TITUS
Ramayana
Part No. 372
Previous part

Chapter: 47 
Adhyāya 47


Verse: 1 
Halfverse: a    tataḥ sa karmaṇā tasya   vismito bʰīmavikramaḥ
   tataḥ sa karmaṇā tasya   vismito bʰīma-vikramaḥ /
Halfverse: c    hanumān roṣatāmrākṣo   rakṣo'dʰipam avaikṣata
   hanumān roṣa-tāmra_akṣo   rakṣo_adʰipam avaikṣata /1/

Verse: 2 
Halfverse: a    bʰājamānaṃ mahārheṇa   kāñcanena virājatā
   bʰājamānaṃ mahā_arheṇa   kāñcanena virājatā /
Halfverse: c    muktājālāvr̥tenātʰa   mukuṭena mahādyutim
   muktā-jāla_āvr̥tena_atʰa   mukuṭena mahā-dyutim /2/

Verse: 3 
Halfverse: a    vajrasaṃyogasaṃyuktair   mahārhamaṇivigrahaiḥ
   vajra-saṃyoga-saṃyuktair   mahā_arha-maṇi-vigrahaiḥ /
Halfverse: c    haimair ābʰaraṇaiś citrair   manaseva prakalpitaiḥ
   haimair ābʰaraṇaiś citrair   manasā_iva prakalpitaiḥ /3/

Verse: 4 
Halfverse: a    mahārhakṣaumasaṃvītaṃ   raktacandanarūṣitam
   mahā_arha-kṣauma-saṃvītaṃ   rakta-candana-rūṣitam /
Halfverse: c    svanuliptaṃ vicitrābʰir   vividʰabʰiś ca bʰaktibʰiḥ
   svanuliptaṃ vicitrābʰir   vividʰabʰiś ca bʰaktibʰiḥ /4/

Verse: 5 
Halfverse: a    vipulair darśanīyaiś ca   rakṣākṣair bʰīmadarśanaiḥ
   vipulair darśanīyaiś ca   rakṣa_akṣair bʰīma-darśanaiḥ /
Halfverse: c    dīptatīkṣṇamahādaṃṣṭraiḥ   pralambadaśanaccʰadaiḥ
   dīpta-tīkṣṇa-mahā-daṃṣṭraiḥ   pralamba-daśanac-cʰadaiḥ /5/

Verse: 6 
Halfverse: a    śirobʰir daśabʰir vīraṃ   bʰrājamānaṃ mahaujasaṃ
   śirobʰir daśabʰir vīraṃ   bʰrājamānaṃ mahā_ojasaṃ /
Halfverse: c    nānāvyālasamākīrṇaiḥ   śikʰarair iva mandaram
   nānā-vyāla-samākīrṇaiḥ   śikʰarair iva mandaram /6/

Verse: 7 
Halfverse: a    nīlāñjanacaya prakʰyaṃ   hāreṇorasi rājatā
   nīla_añjana-caya prakʰyaṃ   hāreṇa_urasi rājatā /
Halfverse: c    pūrṇacandrābʰavaktreṇa   sabalākam ivāmbudam
   pūrṇa-candra_ābʰa-vaktreṇa   sabalākam iva_ambudam /7/

Verse: 8 
Halfverse: a    bāhubʰir baddʰakeyūraiś   candanottamarūṣitaiḥ
   bāhubʰir baddʰa-keyūraiś   candana_uttama-rūṣitaiḥ /
Halfverse: c    bʰrājamānāṅgadaiḥ pīnaiḥ   pañcaśīrṣair ivoragaiḥ
   bʰrājamāna_aṅgadaiḥ pīnaiḥ   pañca-śīrṣair iva_uragaiḥ /8/

Verse: 9 
Halfverse: a    mahati spʰāṭike citre   ratnasaṃyogasaṃskr̥te
   mahati spʰāṭike citre   ratna-saṃyoga-saṃskr̥te /
Halfverse: c    uttamāstaraṇāstīrṇe   upaviṣṭaṃ varāsane
   uttama_āstaraṇa_āstīrṇe   upaviṣṭaṃ vara_āsane /9/

Verse: 10 
Halfverse: a    alaṃkr̥tābʰir atyartʰaṃ   pramadābʰiḥ samantataḥ
   alaṃkr̥tābʰir atyartʰaṃ   pramadābʰiḥ samantataḥ /
Halfverse: c    vālavyajanahastābʰir   ārāt samupasevitam
   vāla-vyajana-hastābʰir   ārāt samupasevitam /10/

