TITUS
Ramayana
Part No. 353
Previous part

Chapter: 28 
Adhyāya 28


Verse: 1 
Halfverse: a    hanumān api vikrāntaḥ   sarvaṃ śuśrāva tattvataḥ
   hanumān api vikrāntaḥ   sarvaṃ śuśrāva tattvataḥ /
Halfverse: c    sītāyās trijaṭāyāś ca   rākṣasīnāṃ ca tarjanam
   sītāyās trijaṭāyāś ca   rākṣasīnāṃ ca tarjanam /1/

Verse: 2 
Halfverse: a    avekṣamāṇas tāṃ devīṃ   devatām iva nandane
   avekṣamāṇas tāṃ devīṃ   devatām iva nandane /
Halfverse: c    tato bahuvidʰāṃ cintāṃ   cintayām āsa vānaraḥ
   tato bahu-vidʰāṃ cintāṃ   cintayām āsa vānaraḥ /2/

Verse: 3 
Halfverse: a    yāṃ kapīnāṃ sahasrāṇi   subahūny ayutāni ca
   yāṃ kapīnāṃ sahasrāṇi   subahūny ayutāni ca /
Halfverse: c    dikṣu sarvāsu mārgante   seyam āsāditā mayā
   dikṣu sarvāsu mārgante   sā_iyam āsāditā mayā /3/

Verse: 4 
Halfverse: a    cāreṇa tu suyuktena   śatroḥ śaktim avekṣitā
   cāreṇa tu suyuktena   śatroḥ śaktim avekṣitā /
Halfverse: c    gūḍʰena caratā tāvad   avekṣitam idaṃ mayā
   gūḍʰena caratā tāvad   avekṣitam idaṃ mayā /4/

Verse: 5 
Halfverse: a    rākṣasānāṃ viśeṣaś ca   purī ceyam avekṣitā
   rākṣasānāṃ viśeṣaś ca   purī ca_iyam avekṣitā /
Halfverse: c    rākṣasādʰipater asya   prabʰāvo rāvaṇasya ca
   rākṣasa_adʰipater asya   prabʰāvo rāvaṇasya ca /5/

Verse: 6 
Halfverse: a    yuktaṃ tasyāprameyasya   sarvasattvadayāvataḥ
   yuktaṃ tasya_aprameyasya   sarva-sattva-dayāvataḥ /
Halfverse: c    samāśvāsayituṃ bʰāryāṃ   patidarśanakāṅkṣiṇīm
   samāśvāsayituṃ bʰāryāṃ   patidarśana-kāṅkṣiṇīm /6/

Verse: 7 
Halfverse: a    aham āśvāsayāmy enāṃ   pūrṇacandranibʰānanām
   aham āśvāsayāmy enāṃ   pūrṇa-candra-nibʰa_ānanām /
Halfverse: c    adr̥ṣṭaduḥkʰāṃ duḥkʰasya   na hy antam adʰigaccʰatīm
   adr̥ṣṭa-duḥkʰāṃ duḥkʰasya   na hy antam adʰigaccʰatīm /7/

Verse: 8 
Halfverse: a    yadi hy aham imāṃ devīṃ   śokopahatacetanām
   yadi hy aham imāṃ devīṃ   śoka_upahata-cetanām /
Halfverse: c    anāśvāsya gamiṣyāmi   doṣavad gamanaṃ bʰavet
   anāśvāsya gamiṣyāmi   doṣavad gamanaṃ bʰavet /8/

Verse: 9 
Halfverse: a    gate hi mayi tatreyaṃ   rājaputrī yaśasvinī
   gate hi mayi tatra_iyaṃ   rāja-putrī yaśasvinī /
Halfverse: c    paritrāṇam avindantī   jānakī jīvitaṃ tyajet
   paritrāṇam avindantī   jānakī jīvitaṃ tyajet /9/

