TITUS
Ramayana
Part No. 361
Previous part

Chapter: 36 
Adhyāya 36


Verse: 1 
Halfverse: a    tataḥ sa kapiśārdūlas   tena vākyena harṣitaḥ
   tataḥ sa kapi-śārdūlas   tena vākyena harṣitaḥ /
Halfverse: c    sītām uvāca tac cʰrutvā   vākyaṃ vākyaviśāradaḥ
   sītām uvāca tat śrutvā   vākyaṃ vākya-viśāradaḥ /1/

Verse: 2 
Halfverse: a    yuktarūpaṃ tvayā devi   bʰāṣitaṃ śubʰadarśane
   yukta-rūpaṃ tvayā devi   bʰāṣitaṃ śubʰa-darśane /
Halfverse: c    sadr̥śaṃ strīsvabʰāvasya   sādʰvīnāṃ vinayasya ca
   sadr̥śaṃ strī-svabʰāvasya   sādʰvīnāṃ vinayasya ca /2/

Verse: 3 
Halfverse: a    strītvaṃ na tu samartʰaṃ hi   sāgaraṃ vyativartitum
   strītvaṃ na tu samartʰaṃ hi   sāgaraṃ vyativartitum /
Halfverse: c    mām adʰiṣṭʰāya vistīrṇaṃ   śatayojanam āyatam
   mām adʰiṣṭʰāya vistīrṇaṃ   śata-yojanam āyatam /3/

Verse: 4 
Halfverse: a    dvitīyaṃ kāraṇaṃ yac ca   bravīṣi vinayānvite
   dvitīyaṃ kāraṇaṃ yac ca   bravīṣi vinaya_anvite /
Halfverse: c    rāmād anyasya nārhāmi   saṃsparśam iti jānaki
   rāmād anyasya na_arhāmi   saṃsparśam iti jānaki /4/

Verse: 5 
Halfverse: a    etat te devi sadr̥śaṃ   patnyās tasya mahātmanaḥ
   etat te devi sadr̥śaṃ   patnyās tasya mahātmanaḥ /
Halfverse: c    kā hy anyā tvām r̥te devi   brūyād vacanam īdr̥śam
   kā hy anyā tvām r̥te devi   brūyād vacanam īdr̥śam /5/

Verse: 6 
Halfverse: a    śroṣyate caiva kākutstʰaḥ   sarvaṃ niravaśeṣataḥ
   śroṣyate caiva kākutstʰaḥ   sarvaṃ niravaśeṣataḥ /
Halfverse: c    ceṣṭitaṃ yat tvayā devi   bʰāṣitaṃ mama cāgrataḥ
   ceṣṭitaṃ yat tvayā devi   bʰāṣitaṃ mama ca_agrataḥ /6/

Verse: 7 
Halfverse: a    kāraṇair bahubʰir devi   rāma priyacikīrṣayā
   kāraṇair bahubʰir devi   rāma priya-cikīrṣayā /
Halfverse: c    snehapraskannamanasā   mayaitat samudīritam
   sneha-praskanna-manasā   mayā_etat samudīritam /7/

Verse: 8 
Halfverse: a    laṅkāyā duṣpraveśatvād   dustaratvān mahodadʰeḥ
   laṅkāyā duṣpraveśatvād   dustaratvān mahā_udadʰeḥ /
Halfverse: c    sāmartʰyād ātmanaś caiva   mayaitat samudāhr̥tam
   sāmartʰyād ātmanaś caiva   mayā_etat samudāhr̥tam /8/

Verse: 9 
Halfverse: a    iccʰāmi tvāṃ samānetum   adyaiva ragʰubandʰunā
   iccʰāmi tvāṃ samānetum   adya_eva ragʰu-bandʰunā /
Halfverse: c    gurusnehena bʰaktyā ca   nānyatʰā tad udāhr̥tam
   guru-snehena bʰaktyā ca   na_anyatʰā tad udāhr̥tam /9/

Verse: 10 
Halfverse: a    yadi notsahase yātuṃ   mayā sārdʰam anindite
   yadi na_utsahase yātuṃ   mayā sārdʰam anindite /
Halfverse: c    abʰijñānaṃ prayaccʰa tvaṃ   jānīyād rāgʰavo hi yat
   abʰijñānaṃ prayaccʰa tvaṃ   jānīyād rāgʰavo hi yat /10/

