TITUS
Ramayana
Part No. 356
Previous part

Chapter: 31 
Adhyāya 31


Verse: 1 
Halfverse: a    tām abravīn mahātejā   hanūmān mārutātmajaḥ
   tām abravīn mahā-tejā   hanūmān māruta_ātmajaḥ /
Halfverse: c    śirasy añjalim ādʰāya   sītāṃ madʰurayā girā
   śirasy añjalim ādʰāya   sītāṃ madʰurayā girā /1/

Verse: 2 
Halfverse: a    kā nu padmapalāśākṣī   kliṣṭakauśeyavāsinī
   kā nu padma-palāśa_akṣī   kliṣṭa-kauśeya-vāsinī /
Halfverse: c    drumasya śākʰām ālambya   tiṣṭʰasi tvam aninditā
   drumasya śākʰām ālambya   tiṣṭʰasi tvam aninditā /2/

Verse: 3 
Halfverse: a    kimartʰaṃ tava netrābʰyāṃ   vāri sravati śokajam
   kim-artʰaṃ tava netrābʰyāṃ   vāri sravati śokajam /
Halfverse: c    puṇḍarīkapalāśābʰyāṃ   viprakīrṇam ivodakam
   puṇḍarīka-palāśābʰyāṃ   viprakīrṇam iva_udakam /3/

Verse: 4 
Halfverse: a    surāṇām asurāṇāṃ ca   nāgagandʰarvarakṣasām
   surāṇām asurāṇāṃ ca   nāga-gandʰarva-rakṣasām /
Halfverse: c    yakṣāṇāṃ kiṃnarāṇāṃ ca   kā tvaṃ bʰavasi śobʰane
   yakṣāṇāṃ kiṃnarāṇāṃ ca   kā tvaṃ bʰavasi śobʰane /4/

Verse: 5 
Halfverse: a    kā tvaṃ bʰavasi rudrāṇāṃ   marutāṃ vā varānane
   kā tvaṃ bʰavasi rudrāṇāṃ   marutāṃ vā vara_ānane /
Halfverse: c    vasūnāṃ vā varārohe   devatā pratibʰāsi me
   vasūnāṃ vā vara_ārohe   devatā pratibʰāsi me /5/

Verse: 6 
Halfverse: a    kiṃ nu candramasā hīnā   patitā vibudʰālayāt
   kiṃ nu candramasā hīnā   patitā vibudʰa_ālayāt /
Halfverse: c    rohiṇī jyotiṣāṃ śreṣṭʰā   śreṣṭʰā sarvaguṇānvitā
   rohiṇī jyotiṣāṃ śreṣṭʰā   śreṣṭʰā sarva-guṇa_anvitā /6/

Verse: 7 
Halfverse: a    kopād vā yadi vā mohād   bʰartāram asitekṣaṇā
   kopād vā yadi vā mohād   bʰartāram asita_īkṣaṇā /
Halfverse: c    vasiṣṭʰaṃ kopayitvā tvaṃ   nāsi kalyāṇy arundʰatī
   vasiṣṭʰaṃ kopayitvā tvaṃ   na_asi kalyāṇy arundʰatī /7/

Verse: 8 
Halfverse: a    ko nau putraḥ pitā bʰrāta   bʰartā vā te sumadʰyame
   ko nau putraḥ pitā bʰrāta   bʰartā vā te sumadʰyame /
Halfverse: c    asmāl lokād amuṃ lokaṃ   gataṃ tvam anuśocasi
   asmāl lokād amuṃ lokaṃ   gataṃ tvam anuśocasi /8/

Verse: 9 
Halfverse: a    vyañjanāni hi te yāni   lakṣaṇāni ca lakṣaye
   vyañjanāni hi te yāni   lakṣaṇāni ca lakṣaye /
Halfverse: c    mahiṣī bʰūmipālasya   rājakanyāsi me matā
   mahiṣī bʰūmi-pālasya   rāja-kanyā_asi me matā /9/

