TITUS
Rg-Veda: Rg-Veda-Samhita
Part No. 30
Previous part

Hymn: 30 
Verse: 1 
Halfverse: a    ā́ va índraṃ kríviṃ yatʰā vājayántaḥ śatákratum /
   ā́ va índraṃ kríviṃ yatʰā
   ā́ vaḥ índram krívim yatʰā
   ā́ va índraṃ kríviṃ yatʰā

Halfverse: b    vājayántaḥ śatákratum /
   vājayántaḥ śatákratum /
   vājayántaḥ śatákratum /

Halfverse: c    máṃhiṣṭʰaṃ siñca índubʰiḥ //
   máṃhiṣṭʰaṃ siñca índubʰiḥ //
   máṃhiṣṭʰam siñce índubʰiḥ //
   máṃhiṣṭʰaṃ siñca índubʰiḥ //


Verse: 2 
Halfverse: a    śatáṃ vā yáḥ śúcīnāṃ sahásraṃ vā sámāśirām /
   śatáṃ vā yáḥ śúcīnāṃ
   śatám vā yáḥ śúcīnām
   śatáṃ vā yáḥ śúcīnãaṃ

Halfverse: b    sahásraṃ vā sámāśirām /
   sahásram vā sámāśirām /
   sahásraṃ vā sámāśirām /

Halfverse: c    éd u nimnáṃ ná rīyate //
   éd u nimnáṃ ná rīyate //
   ā́ ít u nimnám ná rīyate //
   éd u nimnáṃ ná rīyate //


Verse: 3 
Halfverse: a    sáṃ yán mádāya śuṣmíṇa enā́ hy àsyodáre /
   sáṃ yán mádāya śuṣmíṇa
   sám yát mádāya śuṣmíṇe
   sáṃ yán mádāya śuṣmíṇa

Halfverse: b    enā́ hy àsyodáre /
   enā́ hí asya udáre /
   enā́ hí asya udáre /

Halfverse: c    samudró ná vyáco dadʰé //
   samudró ná vyáco dadʰé //
   samudráḥ ná vyácaḥ dadʰé //
   samudró ná vyáco dadʰé //


Verse: 4 
Halfverse: a    ayám u te sám atasi kapóta iva garbʰadʰím /
   ayám u te sám atasi
   ayám u te sám atasi
   ayám u te sám atasi

Halfverse: b    kapóta iva garbʰadʰím /
   kapótaḥ iva garbʰadʰím /
   kapóta iva garbʰadʰím /

Halfverse: c    vácas tác cin na ohase //
   vácas tác cin na ohase //
   vácaḥ tát cit naḥ ohase //
   vácas tác cin na ohase //


Verse: 5 
Halfverse: a    stotráṃ rādʰānām pate gírvāho vīra yásya te /
   stotráṃ rādʰānām pate
   stotrám rādʰānām pate
   stotráṃ rādʰānãam pate

Halfverse: b    gírvāho vīra yásya te /
   gírvāhaḥ vīra yásya te /
   gírvāho vīra yásya te /

Halfverse: c    víbʰūtir astu sūnŕ̥tā //
   víbʰūtir astu sūnŕ̥tā //
   víbʰūtiḥ astu sūnŕ̥tā //
   víbʰūtir astu sūnŕ̥tā //


Verse: 6 
Halfverse: a    ūrdʰvás tiṣṭʰā na ūtáye 'smín vā́je śatakrato /
   ūrdʰvás tiṣṭʰā na ūtáye
   ūrdʰváḥ tiṣṭʰa+ naḥ ūtáye
   ūrdʰvás tiṣṭʰā na ūtáye

Halfverse: b    'smín vā́je śatakrato /
   asmín vā́je śatakrato /
   asmín vā́je śatakrato /

Halfverse: c    sám anyéṣu bravāvahai //
   sám anyéṣu bravāvahai //
   sám anyéṣu bravāvahai //
   sám anyéṣu bravāvahai //


Verse: 7 
Halfverse: a    yóge-yoge tavástaraṃ vā́je-vāje havāmahe /
   yóge-yoge tavástaraṃ
   yóge-yoge tavástaram
   yóge-yoge tavástaraṃ

Halfverse: b    vā́je-vāje havāmahe /
   vā́je-vāje havāmahe /
   vā́je-vāje havāmahe /

Halfverse: c    sákʰāya índram ūtáye //
   sákʰāya índram ūtáye //
   sákʰāyaḥ índram ūtáye //
   sákʰāya índram ūtáye //


Verse: 8 
Halfverse: a    ā́ gʰā gamad yádi śrávat sahasríṇībʰir ūtíbʰiḥ /
   ā́ gʰā gamad yádi śrávat
   ā́ gʰa+ gamat yádi śrávat
   ā́ gʰā gamad yádi śrávat

Halfverse: b    sahasríṇībʰir ūtíbʰiḥ /
   sahasríṇībʰiḥ ūtíbʰiḥ /
   sahasríṇībʰir ūtíbʰiḥ /