Verse: 10 
Halfverse: a    mayā ca sa mahābāhuḥ   pūrṇacandranibʰānanaḥ
   mayā ca sa mahā-bāhuḥ   pūrṇa-candra-nibʰa_ānanaḥ /
Halfverse: c    samāśvāsayituṃ nyāyyaḥ   sītādarśanalālasaḥ
   samāśvāsayituṃ nyāyyaḥ   sītā-darśana-lālasaḥ /10/

Verse: 11 
Halfverse: a    niśācarīṇāṃ pratyakṣam   akṣamaṃ cābʰibʰāṣaṇam
   niśā-carīṇāṃ pratyakṣam   akṣamaṃ ca_abʰibʰāṣaṇam /
Halfverse: c    katʰaṃ nu kʰalu kartavyam   idaṃ kr̥ccʰra gato hy aham
   katʰaṃ nu kʰalu kartavyam   idaṃ kr̥ccʰra gato hy aham /11/

Verse: 12 
Halfverse: a    anena rātriśeṣeṇa   yadi nāśvāsyate mayā
   anena rātri-śeṣeṇa   yadi na_āśvāsyate mayā /
Halfverse: c    sarvatʰā nāsti saṃdehaḥ   parityakṣyati jīvitam
   sarvatʰā na_asti saṃdehaḥ   parityakṣyati jīvitam /12/

Verse: 13 
Halfverse: a    rāmaś ca yadi pr̥ccʰen māṃ   kiṃ māṃ sītābravīd vacaḥ
   rāmaś ca yadi pr̥ccʰen māṃ   kiṃ māṃ sītā_abravīd vacaḥ /
Halfverse: c    kim ahaṃ taṃ pratibrūyām   asaṃbʰāṣya sumadʰyamām
   kim ahaṃ taṃ pratibrūyām   asaṃbʰāṣya sumadʰyamām /13/

Verse: 14 
Halfverse: a    sītāsaṃdeśarahitaṃ   mām itas tvarayā gatam
   sītā-saṃdeśa-rahitaṃ   mām itas tvarayā gatam /
Halfverse: c    nirdahed api kākutstʰaḥ   kruddʰas tīvreṇa cakṣuṣā
   nirdahed api kākutstʰaḥ   kruddʰas tīvreṇa cakṣuṣā /14/

Verse: 15 
Halfverse: a    yadi ced yojayiṣyāmi   bʰartāraṃ rāmakāraṇāt
   yadi ced yojayiṣyāmi   bʰartāraṃ rāma-kāraṇāt /
Halfverse: c    vyartʰam āgamanaṃ tasya   sasainyasya bʰaviṣyati
   vyartʰam āgamanaṃ tasya   sasainyasya bʰaviṣyati /15/

Verse: 16 
Halfverse: a    antaraṃ tv aham āsādya   rākṣasīnām iha stʰitaḥ
   antaraṃ tv aham āsādya   rākṣasīnām iha stʰitaḥ /
Halfverse: c    śanair āśvāsayiṣyāmi   saṃtāpabahulām imām
   śanair āśvāsayiṣyāmi   saṃtāpa-bahulām imām /16/

Verse: 17 
Halfverse: a    ahaṃ hy atitanuś caiva   vanaraś ca viśeṣataḥ
   ahaṃ hy atitanuś caiva   vanaraś ca viśeṣataḥ /
Halfverse: c    vācaṃ codāhariṣyāmi   mānuṣīm iha saṃskr̥tām
   vācaṃ ca_udāhariṣyāmi   mānuṣīm iha saṃskr̥tām /17/

Verse: 18 
Halfverse: a    yadi vācaṃ pradāsyāmi   dvijātir iva saṃskr̥tām
   yadi vācaṃ pradāsyāmi   dvijātir iva saṃskr̥tām /
Halfverse: c    rāvaṇaṃ manyamānā māṃ   sītā bʰītā bʰaviṣyati
   rāvaṇaṃ manyamānā māṃ   sītā bʰītā bʰaviṣyati /18/

