TITUS
Ramayana
Part No. 347
Previous part

Chapter: 22 
Adhyāya 22


Verse: 1 
Halfverse: a    tataḥ sītām upāgamya   rākṣasyo vikr̥tānanāḥ
   tataḥ sītām upāgamya   rākṣasyo vikr̥ta_ānanāḥ /
Halfverse: c    paruṣaṃ paruṣā nārya   ūcus tā vākyam apriyam
   paruṣaṃ paruṣā nārya   ūcus tā vākyam apriyam /1/

Verse: 2 
Halfverse: a    kiṃ tvam antaḥpure sīte   sarvabʰūtamanohare
   kiṃ tvam antaḥ-pure sīte   sarva-bʰūta-mano-hare /
Halfverse: c    mahārhaśayanopete   na vāsam anumanyase
   mahā_arha-śayana_upete   na vāsam anumanyase /2/

Verse: 3 
Halfverse: a    mānuṣī mānuṣasyaiva   bʰāryātvaṃ bahu manyase
   mānuṣī mānuṣasya_eva   bʰāryātvaṃ bahu manyase /
Halfverse: c    pratyāhara mano rāmān   na tvaṃ jātu bʰaviṣyasi
   pratyāhara mano rāmān   na tvaṃ jātu bʰaviṣyasi /3/

Verse: 4 
Halfverse: a    mānuṣī mānuṣaṃ taṃ tu   rāmam iccʰasi śobʰane
   mānuṣī mānuṣaṃ taṃ tu   rāmam iccʰasi śobʰane /
Halfverse: c    rājyād bʰraṣṭam asiddʰārtʰaṃ   viklavaṃ tam anindite
   rājyād bʰraṣṭam asiddʰa_artʰaṃ   viklavaṃ tam anindite /4/

Verse: 5 
Halfverse: a    rākṣasīnāṃ vacaḥ śrutvā   sītā padmanibʰekṣaṇā
   rākṣasīnāṃ vacaḥ śrutvā   sītā padma-nibʰa_īkṣaṇā /
Halfverse: c    netrābʰyām aśrupūrṇābʰyām   idaṃ vacanam abravīt
   netrābʰyām aśru-pūrṇābʰyām   idaṃ vacanam abravīt /5/

Verse: 6 
Halfverse: a    yad idaṃ lokavidviṣṭam   udāharatʰa saṃgatāḥ
   yad idaṃ loka-vidviṣṭam   udāharatʰa saṃgatāḥ /
Halfverse: c    naitan manasi vākyaṃ me   kilbiṣaṃ pratitiṣṭʰati
   na_etan manasi vākyaṃ me   kilbiṣaṃ pratitiṣṭʰati /6/

Verse: 7 
Halfverse: a    na mānuṣī rākṣasasya   bʰāryā bʰavitum arhati
   na mānuṣī rākṣasasya   bʰāryā bʰavitum arhati /
Halfverse: c    kāmaṃ kʰādata māṃ sarvā   na kariṣyāmi vo vacaḥ
   kāmaṃ kʰādata māṃ sarvā   na kariṣyāmi vo vacaḥ /
Halfverse: e    dīno vā rājyahīno vā   yo me bʰartā sa me guruḥ
   dīno vā rājya-hīno vā   yo me bʰartā sa me guruḥ /7/

Verse: 8 
Halfverse: a    sītāyā vacanaṃ śrutvā   rākṣasyaḥ krodʰamūrcʰitāḥ
   sītāyā vacanaṃ śrutvā   rākṣasyaḥ krodʰa-mūrcʰitāḥ /
Halfverse: c    bʰartsayanti sma paruṣair   vākyai rāvaṇacoditāḥ
   bʰartsayanti sma paruṣair   vākyai rāvaṇa-coditāḥ /8/

Verse: 9 
Halfverse: a    avalīnaḥ sa nirvākyo   hanumāñ śiṃśapādrume
   avalīnaḥ sa nirvākyo   hanumān śiṃśapā-drume /
Halfverse: c    sītāṃ saṃtarjayantīs tā   rākṣasīr aśr̥ṇot kapiḥ
   sītāṃ saṃtarjayantīs tā   rākṣasīr aśr̥ṇot kapiḥ /9/

Verse: 10 
Halfverse: a    tām abʰikramya saṃrabdʰā   vepamānāṃ samantataḥ
   tām abʰikramya saṃrabdʰā   vepamānāṃ samantataḥ /
Halfverse: c    bʰr̥śaṃ saṃlilihur dīptān   pralambadaśanaccʰadān
   bʰr̥śaṃ saṃlilihur dīptān   pralamba-daśanac-cʰadān /10/