Verse: 10 
Halfverse: a    rāvaṇena janastʰānād   balād apahr̥tā yadi
   rāvaṇena jana-stʰānād   balād apahr̥tā yadi /
Halfverse: c    sītā tvam asi bʰadraṃ te   tan mamācakṣva pr̥ccʰataḥ
   sītā tvam asi bʰadraṃ te   tan mama_ācakṣva pr̥ccʰataḥ /10/

Verse: 11 
Halfverse: a    sā tasya vacanaṃ śrutvā   rāmakīrtanaharṣitā
   sā tasya vacanaṃ śrutvā   rāma-kīrtana-harṣitā /
Halfverse: c    uvāca vākyaṃ vaidehī   hanūmantaṃ drumāśritam
   uvāca vākyaṃ vaidehī   hanūmantaṃ druma_āśritam /11/

Verse: 12 
Halfverse: a    duhitā janakasyāhaṃ   vaidehasya mahātmanaḥ
   duhitā janakasya_ahaṃ   vaidehasya mahātmanaḥ /
Halfverse: c    sītā ca nāma nāmnāhaṃ   bʰāryā rāmasya dʰīmataḥ
   sītā ca nāma nāmnā_ahaṃ   bʰāryā rāmasya dʰīmataḥ /12/

Verse: 13 
Halfverse: a    samā dvādaśa tatrāhaṃ   rāgʰavasya niveśane
   samā dvādaśa tatra_ahaṃ   rāgʰavasya niveśane /
Halfverse: c    bʰuñjānā mānuṣān bʰogān   sarvakāmasamr̥ddʰinī
   bʰuñjānā mānuṣān bʰogān   sarva-kāma-samr̥ddʰinī /13/

Verse: 14 
Halfverse: a    tatas trayodaśe varṣe   rājyenekṣvākunandanam
   tatas trayodaśe varṣe   rājyena_ikṣvāku-nandanam /
Halfverse: c    abʰiṣecayituṃ rājā   sopādʰyāyaḥ pracakrame
   abʰiṣecayituṃ rājā   sa_upādʰyāyaḥ pracakrame /14/

Verse: 15 
Halfverse: a    tasmin saṃbʰriyamāṇe tu   rāgʰavasyābʰiṣecane
   tasmin saṃbʰriyamāṇe tu   rāgʰavasya_abʰiṣecane /
Halfverse: c    kaikeyī nāma bʰartāraṃ   devī vacanam abravīt
   kaikeyī nāma bʰartāraṃ   devī vacanam abravīt /15/

Verse: 16 
Halfverse: a    na pibeyaṃ na kʰādeyaṃ   pratyahaṃ mama bʰojanam
   na pibeyaṃ na kʰādeyaṃ   pratyahaṃ mama bʰojanam /
Halfverse: c    eṣa me jīvitasyānto   rāmo yady abʰiṣicyate
   eṣa me jīvitasya_anto   rāmo yady abʰiṣicyate /16/

Verse: 17 
Halfverse: a    yat tad uktaṃ tvayā vākyaṃ   prītyā nr̥patisattama
   yat tad uktaṃ tvayā vākyaṃ   prītyā nr̥pati-sattama /
Halfverse: c    tac cen na vitatʰaṃ kāryaṃ   vanaṃ gaccʰatu rāgʰavaḥ
   tac cen na vitatʰaṃ kāryaṃ   vanaṃ gaccʰatu rāgʰavaḥ /17/

Verse: 18 
Halfverse: a    sa rājā satyavāg devyā   varadānam anusmaran
   sa rājā satya-vāg devyā   vara-dānam anusmaran /
Halfverse: c    mumoha vacanaṃ śrutvā   kaikeyyāḥ krūram apriyam
   mumoha vacanaṃ śrutvā   kaikeyyāḥ krūram apriyam /18/

