TITUS
Ramayana
Part No. 578
Previous part

Chapter: 71 
Adhyāya 71


Verse: 1 
Halfverse: a    etad ākʰyāya rāmāya   maharṣiḥ kumbʰasaṃbʰavaḥ
   etad ākʰyāya rāmāya   maharṣiḥ kumbʰa-saṃbʰavaḥ /
Halfverse: c    asyām evāparaṃ vākyaṃ   katʰāyām upacakrame
   asyām eva_aparaṃ vākyaṃ   katʰāyām upacakrame /1/

Verse: 2 
Halfverse: a    tataḥ sa daṇḍaḥ kākutstʰa   bahuvarṣagaṇāyutam
   tataḥ sa daṇḍaḥ kākutstʰa   bahu-varṣa-gaṇa_āyutam /
Halfverse: c    akarot tatra mandātmā   rājyaṃ nihatakaṇṭakam
   akarot tatra manda_ātmā   rājyaṃ nihata-kaṇṭakam /2/

Verse: 3 
Halfverse: a    atʰa kāle tu kasmiṃś cid   rājā bʰārgavam āśramam
   atʰa kāle tu kasmiṃścid   rājā bʰārgavam āśramam /
Halfverse: c    ramaṇīyam upākrāmac   caitre māsi manorame
   ramaṇīyam upākrāmac   caitre māsi mano-rame /3/

Verse: 4 
Halfverse: a    tatra bʰārgavakanyāṃ sa   rūpeṇāpratimāṃ bʰuvi
   tatra bʰārgava-kanyāṃ sa   rūpeṇa_apratimāṃ bʰuvi /
Halfverse: c    vicarantīṃ vanoddeśe   daṇḍo 'paśyad anuttamām
   vicarantīṃ vana_uddeśe   daṇḍo_apaśyad anuttamām /4/

Verse: 5 
Halfverse: a    sa dr̥ṣṭvā tāṃ sudurmedʰā   anaṅgaśarapīḍitaḥ
   sa dr̥ṣṭvā tāṃ sudurmedʰā   anaṅga-śara-pīḍitaḥ /
Halfverse: c    abʰigamya susaṃvignaḥ   kanyāṃ vacanam abravīt
   abʰigamya susaṃvignaḥ   kanyāṃ vacanam abravīt /5/

Verse: 6 
Halfverse: a    kutas tvam asi suśroṇi   kasya vāsi sutā śubʰe
   kutas tvam asi suśroṇi   kasya vā_asi sutā śubʰe /
Halfverse: c    pīḍito 'ham anaṅgena   pr̥ccʰāmi tvāṃ sumadʰyame
   pīḍito_aham anaṅgena   pr̥ccʰāmi tvāṃ sumadʰyame /6/

Verse: 7 
Halfverse: a    tasya tv evaṃ bruvāṇasya   mohonmattasya kāminaḥ
   tasya tv evaṃ bruvāṇasya   moha_unmattasya kāminaḥ /
Halfverse: c    bʰārgavī pratyuvācedaṃ   vacaḥ sānunayaṃ nr̥pam
   bʰārgavī pratyuvāca_idaṃ   vacaḥ sānunayaṃ nr̥pam /7/

Verse: 8 
Halfverse: a    bʰārgavasya sutāṃ viddʰi   devasyākliṣṭakarmaṇaḥ
   bʰārgavasya sutāṃ viddʰi   devasya_akliṣṭa-karmaṇaḥ /
Halfverse: c    arajāṃ nāma rājendra   jyeṣṭʰām āśramavāsinīm
   arajāṃ nāma rāja_indra   jyeṣṭʰām āśrama-vāsinīm /8/

Verse: 9 
Halfverse: a    guruḥ pitā me rājendra   tvaṃ ca śiṣyo mahātmanaḥ
   guruḥ pitā me rāja_indra   tvaṃ ca śiṣyo mahātmanaḥ /
Halfverse: c    vyasanaṃ sumahat kruddʰaḥ   sa te dadyān mahātapāḥ
   vyasanaṃ sumahat kruddʰaḥ   sa te dadyān mahā-tapāḥ /9/

