TITUS
Ramayana
Part No. 555
Previous part

Chapter: 48 
Adhyāya 48


Verse: 1 
Halfverse: a    sītāṃ tu rudatīṃ dr̥ṣṭvā   ye tatra munidārakāḥ
   sītāṃ tu rudatīṃ dr̥ṣṭvā   ye tatra muni-dārakāḥ /
Halfverse: c    prādravan yatra bʰagavān   āste vālmīkir agryadʰīḥ
   prādravan yatra bʰagavān   āste vālmīkir agrya-dʰīḥ /1/

Verse: 2 
Halfverse: a    abʰivādya muneḥ pādau   muniputrā maharṣaye
   abʰivādya muneḥ pādau   muni-putrā maharṣaye /
Halfverse: c    sarve nivedayām āsus   tasyās tu ruditasvanam
   sarve nivedayām āsus   tasyās tu rudita-svanam /2/

Verse: 3 
Halfverse: a    adr̥ṣṭapūrvā bʰagavan   kasyāpy eṣā mahātmanaḥ
   adr̥ṣṭa-pūrvā bʰagavan   kasya_apy eṣā mahātmanaḥ /
Halfverse: c    patnī śrīr iva saṃmohād   virauti vikr̥tasvarā
   patnī śrīr iva saṃmohād   virauti vikr̥ta-svarā /3/

Verse: 4 
Halfverse: a    bʰagavan sādʰu paśyemāṃ   devatām iva kʰāc cyutām
   bʰagavan sādʰu paśya_imāṃ   devatām iva kʰāc cyutām /
Halfverse: c    na hy enāṃ mānuṣīṃ vidmaḥ   satkriyāsyāḥ prayujyatām
   na hy enāṃ mānuṣīṃ vidmaḥ   satkriyā_asyāḥ prayujyatām /4/

Verse: 5 
Halfverse: a    teṣāṃ tad vacanaṃ śrutvā   buddʰyā niścitya dʰarmavit
   teṣāṃ tad vacanaṃ śrutvā   buddʰyā niścitya dʰarmavit /
Halfverse: c    tapasā labdʰacakṣuṣmān   prādravad yatra maitʰilī
   tapasā labdʰa-cakṣuṣmān   prādravad yatra maitʰilī /5/

Verse: 6 
Halfverse: a    taṃ tu deśam abʰipretya   kiṃ cit padbʰyāṃ mahāmuniḥ
   taṃ tu deśam abʰipretya   kiṃcit padbʰyāṃ mahā-muniḥ /
Halfverse: c    argʰyam ādāya ruciraṃ   jāhvanī tīram āśritaḥ
   argʰyam ādāya ruciraṃ   jāhvanī tīram āśritaḥ /
Halfverse: e    dadarśa rāgʰavasyeṣṭāṃ   patnīṃ sītām anātʰavat
   dadarśa rāgʰavasya_iṣṭāṃ   patnīṃ sītām anātʰavat /6/

Verse: 7 
Halfverse: a    tāṃ sitāṃ śokabʰārārtāṃ   vālmīkir munipuṃgavaḥ
   tāṃ sitāṃ śoka-bʰāra_ārtāṃ   vālmīkir muni-puṃgavaḥ /
Halfverse: c    uvāca madʰurāṃ vāṇīṃ   hlādayann iva tejasā
   uvāca madʰurāṃ vāṇīṃ   hlādayann iva tejasā /7/

Verse: 8 
Halfverse: a    snuṣā daśarātʰasya tvaṃ   rāmasya mahiṣī satī
   snuṣā daśarātʰasya tvaṃ   rāmasya mahiṣī satī /
Halfverse: c    janakasya sutā rājñaḥ   svāgataṃ te pativrate
   janakasya sutā rājñaḥ   svāgataṃ te pati-vrate /8/

Verse: 9 
Halfverse: a    āyānty evāsi vijñātā   mayā dʰarmasamādʰinā
   āyānty eva_asi vijñātā   mayā dʰarma-samādʰinā /
Halfverse: c    kāraṇaṃ caiva sarvaṃ me   hr̥dayenopalakṣitam
   kāraṇaṃ caiva sarvaṃ me   hr̥dayena_upalakṣitam /9/

Verse: 10 
Halfverse: a    apāpāṃ vedmi sīte tvāṃ   tapo labdʰena cakṣuṣā
   apāpāṃ vedmi sīte tvāṃ   tapo labdʰena cakṣuṣā /
Halfverse: c    viśuddʰabʰāvā vaidehi   sāmprataṃ mayi vartase
   viśuddʰa-bʰāvā vaidehi   sāmprataṃ mayi vartase /10/

