TITUS
Ramayana
Part No. 346
Previous part

Chapter: 21 
Adhyāya 21


Verse: 1 
Halfverse: a    ity uktvā maitʰilīṃ rājā   rāvaṇaḥ śatrurāvaṇaḥ
   ity uktvā maitʰilīṃ rājā   rāvaṇaḥ śatru-rāvaṇaḥ /
Halfverse: c    saṃdiśya ca tataḥ sarvā   rākṣasīr nirjagāma ha
   saṃdiśya ca tataḥ sarvā   rākṣasīr nirjagāma ha /1/

Verse: 2 
Halfverse: a    niṣkrānte rākṣasendre tu   punar antaḥpuraṃ gate
   niṣkrānte rākṣasa_indre tu   punar antaḥ-puraṃ gate /
Halfverse: c    rākṣasyo bʰīmarūpās tāḥ   sītāṃ samabʰidudruvuḥ
   rākṣasyo bʰīma-rūpās tāḥ   sītāṃ samabʰidudruvuḥ /2/

Verse: 3 
Halfverse: a    tataḥ sītām upāgamya   rākṣasyaḥ krodʰamūrcʰitāḥ
   tataḥ sītām upāgamya   rākṣasyaḥ krodʰa-mūrcʰitāḥ /
Halfverse: c    paraṃ paruṣayā vācā   vaidehīm idam abruvan
   paraṃ paruṣayā vācā   vaidehīm idam abruvan /3/

Verse: 4 
Halfverse: a    paulastyasya variṣṭʰasya   rāvaṇasya mahātmanaḥ
   paulastyasya variṣṭʰasya   rāvaṇasya mahātmanaḥ /
Halfverse: c    daśagrīvasya bʰāryātvaṃ   sīte na bahu manyase
   daśagrīvasya bʰāryātvaṃ   sīte na bahu manyase /4/

Verse: 5 
Halfverse: a    tatas tv ekajaṭā nāma   rākṣasī vākyam abravīt
   tatas tv eka-jaṭā nāma   rākṣasī vākyam abravīt /
Halfverse: c    āmantrya krodʰatāmrākṣī   sītāṃ karatalodarīm
   āmantrya krodʰa-tāmra_akṣī   sītāṃ kara-tala_udarīm /5/

Verse: 6 
Halfverse: a    prajāpatīnāṃ ṣaṇṇāṃ tu   caturtʰo yaḥ prajāpatiḥ
   prajāpatīnāṃ ṣaṇṇāṃ tu   caturtʰo yaḥ prajāpatiḥ /
Halfverse: c    mānaso brahmaṇaḥ putraḥ   pulastya iti viśrutaḥ
   mānaso brahmaṇaḥ putraḥ   pulastya iti viśrutaḥ /6/

Verse: 7 
Halfverse: a    pulastyasya tu tejasvī   maharṣir mānasaḥ sutaḥ
   pulastyasya tu tejasvī   maharṣir mānasaḥ sutaḥ /
Halfverse: c    nāmnā sa viśravā nāma   prajāpatisamaprabʰaḥ
   nāmnā sa viśravā nāma   prajāpati-sama-prabʰaḥ /7/

Verse: 8 
Halfverse: a    tasya putro viśālākṣi   rāvaṇaḥ śatrurāvaṇaḥ
   tasya putro viśāla_akṣi   rāvaṇaḥ śatru-rāvaṇaḥ /
Halfverse: c    tasya tvaṃ rākṣasendrasya   bʰāryā bʰavitum arhasi
   tasya tvaṃ rākṣasa_indrasya   bʰāryā bʰavitum arhasi /
Halfverse: e    mayoktaṃ cārusarvāṅgi   vākyaṃ kiṃ nānumanyase
   mayā_uktaṃ cāru-sarva_aṅgi   vākyaṃ kiṃ na_anumanyase /8/

Verse: 9 
Halfverse: a    tato harijaṭā nāma   rākṣasī vākyam abravīt
   tato hari-jaṭā nāma   rākṣasī vākyam abravīt /
Halfverse: c    vivr̥tya nayane kopān   mārjārasadr̥śekṣaṇā
   vivr̥tya nayane kopān   mārjāra-sadr̥śa_īkṣaṇā /9/