Verse: 11 
Halfverse: a    evam uktā hanumatā   sītā surasutopamā
   evam uktā hanumatā   sītā sura-suta_upamā /
Halfverse: c    uvāca vacanaṃ mandaṃ   bāṣpapragratʰitākṣaram
   uvāca vacanaṃ mandaṃ   bāṣpa-pragratʰita_akṣaram /11/

Verse: 12 
Halfverse: a    idaṃ śreṣṭʰam abʰijñānaṃ   brūyās tvaṃ tu mama priyam
   idaṃ śreṣṭʰam abʰijñānaṃ   brūyās tvaṃ tu mama priyam /
Halfverse: c    śailasya citrakūṭasya   pāde pūrvottare tadā
   śailasya citra-kūṭasya   pāde pūrva_uttare tadā /12/

Verse: 13 
Halfverse: a    tāpasāśramavāsinyāḥ   prājyamūlapʰalodake
   tāpasa_āśrama-vāsinyāḥ   prājya-mūla-pʰala_udake /
Halfverse: c    tasmin siddʰāśrame deśe   mandākinyā adūrataḥ
   tasmin siddʰa_āśrame deśe   mandākinyā adūrataḥ /13/

Verse: 14 
Halfverse: a    tasyopavanaṣaṇḍeṣu   nānāpuṣpasugandʰiṣu
   tasya_upavana-ṣaṇḍeṣu   nānā-puṣpa-sugandʰiṣu /
Halfverse: c    vihr̥tya salilaklinnā   tavāṅke samupāviśam
   vihr̥tya salila-klinnā   tava_aṅke samupāviśam /14/

Verse: 15 
Halfverse: a    paryāyeṇa prasuptaś ca   mamāṅke bʰaratāgrajaḥ
   paryāyeṇa prasuptaś ca   mama_aṅke bʰarata_agrajaḥ /15/ {ab only}

Verse: 16 
Halfverse: a    tato māṃsasamāyukto   vāyasaḥ paryatuṇḍayat
   tato māṃsa-samāyukto   vāyasaḥ paryatuṇḍayat /
Halfverse: c    tam ahaṃ loṣṭam udyamya   vārayāmi sma vāyasaṃ
   tam ahaṃ loṣṭam udyamya   vārayāmi sma vāyasaṃ /16/

Verse: 17 
Halfverse: a    dārayan sa ca māṃ kākas   tatraiva parilīyate
   dārayan sa ca māṃ kākas   tatra_eva parilīyate /
Halfverse: c    na cāpy uparaman māṃsād   bʰakṣārtʰī balibʰojanaḥ
   na ca_apy uparaman māṃsād   bʰakṣa_artʰī bali-bʰojanaḥ /17/

Verse: 18 
Halfverse: a    utkarṣantyāṃ ca raśanāṃ   kruddʰāyāṃ mayi pakṣiṇe
   utkarṣantyāṃ ca raśanāṃ   kruddʰāyāṃ mayi pakṣiṇe /
Halfverse: c    sraṃsamāne ca vasane   tato dr̥ṣṭā tvayā hy aham
   sraṃsamāne ca vasane   tato dr̥ṣṭā tvayā hy aham /18/

Verse: 19 
Halfverse: a    tvayā vihasitā cāhaṃ   kruddʰā saṃlajjitā tadā
   tvayā vihasitā ca_ahaṃ   kruddʰā saṃlajjitā tadā /
Halfverse: c    bʰakṣya gr̥ddʰena kālena   dāritā tvām upāgatā
   bʰakṣya gr̥ddʰena kālena   dāritā tvām upāgatā /19/

Verse: 20 
Halfverse: a    āsīnasya ca te śrāntā   punar utsaṅgam āviśam
   āsīnasya ca te śrāntā   punar utsaṅgam āviśam /
Halfverse: c    krudʰyantī ca prahr̥ṣṭena   tvayāhaṃ parisāntvitā
   krudʰyantī ca prahr̥ṣṭena   tvayā_ahaṃ parisāntvitā /20/

Verse: 21 
Halfverse: a    bāṣpapūrṇamukʰī mandaṃ   cakṣuṣī parimārjatī
   bāṣpa-pūrṇa-mukʰī mandaṃ   cakṣuṣī parimārjatī /
Halfverse: c    lakṣitāhaṃ tvayā nātʰa   vāyasena prakopitā
   lakṣitā_ahaṃ tvayā nātʰa   vāyasena prakopitā /21/

