TITUS
Ramayana
Part No. 537
Previous part

Chapter: 30 
Adhyāya 30


Verse: 1 
Halfverse: a    jite mahendre 'tibale   rāvaṇasya sutena vai
   jite mahā_indre_atibale   rāvaṇasya sutena vai /
Halfverse: c    prajāpatiṃ puraskr̥tya   gatvā laṅkāṃ surās tadā
   prajāpatiṃ puras-kr̥tya   gatvā laṅkāṃ surās tadā /1/

Verse: 2 
Halfverse: a    taṃ rāvaṇaṃ samāsādya   putrabʰrātr̥bʰir āvr̥tam
   taṃ rāvaṇaṃ samāsādya   putra-bʰrātr̥bʰir āvr̥tam /
Halfverse: c    abravīd gagane tiṣṭʰan   sāntvapūrvaṃ prajāpatiḥ
   abravīd gagane tiṣṭʰan   sāntva-pūrvaṃ prajāpatiḥ /2/

Verse: 3 
Halfverse: a    vatsa rāvaṇa tuṣṭo 'smi   tava putrasya saṃyuge
   vatsa rāvaṇa tuṣṭo_asmi   tava putrasya saṃyuge /
Halfverse: c    aho 'sya vikramaudāryaṃ   tava tulyo 'dʰiko 'pi vā
   aho_asya vikrama_audāryaṃ   tava tulyo_adʰiko_api vā /3/

Verse: 4 
Halfverse: a    jitaṃ hi bʰavatā saraṃ   trailokyaṃ svena tejasā
   jitaṃ hi bʰavatā saraṃ   trailokyaṃ svena tejasā /
Halfverse: c    kr̥tā pratijñā sapʰalā   prīto 'smi svasutena vai
   kr̥tā pratijñā sapʰalā   prīto_asmi sva-sutena vai /4/

Verse: 5 
Halfverse: a    ayaṃ ca putro 'tibalas   tava rāvaṇarāvaṇiḥ
   ayaṃ ca putro_atibalas   tava rāvaṇa-rāvaṇiḥ /
Halfverse: c    indrajit tv iti vikʰyāto   jagaty eṣa bʰaviṣyati
   indrajit tv iti vikʰyāto   jagaty eṣa bʰaviṣyati /5/

Verse: 6 
Halfverse: a    balavāñ śatrunirjetā   bʰaviṣyaty eṣa rākṣasaḥ
   balavān śatru-nirjetā   bʰaviṣyaty eṣa rākṣasaḥ /6/
Halfverse: c    yam āśritya tvayā rājan   stʰāpitās tridaśā vaśe
   yam āśritya tvayā rājan   stʰāpitās tridaśā vaśe /

Verse: 7 
Halfverse: a    tan mucyatāṃ mahābāho   mahendraḥ pākaśāsanaḥ
   tan mucyatāṃ mahā-bāho   mahā_indraḥ pāka-śāsanaḥ /7/
Halfverse: c    kiṃ cāsya mokṣaṇārtʰāya   prayaccʰanti divaukasaḥ
   kiṃ ca_asya mokṣaṇa_artʰāya   prayaccʰanti diva_okasaḥ /7/

Verse: 8 
Halfverse: a    atʰābravīn mahātejā   indrajit samitiṃjayaḥ
   atʰa_abravīn mahā-tejā   indrajit samitiṃ-jayaḥ /
Halfverse: c    amaratvam ahaṃ deva   vr̥ṇomīhāsya mokṣaṇe
   amaratvam ahaṃ deva   vr̥ṇomi_iha_asya mokṣaṇe /8/

Verse: 9 
Halfverse: a    abravīt tu tadā devo   rāvaṇiṃ kamalodbʰavaḥ
   abravīt tu tadā devo   rāvaṇiṃ kamala_udbʰavaḥ /
Halfverse: c    nāsti sarvāmaratvaṃ hi   keṣāṃ cit prāṇināṃ bʰuvi
   na_asti sarva_amaratvaṃ hi   keṣāṃcit prāṇināṃ bʰuvi /9/

Verse: 10 
Halfverse: a    atʰābravīt sa tatrastʰam   indrajit padmasaṃbʰavam
   atʰa_abravīt sa tatrastʰam   indrajit padma-saṃbʰavam /
Halfverse: c    śrūyatāṃ yā bʰavet siddʰiḥ   śatakratuvimokṣaṇe
   śrūyatāṃ yā bʰavet siddʰiḥ   śata-kratu-vimokṣaṇe /10/

