TITUS
Ramayana
Part No. 534
Previous part

Chapter: 27 
Adhyāya 27


Verse: 1 
Halfverse: a    kailāsaṃ laṅgʰayitvātʰa   daśagrīvaḥ sarākṣasaḥ
   kailāsaṃ laṅgʰayitvā_atʰa   daśagrīvaḥ sarākṣasaḥ /
Halfverse: c    āsasāda mahātejā   indralokaṃ niśācaraḥ
   āsasāda mahā-tejā   indra-lokaṃ niśā-caraḥ /1/

Verse: 2 
Halfverse: a    tasya rākṣasasainyasya   samantād upayāsyataḥ
   tasya rākṣasa-sainyasya   samantād upayāsyataḥ /
Halfverse: c    devalokaṃ yayau śabdo   bʰidyamānārṇavopamaḥ
   deva-lokaṃ yayau śabdo   bʰidyamāna_arṇava_upamaḥ /2/

Verse: 3 
Halfverse: a    śrutā tu rāvaṇaṃ prāptam   indraḥ saṃcalitāsanaḥ
   śrutā tu rāvaṇaṃ prāptam   indraḥ saṃcalita_āsanaḥ /
Halfverse: c    abravīt tatra tān devān   sarvān eva samāgatān
   abravīt tatra tān devān   sarvān eva samāgatān /3/

Verse: 4 
Halfverse: a    ādityān savasūn rudrān   viśvān sādʰyān marudgaṇān
   ādityān savasūn rudrān   viśvān sādʰyān marud-gaṇān /
Halfverse: c    sajjībʰavata yuddʰārtʰaṃ   rāvaṇasya durātmanaḥ
   sajjī-bʰavata yuddʰa_artʰaṃ   rāvaṇasya durātmanaḥ /4/

Verse: 5 
Halfverse: a    evam uktās tu śakreṇa   devāḥ śakrasamā yudʰi
   evam uktās tu śakreṇa   devāḥ śakra-samā yudʰi /
Halfverse: c    saṃnahyanta mahāsattvā   yuddʰaśraddʰāsamanvitāḥ
   saṃnahyanta mahā-sattvā   yuddʰa-śraddʰā-samanvitāḥ /5/

Verse: 6 
Halfverse: a    sa tu dīnaḥ paritrasto   mahendro rāvaṇaṃ prati
   sa tu dīnaḥ paritrasto   mahā_indro rāvaṇaṃ prati /
Halfverse: c    viṣṇoḥ samīpam āgatya   vākyam etad uvāca ha
   viṣṇoḥ samīpam āgatya   vākyam etad uvāca ha /6/

Verse: 7 
Halfverse: a    viṣṇo katʰaṃ kariṣyāmo   mahāvīryaparākrama
   viṣṇo katʰaṃ kariṣyāmo   mahā-vīrya-parākrama /
Halfverse: c    asu hi balavān rakṣo   yuddʰārtʰam abʰivartate
   asu hi balavān rakṣo   yuddʰa_artʰam abʰivartate /7/

Verse: 8 
Halfverse: a    varapradānād balavān   na kʰalv anyena hetunā
   vara-pradānād balavān   na kʰalv anyena hetunā /
Halfverse: c    tac ca satyaṃ hi kartavyaṃ   vākyaṃ deva prajāpateḥ
   tac ca satyaṃ hi kartavyaṃ   vākyaṃ deva prajāpateḥ /8/

Verse: 9 
Halfverse: a    tad yatʰā namucir vr̥tro   balir narakaśambarau
   tad yatʰā namucir vr̥tro   balir naraka-śambarau /
Halfverse: c    tvan mataṃ samavaṣṭabʰya   yatʰā dagdʰās tatʰā kuru
   tvan mataṃ samavaṣṭabʰya   yatʰā dagdʰās tatʰā kuru /9/

Verse: 10 
Halfverse: a    na hy anyo deva devānām   āpatsu sumahābala
   na hy anyo deva devānām   āpatsu sumahā-bala /
Halfverse: c    gatiḥ parāyaṇaṃ vāsti   tvām r̥te puruṣottama
   gatiḥ parāyaṇaṃ vā_asti   tvām r̥te puruṣa_uttama /10/

Verse: 11 
Halfverse: a    tvaṃ hi nārāyaṇaḥ śrīmān   padmanābʰaḥ sanātanaḥ
   tvaṃ hi nārāyaṇaḥ śrīmān   padma-nābʰaḥ sanātanaḥ /
Halfverse: c    tvayāhaṃ stʰāpitaś caiva   devarājye sanātane
   tvayā_ahaṃ stʰāpitaś caiva   deva-rājye sanātane /11/

