TITUS
Atharva-Veda: Kausika-Sutra
Part No. 74
Previous part

Kandika: 6[74] 
Sutra: 1    tayor baliharaṇam

Sutra: 2    <agnaya indrāgnibʰyāṃ vāstoṣpataye prajāpataye 'numataye>_iti hutvā

Sutra: 3    niṣkramya bahiḥ pracīnaṃ <brahmaṇe vaiśravaṇāya viśvebʰyo devebʰyaḥ sarvebʰyo devebʰyo viśvebʰyo bʰūtebʰyaḥ sarvebʰyo bʰūtebʰyaḥ>_iti bahuśo baliṃ haret

Sutra: 4    dviḥ prokṣan pradakṣiṇam āvr̥tyāntarupātītya dvāre

Sutra: 5    dvāryayor <mr̥tyave dʰarmādʰarmābʰyām>

Sutra: 6    udadʰāne dʰanvantaraye <samudrāyauṣadʰivanaspatibʰyo dyāvāpr̥tʰivībʰyām> iti

Sutra: 7    stʰūṇāvaṃśayor <digbʰyo 'ntardeśebʰyaḥ>_iti

Sutra: 8    sraktiṣu <vāsukaye cittasenāya cittaratʰāya takṣopatakṣābʰyām> iti

Sutra: 9    samantam agner <āśāyai śraddʰāyai medʰāyai śriyai hriyai vidyāyai>_iti

Sutra: 10    prācīnaṃ agneḥ <gr̥hyābʰyo devajāmibʰyaḥ>_iti

Sutra: 11    bʰūyo_abʰyuddʰr̥tya brāhmaṇān bʰojayet

Sutra: 12    tad api śloko vadati \ <mābrāhmaṇa agrataḥ [em. Bloomfield GGA 1902 514 -- ed. mābrāhmaṇāgrataḥ] kr̥tam aśnīyād viṣavad annam annakāmyā \ devānāṃ devo brāhmaṇo bʰāvo nāmaiṣa devatā>_iti

Sutra: 13    āgrayaṇe śāntyudakaṃ kr̥tvā yatʰartu taṇḍulān upasādya

Sutra: 14    apsu stʰālīpākaṃ śrapayitvā payasi vā

Sutra: 15    <sajūr r̥tubʰiḥ sajūr vidʰābʰiḥ sajūr agnaye svāhā \ sajūr indrāgnibʰyāṃ sajūr dyāvāpr̥tʰivībʰyāṃ sajūr viśvebʰyo devebʰyaḥ sajūr r̥tubʰiḥ sajūr vidʰābʰiḥ sajūḥ somāya svāhā>_ity ekahavir vā syāt_nānāhavīṃṣi vā

Sutra: 16    saumyaṃ tanvat_śyāmākaṃ śaradi

Sutra: 17    atʰa yajamānaḥ prāśitraṃ gr̥hṇīte

Sutra: 18    <prajāpateṣ ṭvā grahaṃ gr̥hṇāmi \ mahyaṃ bʰūtyai mahyaṃ puṣṭyai mahyaṃ śriyai mahyaṃ hriyai mahyaṃ yaśase mahyam āyuṣe mahyam annāya mahyam annādyāya mahyaṃ sahasrapoṣāya mahyam aparimitapoṣāya [cf. ŚāṅkʰGS 3.8.2]>_iti

Sutra: 19    atʰa prāśnāti \ <bʰadrān naḥ śreyaḥ sam anaiṣṭa devās tvayāvasena sam aśīmahi tvā \ sa naḥ pito madʰumām̐ ā viveśa śivas tokāya tanvo na ehi [cf. TS 5.7.2.4, ŚāṅkʰGS 3.8.3 etc.]>;_iti

Sutra: 20    prāśitam anumantrayate \ <amo 'si prāṇa tad r̥taṃ bravīmy amāsi sarvāṅ asi praviṣṭa \ sa me jarāṃ rogam apanudya śarīrādanāmayaidʰi mā riṣāma indo [cf. ŚāṅkʰGS 3.8.4 etc.]>; iti

Sutra: 21    vatsaḥ pratʰamajo grīṣme vāsaḥ śaradi dakṣiṇā

Sutra: 22    śaktyā vā dakṣiṇāṃ dadyāt

Sutra: 23    nātiśaktir vidʰīyate nātiśaktir vidʰīyata iti



Sutra: col    iti atʰarvavede kauśikasūtre navamo 'dʰyāyaḥ samāptaḥ





Next part


This text is part of the TITUS edition of Atharva-Veda: Kausika-Sutra.

Copyright TITUS Project, Frankfurt a/M, 30.8.2009. No parts of this document may be republished in any form without prior permission by the copyright holder.