Halfverse: c    vā́jebʰir úpa no hávam //
   vā́jebʰir úpa no hávam //
   vā́jebʰiḥ úpa naḥ hávam //
   vā́jebʰir úpa no hávam //


Verse: 9 
Halfverse: a    ánu pratnásyaúkaso huvé tuvipratíṃ náram /
   ánu pratnásyaúkaso
   ánu pratnásya ókasaḥ
   ánu pratnásya ókaso

Halfverse: b    huvé tuvipratíṃ náram /
   huvé tuvipratím náram /
   huvé tuvipratíṃ náram /

Halfverse: c    yáṃ te pū́rvam pitā́ huvé //
   yáṃ te pū́rvam pitā́ huvé //
   yám te pū́rvam pitā́ huvé //
   yáṃ te pū́rvam pitā́ huvé //


Verse: 10 
Halfverse: a    táṃ tvā vayáṃ viśvavārā́ śāsmahe puruhūta /
   táṃ tvā vayáṃ viśvavāra_
   tám tvā vayám viśvavāra
   táṃ tvā vayáṃ viśvavāra

Halfverse: b    _ā́ śāsmahe puruhūta /
   ā́ śāsmahe puruhūta /
   ā́ śāsmahe puruhūta /

Halfverse: c    sákʰe vaso jaritŕ̥bʰyaḥ //
   sákʰe vaso jaritŕ̥bʰyaḥ //
   sákʰe vaso jaritŕ̥bʰyaḥ //
   sákʰe vaso jaritŕ̥bʰyaḥ //


Verse: 11 
Halfverse: a    asmā́kaṃ śipríṇīnāṃ sómapāḥ somapā́vnām /
   asmā́kaṃ śipríṇīnāṃ
   asmā́kam śipríṇīnām
   asmā́kaṃ śipríṇīnãaṃ

Halfverse: b    sómapāḥ somapā́vnām /
   sómapāḥ somapā́vnām /
   sómapāḥ somapā́vnãam /

Halfverse: c    sákʰe vajrin sákʰīnām //
   sákʰe vajrin sákʰīnām //
   sákʰe vajrin sákʰīnām //
   sákʰe vajrin sákʰīnãam //


Verse: 12 
Halfverse: a    tátʰā tád astu somapāḥ sákʰe vajrin tátʰā kr̥ṇu /
   tátʰā tád astu somapāḥ
   tátʰā tát astu somapāḥ
   tátʰā tád astu somapāḥ

Halfverse: b    sákʰe vajrin tátʰā kr̥ṇu /
   sákʰe vajrin tátʰā kr̥ṇu /
   sákʰe vajrin tátʰā kr̥ṇu /

Halfverse: c    yátʰā ta uśmásīṣṭáye //
   yátʰā ta uśmásīṣṭáye //
   yátʰā te uśmási iṣṭáye //
   yátʰā ta uśmásīṣṭáye //


Verse: 13 
Halfverse: a    revátīr naḥ sadʰamā́da índre santu tuvívājāḥ /
   revátīr naḥ sadʰamā́da
   revátīḥ naḥ sadʰamā́de
   revátīr naḥ sadʰamā́da

Halfverse: b    índre santu tuvívājāḥ /
   índre santu tuvívājāḥ /
   índre santu tuvívājāḥ /

Halfverse: c    kṣumánto yā́bʰir mádema //
   kṣumánto yā́bʰir mádema //
   kṣumántaḥ yā́bʰiḥ mádema //
   kṣumánto yā́bʰir mádema //


Verse: 14 
Halfverse: a    ā́ gʰa tvā́vān tmánāptá stotŕ̥bʰyo dʰr̥ṣṇav iyānáḥ /
   ā́ gʰa tvā́vān tmánāptá
   ā́ gʰa tvā́vān tmánā āptáḥ
   ā́ gʰa tvā́vān tmánā āptá

Halfverse: b    stotŕ̥bʰyo dʰr̥ṣṇav iyānáḥ /
   stotŕ̥bʰyaḥ dʰr̥ṣṇo iyānáḥ /
   stotŕ̥bʰyo dʰr̥ṣṇav iyānáḥ /

Halfverse: c    r̥ṇór ákṣaṃ ná cakryòḥ //
   r̥ṇór ákṣaṃ ná cakryòḥ //
   r̥ṇóḥ ákṣam ná cakryòḥ //
   r̥ṇór ákṣaṃ ná cakríyoḥ //


Verse: 15 
Halfverse: a    ā́ yád dúvaḥ śatakratav ā́ kā́maṃ jaritr̥̄ṇā́m /
   ā́ yád dúvaḥ śatakratav
   ā́ yát dúvaḥ śatakrato
   ā́ yád dúvaḥ śatakratav

Halfverse: b    ā́ kā́maṃ jaritr̥̄ṇā́m /
   ā́ kā́mam jaritr̥̄ṇā́m /
   ā́ kā́maṃ jaritr̥̄ṇâám /

Halfverse: c    r̥ṇór ákṣaṃ ná śácībʰiḥ //
   r̥ṇór ákṣaṃ ná śácībʰiḥ //
   r̥ṇóḥ ákṣam ná śácībʰiḥ //
   r̥ṇór ákṣaṃ ná śácībʰiḥ //


