TITUS
Ramayana
Part No. 348
Previous part

Chapter: 23 
Adhyāya 23


Verse: 1 
Halfverse: a    tatʰā tāsāṃ vadantīnāṃ   paruṣaṃ dāruṇaṃ bahu
   tatʰā tāsāṃ vadantīnāṃ   paruṣaṃ dāruṇaṃ bahu /
Halfverse: c    rākṣasīnām asaumyānāṃ   ruroda janakātmajā
   rākṣasīnām asaumyānāṃ   ruroda janaka_ātmajā /1/

Verse: 2 
Halfverse: a    evam uktā tu vaidehī   rākṣasībʰir manasvinī
   evam uktā tu vaidehī   rākṣasībʰir manasvinī /
Halfverse: c    uvāca paramatrastā   bāṣpagadgadayā girā
   uvāca parama-trastā   bāṣpa-gadgadayā girā /2/

Verse: 3 
Halfverse: a    na mānuṣī rākṣasasya   bʰāryā bʰavitum arhati
   na mānuṣī rākṣasasya   bʰāryā bʰavitum arhati /
Halfverse: c    kāmaṃ kʰādata māṃ sarvā   na kariṣyāmi vo vacaḥ
   kāmaṃ kʰādata māṃ sarvā   na kariṣyāmi vo vacaḥ /3/

Verse: 4 
Halfverse: a    sā rākṣasī madʰyagatā   sītā surasutopamā
   sā rākṣasī madʰya-gatā   sītā sura-suta_upamā /
Halfverse: c    na śarma lebʰe duḥkʰārtā   rāvaṇena ca tarjitā
   na śarma lebʰe duḥkʰa_ārtā   rāvaṇena ca tarjitā /4/

Verse: 5 
Halfverse: a    vepate smādʰikaṃ sītā   viśantīvāṅgam ātmanaḥ
   vepate sma_adʰikaṃ sītā   viśanti_iva_aṅgam ātmanaḥ /
Halfverse: c    vane yūtʰaparibʰraṣṭā   mr̥gī kokair ivārditā
   vane yūtʰa-paribʰraṣṭā   mr̥gī kokair iva_arditā /5/

Verse: 6 
Halfverse: a    sā tv aśokasya vipulāṃ   śākʰām ālambya puṣpitām
   sā tv aśokasya vipulāṃ   śākʰām ālambya puṣpitām /
Halfverse: c    cintayām āsa śokena   bʰartāraṃ bʰagnamānasā
   cintayām āsa śokena   bʰartāraṃ bʰagna-mānasā /6/

Verse: 7 
Halfverse: a    sā snāpayantī vipulau   stanau netrajalasravaiḥ
   sā snāpayantī vipulau   stanau netra-jala-sravaiḥ /
Halfverse: c    cintayantī na śokasya   tadāntam adʰigaccʰati
   cintayantī na śokasya   tadā_antam adʰigaccʰati /7/

Verse: 8 
Halfverse: a    sā vepamānā patitā   pravāte kadalī yatʰā
   sā vepamānā patitā   pravāte kadalī yatʰā /
Halfverse: c    rākṣasīnāṃ bʰayatrastā   vivarṇavadanābʰavat
   rākṣasīnāṃ bʰaya-trastā   vivarṇa-vadanā_abʰavat /8/

Verse: 9 
Halfverse: a    tasyā sā dīrgʰavipulā   vepantyāḥ sītayā tadā
   tasyā sā dīrgʰa-vipulā   vepantyāḥ sītayā tadā /
Halfverse: c    dadr̥śe kampinī veṇī   vyālīva parisarpatī
   dadr̥śe kampinī veṇī   vyālī_iva parisarpatī /9/

Verse: 10 
Halfverse: a    sā niḥśvasantī duḥkʰārtā   śokopahatacetanā
   sā niḥśvasantī duḥkʰa_ārtā   śoka_upahata-cetanā /
Halfverse: c    ārtā vyasr̥jad aśrūṇi   maitʰilī vilalāpa ha
   ārtā vyasr̥jad aśrūṇi   maitʰilī vilalāpa ha /10/