Verse: 12 
Halfverse: a    tad ākʰyāhi yatʰātattvaṃ   devadeva mama svayam
   tad ākʰyāhi yatʰā-tattvaṃ   deva-deva mama svayam /
Halfverse: c    asicakrasahāyas tvaṃ   yudʰyase saṃyuge ripum
   asi-cakra-sahāyas tvaṃ   yudʰyase saṃyuge ripum /12/

Verse: 13 
Halfverse: a    evam uktaḥ sa śakreṇa   devo nārāyaṇaḥ prabʰuḥ
   evam uktaḥ sa śakreṇa   devo nārāyaṇaḥ prabʰuḥ /
Halfverse: c    abravīn na paritrāsaḥ   kāryas te śrūyatāṃ ca me
   abravīn na paritrāsaḥ   kāryas te śrūyatāṃ ca me /13/

Verse: 14 
Halfverse: a    na tāvad eṣa durvr̥ttaḥ   śakyo daivatadānavaiḥ
   na tāvad eṣa durvr̥ttaḥ   śakyo daivata-dānavaiḥ /
Halfverse: c    hantuṃ yudʰi samāsādya   varadānena durjayaḥ
   hantuṃ yudʰi samāsādya   vara-dānena durjayaḥ /14/

Verse: 15 
Halfverse: a    sarvatʰā tu mahat karma   kariṣyati balotkaṭaḥ
   sarvatʰā tu mahat karma   kariṣyati bala_utkaṭaḥ /
Halfverse: c    rakṣaḥ putrasahāyo 'sau   dr̥ṣṭam etan nisargataḥ
   rakṣaḥ putra-sahāyo_asau   dr̥ṣṭam etan nisargataḥ /15/

Verse: 16 
Halfverse: a    bravīṣi yat tu māṃ śakra   saṃyuge yotsyasīti ha
   bravīṣi yat tu māṃ śakra   saṃyuge yotsyasi_iti ha /
Halfverse: c    naivāhaṃ pratiyotsye taṃ   rāvaṇaṃ rākṣasādʰipam
   na_eva_ahaṃ pratiyotsye taṃ   rāvaṇaṃ rākṣasa_adʰipam /16/

Verse: 17 
Halfverse: a    anihatya ripuṃ viṣṇur   na hi pratinivartate
   anihatya ripuṃ viṣṇur   na hi pratinivartate /
Halfverse: c    durlabʰaś caiṣa kāmo 'dya   varam āsādya rākṣase
   durlabʰaś ca_eṣa kāmo_adya   varam āsādya rākṣase /17/

Verse: 18 
Halfverse: a    pratijānāmi devendra   tvatsamīpaṃ śatakrato
   pratijānāmi deva_indra   tvat-samīpaṃ śata-krato /
Halfverse: c    rākṣasasyāham evāsya   bʰavitā mr̥tyukāraṇam
   rākṣasasya_aham eva_asya   bʰavitā mr̥tyu-kāraṇam /18/

Verse: 19 
Halfverse: a    aham enaṃ vadʰiṣyāmi   rāvaṇaṃ sasutaṃ yudʰi
   aham enaṃ vadʰiṣyāmi   rāvaṇaṃ sasutaṃ yudʰi /
Halfverse: c    devatās toṣayiṣyāmi   jñātvā kālam upastʰitam
   devatās toṣayiṣyāmi   jñātvā kālam upastʰitam /19/

Verse: 20 
Halfverse: a    etasminn antare nādaḥ   śuśruve rajanīkṣaye
   etasminn antare nādaḥ   śuśruve rajanī-kṣaye /
Halfverse: c    tasya rāvaṇasainyasya   prayuddʰasya samantataḥ
   tasya rāvaṇa-sainyasya   prayuddʰasya samantataḥ /20/

Verse: 21 
Halfverse: a    atʰa yuddʰaṃ samabʰavad   devarākṣasayos tadā
   atʰa yuddʰaṃ samabʰavad   deva-rākṣasayos tadā /
Halfverse: c    gʰoraṃ tumulanirhrādaṃ   nānāpraharaṇāyudʰam
   gʰoraṃ tumula-nirhrādaṃ   nānā-praharaṇa_āyudʰam /21/

