TITUS
Rg-Veda: Rg-Veda-Samhita
Part No. 31
Previous part

Hymn: 31 
Verse: 1 
Halfverse: a    tvám agne pratʰamó áṅgirā ŕ̥ṣir devó devā́nām abʰavaḥ śiváḥ sákʰā /
   tvám agne pratʰamó áṅgirā ŕ̥ṣir
   tvám agne pratʰamáḥ áṅgirāḥ ŕ̥ṣiḥ
   tuvám agne pratʰamó áṅgirā ŕ̥ṣir

Halfverse: b    devó devā́nām abʰavaḥ śiváḥ sákʰā /
   deváḥ devā́nām abʰavaḥ śiváḥ sákʰā /
   devó devā́nām abʰavaḥ śiváḥ sákʰā /

Halfverse: c    táva vraté kaváyo vidmanā́pasó 'jāyanta marúto bʰrā́jadr̥ṣṭayaḥ //
   táva vraté kaváyo vidmanā́pasó
   táva vraté kaváyaḥ vidmanā́pasaḥ
   táva vraté kaváyo vidmanā́paso

Halfverse: d    'jāyanta marúto bʰrā́jadr̥ṣṭayaḥ //
   ájāyanta marútaḥ bʰrā́jadr̥ṣṭayaḥ //
   ájāyanta marúto bʰrā́jadr̥ṣṭayaḥ //


Verse: 2 
Halfverse: a    tvám agne pratʰamó áṅgirastamaḥ kavír devā́nām pári bʰūṣasi vratám /
   tvám agne pratʰamó áṅgirastamaḥ
   tvám agne pratʰamáḥ áṅgirastamaḥ
   tuvám agne pratʰamó áṅgirastamaḥ

Halfverse: b    kavír devā́nām pári bʰūṣasi vratám /
   kavíḥ devā́nām pári bʰūṣasi vratám /
   kavír devā́nām pári bʰūṣasi vratám /

Halfverse: c    vibʰúr víśvasmai bʰúvanāya médʰiro dvimātā́ śayúḥ katidʰā́ cid āyáve //
   vibʰúr víśvasmai bʰúvanāya médʰiro
   vibʰúḥ víśvasmai bʰúvanāya médʰiraḥ
   vibʰúr víśvasmai bʰúvanāya médʰiro

Halfverse: d    dvimātā́ śayúḥ katidʰā́ cid āyáve //
   dvimātā́ śayúḥ katidʰā́ cit āyáve //
   dvimātā́ śayúḥ katidʰā́ cid āyáve //


Verse: 3 
Halfverse: a    tvám agne pratʰamó mātaríśvana āvír bʰava sukratūyā́ vivásvate /
   tvám agne pratʰamó mātaríśvana
   tvám agne pratʰamáḥ mātaríśvane
   tuvám agne pratʰamó mātaríśvana

Halfverse: b    āvír bʰava sukratūyā́ vivásvate /
   āvíḥ bʰava sukratūyā́ vivásvate /
   āvír bʰava sukratūyā́ vivásvate /

Halfverse: c    árejetāṃ ródasī hotr̥vū́ryé 'sagʰnor bʰārám áyajo mahó vaso //
   árejetāṃ ródasī hotr̥vū́ryé
   árejetām ródasī hotr̥vū́rye
   árejetāṃ ródasī hotr̥vū́riye

Halfverse: d    'sagʰnor bʰārám áyajo mahó vaso //
   ásagʰnoḥ bʰārám áyajaḥ maháḥ vaso //
   ásagʰnor bʰārám áyajo mahó vaso //


Verse: 4 
Halfverse: a    tvám agne mánave dyā́m avāśayaḥ purūrávase sukŕ̥te sukŕ̥ttaraḥ /
   tvám agne mánave dyā́m avāśayaḥ
   tvám agne mánave dyā́m avāśayaḥ
   tuvám agne mánave dyā́m avāśayaḥ

Halfverse: b    purūrávase sukŕ̥te sukŕ̥ttaraḥ /
   purūrávase sukŕ̥te sukŕ̥ttaraḥ /
   purūrávase sukŕ̥te sukŕ̥ttaraḥ /

