ca śītasya   śīdʰor madʰu-rasasya ca /
Halfverse: c    vividʰasya ca mālyasya   puṣpasya vividʰasya ca
   vividʰasya ca mālyasya   puṣpasya vividʰasya ca /29/

Verse: 30 
Halfverse: a    bahudʰā mārutas tatra   gandʰaṃ vividʰam udvahan
   bahudʰā mārutas tatra   gandʰaṃ vividʰam udvahan /
Halfverse: c    snānānāṃ candanānāṃ ca   dʰūpānāṃ caiva mūrcʰitaḥ
   snānānāṃ candanānāṃ ca   dʰūpānāṃ caiva mūrcʰitaḥ /
Halfverse: e    pravavau surabʰir gandʰo   vimāne puṣpake tadā
   pravavau surabʰir gandʰo   vimāne puṣpake tadā /30/

Verse: 31 
Halfverse: a    śyāmāvadātās tatrānyāḥ   kāś cit kr̥ṣṇā varāṅganāḥ
   śyāma_avadātās tatra_anyāḥ   kāścit kr̥ṣṇā vara_aṅganāḥ /
Halfverse: c    kāś cit kāñcanavarṇāṅgyaḥ   pramadā rākṣasālaye
   kāścit kāñcana-varṇa_aṅgyaḥ   pramadā rākṣasa_ālaye /31/

Verse: 32 
Halfverse: a    tāsāṃ nidrāvaśatvāc ca   madanena vimūrcʰitam
   tāsāṃ nidrā-vaśatvāc ca   madanena vimūrcʰitam /
Halfverse: c    padminīnāṃ prasuptānāṃ   rūpam āsīd yatʰaiva hi
   padminīnāṃ prasuptānāṃ   rūpam āsīd yatʰaiva hi /32/

Verse: 33 
Halfverse: a    evaṃ sarvam aśeṣeṇa   rāvaṇāntaḥpuraṃ kapiḥ
   evaṃ sarvam aśeṣeṇa   rāvaṇa_antaḥ-puraṃ kapiḥ /
Halfverse: c    dadarśa sumahātejā   na dadarśa ca jānakīm
   dadarśa sumahā-tejā   na dadarśa ca jānakīm /33/

Verse: 34 
Halfverse: a    nirīkṣamāṇaś ca tatas   tāḥ striyaḥ sa mahākapiḥ
   nirīkṣamāṇaś ca tatas   tāḥ striyaḥ sa mahā-kapiḥ /
Halfverse: c    jagāma mahatīṃ cintāṃ   dʰarmasādʰvasaśaṅkitaḥ
   jagāma mahatīṃ cintāṃ   dʰarma-sādʰvasa-śaṅkitaḥ /34/

Verse: 35 
Halfverse: a    paradārāvarodʰasya   prasuptasya nirīkṣaṇam
   para-dāra_avarodʰasya   prasuptasya nirīkṣaṇam /
Halfverse: c    idaṃ kʰalu mamātyartʰaṃ   dʰarmalopaṃ kariṣyati
   idaṃ kʰalu mama_atyartʰaṃ   dʰarma-lopaṃ kariṣyati /35/

Verse: 36 
Halfverse: a    na hi me paradārāṇāṃ   dr̥ṣṭir viṣayavartinī
   na hi me para-dārāṇāṃ   dr̥ṣṭir viṣaya-vartinī /
Halfverse: c    ayaṃ cātra mayā dr̥ṣṭaḥ   paradāraparigrahaḥ
   ayaṃ ca_atra mayā dr̥ṣṭaḥ   para-dāra-parigrahaḥ /36/

Verse: 37 
Halfverse: a    tasya prādurabʰūc cintāpunar   anyā manasvinaḥ
   tasya prādur-abʰūc cintā-punar   anyā manasvinaḥ /
Halfverse: c    niścitaikāntacittasya   kāryaniścayadarśinī
   niścita_eka_anta-cittasya   kārya-niścaya-darśinī /37/

Verse: 38 
Halfverse: a    kāmaṃ dr̥ṣṭvā mayā sarvā   viśvastā rāvaṇastriyaḥ
   kāmaṃ dr̥ṣṭvā mayā sarvā   viśvastā rāvaṇa-striyaḥ /
Halfverse: c    na tu me manasaḥ kiṃ cid   vaikr̥tyam upapadyate
   na tu me manasaḥ kiṃcid   vaikr̥tyam upapadyate /38/

Verse: 39 
Halfverse: a    mano hi hetuḥ sarveṣām   indriyāṇāṃ pravartate
   mano hi hetuḥ sarveṣām   indriyāṇāṃ pravartate /
Halfverse: c    śubʰāśubʰāsv avastʰāsu   tac ca me suvyavastʰitam
   śubʰa_aśubʰāsv avastʰāsu   tac ca me suvyavastʰitam /39/

Verse: 40 
Halfverse: a    nānyatra hi mayā śakyā   vaidehī parimārgitum
   na_anyatra hi mayā śakyā   vaidehī parimārgitum /
Halfverse: c    striyo hi strīṣu dr̥śyante   sadā saṃparimārgaṇe
   striyo hi strīṣu dr̥śyante   sadā saṃparimārgaṇe /40/

Verse: 41 
Halfverse: a    yasya sattvasya yā yonis   tasyāṃ tat parimārgyate
   yasya sattvasya yā yonis   tasyāṃ tat parimārgyate /
Halfverse: c    na śakyaṃ pramadā naṣṭā   mr̥gīṣu parimārgitum
   na śakyaṃ pramadā naṣṭā   mr̥gīṣu parimārgitum /41/

Verse: 42 
Halfverse: a    tad idaṃ mārgitaṃ tāvac   cʰuddʰena manasā mayā
   tad idaṃ mārgitaṃ tāvat   śuddʰena manasā mayā /
Halfverse: c    rāvaṇāntaḥpuraṃ saraṃ   dr̥śyate na ca jānakī
   rāvaṇa_antaḥ-puraṃ saraṃ   dr̥śyate na ca jānakī /42/

Verse: 43 
Halfverse: a    devagandʰarvakanyāś ca   nāgakanyāś ca vīryavān
   deva-gandʰarva-kanyāś ca   nāga-kanyāś ca vīryavān /
Halfverse: c    avekṣamāṇo hanumān   naivāpaśyata jānakīm
   avekṣamāṇo hanumān   na_eva_apaśyata jānakīm /43/

Verse: 44 
Halfverse: a    tām apaśyan kapis tatra   paśyaṃś cānyā varastriyaḥ
   tām apaśyan kapis tatra   paśyaṃś ca_anyā vara-striyaḥ /
Halfverse: c    apakramya tadā vīraḥ   pradʰyātum upacakrame
   apakramya tadā vīraḥ   pradʰyātum upacakrame /44/ {E}



Next part


This text is part of the TITUS edition of Ramayana.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.