Verse: 11 
Halfverse: a    ūcuś ca paramakruddʰāḥ   pragr̥hyāśu paraśvadʰān
   ūcuś ca parama-kruddʰāḥ   pragr̥hya_āśu paraśvadʰān /
Halfverse: c    neyam arhati bʰartāraṃ   rāvaṇaṃ rākṣasādʰipam
   na_iyam arhati bʰartāraṃ   rāvaṇaṃ rākṣasa_adʰipam /11/

Verse: 12 
Halfverse: a    sā bʰartsyamānā bʰīmābʰī   rākṣasībʰir varānanā
   sā bʰartsyamānā bʰīmābʰī   rākṣasībʰir vara_ānanā /
Halfverse: c    sā bāṣpam apamārjantī   śiṃśapāṃ tām upāgamat
   sā bāṣpam apamārjantī   śiṃśapāṃ tām upāgamat /12/

Verse: 13 
Halfverse: a    tatas tāṃ śiṃśapāṃ sītā   rākṣasībʰiḥ samāvr̥tā
   tatas tāṃ śiṃśapāṃ sītā   rākṣasībʰiḥ samāvr̥tā /
Halfverse: c    abʰigamya viśālākṣī   tastʰau śokapariplutā
   abʰigamya viśāla_akṣī   tastʰau śoka-pariplutā /13/

Verse: 14 
Halfverse: a    tāṃ kr̥śāṃ dīnavadanāṃ   malināmbaradʰāriṇīm
   tāṃ kr̥śāṃ dīna-vadanāṃ   malina_ambara-dʰāriṇīm /
Halfverse: c    bʰartsayāṃ cakrire bʰīmā   rākṣasyas tāḥ samantataḥ
   bʰartsayāṃ cakrire bʰīmā   rākṣasyas tāḥ samantataḥ /14/

Verse: 15 
Halfverse: a    tatas tāṃ vinatā nāma   rākṣasī bʰīmadarśanā
   tatas tāṃ vinatā nāma   rākṣasī bʰīma-darśanā /
Halfverse: c    abravīt kupitākārā   karālā nirṇatodarī
   abravīt kupita_ākārā   karālā nirṇata_udarī /15/

Verse: 16 
Halfverse: a    sīte paryāptam etāvad   bʰartr̥sneho nidarśitaḥ
   sīte paryāptam etāvad   bʰartr̥-sneho nidarśitaḥ /
Halfverse: c    sarvatrātikr̥taṃ bʰadre   vyasanāyopakalpate
   sarvatra_atikr̥taṃ bʰadre   vyasanāya_upakalpate /16/

Verse: 17 
Halfverse: a    parituṣṭāsmi bʰadraṃ te   mānuṣas te kr̥to vidʰiḥ
   parituṣṭā_asmi bʰadraṃ te   mānuṣas te kr̥to vidʰiḥ /
Halfverse: c    mamāpi tu vacaḥ patʰyaṃ   bruvantyāḥ kuru maitʰili
   mama_api tu vacaḥ patʰyaṃ   bruvantyāḥ kuru maitʰili /17/

Verse: 18 
Halfverse: a    rāvaṇaṃ bʰaja bʰartāraṃ   bʰartāraṃ sarvarakṣasām
   rāvaṇaṃ bʰaja bʰartāraṃ   bʰartāraṃ sarva-rakṣasām /
Halfverse: c    vikrāntaṃ rūpavantaṃ ca   sureśam iva vāsavam
   vikrāntaṃ rūpavantaṃ ca   sura_īśam iva vāsavam /18/

Verse: 19 
Halfverse: a    dakṣiṇaṃ tyāgaśīlaṃ ca   sarvasya priyavādinam
   dakṣiṇaṃ tyāga-śīlaṃ ca   sarvasya priya-vādinam /
Halfverse: c    mānuṣaṃ kr̥paṇaṃ rāmaṃ   tyaktvā rāvaṇam āśraya
   mānuṣaṃ kr̥paṇaṃ rāmaṃ   tyaktvā rāvaṇam āśraya /19/

Verse: 20 
Halfverse: a    divyāṅgarāgā vaidehi   divyābʰaraṇabʰūṣitā
   divya_aṅga-rāgā vaidehi   divya_ābʰaraṇa-bʰūṣitā /
Halfverse: c    adya prabʰr̥ti sarveṣāṃ   lokānām īśvarī bʰava
   adya prabʰr̥ti sarveṣāṃ   lokānām īśvarī bʰava /
Halfverse: e    agneḥ svāhā yatʰā devī   śacīvendrasya śobʰane
   agneḥ svāhā yatʰā devī   śacī_iva_indrasya śobʰane /20/