Verse: 22 
Halfverse: a    etasminn antare śūrā   rākṣasā gʰoradarśanāḥ
   etasminn antare śūrā   rākṣasā gʰora-darśanāḥ /
Halfverse: c    yuddʰārtʰam abʰyadʰāvanta   sacivā rāvaṇājñayā
   yuddʰa_artʰam abʰyadʰāvanta   sacivā rāvaṇa_ājñayā /22/

Verse: 23 
Halfverse: a    mārīcaś ca prahastaś ca   mahāpārśvamahodarau
   mārīcaś ca prahastaś ca   mahā-pārśva-mahā_udarau /
Halfverse: c    akampano nikumbʰaś ca   śukaḥ sāraṇa eva ca
   akampano nikumbʰaś ca   śukaḥ sāraṇa eva ca /23/

Verse: 24 
Halfverse: a    saṃhrādir dʰūmaketuś ca   mahādaṃṣṭro mahāmukʰaḥ
   saṃhrādir dʰūma-ketuś ca   mahā-daṃṣṭro mahā-mukʰaḥ /
Halfverse: c    jambumālī mahāmālī   virūpākṣaś ca rākṣasaḥ
   jambu-mālī mahā-mālī   virūpa_akṣaś ca rākṣasaḥ /24/

Verse: 25 
Halfverse: a    etaiḥ sarvair mahāvīryair   vr̥to rākṣasapuṃgava
   etaiḥ sarvair mahā-vīryair   vr̥to rākṣasa-puṃgava /
Halfverse: c    rāvaṇasyāryakaḥ sainyaṃ   sumālī praviveśa ha
   rāvaṇasya_āryakaḥ sainyaṃ   sumālī praviveśa ha /25/

Verse: 26 
Halfverse: a    sa hi devagaṇān sarvān   nānāpraharaṇaiḥ śitaiḥ
   sa hi deva-gaṇān sarvān   nānā-praharaṇaiḥ śitaiḥ /
Halfverse: c    vidʰvaṃsayati saṃkruddʰaḥ   saha taiḥ kṣaṇadācaraiḥ
   vidʰvaṃsayati saṃkruddʰaḥ   saha taiḥ kṣaṇadā-caraiḥ /26/

Verse: 27 
Halfverse: a    etasminn antare śūro   vasūnām aṣṭamo vasuḥ
   etasminn antare śūro   vasūnām aṣṭamo vasuḥ /
Halfverse: c    sāvitra iti vikʰyātaḥ   praviveśa mahāraṇam
   sāvitra iti vikʰyātaḥ   praviveśa mahā-raṇam /27/

Verse: 28 
Halfverse: a    tato yuddʰaṃ samabʰavat   surāṇāṃ rākṣasaiḥ saha
   tato yuddʰaṃ samabʰavat   surāṇāṃ rākṣasaiḥ saha /
Halfverse: c    kruddʰānāṃ rakṣasāṃ kīrtiṃ   samareṣv anivartinām
   kruddʰānāṃ rakṣasāṃ kīrtiṃ   samareṣv anivartinām /28/

Verse: 29 
Halfverse: a    tatas te rākṣasāḥ śūrā   devāṃs tān samare stʰitān
   tatas te rākṣasāḥ śūrā   devāṃs tān samare stʰitān /
Halfverse: c    nānāpraharaṇair gʰorair   jagʰnuḥ śatasahasraśaḥ
   nānā-praharaṇair gʰorair   jagʰnuḥ śata-sahasraśaḥ /29/

Verse: 30 
Halfverse: a    surās tu rākṣasān gʰorān   mahāvīryān svatejasā
   surās tu rākṣasān gʰorān   mahā-vīryān sva-tejasā /
Halfverse: c    samare vividʰaiḥ śastrair   anayan yamasādanam
   samare vividʰaiḥ śastrair   anayan yama-sādanam /30/

Verse: 31 
Halfverse: a    etasminn antare śūraḥ   sumālī nāma rākṣasaḥ
   etasminn antare śūraḥ   sumālī nāma rākṣasaḥ /
Halfverse: c    nānāpraharaṇaiḥ kruddʰo   raṇam evābʰyavartata
   nānā-praharaṇaiḥ kruddʰo   raṇam eva_abʰyavartata /31/

Verse: 32 
Halfverse: a    devānāṃ tad balaṃ sarvaṃ   nānāpraharaṇaiḥ śitaiḥ
   devānāṃ tad balaṃ sarvaṃ   nānā-praharaṇaiḥ śitaiḥ /
Halfverse: c    vidʰvaṃsayati saṃkruddʰo   vāyur jaladʰarān iva
   vidʰvaṃsayati saṃkruddʰo   vāyur jala-dʰarān iva /32/