Halfverse: c    śvātréṇa yát pitrór múcyase páry ā́ tvā pū́rvam anayann ā́param púnaḥ //
   śvātréṇa yát pitrór múcyase páry
   śvātréṇa yát pitróḥ múcyase pári
   śvātréṇa yát pitarór múcyase pári

Halfverse: d    ā́ tvā pū́rvam anayann ā́param púnaḥ //
   ā́ tvā pū́rvam anayan ā́ áparam púnar //
   ā́ tvā pū́rvam anayann ā́param púnaḥ //


Verse: 5 
Halfverse: a    tvám agne vr̥ṣabʰáḥ puṣṭivárdʰana údyatasruce bʰavasi śravā́yyaḥ /
   tvám agne vr̥ṣabʰáḥ puṣṭivárdʰana
   tvám agne vr̥ṣabʰáḥ puṣṭivárdʰanaḥ
   tuvám agne vr̥ṣabʰáḥ puṣṭivárdʰana

Halfverse: b    údyatasruce bʰavasi śravā́yyaḥ /
   údyatasruce bʰavasi śravā́yyaḥ /
   údyatasruce bʰavasi śravā́yiyaḥ /

Halfverse: c    yá ā́hutim pári védā váṣaṭkr̥tim ékāyur ágre víśa āvívāsasi //
   yá ā́hutim pári védā váṣaṭkr̥tim
   yáḥ ā́hutim pári véda+ váṣaṭkr̥tim
   yá ā́hutim pári védā váṣaṭkr̥tim

Halfverse: d    ékāyur ágre víśa āvívāsasi //
   ékāyuḥ ágre víśaḥ āvívāsasi //
   ékāyur ágre víśa āvívāsasi //


Verse: 6 
Halfverse: a    tvám agne vr̥jinávartaniṃ náraṃ sákman piparṣi vidátʰe vicarṣaṇe /
   tvám agne vr̥jinávartaniṃ náraṃ
   tvám agne vr̥jinávartanim náram
   tuvám agne vr̥jinávartaniṃ náraṃ

Halfverse: b    sákman piparṣi vidátʰe vicarṣaṇe /
   sákman piparṣi vidátʰe vicarṣaṇe /
   sákman piparṣi vidátʰe vicarṣaṇe /

Halfverse: c    yáḥ śū́rasātā páritakmye dʰáne dabʰrébʰiś cit sámr̥tā háṃsi bʰū́yasaḥ //
   yáḥ śū́rasātā páritakmye dʰáne
   yáḥ śū́rasātā páritakmye dʰáne
   yáḥ śū́rasātā páritakmiye dʰáne

Halfverse: d    dabʰrébʰiś cit sámr̥tā háṃsi bʰū́yasaḥ //
   dabʰrébʰiḥ cit sámr̥tā háṃsi bʰū́yasaḥ //
   dabʰrébʰiś cit sámr̥tā háṃsi bʰū́yasaḥ //


Verse: 7 
Halfverse: a    tváṃ tám agne amr̥tatvá uttamé mártaṃ dadʰāsi śrávase divé-dive /
   tváṃ tám agne amr̥tatvá uttamé
   tvám tám agne amr̥tatvé uttamé
   tuváṃ tám agne amr̥tatvá uttamé

Halfverse: b    mártaṃ dadʰāsi śrávase divé-dive /
   mártam dadʰāsi śrávase divé-dive /
   mártaṃ dadʰāsi śrávase divé-dive /

Halfverse: c    yás tātr̥ṣāṇá ubʰáyāya jánmane máyaḥ kr̥ṇóṣi práya ā́ ca sūráye //
   yás tātr̥ṣāṇá ubʰáyāya jánmane
   yáḥ tātr̥ṣāṇáḥ ubʰáyāya jánmane
   yás tātr̥ṣāṇá ubʰáyāya jánmane

Halfverse: d    máyaḥ kr̥ṇóṣi práya ā́ ca sūráye \!\ //
   máyaḥ kr̥ṇóṣi práyaḥ ā́ ca sūráye \!\ //
   máyaḥ kr̥ṇóṣi práya ā́ ca sūráye //


