TITUS
Ramayana
Part No. 580
Previous part

Chapter: 73 
Adhyāya 73


Verse: 1 
Halfverse: a    r̥ṣer vacanam ājñāya   rāmaḥ saṃdʰyām upāsitum
   r̥ṣer vacanam ājñāya   rāmaḥ saṃdʰyām upāsitum /
Halfverse: c    upākrāmat saraḥ puṇyam   apsarobʰir niṣevitam
   upākrāmat saraḥ puṇyam   apsarobʰir niṣevitam /1/

Verse: 2 
Halfverse: a    tatrodakam upaspr̥ṣśya   saṃdʰyām anvāsya paścimām
   tatra_udakam upaspr̥ṣśya   saṃdʰyām anvāsya paścimām /
Halfverse: c    āśramaṃ prāviśad rāmaḥ   kumbʰayoner mahātmanaḥ
   āśramaṃ prāviśad rāmaḥ   kumbʰa-yoner mahātmanaḥ /2/

Verse: 3 
Halfverse: a    asyāgastyo bahuguṇaṃ   pʰalamūlaṃ tatʰauṣadʰīḥ
   asya_agastyo bahu-guṇaṃ   pʰala-mūlaṃ tatʰā_oṣadʰīḥ /
Halfverse: c    śākāni ca pavitrāṇi   bʰojanārtʰam akalpayat
   śākāni ca pavitrāṇi   bʰojana_artʰam akalpayat /3/

Verse: 4 
Halfverse: a    sa bʰuktavān naraśreṣṭʰas   tad annam amr̥topamam
   sa bʰuktavān nara-śreṣṭʰas   tad annam amr̥ta_upamam /
Halfverse: c    prītaś ca parituṣṭaś ca   tāṃ rātriṃ samupāvasat
   prītaś ca parituṣṭaś ca   tāṃ rātriṃ samupāvasat /4/

Verse: 5 
Halfverse: a    prabʰāte kālyam uttʰāya   kr̥tvāhnikam ariṃdamaḥ
   prabʰāte kālyam uttʰāya   kr̥tvā_āhnikam ariṃ-damaḥ /
Halfverse: c    r̥ṣiṃ samabʰicakrāma   gamanāya ragʰūttamaḥ
   r̥ṣiṃ samabʰicakrāma   gamanāya ragʰu_uttamaḥ /5/

Verse: 6 
Halfverse: a    abʰivādyābravīd rāmo   maharṣiṃ kumbʰasaṃbʰavam
   abʰivādya_abravīd rāmo   maharṣiṃ kumbʰa-saṃbʰavam /
Halfverse: c    āpr̥ccʰe tvāṃ gamiṣyāmi   mām anujñātum arhasi
   āpr̥ccʰe tvāṃ gamiṣyāmi   mām anujñātum arhasi /6/

Verse: 7 
Halfverse: a    dʰanyo 'smy anugr̥hīto 'smi   darśanena mahātmanaḥ
   dʰanyo_asmy anugr̥hīto_asmi   darśanena mahātmanaḥ /
Halfverse: c    draṣṭuṃ caivāgamiṣyāmi   pāvanārtʰam ihātmanaḥ
   draṣṭuṃ caiva_āgamiṣyāmi   pāvana_artʰam iha_ātmanaḥ /7/

Verse: 8 
Halfverse: a    tatʰā vadati kākutstʰe   vākyam adbʰutadarśanam
   tatʰā vadati kākutstʰe   vākyam adbʰuta-darśanam /
Halfverse: c    uvāca paramaprīto   dʰarmanetras tapodʰanaḥ
   uvāca parama-prīto   dʰarma-netras tapo-dʰanaḥ /8/

Verse: 9 
Halfverse: a    atyadbʰutam idaṃ vākyaṃ   tava rāma śubʰākṣaram
   atyadbʰutam idaṃ vākyaṃ   tava rāma śubʰa_akṣaram /
Halfverse: c    pāvanaḥ sarvalokānāṃ   tvam eva ragʰunandana
   pāvanaḥ sarva-lokānāṃ   tvam eva ragʰu-nandana /9/