Verse: 21 
Halfverse: a    kiṃ te rāmeṇa vaidehi   kr̥paṇena gatāyuṣā
   kiṃ te rāmeṇa vaidehi   kr̥paṇena gata_āyuṣā /21/ {ab only}

Verse: 22 
Halfverse: a    etad uktaṃ ca me vākyaṃ   yadi tvaṃ na kariṣyasi
   etad uktaṃ ca me vākyaṃ   yadi tvaṃ na kariṣyasi /
Halfverse: c    asmin muhūrte sarvās tvāṃ   bʰakṣayiṣyāmahe vayam
   asmin muhūrte sarvās tvāṃ   bʰakṣayiṣyāmahe vayam /22/

Verse: 23 
Halfverse: a    anyā tu vikaṭā nāma   lambamānapayodʰarā
   anyā tu vikaṭā nāma   lambamāna-payo-dʰarā /
Halfverse: c    abravīt kupitā sītāṃ   muṣṭim udyamya garjatī
   abravīt kupitā sītāṃ   muṣṭim udyamya garjatī /23/

Verse: 24 
Halfverse: a    bahūny apratirūpāṇi   vacanāni sudurmate
   bahūny apratirūpāṇi   vacanāni sudurmate /
Halfverse: c    anukrośān mr̥dutvāc ca   soḍʰāni tava maitʰili
   anukrośān mr̥dutvāc ca   soḍʰāni tava maitʰili /
Halfverse: e    na ca naḥ kuruṣe vākyaṃ   hitaṃ kālapuraskr̥tam
   na ca naḥ kuruṣe vākyaṃ   hitaṃ kāla-puras-kr̥tam /24/

Verse: 25 
Halfverse: a    ānītāsi samudrasya   pāram anyair durāsadam
   ānītā_asi samudrasya   pāram anyair durāsadam /
Halfverse: c    rāvaṇāntaḥpuraṃ gʰoraṃ   praviṣṭā cāsi maitʰili
   rāvaṇa_antaḥ-puraṃ gʰoraṃ   praviṣṭā ca_asi maitʰili /25/

Verse: 26 
Halfverse: a    rāvaṇasya gr̥he rudʰā   asmābʰis tu surakṣitā
   rāvaṇasya gr̥he rudʰā   asmābʰis tu surakṣitā /
Halfverse: c    na tvāṃ śaktaḥ paritrātum   api sākṣāt puraṃdaraḥ
   na tvāṃ śaktaḥ paritrātum   api sākṣāt puraṃdaraḥ /26/

Verse: 27 
Halfverse: a    kuruṣva hitavādinyā   vacanaṃ mama maitʰili
   kuruṣva hita-vādinyā   vacanaṃ mama maitʰili /
Halfverse: c    alam aśruprapātena   tyaja śokam anartʰakam
   alam aśru-prapātena   tyaja śokam anartʰakam /27/

Verse: 28 
Halfverse: a    bʰaja prītiṃ praharṣaṃ ca   tyajaitāṃ nityadainyatām
   bʰaja prītiṃ praharṣaṃ ca   tyaja_etāṃ nitya-dainyatām /
Halfverse: c    sīte rākṣasarājena   saha krīḍa yatʰāsukʰam
   sīte rākṣasa-rājena   saha krīḍa yatʰā-sukʰam /28/

Verse: 29 
Halfverse: a    jānāsi hi yatʰā bʰīru   strīṇāṃ yauvanam adʰruvam
   jānāsi hi yatʰā bʰīru   strīṇāṃ yauvanam adʰruvam /
Halfverse: c    yāvan na te vyatikrāmet   tāvat sukʰam avāpnuhi
   yāvan na te vyatikrāmet   tāvat sukʰam avāpnuhi /29/

Verse: 30 
Halfverse: a    udyānāni ca ramyāṇi   parvatopavanāni ca
   udyānāni ca ramyāṇi   parvata_upavanāni ca /
Halfverse: c    saha rākṣasarājena   cara tvaṃ madirekṣaṇe
   saha rākṣasa-rājena   cara tvaṃ madira_īkṣaṇe /30/

Verse: 31 
Halfverse: a    strīsahasrāṇi te sapta   vaśe stʰāsyanti sundari
   strī-sahasrāṇi te sapta   vaśe stʰāsyanti sundari /
Halfverse: c    rāvaṇaṃ bʰaja bʰartāraṃ   bʰartāraṃ sarvarakṣasām
   rāvaṇaṃ bʰaja bʰartāraṃ   bʰartāraṃ sarva-rakṣasām /31/