Verse: 11 
Halfverse: a    durdʰareṇa prahastena   mahāpārśvena rakṣasā
   durdʰareṇa prahastena   mahā-pārśvena rakṣasā /
Halfverse: c    mantribʰir mantratattvajñair   nikumbʰena ca mantriṇā
   mantribʰir mantra-tattvajñair   nikumbʰena ca mantriṇā /11/

Verse: 12 
Halfverse: a    upopaviṣṭaṃ rakṣobʰiś   caturbʰir baladarpitaiḥ
   upa_upaviṣṭaṃ rakṣobʰiś   caturbʰir bala-darpitaiḥ /
Halfverse: c    kr̥tsnaiḥ parivr̥taṃ lokaṃ   caturbʰir iva sāgaraiḥ
   kr̥tsnaiḥ parivr̥taṃ lokaṃ   caturbʰir iva sāgaraiḥ /12/

Verse: 13 
Halfverse: a    mantribʰir mantratattvajñair   anyaiś ca śubʰabuddʰibʰiḥ
   mantribʰir mantra-tattvajñair   anyaiś ca śubʰa-buddʰibʰiḥ /
Halfverse: c    anvāsyamānaṃ sacivaiḥ   surair iva sureśvaram
   anvāsyamānaṃ sacivaiḥ   surair iva sura_īśvaram /13/

Verse: 14 
Halfverse: a    apaśyad rākṣasapatiṃ   hanūmān atitejasaṃ
   apaśyad rākṣasa-patiṃ   hanūmān atitejasaṃ /
Halfverse: c    viṣṭʰitaṃ meruśikʰare   satoyam iva toyadam
   viṣṭʰitaṃ meru-śikʰare   satoyam iva toyadam /14/

Verse: 15 
Halfverse: a    sa taiḥ saṃpīḍyamāno 'pi   rakṣobʰir bʰīmavikramaiḥ
   sa taiḥ saṃpīḍyamāno_api   rakṣobʰir bʰīma-vikramaiḥ /
Halfverse: c    vismayaṃ paramaṃ gatvā   rakṣo'dʰipam avaikṣata
   vismayaṃ paramaṃ gatvā   rakṣo_adʰipam avaikṣata /15/

Verse: 16 
Halfverse: a    bʰrājamānaṃ tato dr̥ṣṭvā   hanumān rākṣaseśvaram
   bʰrājamānaṃ tato dr̥ṣṭvā   hanumān rākṣasa_īśvaram /
Halfverse: c    manasā cintayām āsa   tejasā tasya mohitaḥ
   manasā cintayām āsa   tejasā tasya mohitaḥ /16/

Verse: 17 
Halfverse: a    aho rūpam aho dʰairyam   aho sattvam aho dyutiḥ
   aho rūpam aho dʰairyam   aho sattvam aho dyutiḥ /
Halfverse: c    aho rākṣasarājasya   sarvalakṣaṇayuktatā
   aho rākṣasa-rājasya   sarva-lakṣaṇa-yuktatā /17/

Verse: 18 
Halfverse: a    yady adʰarmo na balavān   syād ayaṃ rākṣaseśvaraḥ
   yady adʰarmo na balavān   syād ayaṃ rākṣasa_īśvaraḥ /
Halfverse: c    syād ayaṃ suralokasya   saśakrasyāpi rakṣitā
   syād ayaṃ sura-lokasya   saśakrasya_api rakṣitā /18/

Verse: 19 
Halfverse: a    tena bibʰyati kʰalv asmāl   lokāḥ sāmaradānavāḥ
   tena bibʰyati kʰalv asmāl   lokāḥ sāmara-dānavāḥ /
Halfverse: c    ayaṃ hy utsahate kruddʰaḥ   kartum ekārṇavaṃ jagat
   ayaṃ hy utsahate kruddʰaḥ   kartum eka_arṇavaṃ jagat /19/

Verse: 20 
Halfverse: a    iti cintāṃ bahuvidʰām   akaron matimān kapiḥ
   iti cintāṃ bahu-vidʰām   akaron matimān kapiḥ /
Halfverse: c    dr̥ṣṭvā rākṣasarājasya   prabʰāvam amitaujasaḥ
   dr̥ṣṭvā rākṣasa-rājasya   prabʰāvam amita_ojasaḥ /20/ {E}



Next part


This text is part of the TITUS edition of Ramayana.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.