Verse: 22 
Halfverse: a    āśīviṣa iva kruddʰaḥ   śvasān vākyam abʰāṣatʰāḥ
   āśī-viṣa iva kruddʰaḥ   śvasān vākyam abʰāṣatʰāḥ /
Halfverse: c    kena te nāganāsoru   vikṣataṃ vai stanāntaram
   kena te nāga-nāsa_ūru   vikṣataṃ vai stana_antaram /
Halfverse: e    kaḥ krīḍati saroṣeṇa   pañcavaktreṇa bʰoginā
   kaḥ krīḍati saroṣeṇa   pañca-vaktreṇa bʰoginā /22/

Verse: 23 
Halfverse: a    vīkṣamāṇas tatas taṃ vai   vāyasaṃ samavaikṣatʰāḥ
   vīkṣamāṇas tatas taṃ vai   vāyasaṃ samavaikṣatʰāḥ /
Halfverse: c    nakʰaiḥ sarudʰirais tīkṣṇair   mām evābʰimukʰaṃ stʰitam
   nakʰaiḥ sarudʰirais tīkṣṇair   mām eva_abʰimukʰaṃ stʰitam /23/

Verse: 24 
Halfverse: a    putraḥ kila sa śakrasya   vāyasaḥ patatāṃ varaḥ
   putraḥ kila sa śakrasya   vāyasaḥ patatāṃ varaḥ /
Halfverse: c    dʰarāntaracaraḥ śīgʰraṃ   pavanasya gatau samaḥ
   dʰarā_antara-caraḥ śīgʰraṃ   pavanasya gatau samaḥ /24/

Verse: 25 
Halfverse: a    tatas tasmin mahābāhuḥ   kopasaṃvartitekṣaṇaḥ
   tatas tasmin mahā-bāhuḥ   kopa-saṃvartita_īkṣaṇaḥ /
Halfverse: c    vāyase kr̥tavān krūrāṃ   matiṃ matimatāṃ vara
   vāyase kr̥tavān krūrāṃ   matiṃ matimatāṃ vara /25/

Verse: 26 
Halfverse: a    sa darbʰasaṃstarād gr̥hya   brahmaṇo 'streṇa yojayaḥ
   sa darbʰa-saṃstarād gr̥hya   brahmaṇo_astreṇa yojayaḥ /
Halfverse: c    sa dīpta iva kālāgnir   jajvālābʰimukʰo dvijam
   sa dīpta iva kāla_agnir   jajvāla_abʰimukʰo dvijam /26/

Verse: 27 
Halfverse: a    cikṣepitʰa pradīptāṃ tām   iṣīkāṃ vāyasaṃ prati
   cikṣepitʰa pradīptāṃ tām   iṣīkāṃ vāyasaṃ prati /
Halfverse: c    anusr̥ṣṭas tadā kālo   jagāma vividʰāṃ gatim
   anusr̥ṣṭas tadā kālo   jagāma vividʰāṃ gatim /
Halfverse: e    trāṇakāma imaṃ lokaṃ   sarvaṃ vai vicacāra ha
   trāṇa-kāma imaṃ lokaṃ   sarvaṃ vai vicacāra ha /27/

Verse: 28 
Halfverse: a    sa pitrā ca parityaktaḥ   suraiḥ sarvair maharṣibʰiḥ
   sa pitrā ca parityaktaḥ   suraiḥ sarvair maharṣibʰiḥ /
Halfverse: c    trīm̐l lokān saṃparikramya   tvām eva śaraṇaṃ gataḥ
   trīm̐l lokān saṃparikramya   tvām eva śaraṇaṃ gataḥ /28/

Verse: 29 
Halfverse: a    taṃ tvaṃ nipatitaṃ bʰūmau   śaraṇyaḥ śaraṇāgatam
   taṃ tvaṃ nipatitaṃ bʰūmau   śaraṇyaḥ śaraṇā-gatam /
Halfverse: c    vadʰārham api kākutstʰa   kr̥payā paryapālayaḥ
   vadʰa_arham api kākutstʰa   kr̥payā paryapālayaḥ /
Halfverse: e    na śarma labdʰvā lokeṣu   tvām eva śaraṇaṃ gataḥ
   na śarma labdʰvā lokeṣu   tvām eva śaraṇaṃ gataḥ /29/