Verse: 8 
Halfverse: a    tváṃ no agne sanáye dʰánānāṃ yaśásaṃ kārúṃ kr̥ṇuhi stávānaḥ /
   tváṃ no agne sanáye dʰánānāṃ
   tvám naḥ agne sanáye dʰánānām
   tuváṃ no agne sanáye dʰánānāṃ

Halfverse: b    yaśásaṃ kārúṃ kr̥ṇuhi stávānaḥ /
   yaśásam kārúm kr̥ṇuhi stávānaḥ /
   yaśásaṃ kārúṃ kr̥ṇuhi stávānaḥ /

Halfverse: c    r̥dʰyā́ma kármāpásā návena devaír dyāvāpr̥tʰivī prā́vataṃ naḥ //
   r̥dʰyā́ma kármāpásā návena
   r̥dʰyā́ma kárma apásā návena
   r̥dʰyā́ma kárma apásā návena

Halfverse: d    devaír dyāvāpr̥tʰivī prā́vataṃ naḥ //
   devaíḥ dyāvāpr̥tʰivī prá avatam naḥ //
   devaír dyāvāpr̥tʰivī prā́vataṃ naḥ //


Verse: 9 
Halfverse: a    tváṃ no agne pitrór upástʰa ā́ devó devéṣv anavadya jā́gr̥viḥ /
   tváṃ no agne pitrór upástʰa ā́
   tvám naḥ agne pitróḥ upástʰe ā́
   tuváṃ no agne pitarór upástʰa ā́

Halfverse: b    devó devéṣv anavadya jā́gr̥viḥ /
   deváḥ devéṣu anavadya jā́gr̥viḥ /
   devó devéṣu anavadya jā́gr̥viḥ /

Halfverse: c    tanūkŕ̥d bodʰi prámatiś ca kāráve tváṃ kalyāṇa vásu víśvam ópiṣe //
   tanūkŕ̥d bodʰi prámatiś ca kāráve
   tanūkŕ̥t bodʰi prámatiḥ ca kāráve
   tanūkŕ̥d bodʰi prámatiś ca kāráve

Halfverse: d    tváṃ kalyāṇa vásu víśvam ópiṣe //
   tvám kalyāṇa vásu víśvam ā́ ūpiṣe //
   tuváṃ kalyāṇa vásu víśvam ópiṣe //


Verse: 10 
Halfverse: a    tvám agne prámatis tvám pitā́si nas tváṃ vayaskŕ̥t táva jāmáyo vayám /
   tvám agne prámatis tvám pitā́si nas
   tvám agne prámatiḥ tvám pitā́ asi naḥ
   tuvám agne prámatis tvám pitā́si nas

Halfverse: b    tváṃ vayaskŕ̥t táva jāmáyo vayám /
   tvám vayaskŕ̥t táva jāmáyaḥ vayám /
   tuváṃ vayaskŕ̥t táva jāmáyo vayám /

Halfverse: c    sáṃ tvā rā́yaḥ śatínaḥ sáṃ sahasríṇaḥ suvī́raṃ yanti vratapā́m adābʰya //
   sáṃ tvā rā́yaḥ śatínaḥ sáṃ sahasríṇaḥ
   sám tvā rā́yaḥ śatínaḥ sám sahasríṇaḥ
   sáṃ tvā rā́yaḥ śatínaḥ sáṃ sahasríṇaḥ

Halfverse: d    suvī́raṃ yanti vratapā́m adābʰya //
   suvī́ram yanti vratapā́m adābʰya //
   suvī́raṃ yanti vratapā́m adābʰiya //


Verse: 11 
Halfverse: a    tvā́m agne pratʰamám āyúm āyáve devā́ akr̥ṇvan náhuṣasya viśpátim /
   tvā́m agne pratʰamám āyúm āyáve
   tvā́m agne pratʰamám āyúm āyáve
   tuvā́m agne pratʰamám āyúm āyáve

Halfverse: b    devā́ akr̥ṇvan náhuṣasya viśpátim /
   devā́ḥ akr̥ṇvan náhuṣasya viśpátim /
   devā́ akr̥ṇvan náhuṣasya viśpátim /

