TITUS
Ramayana
Part No. 341
Previous part

Chapter: 16 
Adhyāya 16


Verse: 1 
Halfverse: a    tatʰā viprekṣamāṇasya   vanaṃ puṣpitapādapam
   tatʰā viprekṣamāṇasya   vanaṃ puṣpita-pādapam /
Halfverse: c    vicinvataś ca vaidehīṃ   kiṃ cic cʰeṣā niśābʰavat
   vicinvataś ca vaidehīṃ   kiṃcit śeṣā niśā_abʰavat /1/

Verse: 2 
Halfverse: a    ṣaḍaṅgavedaviduṣāṃ   kratupravarayājinām
   ṣaḍ-aṅga-veda-viduṣāṃ   kratu-pravara-yājinām /
Halfverse: c    śuśrāva brahmagʰoṣāṃś ca   virātre brahmarakṣasām
   śuśrāva brahma-gʰoṣāṃś ca   virātre brahma-rakṣasām /2/

Verse: 3 
Halfverse: a    atʰa maṅgalavāditraiḥ   śabdaiḥ śrotramanoharaiḥ
   atʰa maṅgala-vāditraiḥ   śabdaiḥ śrotra-mano-haraiḥ /
Halfverse: c    prābodʰyata mahābāhur   daśagrīvo mahābalaḥ
   prābodʰyata mahā-bāhur   daśagrīvo mahā-balaḥ /3/

Verse: 4 
Halfverse: a    vibudʰya tu yatʰākālaṃ   rākṣasendraḥ pratāvapān
   vibudʰya tu yatʰā-kālaṃ   rākṣasa_indraḥ pratāvapān /
Halfverse: c    srastamālyāmbaradʰaro   vaidehīm anvacintayat
   srasta-mālya_ambara-dʰaro   vaidehīm anvacintayat /4/

Verse: 5 
Halfverse: a    bʰr̥śaṃ niyuktas tasyāṃ ca   madanena madotkaṭaḥ
   bʰr̥śaṃ niyuktas tasyāṃ ca   madanena mada_utkaṭaḥ /
Halfverse: c    na sa taṃ rākṣasaḥ kāmaṃ   śaśākātmani gūhitum
   na sa taṃ rākṣasaḥ kāmaṃ   śaśāka_ātmani gūhitum /5/

Verse: 6 
Halfverse: a    sa sarvābʰaraṇair yukto   bibʰrac cʰriyam anuttamām
   sa sarva_ābʰaraṇair yukto   bibʰrat śriyam anuttamām /
Halfverse: c    tāṃ nagair vividʰair juṣṭāṃ   sarvapuṣpapʰalopagaiḥ
   tāṃ nagair vividʰair juṣṭāṃ   sarva-puṣpa-pʰala_upagaiḥ /6/

Verse: 7 
Halfverse: a    vr̥tāṃ puṣkariṇībʰiś ca   nānāpuṣpopaśobʰitām
   vr̥tāṃ puṣkariṇībʰiś ca   nānā-puṣpa_upaśobʰitām /
Halfverse: c    sadāmadaiś ca vihagair   vicitrāṃ paramādbʰutām
   sadā-madaiś ca vihagair   vicitrāṃ parama_adbʰutām /7/

Verse: 8 
Halfverse: a    īhāmr̥gaiś ca vividʰaiś   vr̥tāṃ dr̥ṣṭimanoharaiḥ
   īhā-mr̥gaiś ca vividʰaiś   vr̥tāṃ dr̥ṣṭi-mano-haraiḥ /
Halfverse: c    vītʰīḥ saṃprekṣamāṇaś ca   maṇikāñcanatoraṇāḥ
   vītʰīḥ saṃprekṣamāṇaś ca   maṇi-kāñcana-toraṇāḥ /8/

Verse: 9 
Halfverse: a    nānāmr̥gagaṇākīrṇāṃ   pʰalaiḥ prapatitair vr̥tām
   nānā-mr̥ga-gaṇa_ākīrṇāṃ   pʰalaiḥ prapatitair vr̥tām /
Halfverse: c    aśokavanikām eva   prāviśat saṃtatadrumām
   aśoka-vanikām eva   prāviśat saṃtata-drumām /9/