Verse: 19 
Halfverse: a    avaśyam eva vaktavyaṃ   mānuṣaṃ vākyam artʰavat
   avaśyam eva vaktavyaṃ   mānuṣaṃ vākyam artʰavat /
Halfverse: c    mayā sāntvayituṃ śakyā   nānyatʰeyam aninditā
   mayā sāntvayituṃ śakyā   na_anyatʰā_iyam aninditā /19/

Verse: 20 
Halfverse: a    seyam ālokya me rūpaṃ   jānakī bʰāṣitaṃ tatʰā
   sā_iyam ālokya me rūpaṃ   jānakī bʰāṣitaṃ tatʰā /
Halfverse: c    rakṣobʰis trāsitā pūrvaṃ   bʰūyas trāsaṃ gamiṣyati
   rakṣobʰis trāsitā pūrvaṃ   bʰūyas trāsaṃ gamiṣyati /20/

Verse: 21 
Halfverse: a    tato jātaparitrāsā   śabdaṃ kuryān manasvinī
   tato jāta-paritrāsā   śabdaṃ kuryān manasvinī /
Halfverse: c    jānamānā viśālākṣī   rāvaṇaṃ kāmarūpiṇam
   jānamānā viśāla_akṣī   rāvaṇaṃ kāma-rūpiṇam /21/

Verse: 22 
Halfverse: a    sītayā ca kr̥te śabde   sahasā rākṣasīgaṇaḥ
   sītayā ca kr̥te śabde   sahasā rākṣasī-gaṇaḥ /
Halfverse: c    nānāpraharaṇo gʰoraḥ   sameyād antakopamaḥ
   nānā-praharaṇo gʰoraḥ   sameyād antaka_upamaḥ /22/

Verse: 23 
Halfverse: a    tato māṃ saṃparikṣipya   sarvato vikr̥tānanāḥ
   tato māṃ saṃparikṣipya   sarvato vikr̥ta_ānanāḥ /
Halfverse: c    vadʰe ca grahaṇe caiva   kuryur yatnaṃ yatʰābalam
   vadʰe ca grahaṇe caiva   kuryur yatnaṃ yatʰā-balam /23/

Verse: 24 
Halfverse: a    taṃ māṃ śākʰāḥ praśākʰāś ca   skandʰāṃś cottamaśākʰinām
   taṃ māṃ śākʰāḥ praśākʰāś ca   skandʰāṃś ca_uttama-śākʰinām /
Halfverse: c    dr̥ṣṭvā viparidʰāvantaṃ   bʰaveyur bʰayaśaṅkitāḥ
   dr̥ṣṭvā viparidʰāvantaṃ   bʰaveyur bʰaya-śaṅkitāḥ /24/

Verse: 25 
Halfverse: a    mama rūpaṃ ca saṃprekṣya   vanaṃ vicarato mahat
   mama rūpaṃ ca saṃprekṣya   vanaṃ vicarato mahat /
Halfverse: c    rākṣasyo bʰayavitrastā   bʰaveyur vikr̥tānanāḥ
   rākṣasyo bʰaya-vitrastā   bʰaveyur vikr̥ta_ānanāḥ /25/

Verse: 26 
Halfverse: a    tataḥ kuryuḥ samāhvānaṃ   rākṣasyo rakṣasām api
   tataḥ kuryuḥ samāhvānaṃ   rākṣasyo rakṣasām api /
Halfverse: c    rākṣasendraniyuktānāṃ   rākṣasendraniveśane
   rākṣasa_indra-niyuktānāṃ   rākṣasa_indra-niveśane /26/

Verse: 27 
Halfverse: a    te śūlaśaranistriṃśa   vividʰāyudʰapāṇayaḥ
   te śūla-śara-nistriṃśa   vividʰa_āyudʰa-pāṇayaḥ /
Halfverse: c    āpateyur vimarde 'smin   vegenodvignakāriṇaḥ
   āpateyur vimarde_asmin   vegena_udvigna-kāriṇaḥ /27/