Halfverse: c    íḷām akr̥ṇvan mánuṣasya śā́sanīm pitúr yát putró mámakasya jā́yate //
   íḷām akr̥ṇvan mánuṣasya śā́sanīm
   íḷām akr̥ṇvan mánuṣasya śā́sanīm
   íḷām akr̥ṇvan mánuṣasya śā́sanīm

Halfverse: d    pitúr yát putró mámakasya jā́yate //
   pitúḥ yát putráḥ mámakasya jā́yate //
   pitúr yát putró mámakasya jā́yate //


Verse: 12 
Halfverse: a    tváṃ no agne táva deva pāyúbʰir magʰóno rakṣa tanvàś ca vandya /
   tváṃ no agne táva deva pāyúbʰir
   tvám naḥ agne táva deva pāyúbʰiḥ
   tuváṃ no agne táva deva pāyúbʰir

Halfverse: b    magʰóno rakṣa tanvàś ca vandya /
   magʰónaḥ rakṣa tanvàḥ ca vandya /
   magʰóno rakṣa tanúvaś ca vandiya /

Halfverse: c    trātā́ tokásya tánaye gávām asy ánimeṣaṃ rákṣamāṇas táva vraté //
   trātā́ tokásya tánaye gávām asy
   trātā́ tokásya tánaye gávām asi
   trātā́ tokásya tánaye gávām asi

Halfverse: d    ánimeṣaṃ rákṣamāṇas táva vraté //
   ánimeṣam rákṣamāṇaḥ táva vraté //
   ánimeṣaṃ rákṣamāṇas táva vraté //


Verse: 13 
Halfverse: a    tvám agne yájyave pāyúr ántaro 'niṣaṅgā́ya caturakṣá idʰyase /
   tvám agne yájyave pāyúr ántaro
   tvám agne yájyave pāyúḥ ántaraḥ
   tuvám agne yájyave pāyúr ántaro

Halfverse: b    'niṣaṅgā́ya caturakṣá idʰyase /
   aniṣaṅgā́ya caturakṣáḥ idʰyase /
   aniṣaṅgā́ya caturakṣá idʰyase /

Halfverse: c    yó rātáhavyo 'vr̥kā́ya dʰā́yase kīréś cin mántram mánasā vanóṣi tám //
   yó rātáhavyo 'vr̥kā́ya dʰā́yase
   yáḥ rātáhavyaḥ avr̥kā́ya dʰā́yase
   yó rātáhavyo avr̥kā́ya dʰā́yase

Halfverse: d    kīréś cin mántram mánasā vanóṣi tám //
   kīréḥ cit mántram mánasā vanóṣi tám //
   kīréś cin mántram mánasā vanóṣi tám //


Verse: 14 
Halfverse: a    tvám agna uruśáṃsāya vāgʰáte spārháṃ yád rékṇaḥ paramáṃ vanóṣi tát /
   tvám agna uruśáṃsāya vāgʰáte
   tvám agne uruśáṃsāya vāgʰáte
   tuvám agna uruśáṃsāya vāgʰáte

Halfverse: b    spārháṃ yád rékṇaḥ paramáṃ vanóṣi tát /
   spārhám yát rékṇaḥ paramám vanóṣi tát /
   spārháṃ yád rékṇaḥ paramáṃ vanóṣi tát /

Halfverse: c    ādʰrásya cit prámatir ucyase pitā́ prá pā́kaṃ śā́ssi prá díśo vidúṣṭaraḥ //
   ādʰrásya cit prámatir ucyase pitā́
   ādʰrásya cit prámatiḥ ucyase pitā́
   ādʰrásya cit prámatir ucyase pitā́

Halfverse: d    prá pā́kaṃ śā́ssi prá díśo vidúṣṭaraḥ //
   prá pā́kam śā́ssi prá díśaḥ vidúṣṭaraḥ //
   prá pā́kaṃ śā́ssi prá díśo vidúṣṭaraḥ //


Verse: 15 
Halfverse: a    tvám agne práyatadakṣiṇaṃ náraṃ vármeva syūtám pári pāsi viśvátaḥ /
   tvám agne práyatadakṣiṇaṃ náraṃ
   tvám agne práyatadakṣiṇam náram
   tuvám agne práyatadakṣiṇaṃ náraṃ