Verse: 33 
Halfverse: a    te mahābāṇavarṣaiś ca   śūlaiḥ prāsaiś ca dāruṇaiḥ
   te mahā-bāṇa-varṣaiś ca   śūlaiḥ prāsaiś ca dāruṇaiḥ /
Halfverse: c    pīḍyamānāḥ surāḥ sarve   na vyatiṣṭʰan samāhitāḥ
   pīḍyamānāḥ surāḥ sarve   na vyatiṣṭʰan samāhitāḥ /33/

Verse: 34 
Halfverse: a    tato vidrāvyamāṇeṣu   tridaśeṣu sumālinā
   tato vidrāvyamāṇeṣu   tridaśeṣu sumālinā /
Halfverse: c    vasūnām aṣṭamo devaḥ   sāvitro vyavatiṣṭʰata
   vasūnām aṣṭamo devaḥ   sāvitro vyavatiṣṭʰata /34/

Verse: 35 
Halfverse: a    saṃvr̥taḥ svair anīkais tu   praharantaṃ niśācaram
   saṃvr̥taḥ svair anīkais tu   praharantaṃ niśā-caram /
Halfverse: c    vikrameṇa mahātejā   vārayām āsa saṃyuge
   vikrameṇa mahā-tejā   vārayām āsa saṃyuge /35/

Verse: 36 
Halfverse: a    sumatayos tayor āsīd   yuddʰaṃ loke sudāruṇam
   sumatayos tayor āsīd   yuddʰaṃ loke sudāruṇam /
Halfverse: c    sumālino vasoś caiva   samareṣv anivartinoḥ
   sumālino vasoś caiva   samareṣv anivartinoḥ /36/

Verse: 37 
Halfverse: a    tatas tasya mahābāṇair   vasunā sumahātmanā
   tatas tasya mahā-bāṇair   vasunā sumahātmanā /
Halfverse: c    mahān sa pannagaratʰaḥ   kṣaṇena vinipātitaḥ
   mahān sa pannaga-ratʰaḥ   kṣaṇena vinipātitaḥ /37/

Verse: 38 
Halfverse: a    hatvā tu saṃyuge tasya   ratʰaṃ bāṇaśataiḥ śitaiḥ
   hatvā tu saṃyuge tasya   ratʰaṃ bāṇa-śataiḥ śitaiḥ /
Halfverse: c    gadāṃ tasya vadʰārtʰāya   vasur jagrāha pāṇinā
   gadāṃ tasya vadʰa_artʰāya   vasur jagrāha pāṇinā /38/

Verse: 39 
Halfverse: a    tāṃ pradīptāṃ pragr̥hyāśu   kāladaṇḍanibʰāṃ śubʰām
   tāṃ pradīptāṃ pragr̥hya_āśu   kāla-daṇḍa-nibʰāṃ śubʰām /
Halfverse: c    tasya mūrdʰani sāvitraḥ   sumāler vinipātayat
   tasya mūrdʰani sāvitraḥ   sumāler vinipātayat /39/

Verse: 40 
Halfverse: a    tasya mūrdʰani solkābʰā   patantī ca tadā babʰau
   tasya mūrdʰani sa_ulka_ābʰā   patantī ca tadā babʰau /
Halfverse: c    sahasrākṣasamutsr̥ṣṭā   girāv iva mahāśaniḥ
   sahasra_akṣa-samutsr̥ṣṭā   girāv iva mahā_aśaniḥ /40/

Verse: 41 
Halfverse: a    tasya naivāstʰi kāyo vā   na māṃsaṃ dadr̥śe tadā
   tasya na_eva_astʰi kāyo vā   na māṃsaṃ dadr̥śe tadā /
Halfverse: c    gadayā bʰasmasādbʰūto   raṇe tasmin nipātitaḥ
   gadayā bʰasmasādbʰūto   raṇe tasmin nipātitaḥ /41/

Verse: 42 
Halfverse: a    taṃ dr̥ṣṭvā nihataṃ saṃkʰye   rākṣasās te samantataḥ
   taṃ dr̥ṣṭvā nihataṃ saṃkʰye   rākṣasās te samantataḥ /
Halfverse: c    dudruvuḥ sahitāḥ sarve   krośamānā mahāsvanam
   dudruvuḥ sahitāḥ sarve   krośamānā mahā-svanam /42/ {E}



Next part


This text is part of the TITUS edition of Ramayana.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.