Verse: 11 
Halfverse: a    mameṣṭaṃ nityaśo deva   havyaiḥ saṃpūjya pāvakaḥ
   mama_iṣṭaṃ nityaśo deva   havyaiḥ saṃpūjya pāvakaḥ /
Halfverse: c    saṃgrāmam avatartuṃ vai   śatrunirjayakāṅkṣiṇaḥ
   saṃgrāmam avatartuṃ vai   śatru-nirjaya-kāṅkṣiṇaḥ /11/

Verse: 12 
Halfverse: a    tasmiṃś ced asamāpte tu   japyahome vibʰāvasoḥ
   tasmiṃś ced asamāpte tu   japya-home vibʰāvasoḥ /
Halfverse: c    yudʰyeyaṃ devaṃ saṃgrāme   tadā me syād vināśanam
   yudʰyeyaṃ devaṃ saṃgrāme   tadā me syād vināśanam /12/

Verse: 13 
Halfverse: a    sarvo hi tapasā caiva   vr̥ṇoty amaratāṃ pumān
   sarvo hi tapasā caiva   vr̥ṇoty amaratāṃ pumān /
Halfverse: c    vikrameṇa mayā tv etad   amaratvaṃ pravartitam
   vikrameṇa mayā tv etad   amaratvaṃ pravartitam /

Verse: 14 
Halfverse: a    evam astv iti taṃ prāha   vākyaṃ devaḥ prajāpatiḥ
   evam astv iti taṃ prāha   vākyaṃ devaḥ prajāpatiḥ /
Halfverse: c    muktaś cen dravito śakro   gatāś ca tridivaṃ surāḥ
   muktaś cen dravito śakro   gatāś ca tridivaṃ surāḥ /14/

Verse: 15 
Halfverse: a    etasminn antare śakro   dīno bʰraṣṭāmbarasrajaḥ
   etasminn antare śakro   dīno bʰraṣṭa_ambara-srajaḥ /
Halfverse: c    rāma cintāparītātmā   dʰyānatatparatāṃ gataḥ
   rāma cintā-parīta_ātmā   dʰyāna-tat-paratāṃ gataḥ /15/

Verse: 16 
Halfverse: a    taṃ tu dr̥ṣṭvā tatʰābʰūtaṃ   prāha devaḥ prajāpatiḥ
   taṃ tu dr̥ṣṭvā tatʰā-bʰūtaṃ   prāha devaḥ prajāpatiḥ /
Halfverse: c    śakrakrato kim utkaṇṭʰāṃ   karoṣi smara duṣkr̥tam
   śakra-krato kim utkaṇṭʰāṃ   karoṣi smara duṣkr̥tam /16/

Verse: 17 
Halfverse: a    amarendra mayā bahvyaḥ   prajāḥ sr̥ṣṭāḥ purā prabʰo
   amara_indra mayā bahvyaḥ   prajāḥ sr̥ṣṭāḥ purā prabʰo /
Halfverse: c    ekavarṇāḥ samābʰāṣā   ekarūpāś ca sarvaśaḥ
   eka-varṇāḥ samābʰāṣā   eka-rūpāś ca sarvaśaḥ /17/

Verse: 18 
Halfverse: a    tāsāṃ nāsti viśeṣo hi   darśane lakṣaṇe 'pi vā
   tāsāṃ na_asti viśeṣo hi   darśane lakṣaṇe_api vā /
Halfverse: c    tato 'ham ekāgramanās   tāḥ prajāḥ paryacintayam
   tato_aham eka_agra-manās   tāḥ prajāḥ paryacintayam /18/

Verse: 19 
Halfverse: a    so 'haṃ tāsāṃ viśeṣārtʰaṃ   striyam ekāṃ vinirmame
   so_ahaṃ tāsāṃ viśeṣa_artʰaṃ   striyam ekāṃ vinirmame /
Halfverse: c    yad yat prajānāṃ pratyaṅgaṃ   viśiṣṭaṃ tat tad uddʰr̥tam
   yad yat prajānāṃ pratyaṅgaṃ   viśiṣṭaṃ tat tad uddʰr̥tam /19/

Verse: 20 
Halfverse: a    tato mayā rūpaguṇair   ahalyā strī vinirmitā
   tato mayā rūpa-guṇair   ahalyā strī vinirmitā /
Halfverse: c    ahalyety eva ca mayā   tasyā nāma pravartitam
   ahalyā_ity eva ca mayā   tasyā nāma pravartitam /20/

Verse: 21 
Halfverse: a    nirmitāyā tu devendra   tasyāṃ nāryāṃ surarṣabʰa
   nirmitāyā tu deva_indra   tasyāṃ nāryāṃ sura-r̥ṣabʰa /
Halfverse: c    bʰaviṣyatīti kasyaiṣā   mama cintā tato 'bʰavat
   bʰaviṣyati_iti kasya_eṣā   mama cintā tato_abʰavat /21/