Verse: 16 
Halfverse: a    śáśvad índraḥ póprutʰadbʰir jigāya nā́nadadbʰiḥ śā́śvasadbʰir dʰánāni /
   śáśvad índraḥ póprutʰadbʰir jigāya
   śáśvat índraḥ póprutʰadbʰiḥ jigāya
   śáśvad índraḥ póprutʰadbʰir jigāya

Halfverse: b    nā́nadadbʰiḥ śā́śvasadbʰir dʰánāni /
   nā́nadadbʰiḥ śā́śvasadbʰiḥ dʰánāni /
   nā́nadadbʰiḥ śā́śvasadbʰir dʰánāni /

Halfverse: c    sá no hiraṇyaratʰáṃ daṃsánāvān sá naḥ sanitā́ sanáye sá no 'dāt //
   sá no hiraṇyaratʰáṃ daṃsánāvān
   sá naḥ hiraṇyaratʰám daṃsánāvān
   sá no hiraṇyaratʰáṃ daṃsánāvān

Halfverse: d    sá naḥ sanitā́ sanáye sá no 'dāt //
   sá naḥ sanitā́ sanáye sá naḥ dāt ! //
   sá naḥ sanitā́ sanáye sá no 'dāt //


Verse: 17 
Halfverse: a    ā́śvināv áśvāvatyeṣā́ yātaṃ śávīrayā /
   ā́śvināv áśvāvatyā_
   ā́ aśvinau áśvāvatyā
   ā́ aśvināv áśvāvatyā

Halfverse: b    _iṣā́ yātaṃ śávīrayā /
   iṣā́ yātam śávīrayā /
   iṣā́ yātaṃ śávīrayā /

Halfverse: c    gómad dasrā híraṇyavat //
   gómad dasrā híraṇyavat //
   gómat dasrā híraṇyavat //
   gómad dasrā híraṇyavat //


Verse: 18 
Halfverse: a    samānáyojano hí vāṃ rátʰo dasrāv ámartyaḥ /
   samānáyojano hí vāṃ
   samānáyojanaḥ hí vām
   samānáyojano hí vāṃ

Halfverse: b    rátʰo dasrāv ámartyaḥ /
   rátʰaḥ dasrau ámartyaḥ /
   rátʰo dasrāv ámartiyaḥ /

Halfverse: c    samudré aśvinéyate //
   samudré aśvinéyate //
   samudré aśvinā ī́yate //
   samudré aśvinéyate //


Verse: 19 
Halfverse: a    ny àgʰnyásya mūrdʰáni cakráṃ rátʰasya yematʰuḥ /
   ny àgʰnyásya mūrdʰáni
   ní agʰnyásya mūrdʰáni
   ní agʰniyásya mūrdʰáni

Halfverse: b    cakráṃ rátʰasya yematʰuḥ /
   cakrám rátʰasya yematʰuḥ /
   cakráṃ rátʰasya yematʰuḥ /

Halfverse: c    pári dyā́m anyád īyate //
   pári dyā́m anyád īyate //
   pári dyā́m anyát īyate //
   pári dyā́m anyád īyate //


Verse: 20 
Halfverse: a    kás ta uṣaḥ kadʰapriye bʰujé márto amartye /
   kás ta uṣaḥ kadʰapriye
   káḥ te uṣaḥ kadʰapriye
   kás ta uṣaḥ kadʰapriye

Halfverse: b    bʰujé márto amartye /
   bʰujé mártaḥ amartye /
   bʰujé márto amartiye /

Halfverse: c    káṃ nakṣase vibʰāvari //
   káṃ nakṣase vibʰāvari //
   kám nakṣase vibʰāvari //
   káṃ nakṣase vibʰāvari //


Verse: 21 
Halfverse: a    vayáṃ hí te ámanmahy ā́ntād ā́ parākā́t /
   vayáṃ hí te ámanmahy
   vayám hí te ámanmahi
   vayáṃ hí te ámanmahi

Halfverse: b    ā́ntād ā́ parākā́t /
   ā́ ántāt ā́ parākā́t /
   ā́ ántād ā́ parākâát /

Halfverse: c    áśve ná citre aruṣi //
   áśve ná citre aruṣi //
   áśve ná citre aruṣi //
   áśve ná citre aruṣi //


Verse: 22 
Halfverse: a    tváṃ tyébʰir ā́ gahi vā́jebʰir duhitar divaḥ /
   tváṃ tyébʰir ā́ gahi
   tvám tyébʰiḥ ā́ gahi
   tuváṃ tiyébʰir ā́ gahi

Halfverse: b    vā́jebʰir duhitar divaḥ /
   vā́jebʰiḥ duhitar divaḥ /
   vā́jebʰir duhitar divaḥ /

Halfverse: c    asmé rayíṃ ní dʰāraya //
   asmé rayíṃ ní dʰāraya //
   asmé rayím ní dʰāraya //
   asmé rayíṃ ní dʰāraya //


Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.