Verse: 30 
Halfverse: a    paridyūnaṃ viṣaṇṇaṃ ca   sa tvam āyāntam uktavān
   paridyūnaṃ viṣaṇṇaṃ ca   sa tvam āyāntam uktavān /
Halfverse: c    mogʰaṃ kartuṃ na śakyaṃ tu   brāhmam astraṃ tad ucyatām
   mogʰaṃ kartuṃ na śakyaṃ tu   brāhmam astraṃ tad ucyatām /30/

Verse: 31 
Halfverse: a    tatas tasyākṣi kākasya   hinasti sma sa dakṣiṇam
   tatas tasya_akṣi kākasya   hinasti sma sa dakṣiṇam /31/ {ab only}

Verse: 32 
Halfverse: a    sa te tadā namaskr̥tvā   rājñe daśaratʰāya ca
   sa te tadā namas-kr̥tvā   rājñe daśaratʰāya ca /
Halfverse: c    tvayā vīra visr̥ṣṭas tu   pratipede svam ālayam
   tvayā vīra visr̥ṣṭas tu   pratipede svam ālayam /32/

Verse: 33 
Halfverse: a    matkr̥te kākamātre 'pi   brahmāstraṃ samudīritam
   mat-kr̥te kāka-mātre_api   brahma_astraṃ samudīritam /
Halfverse: c    kasmād yo māṃ harat tvattaḥ   kṣamase taṃ mahīpate
   kasmād yo māṃ harat tvattaḥ   kṣamase taṃ mahī-pate /33/ {?}

Verse: 34 
Halfverse: a    sa kuruṣva mahotsāhaṃ   kr̥pāṃ mayi nararṣabʰa
   sa kuruṣva mahā_utsāhaṃ   kr̥pāṃ mayi nara-r̥ṣabʰa /
Halfverse: c    ānr̥śaṃsyaṃ paro dʰarmas   tvatta eva mayā śrutaḥ
   ānr̥śaṃsyaṃ paro dʰarmas   tvatta eva mayā śrutaḥ /34/

Verse: 35 
Halfverse: a    jānāmi tvāṃ mahāvīryaṃ   mahotsāhaṃ mahābalam
   jānāmi tvāṃ mahā-vīryaṃ   mahā_utsāhaṃ mahā-balam /
Halfverse: c    apārapāram akṣobʰyaṃ   gāmbʰīryāt sāgaropamam
   apāra-pāram akṣobʰyaṃ   gāmbʰīryāt sāgara_upamam /
Halfverse: e    bʰartāraṃ sasamudrāyā   dʰaraṇyā vāsavopamam
   bʰartāraṃ sasamudrāyā   dʰaraṇyā vāsava_upamam /35/

Verse: 36 
Halfverse: a    evam astravidāṃ śreṣṭʰaḥ   sattvavān balavān api
   evam astravidāṃ śreṣṭʰaḥ   sattvavān balavān api /
Halfverse: c    kimartʰam astraṃ rakṣaḥsu   na yojayasi rāgʰava
   kim-artʰam astraṃ rakṣaḥsu   na yojayasi rāgʰava /36/

Verse: 37 
Halfverse: a    na nāgā nāpi gandʰarvā   nāsurā na marudgaṇāḥ
   na nāgā na_api gandʰarvā   na_asurā na marud-gaṇāḥ /
Halfverse: c    rāmasya samare vegaṃ   śaktāḥ prati samādʰitum
   rāmasya samare vegaṃ   śaktāḥ prati samādʰitum /37/

Verse: 38 
Halfverse: a    tasyā vīryavataḥ kaś cid   yady asti mayi saṃbʰramaḥ
   tasyā vīryavataḥ kaścid   yady asti mayi saṃbʰramaḥ /
Halfverse: c    kimartʰaṃ na śarais tīkṣṇaiḥ   kṣayaṃ nayati rākṣasān
   kim-artʰaṃ na śarais tīkṣṇaiḥ   kṣayaṃ nayati rākṣasān /38/

Verse: 39 
Halfverse: a    bʰrātur ādeśam ādāya   lakṣmaṇo vā paraṃtapaḥ
   bʰrātur ādeśam ādāya   lakṣmaṇo vā paraṃ-tapaḥ /
Halfverse: c    kasya hetor na māṃ vīraḥ   paritrāti mahābalaḥ
   kasya hetor na māṃ vīraḥ   paritrāti mahā-balaḥ /39/