Verse: 19 
Halfverse: a    tatas tu stʰaviro rājā   satyadʰarme vyavastʰitaḥ
   tatas tu stʰaviro rājā   satya-dʰarme vyavastʰitaḥ /
Halfverse: c    jyeṣṭʰaṃ yaśasvinaṃ putraṃ   rudan rājyam ayācata
   jyeṣṭʰaṃ yaśasvinaṃ putraṃ   rudan rājyam ayācata /19/

Verse: 20 
Halfverse: a    sa pitur vacanaṃ śrīmān   abʰiṣekāt paraṃ priyam
   sa pitur vacanaṃ śrīmān   abʰiṣekāt paraṃ priyam /
Halfverse: c    manasā pūrvam āsādya   vācā pratigr̥hītavān
   manasā pūrvam āsādya   vācā pratigr̥hītavān /20/

Verse: 21 
Halfverse: a    dadyān na pratigr̥hṇīyān   na brūyat kiṃ cid apriyam
   dadyān na pratigr̥hṇīyān   na brūyat kiṃcid apriyam /
Halfverse: c    api jīvitahetor hi   rāmaḥ satyaparākramaḥ
   api jīvita-hetor hi   rāmaḥ satya-parākramaḥ /21/

Verse: 22 
Halfverse: a    sa vihāyottarīyāṇi   mahārhāṇi mahāyaśāḥ
   sa vihāya_uttarīyāṇi   mahā_arhāṇi mahā-yaśāḥ /
Halfverse: c    visr̥jya manasā rājyaṃ   jananyai māṃ samādiśat
   visr̥jya manasā rājyaṃ   jananyai māṃ samādiśat /22/

Verse: 23 
Halfverse: a    sāhaṃ tasyāgratas tūrṇaṃ   prastʰitā vanacāriṇī
   sā_ahaṃ tasya_agratas tūrṇaṃ   prastʰitā vana-cāriṇī /
Halfverse: c    na hi me tena hīnāyā   vāsaḥ svarge 'pi rocate
   na hi me tena hīnāyā   vāsaḥ svarge_api rocate /23/

Verse: 24 
Halfverse: a    prāg eva tu mahābʰāgaḥ   saumitrir mitranandanaḥ
   prāg eva tu mahā-bʰāgaḥ   saumitrir mitra-nandanaḥ /
Halfverse: c    pūrvajasyānuyātrārtʰe   drumacīrair alaṃkr̥taḥ
   pūrvajasya_anuyātrā_artʰe   druma-cīrair alaṃkr̥taḥ /24/

Verse: 25 
Halfverse: a    te vayaṃ bʰartur ādeśaṃ   bahu mānyadr̥ḍʰavratāḥ
   te vayaṃ bʰartur ādeśaṃ   bahu mānya-dr̥ḍʰa-vratāḥ /
Halfverse: c    praviṣṭāḥ sma purād dr̥ṣṭaṃ   vanaṃ gambʰīradarśanam
   praviṣṭāḥ sma purād dr̥ṣṭaṃ   vanaṃ gambʰīra-darśanam /25/

Verse: 26 
Halfverse: a    vasato daṇḍakāraṇye   tasyāham amitaujasaḥ
   vasato daṇḍaka_araṇye   tasya_aham amita_ojasaḥ /
Halfverse: c    rakṣasāpahr̥tā bʰāryā   rāvaṇena durātmanā
   rakṣasā_apahr̥tā bʰāryā   rāvaṇena durātmanā /26/

Verse: 27 
Halfverse: a    dvau māsau tena me kālo   jīvitānugrahaḥ kr̥taḥ
   dvau māsau tena me kālo   jīvita_anugrahaḥ kr̥taḥ /
Halfverse: c    ūrdʰvaṃ dvābʰyāṃ tu māsābʰyāṃ   tatas tyakṣyāmi jīvitam
   ūrdʰvaṃ dvābʰyāṃ tu māsābʰyāṃ   tatas tyakṣyāmi jīvitam /27/ {E}



Next part


This text is part of the TITUS edition of Ramayana.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.