Verse: 22 
Halfverse: a    tvaṃ tu śakra tadā nārīṃ   jānīṣe manasā prabʰo
   tvaṃ tu śakra tadā nārīṃ   jānīṣe manasā prabʰo /
Halfverse: c    stʰānādʰikatayā patnī   mamaiṣeti puraṃdara
   stʰāna_adʰikatayā patnī   mama_eṣā_iti puraṃ-dara /22/

Verse: 23 
Halfverse: a    sā mayā nyāsabʰūtā tu   gautamasya mahātmanaḥ
   sā mayā nyāsa-bʰūtā tu   gautamasya mahātmanaḥ /
Halfverse: c    nyastā bahūni varṣāṇi   tena niryātitā ca sā
   nyastā bahūni varṣāṇi   tena niryātitā ca sā /23/

Verse: 24 
Halfverse: a    tatas tasya parijñāya   mayā stʰairyaṃ mahāmuneḥ
   tatas tasya parijñāya   mayā stʰairyaṃ mahā-muneḥ /
Halfverse: c    jñātvā tapasi siddʰiṃ ca   patnyartʰaṃ sparśitā tadā
   jñātvā tapasi siddʰiṃ ca   patny-artʰaṃ sparśitā tadā /24/

Verse: 25 
Halfverse: a    sa tayā saha dʰarmātmā   ramate sma mahāmuniḥ
   sa tayā saha dʰarma_ātmā   ramate sma mahā-muniḥ /
Halfverse: c    āsan nirāśā devās tu   gautame dattayā tayā
   āsan nirāśā devās tu   gautame dattayā tayā /25/

Verse: 26 
Halfverse: a    tvaṃ kruddʰas tv iha kāmātmā   gatvā tasyāśramaṃ muneḥ
   tvaṃ kruddʰas tv iha kāma_ātmā   gatvā tasya_āśramaṃ muneḥ /
Halfverse: c    dr̥ṣṭavāṃś ca tadā tāṃ strīṃ   dīptām agniśikʰām iva
   dr̥ṣṭavāṃś ca tadā tāṃ strīṃ   dīptām agni-śikʰām iva /26/

Verse: 27 
Halfverse: a    sā tvayā dʰarṣitā śakra   kāmārtena samanyunā
   sā tvayā dʰarṣitā śakra   kāma_ārtena samanyunā /
Halfverse: c    dr̥ṣṭas tvaṃ ca tadā tena   āśrame paramarṣiṇā
   dr̥ṣṭas tvaṃ ca tadā tena   āśrame parama-r̥ṣiṇā /27/

Verse: 28 
Halfverse: a    tataḥ kruddʰena tenāsi   śaptaḥ paramatejasā
   tataḥ kruddʰena tena_asi   śaptaḥ parama-tejasā /
Halfverse: c    gato 'si yena devendra   daśābʰāgaviparyayam
   gato_asi yena deva_indra   daśā-bʰāga-viparyayam /28/

Verse: 29 
Halfverse: a    yasmān me dʰarṣitā patnī   tvayā vāsava nirbʰayam
   yasmān me dʰarṣitā patnī   tvayā vāsava nirbʰayam /
Halfverse: c    tasmāt tvaṃ samare rājañ   śatruhastaṃ gamiṣyasi
   tasmāt tvaṃ samare rājan   śatru-hastaṃ gamiṣyasi /29/

Verse: 30 
Halfverse: a    ayaṃ tu bʰāvo durbuddʰe   yas tvayeha pravartitaḥ
   ayaṃ tu bʰāvo durbuddʰe   yas tvayā_iha pravartitaḥ /
Halfverse: c    mānuṣeṣv api sarveṣu   bʰaviṣyati na saṃśayaḥ
   mānuṣeṣv api sarveṣu   bʰaviṣyati na saṃśayaḥ /30/

Verse: 31 
Halfverse: a    tatrādʰarmaḥ subalavān   samuttʰāsyati yo mahān
   tatra_adʰarmaḥ subalavān   samuttʰāsyati yo mahān /
Halfverse: c    tatrārdʰaṃ tasya yaḥ kartā   tvayy ardʰaṃ nipatiṣyati
   tatra_ardʰaṃ tasya yaḥ kartā   tvayy ardʰaṃ nipatiṣyati /31/

Verse: 32 
Halfverse: a    na ca te stʰāvaraṃ stʰānaṃ   bʰaviṣyati puraṃdara
   na ca te stʰāvaraṃ stʰānaṃ   bʰaviṣyati puraṃ-dara /
Halfverse: c    etenādʰarmayogena   yas tvayeha pravartitaḥ
   etena_adʰarma-yogena   yas tvayā_iha pravartitaḥ /32/