Verse: 10 
Halfverse: a    aṅganāśatamātraṃ tu   taṃ vrajantam anuvrajat
   aṅganā-śata-mātraṃ tu   taṃ vrajantam anuvrajat /
Halfverse: c    mahendram iva paulastyaṃ   devagandʰarvayoṣitaḥ
   mahā_indram iva paulastyaṃ   deva-gandʰarva-yoṣitaḥ /10/

Verse: 11 
Halfverse: a    dīpikāḥ kāñcanīḥ kāś cij   jagr̥hus tatra yoṣitaḥ
   dīpikāḥ kāñcanīḥ kāścij   jagr̥hus tatra yoṣitaḥ /
Halfverse: c    bālavyajanahastāś ca   tālavr̥ntāni cāparāḥ
   bāla-vyajana-hastāś ca   tāla-vr̥ntāni ca_aparāḥ /11/

Verse: 12 
Halfverse: a    kāñcanair api bʰr̥ṅgārair   jahruḥ salilam agrataḥ
   kāñcanair api bʰr̥ṅgārair   jahruḥ salilam agrataḥ /
Halfverse: c    maṇḍalāgrān asīṃś caiva   gr̥hyānyāḥ pr̥ṣṭʰato yayuḥ
   maṇḍala_agrān asīṃś caiva   gr̥hya_anyāḥ pr̥ṣṭʰato yayuḥ /12/

Verse: 13 
Halfverse: a    kā cid ratnamayīṃ pātrīṃ   pūrṇāṃ pānasya bʰāminī
   kācid ratnamayīṃ pātrīṃ   pūrṇāṃ pānasya bʰāminī /
Halfverse: c    dakṣiṇā dakṣiṇenaiva   tadā jagrāha pāṇinā
   dakṣiṇā dakṣiṇena_eva   tadā jagrāha pāṇinā /13/

Verse: 14 
Halfverse: a    rājahaṃsapratīkāśaṃ   cʰatraṃ pūrṇaśaśiprabʰam
   rāja-haṃsa-pratīkāśaṃ   cʰatraṃ pūrṇa-śaśi-prabʰam /
Halfverse: c    sauvarṇadaṇḍam aparā   gr̥hītvā pr̥ṣṭʰato yayau
   sauvarṇa-daṇḍam aparā   gr̥hītvā pr̥ṣṭʰato yayau /14/

Verse: 15 
Halfverse: a    nidrāmadaparītākṣyo   rāvaṇasyottamastriyaḥ
   nidrā-mada-parīta_akṣyo   rāvaṇasya_uttama-striyaḥ /
Halfverse: c    anujagmuḥ patiṃ vīraṃ   gʰanaṃ vidyullatā iva
   anujagmuḥ patiṃ vīraṃ   gʰanaṃ vidyul-latā iva /15/

Verse: 16 
Halfverse: a    tataḥ kāñcīninādaṃ ca   nūpurāṇāṃ ca niḥsvanam
   tataḥ kāñcī-ninādaṃ ca   nūpurāṇāṃ ca niḥsvanam /
Halfverse: c    śuśrāva paramastrīṇāṃ   sa kapir mārutātmajaḥ
   śuśrāva parama-strīṇāṃ   sa kapir māruta_ātmajaḥ /16/ {!}

Verse: 17 
Halfverse: a    taṃ cāpratimakarmāṇam   acintyabalapauruṣam
   taṃ ca_apratima-karmāṇam   acintya-bala-pauruṣam /
Halfverse: c    dvāradeśam anuprāptaṃ   dadarśa hanumān kapiḥ
   dvāra-deśam anuprāptaṃ   dadarśa hanumān kapiḥ /17/

Verse: 18 
Halfverse: a    dīpikābʰir anekābʰiḥ   samantād avabʰāsitam
   dīpikābʰir anekābʰiḥ   samantād avabʰāsitam /
Halfverse: c    gandʰatailāvasiktābʰir   dʰriyamāṇābʰir agrataḥ
   gandʰa-taila_avasiktābʰir   dʰriyamāṇābʰir agrataḥ /18/

