TITUS
Ramayana
Part No. 584
Previous part

Chapter: 77 
Adhyāya 77


Verse: 1 
Halfverse: a    tatʰā vr̥travadʰaṃ sarvam   akʰilena sa lakṣmaṇaḥ
   tatʰā vr̥tra-vadʰaṃ sarvam   akʰilena sa lakṣmaṇaḥ /
Halfverse: c    katʰayitvā naraśreṣṭʰaḥ   katʰāśeṣam upākramat
   katʰayitvā nara-śreṣṭʰaḥ   katʰā-śeṣam upākramat /1/

Verse: 2 
Halfverse: a    tato hate mahāvīrye   vr̥tre devabʰayaṃkare
   tato hate mahā-vīrye   vr̥tre deva-bʰayaṃ-kare /
Halfverse: c    brahmahatyāvr̥taḥ śakraḥ   saṃjñāṃ lebʰe na vr̥trahā
   brahma-hatyā_āvr̥taḥ śakraḥ   saṃjñāṃ lebʰe na vr̥trahā /2/

Verse: 3 
Halfverse: a    so 'ntam āśritya lokānāṃ   naṣṭasaṃjño vicetanaḥ
   so_antam āśritya lokānāṃ   naṣṭa-saṃjño vicetanaḥ /
Halfverse: c    kālaṃ tatrāvasat kaṃ cid   veṣṭamāno yatʰoragaḥ
   kālaṃ tatra_avasat kaṃcid   veṣṭamāno yatʰā_uragaḥ /3/

Verse: 4 
Halfverse: a    atʰa naṣṭe sahasrākṣe   udvignam abʰavaj jagat
   atʰa naṣṭe sahasra_akṣe   udvignam abʰavaj jagat /
Halfverse: c    bʰūmiś ca dʰvastasaṃkāśā   niḥsnehā śuṣkakānanā
   bʰūmiś ca dʰvasta-saṃkāśā   niḥsnehā śuṣka-kānanā /4/

Verse: 5 
Halfverse: a    niḥsrotasaś cāmbuvāhā   hradāś ca saritas tatʰā
   niḥsrotasaś ca_ambu-vāhā   hradāś ca saritas tatʰā /
Halfverse: c    saṃkṣobʰaś caiva sattvānām   anāvr̥ṣṭikr̥to 'bʰavat
   saṃkṣobʰaś caiva sattvānām   anāvr̥ṣṭi-kr̥to_abʰavat /5/

Verse: 6 
Halfverse: a    kṣīyamāṇe tu loke 'smin   saṃbʰrāntamanasaḥ surāḥ
   kṣīyamāṇe tu loke_asmin   saṃbʰrānta-manasaḥ surāḥ /
Halfverse: c    yad uktaṃ viṣṇunā pūrvaṃ   taṃ yajñaṃ samupānayan
   yad uktaṃ viṣṇunā pūrvaṃ   taṃ yajñaṃ samupānayan /6/

Verse: 7 
Halfverse: a    tataḥ sarve suragaṇāḥ   sopādʰyāyāḥ saharṣibʰiḥ
   tataḥ sarve sura-gaṇāḥ   sa_upādʰyāyāḥ saha-r̥ṣibʰiḥ /
Halfverse: c    taṃ deśaṃ sahitā jagmur   yatrendro bʰayamohitaḥ
   taṃ deśaṃ sahitā jagmur   yatra_indro bʰaya-mohitaḥ /7/

Verse: 8 
Halfverse: a    te tu dr̥ṣṭvā sahasrākṣaṃ   mohitaṃ brahmahatyayā
   te tu dr̥ṣṭvā sahasra_akṣaṃ   mohitaṃ brahma-hatyayā /
Halfverse: c    taṃ puraskr̥tya deveśam   aśvamedʰaṃ pracakrire
   taṃ puras-kr̥tya deva_īśam   aśva-medʰaṃ pracakrire /8/

Verse: 9 
Halfverse: a    tato 'śvamedʰaḥ sumahān   mahendrasya mahātmanaḥ
   tato_aśva-medʰaḥ sumahān   mahā_indrasya mahātmanaḥ /
Halfverse: c    vavr̥dʰe brahmahatyāyāḥ   pāvanārtʰaṃ nareśvara
   vavr̥dʰe brahma-hatyāyāḥ   pāvana_artʰaṃ nara_īśvara /9/