Verse: 33 
Halfverse: a    yaś ca yaś ca surendraḥ syād   dʰruvaḥ sa na bʰaviṣyati
   yaś ca yaś ca sura_indraḥ syād   dʰruvaḥ sa na bʰaviṣyati /
Halfverse: c    eṣa śāpo mayā mukta   ity asau tvāṃ tadābravīt
   eṣa śāpo mayā mukta   ity asau tvāṃ tadā_abravīt /33/

Verse: 34 
Halfverse: a    tāṃ tu bʰāryāṃ vinirbʰartsya   so 'bravīt sumahātapāḥ
   tāṃ tu bʰāryāṃ vinirbʰartsya   so_abravīt sumahā-tapāḥ /
Halfverse: c    durvinīte vinidʰvaṃsa   mamāśramasamīpataḥ
   durvinīte vinidʰvaṃsa   mama_āśrama-samīpataḥ /34/

Verse: 35 
Halfverse: a    rūpayauvanasaṃpannā   yasmāt tvam anavastʰitā
   rūpa-yauvana-saṃpannā   yasmāt tvam anavastʰitā /
Halfverse: c    tasmād rūpavatī loke   na tvam ekā bʰaviṣyasi
   tasmād rūpavatī loke   na tvam ekā bʰaviṣyasi /35/

Verse: 36 
Halfverse: a    rūpaṃ ca tat prajāḥ sarvā   gamiṣyanti sudurlabʰam
   rūpaṃ ca tat prajāḥ sarvā   gamiṣyanti sudurlabʰam /
Halfverse: c    yat tavedaṃ samāśritya   vibʰrame 'yam upastʰitaḥ
   yat tava_idaṃ samāśritya   vibʰrame_ayam upastʰitaḥ /36/

Verse: 37 
Halfverse: a    tadā prabʰr̥ti bʰūyiṣṭʰaṃ   prajā rūpasamanvitāḥ
   tadā prabʰr̥ti bʰūyiṣṭʰaṃ   prajā rūpa-samanvitāḥ /
Halfverse: c    śāpotsargād dʰi tasyedaṃ   muneḥ sarvam upāgatam
   śāpa_utsargādd^hi tasya_idaṃ   muneḥ sarvam upāgatam /37/

Verse: 38 
Halfverse: a    tat smara tvaṃ mahābāho   duṣkr̥taṃ yat tvayā kr̥tam
   tat smara tvaṃ mahā-bāho   duṣkr̥taṃ yat tvayā kr̥tam /
Halfverse: c    yena tvaṃ grahaṇaṃ śatror   gato nānyena vāsava
   yena tvaṃ grahaṇaṃ śatror   gato na_anyena vāsava /38/

Verse: 39 
Halfverse: a    śīgʰraṃ yajasva yajñaṃ tvaṃ   vaiṣṇavaṃ susamāhitaḥ
   śīgʰraṃ yajasva yajñaṃ tvaṃ   vaiṣṇavaṃ susamāhitaḥ /
Halfverse: c    pāvitas tena yajñena   yāsyasi tridivaṃ tataḥ
   pāvitas tena yajñena   yāsyasi tridivaṃ tataḥ /39/

Verse: 40 
Halfverse: a    putraś ca tava devendra   na vinaṣṭo mahāraṇe
   putraś ca tava deva_indra   na vinaṣṭo mahā-raṇe /
Halfverse: c    nītaḥ saṃnihitaś caiva   aryakeṇa mahodadʰau
   nītaḥ saṃnihitaś caiva   aryakeṇa mahā_udadʰau /40/

Verse: 41 
Halfverse: a    etac cʰrutvā mahendras tu   yajñam iṣṭvā ca vaiṣṇavīm
   etat śrutvā mahā_indras tu   yajñam iṣṭvā ca vaiṣṇavīm /
Halfverse: c    punas tridivam ākrāmad   anvaśāsac ca devatāḥ
   punas tridivam ākrāmad   anvaśāsac ca devatāḥ /41/

Verse: 42 
Halfverse: a    etad indrajito rāma   balaṃ yat kīrtitaṃ mayā
   etad indrajito rāma   balaṃ yat kīrtitaṃ mayā /
Halfverse: c    nirjitas tena devendraḥ   prāṇino 'nye ca kiṃ punaḥ
   nirjitas tena deva_indraḥ   prāṇino_anye ca kiṃ punaḥ /42/ {E}



Next part


This text is part of the TITUS edition of Ramayana.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.