Verse: 10 
Halfverse: a    yadi vātra mayā kāryaṃ   dʰarmadr̥ṣṭena satpatʰā
   yadi vā_atra mayā kāryaṃ   dʰarma-dr̥ṣṭena sat-patʰā /
Halfverse: c    varayasva nr̥pa śreṣṭʰa   pitaraṃ me mahādyutim
   varayasva nr̥pa śreṣṭʰa   pitaraṃ me mahā-dyutim /10/

Verse: 11 
Halfverse: a    anyatʰā tu pʰalaṃ tubʰyaṃ   bʰaved gʰorābʰisaṃhitam
   anyatʰā tu pʰalaṃ tubʰyaṃ   bʰaved gʰora_abʰisaṃhitam /
Halfverse: c    krodʰena hi pitā me 'sau   trailokyam api nirdahet
   krodʰena hi pitā me_asau   trailokyam api nirdahet /11/

Verse: 12 
Halfverse: a    evaṃ bruvāṇām arajāṃ   daṇḍaḥ kāmaśarārditaḥ
   evaṃ bruvāṇām arajāṃ   daṇḍaḥ kāma-śara_arditaḥ /
Halfverse: c    pratyuvāca madonmattaḥ   śirasy ādʰāya so 'ñjalim
   pratyuvāca mada_unmattaḥ   śirasy ādʰāya so_añjalim /12/

Verse: 13 
Halfverse: a    prasādaṃ kuru suśroṇi   na kālaṃ kṣeptum arhasi
   prasādaṃ kuru suśroṇi   na kālaṃ kṣeptum arhasi /
Halfverse: c    tvatkr̥te hi mama prāṇā   vidīryante śubʰānane
   tvat-kr̥te hi mama prāṇā   vidīryante śubʰa_ānane /13/

Verse: 14 
Halfverse: a    tvāṃ prāpya hi vadʰo vāpi   pāpaṃ vāpi sudāruṇam
   tvāṃ prāpya hi vadʰo vā_api   pāpaṃ vā_api sudāruṇam /
Halfverse: c    bʰaktaṃ bʰajasva māṃ bʰīru   bʰajamānaṃ suvihvalam
   bʰaktaṃ bʰajasva māṃ bʰīru   bʰajamānaṃ suvihvalam /14/

Verse: 15 
Halfverse: a    evam uktvā tu tāṃ kanyāṃ   dorbʰyāṃ gr̥hya balād balī
   evam uktvā tu tāṃ kanyāṃ   dorbʰyāṃ gr̥hya balād balī /
Halfverse: c    vispʰurantīṃ yatʰākāmaṃ   maitʰunāyopacakrame
   vispʰurantīṃ yatʰā-kāmaṃ   maitʰunāya_upacakrame /15/

Verse: 16 
Halfverse: a    tam anartʰaṃ mahāgʰoraṃ   daṇḍaḥ kr̥tvā sudāruṇam
   tam anartʰaṃ mahā-gʰoraṃ   daṇḍaḥ kr̥tvā sudāruṇam /
Halfverse: c    nagaraṃ prayayau cāśu   madʰumantam anuttamam
   nagaraṃ prayayau ca_āśu   madʰumantam anuttamam /16/

Verse: 17 
Halfverse: a    arajāpi rudantī sā   āśramasyāvidūrataḥ
   arajā_api rudantī sā   āśramasya_avidūrataḥ /
Halfverse: c    pratīkṣate susaṃtrastā   pitaraṃ devasaṃnibʰam
   pratīkṣate susaṃtrastā   pitaraṃ deva-saṃnibʰam /17/ {E}



Next part


This text is part of the TITUS edition of Ramayana.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.