Verse: 40 
Halfverse: a    yadi tau puruṣavyāgʰrau   vāyvindrasamatejasau
   yadi tau puruṣa-vyāgʰrau   vāyv-indra-sama-tejasau /
Halfverse: c    surāṇām api durdʰarṣo   kimartʰaṃ mām upekṣataḥ
   surāṇām api durdʰarṣo   kim-artʰaṃ mām upekṣataḥ /40/

Verse: 41 
Halfverse: a    mamaiva duṣkr̥taṃ kiṃ cin   mahad asti na saṃśayaḥ
   mama_eva duṣkr̥taṃ kiṃcin   mahad asti na saṃśayaḥ /
Halfverse: c    samartʰāv api tau yan māṃ   nāvekṣete paraṃtapau
   samartʰāv api tau yan māṃ   na_avekṣete paraṃ-tapau /41/

Verse: 42 
Halfverse: a    kausalyā lokabʰartāraṃ   suṣuve yaṃ manasvinī
   kausalyā loka-bʰartāraṃ   suṣuve yaṃ manasvinī /
Halfverse: c    taṃ mamārtʰe sukʰaṃ pr̥ccʰa   śirasā cābʰivādaya
   taṃ mama_artʰe sukʰaṃ pr̥ccʰa   śirasā ca_abʰivādaya /42/

Verse: 43 
Halfverse: a    srajaś ca sarvaratnāni   priyā yāś ca varāṅganāḥ
   srajaś ca sarva-ratnāni   priyā yāś ca vara_aṅganāḥ /
Halfverse: c    aiśvaryaṃ ca viśālāyāṃ   pr̥tʰivyām api durlabʰam
   aiśvaryaṃ ca viśālāyāṃ   pr̥tʰivyām api durlabʰam /43/

Verse: 44 
Halfverse: a    pitaraṃ mātaraṃ caiva   saṃmānyābʰiprasādya ca
   pitaraṃ mātaraṃ caiva   saṃmānya_abʰiprasādya ca /
Halfverse: c    anupravrajito rāmaṃ   sumitrā yena suprajāḥ
   anupravrajito rāmaṃ   sumitrā yena suprajāḥ /
Halfverse: e    ānukūlyena dʰarmātmā   tyaktvā sukʰam anuttamam
   ānukūlyena dʰarma_ātmā   tyaktvā sukʰam anuttamam /44/

Verse: 45 
Halfverse: a    anugaccʰati kākutstʰaṃ   bʰrātaraṃ pālayan vane
   anugaccʰati kākutstʰaṃ   bʰrātaraṃ pālayan vane /
Halfverse: c    siṃhaskandʰo mahābāhur   manasvī priyadarśanaḥ
   siṃha-skandʰo mahā-bāhur   manasvī priya-darśanaḥ /45/

Verse: 46 
Halfverse: a    pitr̥vad vartate rāme   mātr̥van māṃ samācaran
   pitr̥vad vartate rāme   mātr̥van māṃ samācaran /
Halfverse: c    hriyamāṇāṃ tadā vīro   na tu māṃ veda lakṣmaṇaḥ
   hriyamāṇāṃ tadā vīro   na tu māṃ veda lakṣmaṇaḥ /46/

Verse: 47 
Halfverse: a    vr̥ddʰopasevī lakṣmīvāñ   śakto na bahubʰāṣitā
   vr̥ddʰa_upasevī lakṣmīvān   śakto na bahu-bʰāṣitā /
Halfverse: c    rājaputraḥ priyaśreṣṭʰaḥ   sadr̥śaḥ śvaśurasya me
   rāja-putraḥ priya-śreṣṭʰaḥ   sadr̥śaḥ śvaśurasya me /47/

Verse: 48 
Halfverse: a    mattaḥ priyataro nityaṃ   bʰrātā rāmasya lakṣmaṇaḥ
   mattaḥ priyataro nityaṃ   bʰrātā rāmasya lakṣmaṇaḥ /
Halfverse: c    niyukto dʰuri yasyāṃ tu   tām udvahati vīryavān
   niyukto dʰuri yasyāṃ tu   tām udvahati vīryavān /48/