Halfverse: b    vármeva syūtám pári pāsi viśvátaḥ /
   várma iva syūtám pári pāsi viśvátaḥ /
   vármeva syūtám pári pāsi viśvátaḥ /

Halfverse: c    svādukṣádmā yó vasataú syonakŕ̥j jīvayājáṃ yájate sópamā́ diváḥ //
   svādukṣádmā yó vasataú syonakŕ̥j
   svādukṣádmā yáḥ vasataú syonakŕ̥t
   svādukṣádmā yó vasataú siyonakŕ̥j

Halfverse: d    jīvayājáṃ yájate sópamā́ diváḥ //
   jīvayājám yájate sá upamā́ diváḥ //
   jīvayājáṃ yájate sópamā́ diváḥ //


Verse: 16 
Halfverse: a    imā́m agne śaráṇim mīmr̥ṣo na imám ádʰvānaṃ yám ágāma dūrā́t /
   imā́m agne śaráṇim mīmr̥ṣo na
   imā́m agne śaráṇim mīmr̥ṣaḥ naḥ
   imā́m agne śaráṇim mīmr̥ṣo na

Halfverse: b    imám ádʰvānaṃ yám ágāma dūrā́t /
   imám ádʰvānam yám ágāma dūrā́t /
   imám ádʰvānaṃ yám ágāma dūrā́t /

Halfverse: c    āpíḥ pitā́ prámatiḥ somyā́nām bʰŕ̥mir asy r̥ṣikŕ̥n mártyānām //
   āpíḥ pitā́ prámatiḥ somyā́nām
   āpíḥ pitā́ prámatiḥ somyā́nām
   āpíḥ pitā́ prámatiḥ somiyā́nām

Halfverse: d    bʰŕ̥mir asy r̥ṣikŕ̥n mártyānām //
   bʰŕ̥miḥ asi r̥ṣikŕ̥t mártyānām //
   bʰŕ̥mir asi r̥ṣikŕ̥n mártiyānām //


Verse: 17 
Halfverse: a    manuṣvád agne aṅgirasvád aṅgiro yayātivát sádane pūrvavác cʰuce /
   manuṣvád agne aṅgirasvád aṅgiro
   manuṣvát agne aṅgirasvát aṅgiraḥ
   manuṣvád agne aṅgirasvád aṅgiro

Halfverse: b    yayātivát sádane pūrvavác cʰuce /
   yayātivát sádane pūrvavát śuce /
   yayātivát sádane pūrvavác cʰuce /

Halfverse: c    ácʰa yāhy ā́ vahā daívyaṃ jánam ā́ sādaya barhíṣi yákṣi ca priyám //
   ácʰa yāhy ā́ vahā daívyaṃ jánam
   ácʰa yāhi ā́ vaha+ daívyam jánam
   ácʰa yāhi ā́ vahā daíviyaṃ jánam

Halfverse: d    ā́ sādaya barhíṣi yákṣi ca priyám //
   ā́ sādaya barhíṣi yákṣi ca priyám //
   ā́ sādaya barhíṣi yákṣi ca priyám //


Verse: 18 
Halfverse: a    eténāgne bráhmaṇā vāvr̥dʰasva śáktī vā yát te cakr̥mā́ vidā́ vā /
   eténāgne bráhmaṇā vāvr̥dʰasva
   eténa agne bráhmaṇā vāvr̥dʰasva
   eténāgne bráhmaṇā vāvr̥dʰasva

Halfverse: b    śáktī vā yát te cakr̥mā́ vidā́ vā /
   śáktī vā yát te cakr̥má+ vidā́ vā /
   śáktī vā yát te cakr̥mā́ vidā́ vā /

Halfverse: c    utá prá ṇeṣy abʰí vásyo asmā́n sáṃ naḥ sr̥ja sumatyā́ vā́javatyā //
   utá prá ṇeṣy abʰí vásyo asmā́n
   utá prá neṣi abʰí vásyaḥ asmā́n
   utá prá ṇeṣi abʰí vásyo asmā́n

Halfverse: d    sáṃ naḥ sr̥ja sumatyā́ vā́javatyā //
   sám naḥ sr̥ja sumatyā́ vā́javatyā //
   sáṃ naḥ sr̥ja sumatī́* vā́javatyā //


Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.