Verse: 11 
Halfverse: a    hā rāmeti ca duḥkʰārtā   punar hā lakṣmaṇeti ca
   hā rāma_iti ca duḥkʰa_ārtā   punar hā lakṣmaṇa_iti ca /
Halfverse: c    hā śvaśru mama kausalye   hā sumitreti bʰāvini
   hā śvaśru mama kausalye   hā sumitreti bʰāvini / {sumitre_iti}

Verse: 12 
Halfverse: a    lokapravādaḥ satyo 'yaṃ   paṇḍitaiḥ samudāhr̥taḥ
   loka-pravādaḥ satyo_ayaṃ   paṇḍitaiḥ samudāhr̥taḥ /
Halfverse: c    akāle durlabʰo mr̥tyuḥ   striyā vā puruṣasya vā
   akāle durlabʰo mr̥tyuḥ   striyā vā puruṣasya vā /12/

Verse: 13 
Halfverse: a    yatrāham ābʰiḥ krūrābʰī   rākṣasībʰir ihārditā
   yatra_aham ābʰiḥ krūrābʰī   rākṣasībʰir iha_arditā /
Halfverse: c    jīvāmi hīnā rāmeṇa   muhūrtam api duḥkʰitā
   jīvāmi hīnā rāmeṇa   muhūrtam api duḥkʰitā /13/

Verse: 14 
Halfverse: a    eṣālpapuṇyā kr̥paṇā   vinaśiṣyāmy anātʰavat
   eṣā_alpa-puṇyā kr̥paṇā   vinaśiṣyāmy anātʰavat /
Halfverse: c    samudramadʰye nau pūrṇā   vāyuvegair ivāhatā
   samudra-madʰye nau pūrṇā   vāyu-vegair iva_āhatā /14/

Verse: 15 
Halfverse: a    bʰartāraṃ tam apaśyantī   rākṣasīvaśam āgatā
   bʰartāraṃ tam apaśyantī   rākṣasī-vaśam āgatā /
Halfverse: c    sīdāmi kʰalu śokena   kūlaṃ toyahataṃ yatʰā
   sīdāmi kʰalu śokena   kūlaṃ toya-hataṃ yatʰā /15/

Verse: 16 
Halfverse: a    taṃ padmadalapatrākṣaṃ   siṃhavikrāntagāminam
   taṃ padma-dala-patra_akṣaṃ   siṃha-vikrānta-gāminam /
Halfverse: c    dʰanyāḥ paśyanti me nātʰaṃ   kr̥tajñaṃ priyavādinam
   dʰanyāḥ paśyanti me nātʰaṃ   kr̥tajñaṃ priya-vādinam /16/

Verse: 17 
Halfverse: a    sarvatʰā tena hīnāyā   rāmeṇa viditātmanā
   sarvatʰā tena hīnāyā   rāmeṇa vidita_ātmanā /
Halfverse: c    tīṣkṇaṃ viṣam ivāsvādya   durlabʰaṃ mama jīvitam
   tīṣkṇaṃ viṣam iva_āsvādya   durlabʰaṃ mama jīvitam /17/

Verse: 18 
Halfverse: a    kīdr̥śaṃ tu mayā pāpaṃ   purā dehāntare kr̥tam
   kīdr̥śaṃ tu mayā pāpaṃ   purā deha_antare kr̥tam /
Halfverse: c    yenedaṃ prāpyate duḥkʰaṃ   mayā gʰoraṃ sudāruṇam
   yena_idaṃ prāpyate duḥkʰaṃ   mayā gʰoraṃ sudāruṇam /18/

Verse: 19 
Halfverse: a    jīvitaṃ tyaktum iccʰāmi   śokena mahatā vr̥tā
   jīvitaṃ tyaktum iccʰāmi   śokena mahatā vr̥tā /
Halfverse: c    rākṣasībʰiś ca rakṣantyā   rāmo nāsādyate mayā
   rākṣasībʰiś ca rakṣantyā   rāmo na_āsādyate mayā /19/

Verse: 20 
Halfverse: a    dʰig astu kʰalu mānuṣyaṃ   dʰig astu paravaśyatām
   dʰig astu kʰalu mānuṣyaṃ   dʰig astu para-vaśyatām /
Halfverse: c    na śakyaṃ yat parityaktum   ātmaccʰandena jīvitam
   na śakyaṃ yat parityaktum   ātmac-cʰandena jīvitam /20/ {E}



Next part


This text is part of the TITUS edition of Ramayana.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.