Verse: 28 
Halfverse: a    saṃkruddʰas tais tu parito   vidʰaman rakṣasāṃ balam
   saṃkruddʰas tais tu parito   vidʰaman rakṣasāṃ balam /
Halfverse: c    śaknuyāṃ na tu saṃprāptuṃ   paraṃ pāraṃ mahodadʰeḥ {!}
   śaknuyāṃ na tu saṃprāptuṃ   paraṃ pāraṃ mahā_udadʰeḥ /28/ {!}

Verse: 29 
Halfverse: a    māṃ vā gr̥hṇīyur āplutya   bahavaḥ śīgʰrakāriṇaḥ
   māṃ vā gr̥hṇīyur āplutya   bahavaḥ śīgʰra-kāriṇaḥ /
Halfverse: c    syād iyaṃ cāgr̥hītārtʰā   mama ca grahaṇaṃ bʰavet
   syād iyaṃ ca_agr̥hīta_artʰā   mama ca grahaṇaṃ bʰavet /29/

Verse: 30 
Halfverse: a    hiṃsābʰirucayo hiṃsyur   imāṃ vā janakātmajām
   hiṃsā_abʰirucayo hiṃsyur   imāṃ vā janaka_ātmajām /
Halfverse: c    vipannaṃ syāt tataḥ kāryaṃ   rāmasugrīvayor idam
   vipannaṃ syāt tataḥ kāryaṃ   rāma-sugrīvayor idam /30/

Verse: 31 
Halfverse: a    uddeśe naṣṭamārge 'smin   rākṣasaiḥ parivārite
   uddeśe naṣṭa-mārge_asmin   rākṣasaiḥ parivārite /
Halfverse: c    sāgareṇa parikṣipte   gupte vasati jānakī
   sāgareṇa parikṣipte   gupte vasati jānakī /31/

Verse: 32 
Halfverse: a    viśaste vā gr̥hīte vā   rakṣobʰir mayi saṃyuge
   viśaste vā gr̥hīte vā   rakṣobʰir mayi saṃyuge /
Halfverse: c    nānyaṃ paśyāmi rāmasya   sahāyaṃ kāryasādʰane
   na_anyaṃ paśyāmi rāmasya   sahāyaṃ kārya-sādʰane /32/

Verse: 33 
Halfverse: a    vimr̥śaṃś ca na paśyāmi   yo hate mayi vānaraḥ
   vimr̥śaṃś ca na paśyāmi   yo hate mayi vānaraḥ /
Halfverse: c    śatayojanavistīrṇaṃ   laṅgʰayeta mahodadʰim
   śata-yojana-vistīrṇaṃ   laṅgʰayeta mahā_udadʰim /33/

Verse: 34 
Halfverse: a    kāmaṃ hantuṃ samartʰo 'smi   sahasrāṇy api rakṣasām
   kāmaṃ hantuṃ samartʰo_asmi   sahasrāṇy api rakṣasām /
Halfverse: c    na tu śakṣyāmi saṃprāptuṃ   paraṃ pāraṃ mahodadʰeḥ
   na tu śakṣyāmi saṃprāptuṃ   paraṃ pāraṃ mahā_udadʰeḥ /34/

Verse: 35 
Halfverse: a    asatyāni ca yuddʰāni   saṃśayo me na rocate
   asatyāni ca yuddʰāni   saṃśayo me na rocate /
Halfverse: c    kaś ca niḥsaṃśayaṃ kāryaṃ   kuryāt prājñaḥ sasaṃśayam
   kaś ca niḥsaṃśayaṃ kāryaṃ   kuryāt prājñaḥ sasaṃśayam /35/

Verse: 36 
Halfverse: a    eṣa doṣo mahān hi syān   mama sītābʰibʰāṣaṇe
   eṣa doṣo mahān hi syān   mama sītā_abʰibʰāṣaṇe /
Halfverse: c    prāṇatyāgaś ca vaidehyā   bʰaved anabʰibʰāṣaṇe
   prāṇa-tyāgaś ca vaidehyā   bʰaved anabʰibʰāṣaṇe /36/