Verse: 19 
Halfverse: a    kāmadarpamadair yuktaṃ   jihmatāmrāyatekṣaṇam
   kāma-darpa-madair yuktaṃ   jihma-tāmra_āyata_īkṣaṇam /
Halfverse: c    samakṣam iva kandarpam   apaviddʰa śarāsanam
   samakṣam iva kandarpam   apaviddʰa śara_āsanam /19/

Verse: 20 
Halfverse: a    matʰitāmr̥tapʰenābʰam   arajo vastram uttamam
   matʰita_amr̥ta-pʰena_ābʰam   arajo vastram uttamam /
Halfverse: c    salīlam anukarṣantaṃ   vimuktaṃ saktam aṅgade
   salīlam anukarṣantaṃ   vimuktaṃ saktam aṅgade /20/

Verse: 21 
Halfverse: a    taṃ patraviṭape līnaḥ   patrapuṣpagʰanāvr̥taḥ
   taṃ patra-viṭape līnaḥ   patra-puṣpa-gʰana_āvr̥taḥ /
Halfverse: c    samīpam upasaṃkrāntaṃ   nidʰyātum upacakrame
   samīpam upasaṃkrāntaṃ   nidʰyātum upacakrame /21/

Verse: 22 
Halfverse: a    avekṣamāṇaś ca tato   dadarśa kapikuñjaraḥ
   avekṣamāṇaś ca tato   dadarśa kapi-kuñjaraḥ /
Halfverse: c    rūpayauvanasaṃpannā   rāvaṇasya varastriyaḥ
   rūpa-yauvana-saṃpannā   rāvaṇasya vara-striyaḥ /22/

Verse: 23 
Halfverse: a    tābʰiḥ parivr̥to rājā   surūpābʰir mahāyaśāḥ
   tābʰiḥ parivr̥to rājā   surūpābʰir mahā-yaśāḥ /
Halfverse: c    tanmr̥gadvijasaṃgʰuṣṭaṃ   praviṣṭaḥ pramadāvanam
   tan-mr̥ga-dvija-saṃgʰuṣṭaṃ   praviṣṭaḥ pramadā-vanam /23/

Verse: 24 
Halfverse: a    kṣībo vicitrābʰaraṇaḥ   śaṅkukarṇo mahābalaḥ
   kṣībo vicitra_ābʰaraṇaḥ   śaṅku-karṇo mahā-balaḥ /
Halfverse: c    tena viśravasaḥ putraḥ   sa dr̥ṣṭo rākṣasādʰipaḥ
   tena viśravasaḥ putraḥ   sa dr̥ṣṭo rākṣasa_adʰipaḥ /24/

Verse: 25 
Halfverse: a    vr̥taḥ paramanārībʰis   tārābʰir iva candramāḥ
   vr̥taḥ parama-nārībʰis   tārābʰir iva candramāḥ /
Halfverse: c    taṃ dadarśa mahātejās   tejovantaṃ mahākapiḥ
   taṃ dadarśa mahā-tejās   tejovantaṃ mahā-kapiḥ /25/

Verse: 26 
Halfverse: a    rāvaṇo 'yaṃ mahābāhur   iti saṃcintya vānaraḥ
   rāvaṇo_ayaṃ mahā-bāhur   iti saṃcintya vānaraḥ /
Halfverse: c    avapluto mahātejā   hanūmān mārutātmajaḥ
   avapluto mahā-tejā   hanūmān māruta_ātmajaḥ /26/

Verse: 27 
Halfverse: a    sa tatʰāpy ugratejāḥ san   nirdʰūtas tasya tejasā
   sa tatʰā_apy ugra-tejāḥ san   nirdʰūtas tasya tejasā /
Halfverse: c    patraguhyāntare sakto   hanūmān saṃvr̥to 'bʰavat
   patra-guhya_antare sakto   hanūmān saṃvr̥to_abʰavat /27/

Verse: 28 
Halfverse: a    sa tām asitakeśāntāṃ   suśroṇīṃ saṃhatastanīm
   sa tām asita-keśa_antāṃ   suśroṇīṃ saṃhata-stanīm /
Halfverse: c    didr̥kṣur asitāpāṅgīm   upāvartata rāvaṇaḥ
   didr̥kṣur asita_apāṅgīm   upāvartata rāvaṇaḥ /28/ {E}



Next part


This text is part of the TITUS edition of Ramayana.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.