TITUS
Ramayana
Part No. 553
Previous part

Chapter: 46 
Adhyāya 46


Verse: 1 
Halfverse: a    atʰa nāvaṃ suvistīrṇāṃ   naiṣādīṃ rāgʰavānujaḥ
   atʰa nāvaṃ suvistīrṇāṃ   naiṣādīṃ rāgʰava_anujaḥ /
Halfverse: c    āruroha samāyuktāṃ   pūrvam āropya maitʰilīm
   āruroha samāyuktāṃ   pūrvam āropya maitʰilīm /1/

Verse: 2 
Halfverse: a    sumantraṃ caiva saratʰaṃ   stʰīyatām iti lakṣmaṇaḥ
   sumantraṃ caiva saratʰaṃ   stʰīyatām iti lakṣmaṇaḥ /
Halfverse: c    uvāca śokasaṃtaptaḥ   prayāhīti ca nāvikam
   uvāca śoka-saṃtaptaḥ   prayāhi_iti ca nāvikam /2/

Verse: 3 
Halfverse: a    tatas tīram upāgamya   bʰāgīratʰyāḥ sa lakṣmaṇaḥ
   tatas tīram upāgamya   bʰāgīratʰyāḥ sa lakṣmaṇaḥ /
Halfverse: c    uvāca maitʰilīṃ vākyaṃ   prāñjalir bāṣpagadgadaḥ
   uvāca maitʰilīṃ vākyaṃ   prāñjalir bāṣpa-gadgadaḥ /3/

Verse: 4 
Halfverse: a    hr̥dgataṃ me mahac cʰalyaṃ   yad asmy āryeṇa dʰīmatā
   hr̥d-gataṃ me mahat śalyaṃ   yad asmy āryeṇa dʰīmatā /
Halfverse: c    asmin nimitte vaidehi   lokasya vacanīkr̥taḥ
   asmin nimitte vaidehi   lokasya vacanī-kr̥taḥ /4/

Verse: 5 
Halfverse: a    śreyo hi maraṇaṃ me 'dya   mr̥tyor vā yat paraṃ bʰavet
   śreyo hi maraṇaṃ me_adya   mr̥tyor vā yat paraṃ bʰavet /
Halfverse: c    na cāsminn īdr̥śe kārye   niyojyo lokanindite
   na ca_asminn īdr̥śe kārye   niyojyo loka-nindite /5/

Verse: 6 
Halfverse: a    prasīda na ca me roṣaṃ   kartum arhasi suvrate
   prasīda na ca me roṣaṃ   kartum arhasi suvrate /
Halfverse: c    ity añjalikr̥to bʰūmau   nipapāta sa lakṣmaṇaḥ
   ity añjali-kr̥to bʰūmau   nipapāta sa lakṣmaṇaḥ /6/

Verse: 7 
Halfverse: a    rudantaṃ prāñjaliṃ dr̥ṣṭvā   kāṅkṣantaṃ mr̥tyum ātmanaḥ
   rudantaṃ prāñjaliṃ dr̥ṣṭvā   kāṅkṣantaṃ mr̥tyum ātmanaḥ /
Halfverse: c    maitʰilī bʰr̥śasaṃvignā   lakṣmaṇaṃ vākyam abravīt
   maitʰilī bʰr̥śa-saṃvignā   lakṣmaṇaṃ vākyam abravīt /7/

Verse: 8 
Halfverse: a    kim idaṃ nāvagaccʰāmi   brūhi tattvena lakṣmaṇa
   kim idaṃ na_avagaccʰāmi   brūhi tattvena lakṣmaṇa /
Halfverse: c    paśyāmi tvāṃ ca na svatʰam   api kṣemaṃ mahīpateḥ
   paśyāmi tvāṃ ca na svatʰam   api kṣemaṃ mahī-pateḥ /8/

Verse: 9 
Halfverse: a    śāpito 'si narendreṇa   yat tvaṃ saṃtāpam ātmanaḥ
   śāpito_asi nara_indreṇa   yat tvaṃ saṃtāpam ātmanaḥ /
Halfverse: c    tad brūyāḥ saṃnidʰau mahyam   aham ājñāpayāmi te
   tad brūyāḥ saṃnidʰau mahyam   aham ājñāpayāmi te /9/