Verse: 10 
Halfverse: a    muhūrtam api rāma tvāṃ   ye nu paśyanti ke cana
   muhūrtam api rāma tvāṃ   ye nu paśyanti kecana /
Halfverse: c    pāvitāḥ svargabʰūtās te   pūjyante divi daivataiḥ
   pāvitāḥ svarga-bʰūtās te   pūjyante divi daivataiḥ /10/

Verse: 11 
Halfverse: a    ye ca tvāṃ gʰoracakṣurbʰir   īkṣante prāṇino bʰuvi
   ye ca tvāṃ gʰora-cakṣurbʰir   īkṣante prāṇino bʰuvi /
Halfverse: c    hatās te yamadaṇḍena   sadyo nirayagāminaḥ
   hatās te yama-daṇḍena   sadyo niraya-gāminaḥ /11/

Verse: 12 
Halfverse: a    gaccʰa cāriṣṭam avyagraḥ   pantʰānam akutobʰayam
   gaccʰa ca_ariṣṭam avyagraḥ   pantʰānam akuto-bʰayam /
Halfverse: c    praśādʰi rājyaṃ dʰarmeṇa   gatir hi jagato bʰavān
   praśādʰi rājyaṃ dʰarmeṇa   gatir hi jagato bʰavān /12/

Verse: 13 
Halfverse: a    evam uktas tu muninā   prāñjaliḥ prpagraho nr̥paḥ
   evam uktas tu muninā   prāñjaliḥ prpagraho nr̥paḥ /
Halfverse: c    abʰyavādayata prājñas   tam r̥ṣiṃ puṇyaśīlinam
   abʰyavādayata prājñas   tam r̥ṣiṃ puṇya-śīlinam /13/

Verse: 14 
Halfverse: a    abʰivādya muniśreṣṭʰaṃ   tāṃś ca sarvāṃs tapodʰanān
   abʰivādya muni-śreṣṭʰaṃ   tāṃś ca sarvāṃs tapo-dʰanān /
Halfverse: c    adʰyārohat tad avyagraḥ   puṣpakaṃ hemabʰūṣitam
   adʰyārohat tad avyagraḥ   puṣpakaṃ hema-bʰūṣitam /14/

Verse: 15 
Halfverse: a    taṃ prayāntaṃ munigaṇā   āśīrvādaiḥ samantataḥ
   taṃ prayāntaṃ muni-gaṇā   āśīr-vādaiḥ samantataḥ /
Halfverse: c    apūjayan mahendrābʰaṃ   sahasrākṣam ivāmarāḥ
   apūjayan mahā_indra_ābʰaṃ   sahasra_akṣam iva_amarāḥ /15/

Verse: 16 
Halfverse: a    svastʰaḥ sa dadr̥śe rāmaḥ   puṣpake hemabʰūṣite
   svastʰaḥ sa dadr̥śe rāmaḥ   puṣpake hema-bʰūṣite /
Halfverse: c    śaśī megʰasamīpastʰo   yatʰā jaladʰarāgame
   śaśī megʰa-samīpastʰo   yatʰā jala-dʰara_āgame /16/

Verse: 17 
Halfverse: a    tato 'rdʰadivase prāpte   pūjyamānas tatas tataḥ
   tato_ardʰa-divase prāpte   pūjyamānas tatas tataḥ /
Halfverse: c    ayodʰyāṃ prāpya kākutstʰo   vimānād avarohata
   ayodʰyāṃ prāpya kākutstʰo   vimānād avarohata /17/

Verse: 18 
Halfverse: a    tato visr̥jya ruciraṃ   puṣpakaṃ kāmagāminam
   tato visr̥jya ruciraṃ   puṣpakaṃ kāma-gāminam /
Halfverse: c    kakṣyāntaravinikṣiptaṃ   dvāḥstʰaṃ rāmo 'bravīd vacaḥ
   kakṣya_antara-vinikṣiptaṃ   dvāḥstʰaṃ rāmo_abravīd vacaḥ /18/

Verse: 19 
Halfverse: a    lakṣmaṇaṃ bʰarataṃ caiva   gatvā tau lagʰuvikramau
   lakṣmaṇaṃ bʰarataṃ caiva   gatvā tau lagʰu-vikramau /
Halfverse: c    mamāgamanam ākʰyāya   śabdāpaya ca māṃ ciram
   mama_āgamanam ākʰyāya   śabdāpaya ca māṃ ciram /19/ {E}



Next part


This text is part of the TITUS edition of Ramayana.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.