Verse: 10 
Halfverse: a    yena devās trayastriṃśad   devarājaś ca nirjitaḥ
   yena devās trayas-triṃśad   deva-rājaś ca nirjitaḥ /
Halfverse: c    tasya tvaṃ rākṣasendrasya   bʰāryā bʰavitum arhasi
   tasya tvaṃ rākṣasa_indrasya   bʰāryā bʰavitum arhasi /10/

Verse: 11 
Halfverse: a    vīryotsiktasya śūrasya   saṃgrāmeṣv anivartinaḥ
   vīrya_utsiktasya śūrasya   saṃgrāmeṣv anivartinaḥ /
Halfverse: c    balino vīryayuktasyā   bʰāryātvaṃ kiṃ na lapsyase
   balino vīrya-yuktasyā   bʰāryātvaṃ kiṃ na lapsyase /11/

Verse: 12 
Halfverse: a    priyāṃ bahumatāṃ bʰāryāṃ   tyaktvā rājā mahābalaḥ
   priyāṃ bahu-matāṃ bʰāryāṃ   tyaktvā rājā mahā-balaḥ /
Halfverse: c    sarvāsāṃ ca mahābʰāgāṃ   tvām upaiṣyati rāvaṇaḥ
   sarvāsāṃ ca mahā-bʰāgāṃ   tvām upaiṣyati rāvaṇaḥ /12/

Verse: 13 
Halfverse: a    samr̥ddʰaṃ strīsahasreṇa   nānāratnopaśobʰitam
   samr̥ddʰaṃ strī-sahasreṇa   nānā-ratna_upaśobʰitam /
Halfverse: c    antaḥpuraṃ samutsr̥jya   tvām upaiṣyati rāvaṇaḥ
   antaḥ-puraṃ samutsr̥jya   tvām upaiṣyati rāvaṇaḥ /13/

Verse: 14 
Halfverse: a    asakr̥d devatā yuddʰe   nāgagandʰarvadānavāḥ
   asakr̥d devatā yuddʰe   nāga-gandʰarva-dānavāḥ /
Halfverse: c    nirjitāḥ samare yena   sa te pārśvam upāgataḥ
   nirjitāḥ samare yena   sa te pārśvam upāgataḥ /14/

Verse: 15 
Halfverse: a    tasya sarvasamr̥ddʰasyā   rāvaṇasya mahātmanaḥ
   tasya sarva-samr̥ddʰasyā   rāvaṇasya mahātmanaḥ /
Halfverse: c    kimartʰaṃ rākṣasendrasya   bʰāryātvaṃ neccʰase 'dʰame
   kim-artʰaṃ rākṣasa_indrasya   bʰāryātvaṃ na_iccʰase_adʰame /15/

Verse: 16 
Halfverse: a    yasya sūryo na tapati   bʰīto yasya ca mārutaḥ
   yasya sūryo na tapati   bʰīto yasya ca mārutaḥ /
Halfverse: c    na vāti smāyatāpāṅge   kiṃ tvaṃ tasya na tiṣṭʰasi
   na vāti sma_āyata_apāṅge   kiṃ tvaṃ tasya na tiṣṭʰasi /16/

Verse: 17 
Halfverse: a    puṣpavr̥ṣṭiṃ ca taravo   mumucur yasya vai bʰayāt
   puṣpa-vr̥ṣṭiṃ ca taravo   mumucur yasya vai bʰayāt /
Halfverse: c    śailāś ca subʰru pānīyaṃ   jaladāś ca yadeccʰati
   śailāś ca subʰru pānīyaṃ   jaladāś ca yadā_iccʰati /17/

Verse: 18 
Halfverse: a    tasya nairr̥tarājasya   rājarājasya bʰāmini
   tasya nairr̥ta-rājasya   rāja-rājasya bʰāmini /
Halfverse: c    kiṃ tvaṃ na kuruṣe buddʰiṃ   bʰāryārtʰe rāvaṇasya hi
   kiṃ tvaṃ na kuruṣe buddʰiṃ   bʰāryā_artʰe rāvaṇasya hi /18/

Verse: 19 
Halfverse: a    sādʰu te tattvato devi   katʰitaṃ sādʰu bʰāmini
   sādʰu te tattvato devi   katʰitaṃ sādʰu bʰāmini /
Halfverse: c    gr̥hāṇa susmite vākyam   anyatʰā na bʰaviṣyasi
   gr̥hāṇa susmite vākyam   anyatʰā na bʰaviṣyasi /19/ {E}



Next part


This text is part of the TITUS edition of Ramayana.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.