Verse: 11 
Halfverse: a    āśramasyāvidūre me   tāpasyas tapasi stʰitāḥ
   āśramasya_avidūre me   tāpasyas tapasi stʰitāḥ /
Halfverse: c    tās tvāṃ vatse yatʰā vatsaṃ   pālayiṣyanti nityaśaḥ
   tās tvāṃ vatse yatʰā vatsaṃ   pālayiṣyanti nityaśaḥ /11/

Verse: 12 
Halfverse: a    idam argʰyaṃ pratīccʰa tvaṃ   visrabdʰā vigatajvarā
   idam argʰyaṃ pratīccʰa tvaṃ   visrabdʰā vigata-jvarā /
Halfverse: c    yatʰā svagr̥ham abʰyetya   viṣādaṃ caiva mā kr̥tʰāḥ
   yatʰā sva-gr̥ham abʰyetya   viṣādaṃ caiva mā kr̥tʰāḥ /12/

Verse: 13 
Halfverse: a    śrutvā tu bʰāṣitaṃ sītā   muneḥ paramam adbʰutam
   śrutvā tu bʰāṣitaṃ sītā   muneḥ paramam adbʰutam /
Halfverse: c    śirasā vandya caraṇau   tatʰety āha kr̥tāñjaliḥ
   śirasā vandya caraṇau   tatʰā_ity āha kr̥ta_añjaliḥ /13/

Verse: 14 
Halfverse: a    taṃ prayāntaṃ muniṃ sītā   prāñjaliḥ pr̥ṣṭʰato 'nvagāt
   taṃ prayāntaṃ muniṃ sītā   prāñjaliḥ pr̥ṣṭʰato_anvagāt /
Halfverse: c    anvayād yatra tāpasyo   dʰarmanityāḥ samāhitāḥ
   anvayād yatra tāpasyo   dʰarma-nityāḥ samāhitāḥ /14/

Verse: 15 
Halfverse: a    taṃ dr̥ṣṭvā munim āyāntaṃ   vaidehyānugataṃ tadā
   taṃ dr̥ṣṭvā munim āyāntaṃ   vaidehyā_anugataṃ tadā /
Halfverse: c    upājagmur mudā yuktā   vacanaṃ caidam abruvan
   upājagmur mudā yuktā   vacanaṃ caidam abruvan /15/

Verse: 16 
Halfverse: a    svāgataṃ te muniśreṣṭʰa   cirasyāgamanaṃ prabʰo
   svāgataṃ te muni-śreṣṭʰa   cirasya_āgamanaṃ prabʰo /
Halfverse: c    abʰivādayāmaḥ sarvās   tvām ucyatāṃ kiṃ ca kurmahe
   abʰivādayāmaḥ sarvās   tvām ucyatāṃ kiṃ ca kurmahe /16/ {Hyper

Verse: 17 
Halfverse: a    tāsāṃ tad vacanaṃ śrutvā   vālmīkir idam abravīt
   tāsāṃ tad vacanaṃ śrutvā   vālmīkir idam abravīt /
Halfverse: c    sīteyaṃ samanuprāptā   patnī rāmasya dʰīmataḥ
   sītā_iyaṃ samanuprāptā   patnī rāmasya dʰīmataḥ /17/

Verse: 18 
Halfverse: a    snuṣā daśaradʰasyaiṣā   janakasya sutā satī
   snuṣā daśaradʰasya_eṣā   janakasya sutā satī /
Halfverse: c    apāpā patinā tyaktā   paripālyā mayā sadā
   apāpā patinā tyaktā   paripālyā mayā sadā /18/

Verse: 19 
Halfverse: a    imāṃ bʰavatyaḥ paśyantu   snehena parameṇa ha
   imāṃ bʰavatyaḥ paśyantu   snehena parameṇa ha /
Halfverse: c    gauravān mama vākyasya   pūjyā vo 'stu viśeṣataḥ
   gauravān mama vākyasya   pūjyā vo_astu viśeṣataḥ /19/

Verse: 20 
Halfverse: a    muhur muhuś ca vaidehīṃ   parisāntvya mahāyaśāḥ
   muhur muhuś ca vaidehīṃ   parisāntvya mahā-yaśāḥ /
Halfverse: c    svam āśramaṃ śiṣya vr̥taḥ   punar āyān mahātapāḥ
   svam āśramaṃ śiṣya vr̥taḥ   punar āyān mahā-tapāḥ /20/ {E}



Next part


This text is part of the TITUS edition of Ramayana.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.