Verse: 49 
Halfverse: a    yaṃ dr̥ṣṭvā rāgʰavo naiva   vr̥ddʰam āryam anusmarat
   yaṃ dr̥ṣṭvā rāgʰavo na_eva   vr̥ddʰam āryam anusmarat /
Halfverse: c    sa mamārtʰāya kuśalaṃ   vaktavyo vacanān mama
   sa mama_artʰāya kuśalaṃ   vaktavyo vacanān mama /
Halfverse: e    mr̥dur nityaṃ śucir dakṣaḥ   priyo rāmasya lakṣmaṇaḥ
   mr̥dur nityaṃ śucir dakṣaḥ   priyo rāmasya lakṣmaṇaḥ /49/

Verse: 50 
Halfverse: a    idaṃ brūyāś ca me nātʰaṃ   śūraṃ rāmaṃ punaḥ punaḥ
   idaṃ brūyāś ca me nātʰaṃ   śūraṃ rāmaṃ punaḥ punaḥ /
Halfverse: c    jīvitaṃ dʰārayiṣyāmi   māsaṃ daśaratʰātmaja
   jīvitaṃ dʰārayiṣyāmi   māsaṃ daśaratʰa_ātmaja /
Halfverse: e    ūrdʰvaṃ māsān na jīveyaṃ   satyenāhaṃ bravīmi te
   ūrdʰvaṃ māsān na jīveyaṃ   satyena_ahaṃ bravīmi te /50/

Verse: 51 
Halfverse: a    rāvaṇenoparuddʰāṃ māṃ   nikr̥tyā pāpakarmaṇā
   rāvaṇena_uparuddʰāṃ māṃ   nikr̥tyā pāpa-karmaṇā /
Halfverse: c    trātum arhasi vīra tvaṃ   pātālād iva kauśikīm
   trātum arhasi vīra tvaṃ   pātālād iva kauśikīm /51/

Verse: 52 
Halfverse: a    tato vastragataṃ muktvā   divyaṃ cūḍāmaṇiṃ śubʰam
   tato vastra-gataṃ muktvā   divyaṃ cūḍā-maṇiṃ śubʰam /
Halfverse: c    pradeyo rāgʰavāyeti   sītā hanumate dadau
   pradeyo rāgʰavāya_iti   sītā hanumate dadau /52/

Verse: 53 
Halfverse: a    pratigr̥hya tato vīro   maṇiratnam anuttamam
   pratigr̥hya tato vīro   maṇi-ratnam anuttamam /
Halfverse: c    aṅgulyā yojayām āsa   na hy asyā prābʰavad bʰujaḥ
   aṅgulyā yojayām āsa   na hy asyā prābʰavad bʰujaḥ /53/

Verse: 54 
Halfverse: a    maṇiratnaṃ kapivaraḥ   pratigr̥hyābʰivādya ca
   maṇi-ratnaṃ kapi-varaḥ   pratigr̥hya_abʰivādya ca /
Halfverse: c    sītāṃ pradakṣiṇaṃ kr̥tvā   praṇataḥ pārśvataḥ stʰitaḥ
   sītāṃ pradakṣiṇaṃ kr̥tvā   praṇataḥ pārśvataḥ stʰitaḥ /54/

Verse: 55 
Halfverse: a    harṣeṇa mahatā yuktaḥ   sītādarśanajena saḥ
   harṣeṇa mahatā yuktaḥ   sītā-darśanajena saḥ /
Halfverse: c    hr̥dayena gato rāmaṃ   śarīreṇa tu viṣṭʰitaḥ
   hr̥dayena gato rāmaṃ   śarīreṇa tu viṣṭʰitaḥ /55/

Verse: 56 
Halfverse: a    maṇivaram upagr̥hya   taṃ mahārhaṃ janakanr̥pātmajayā dʰr̥taṃ prabʰāvāt
   maṇi-varam upagr̥hya   taṃ mahā_arhaṃ janaka-nr̥pa_ātmajayā dʰr̥taṃ prabʰāvāt /
Halfverse: c    girivarapavanāvadʰūtamuktaḥ   sukʰitamanāḥ pratisaṃkramaṃ prapede
   giri-vara-pavana_avadʰūta-muktaḥ   sukʰita-manāḥ pratisaṃkramaṃ prapede /56/ {E}



Next part


This text is part of the TITUS edition of Ramayana.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.