Verse: 10 
Halfverse: a    tato yajñasamāptau tu   brahmahatyā mahātmanaḥ
   tato yajña-samāptau tu   brahma-hatyā mahātmanaḥ /
Halfverse: c    abʰigamyābravīd vākyaṃ   kva me stʰānaṃ vidʰāsyatʰa
   abʰigamya_abravīd vākyaṃ   kva me stʰānaṃ vidʰāsyatʰa /10/

Verse: 11 
Halfverse: a    te tām ūcus tato devās   tuṣṭāḥ prītisamanvitāḥ
   te tām ūcus tato devās   tuṣṭāḥ prīti-samanvitāḥ /
Halfverse: c    caturdʰā vibʰajātmānam   ātmanaiva durāsade
   caturdʰā vibʰaja_ātmānam   ātmanā_eva durāsade /11/

Verse: 12 
Halfverse: a    devānāṃ bʰāṣitaṃ śrutvā   brahmahatyā mahātmanām
   devānāṃ bʰāṣitaṃ śrutvā   brahma-hatyā mahātmanām /
Halfverse: c    saṃnidʰau stʰānam anyatra   varayām āsa durvasā
   saṃnidʰau stʰānam anyatra   varayām āsa durvasā /12/

Verse: 13 
Halfverse: a    ekenāṃśena vatsyāmi   pūrṇodāsu nadīṣu vai
   ekena_aṃśena vatsyāmi   pūrṇa_udāsu nadīṣu vai /
Halfverse: c    dvitīyena tu vr̥kṣeṣu   satyam etad bravīmi vaḥ
   dvitīyena tu vr̥kṣeṣu   satyam etad bravīmi vaḥ /13/

Verse: 14 
Halfverse: a    yo 'yam aṃśas tr̥tīyo me   strīṣu yauvanaśāliṣu
   yo_ayam aṃśas tr̥tīyo me   strīṣu yauvana-śāliṣu /
Halfverse: c    trirātraṃ darpaparṇāsu   vasiṣye darpagʰātinī
   trirātraṃ darpa-parṇāsu   vasiṣye darpa-gʰātinī /14/

Verse: 15 
Halfverse: a    hantāro brāhmaṇān ye tu   prekṣāpūrvam adūṣakān
   hantāro brāhmaṇān ye tu   prekṣā-pūrvam adūṣakān /
Halfverse: c    tāṃś caturtʰena bʰāgena   saṃśrayiṣye surarṣabʰāḥ
   tāṃś caturtʰena bʰāgena   saṃśrayiṣye sura-r̥ṣabʰāḥ /15/

Verse: 16 
Halfverse: a    pratyūcus tāṃ tato devā   yatʰā vadasi durvase
   pratyūcus tāṃ tato devā   yatʰā vadasi durvase /
Halfverse: c    tatʰā bʰavatu tat sarvaṃ   sādʰayasva yatʰepsitam
   tatʰā bʰavatu tat sarvaṃ   sādʰayasva yatʰā_īpsitam /16/

Verse: 17 
Halfverse: a    tataḥ prītyānvitā devāḥ   sahasrākṣaṃ vavandire
   tataḥ prītyā_anvitā devāḥ   sahasra_akṣaṃ vavandire /
Halfverse: c    vijvaraḥ pūtapāpmā ca   vāsavaḥ samapadyata
   vijvaraḥ pūta-pāpmā ca   vāsavaḥ samapadyata /17/

Verse: 18 
Halfverse: a    praśāntaṃ ca jagat sarvaṃ   sahasrākṣe pratiṣṭʰate
   praśāntaṃ ca jagat sarvaṃ   sahasra_akṣe pratiṣṭʰate /
Halfverse: c    yajñaṃ cādbʰutasaṃkāśaṃ   tadā śakro 'bʰyapūjayat
   yajñaṃ ca_adbʰuta-saṃkāśaṃ   tadā śakro_abʰyapūjayat /18/

Verse: 19 
Halfverse: a    īdr̥śo hy aśvamedʰasya   prabʰāvo ragʰunandana
   īdr̥śo hy aśva-medʰasya   prabʰāvo ragʰu-nandana /
Halfverse: c    yajasva sumahābʰāga   hayamedʰena pārtʰiva
   yajasva sumahā-bʰāga   haya-medʰena pārtʰiva /19/ {E}



Next part


This text is part of the TITUS edition of Ramayana.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.