Verse: 10 
Halfverse: a    vaidehyā codyamānas tu   lakṣmaṇo dīnacetanaḥ
   vaidehyā codyamānas tu   lakṣmaṇo dīna-cetanaḥ /
Halfverse: c    avāṅmukʰo bāṣpagalo   vākyam etad uvāca ha
   avāṅ-mukʰo bāṣpa-galo   vākyam etad uvāca ha /10/

Verse: 11 
Halfverse: a    śrutvā pariṣado madʰye   apavādaṃ sudāruṇam
   śrutvā pariṣado madʰye   apavādaṃ sudāruṇam /
Halfverse: c    pure janapade caiva   tvatkr̥te janakātmaje
   pure jana-pade caiva   tvat-kr̥te janaka_ātmaje /11/

Verse: 12 
Halfverse: a    na tāni vacanīyāni   mayā devi tavāgrataḥ
   na tāni vacanīyāni   mayā devi tava_agrataḥ /
Halfverse: c    yāni rājñā hr̥di nyastāny   amarṣaḥ pr̥ṣṭʰataḥ kr̥taḥ
   yāni rājñā hr̥di nyastāny   amarṣaḥ pr̥ṣṭʰataḥ kr̥taḥ /12/

Verse: 13 
Halfverse: a    sā tvāṃ tyaktā nr̥patinā   nirdoṣā mama saṃnidʰau
   sā tvāṃ tyaktā nr̥patinā   nirdoṣā mama saṃnidʰau /
Halfverse: c    paurāpavāda bʰītena   grāhyaṃ devi na te 'nyatʰā
   paura_apavāda bʰītena   grāhyaṃ devi na te_anyatʰā /13/

Verse: 14 
Halfverse: a    āśramānteṣu ca mayā   tyaktavyā tvaṃ bʰaviṣyasi
   āśrama_anteṣu ca mayā   tyaktavyā tvaṃ bʰaviṣyasi /
Halfverse: c    rājñaḥ śāsanam ājñāya   tavaivaṃ kila daurhr̥dam
   rājñaḥ śāsanam ājñāya   tava_evaṃ kila daurhr̥dam /14/

Verse: 15 
Halfverse: a    tad etaj jāhnavītīre   brahmarṣīṇāṃ tapovanam
   tad etaj jāhnavī-tīre   brahma-r̥ṣīṇāṃ tapo-vanam /
Halfverse: c    puṇyaṃ ca ramaṇīyaṃ ca   mā viṣādaṃ kr̥tʰāḥ śubʰe
   puṇyaṃ ca ramaṇīyaṃ ca   mā viṣādaṃ kr̥tʰāḥ śubʰe /15/

Verse: 16 
Halfverse: a    rājño daśaratʰasyaiṣa   pitur me munipuṃgavaḥ
   rājño daśaratʰasya_eṣa   pitur me muni-puṃgavaḥ /
Halfverse: c    sakʰā paramako vipro   vālmīkiḥ sumahāyaśāḥ
   sakʰā paramako vipro   vālmīkiḥ sumahā-yaśāḥ /16/

Verse: 17 
Halfverse: a    pādaccʰāyām upāgamya   sukʰam asya mahātmanaḥ
   pādac-cʰāyām upāgamya   sukʰam asya mahātmanaḥ /
Halfverse: c    upavāsaparaikāgrā   vasa tvaṃ janakātmaje
   upavāsa-para_eka_agrā   vasa tvaṃ janaka_ātmaje /17/

Verse: 18 
Halfverse: a    pativratātvam āstʰāya   rāmaṃ kr̥tvā sadā hr̥di
   pati-vratātvam āstʰāya   rāmaṃ kr̥tvā sadā hr̥di /
Halfverse: c    śreyas te paramaṃ devi   tatʰā kr̥tvā bʰaviṣyati
   śreyas te paramaṃ devi   tatʰā kr̥tvā bʰaviṣyati /18/ {E}



Next part


This text is part of the TITUS edition of Ramayana.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.