Verse: 32 
Halfverse: a    utpāṭya vā te hr̥dayaṃ   bʰakṣayiṣyāmi maitʰili
   utpāṭya vā te hr̥dayaṃ   bʰakṣayiṣyāmi maitʰili /
Halfverse: c    yadi me vyāhr̥taṃ vākyaṃ   na yatʰāvat kariṣyasi
   yadi me vyāhr̥taṃ vākyaṃ   na yatʰāvat kariṣyasi /32/

Verse: 33 
Halfverse: a    tataś caṇḍodarī nāma   rākṣasī krūradarśanā
   tataś caṇḍa_udarī nāma   rākṣasī krūra-darśanā /
Halfverse: c    bʰrāmayantī mahac cʰūlam   idaṃ vacanam abravīt
   bʰrāmayantī mahat śūlam   idaṃ vacanam abravīt /33/

Verse: 34 
Halfverse: a    imāṃ hariṇalokākṣīṃ   trāsotkampapayodʰarām
   imāṃ hariṇa-loka_akṣīṃ   trāsa_utkampa-payo-dʰarām /
Halfverse: c    rāvaṇena hr̥tāṃ dr̥ṣṭvā   daurhr̥do me mahān abʰūt
   rāvaṇena hr̥tāṃ dr̥ṣṭvā   daurhr̥do me mahān abʰūt /34/

Verse: 35 
Halfverse: a    yakr̥tplīham atʰotpīḍaṃ   hr̥dayaṃ ca sabandʰanam
   yakr̥t-plīham atʰa_utpīḍaṃ   hr̥dayaṃ ca sabandʰanam /
Halfverse: c    antrāṇy api tatʰā śīrṣaṃ   kʰādeyam iti me matiḥ
   antrāṇy api tatʰā śīrṣaṃ   kʰādeyam iti me matiḥ /35/

Verse: 36 
Halfverse: a    tatas tu pragʰasā nāma   rākṣasī vākyam abravīt
   tatas tu pragʰasā nāma   rākṣasī vākyam abravīt /
Halfverse: c    kaṇṭʰam asyā nr̥śaṃsāyāḥ   pīḍayāmaḥ kim āsyate
   kaṇṭʰam asyā nr̥śaṃsāyāḥ   pīḍayāmaḥ kim āsyate /36/

Verse: 37 
Halfverse: a    nivedyatāṃ tato rājñe   mānuṣī sā mr̥teti ha
   nivedyatāṃ tato rājñe   mānuṣī sā mr̥tā_iti ha /
Halfverse: c    nātra kaś cana saṃdehaḥ   kʰādateti sa vakṣyati
   na_atra kaścana saṃdehaḥ   kʰādata_iti sa vakṣyati /37/

Verse: 38 
Halfverse: a    tatas tv ajāmukʰī nāma   rākṣasī vākyam abravīt
   tatas tv ajā-mukʰī nāma   rākṣasī vākyam abravīt /
Halfverse: c    viśasyemāṃ tataḥ sarvān   samān kuruta pīlukān
   viśasya_imāṃ tataḥ sarvān   samān kuruta pīlukān /38/

Verse: 39 
Halfverse: a    vibʰajāma tataḥ sarvā   vivādo me na rocate
   vibʰajāma tataḥ sarvā   vivādo me na rocate /
Halfverse: c    peyam ānīyatāṃ kṣipraṃ   mālyaṃ ca vividʰaṃ bahu
   peyam ānīyatāṃ kṣipraṃ   mālyaṃ ca vividʰaṃ bahu /39/

Verse: 40 
Halfverse: a    tataḥ śūrpaṇakʰā nāma   rākṣasī vākyam abravīt
   tataḥ śūrpaṇakʰā nāma   rākṣasī vākyam abravīt /
Halfverse: c    ajāmukʰā yad uktaṃ hi   tad eva mama rocate
   ajā-mukʰā yad uktaṃ hi   tad eva mama rocate /40/

Verse: 41 
Halfverse: a    surā cānīyatāṃ kṣipraṃ   sarvaśokavināśinī
   surā ca_ānīyatāṃ kṣipraṃ   sarva-śoka-vināśinī /
Halfverse: c    mānuṣaṃ māṃsam āsādya   nr̥tyāmo 'tʰa nikumbʰilām
   mānuṣaṃ māṃsam āsādya   nr̥tyāmo_atʰa nikumbʰilām /41/

Verse: 42 
Halfverse: a    evaṃ saṃbʰartsyamānā sā   sītā surasutopamā
   evaṃ saṃbʰartsyamānā sā   sītā sura-suta_upamā /
Halfverse: c    rākṣasībʰiḥ sugʰorābʰir   dʰairyam utsr̥jya roditi
   rākṣasībʰiḥ sugʰorābʰir   dʰairyam utsr̥jya roditi /42/ {E}



Next part


This text is part of the TITUS edition of Ramayana.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.