Verse: 37 
Halfverse: a    bʰūtāś cārtʰā vinaśyanti   deśakālavirodʰitāḥ
   bʰūtāś ca_artʰā vinaśyanti   deśa-kāla-virodʰitāḥ /
Halfverse: c    viklavaṃ dūtam āsādya   tamaḥ sūryodaye yatʰā
   viklavaṃ dūtam āsādya   tamaḥ sūrya_udaye yatʰā /37/

Verse: 38 
Halfverse: a    artʰānartʰāntare buddʰir   niścitāpi na śobʰate
   artʰa_anartʰa_antare buddʰir   niścitā_api na śobʰate /
Halfverse: c    gʰātayanti hi kāryāṇi   dūtāḥ paṇḍitamāninaḥ
   gʰātayanti hi kāryāṇi   dūtāḥ paṇḍita-māninaḥ /38/

Verse: 39 
Halfverse: a    na vinaśyet katʰaṃ kāryaṃ   vaiklavyaṃ na katʰaṃ bʰavet
   na vinaśyet katʰaṃ kāryaṃ   vaiklavyaṃ na katʰaṃ bʰavet /
Halfverse: c    laṅgʰanaṃ ca samudrasya   katʰaṃ nu na vr̥tʰā bʰavet
   laṅgʰanaṃ ca samudrasya   katʰaṃ nu na vr̥tʰā bʰavet /39/

Verse: 40 
Halfverse: a    katʰaṃ nu kʰalu vākyaṃ me   śr̥ṇuyān nodvijeta ca
   katʰaṃ nu kʰalu vākyaṃ me   śr̥ṇuyān na_udvijeta ca /
Halfverse: c    iti saṃcintya hanumāṃś   cakāra matimān matim
   iti saṃcintya hanumāṃś   cakāra matimān matim /40/

Verse: 41 
Halfverse: a    rāmam akliṣṭakarmāṇaṃ   svabandʰum anukīrtayan
   rāmam akliṣṭa-karmāṇaṃ   sva-bandʰum anukīrtayan /
Halfverse: c    nainām udvejayiṣyāmi   tad bandʰugatamānasām
   na_enām udvejayiṣyāmi   tad bandʰu-gata-mānasām /41/

Verse: 42 
Halfverse: a    ikṣvākūṇāṃ variṣṭʰasya   rāmasya viditātmanaḥ
   ikṣvākūṇāṃ variṣṭʰasya   rāmasya vidita_ātmanaḥ /
Halfverse: c    śubʰāni dʰarmayuktāni   vacanāni samarpayan
   śubʰāni dʰarma-yuktāni   vacanāni samarpayan /42/

Verse: 43 
Halfverse: a    śrāvayiṣyāmi sarvāṇi   madʰurāṃ prabruvan giram
   śrāvayiṣyāmi sarvāṇi   madʰurāṃ prabruvan giram /
Halfverse: c    śraddʰāsyati yatʰā hīyaṃ   tatʰā sarvaṃ samādadʰe
   śraddʰāsyati yatʰā hi_iyaṃ   tatʰā sarvaṃ samādadʰe /43/

Verse: 44 
Halfverse: a    iti sa bahuvidʰaṃ mahānubʰāvo   jagatipateḥ pramadām avekṣamāṇaḥ
   iti sa bahu-vidʰaṃ mahā_anubʰāvo   jagati-pateḥ pramadām avekṣamāṇaḥ /
Halfverse: c    madʰuram avitatʰaṃ jagāda   vākyaṃ drumaviṭapāntaram āstʰito hanūmān
   madʰuram avitatʰaṃ jagāda   vākyaṃ druma-viṭapa_antaram āstʰito hanūmān /44/ {E}



Next part


This text is part of the TITUS edition of Ramayana.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.