TITUS
Rg-Veda: Rg-Veda-Samhita
Part No. 34
Previous part

Hymn: 34 
Verse: 1 
Halfverse: a    tríś cin no adyā́ bʰavataṃ navedasā vibʰúr vāṃ yā́ma utá rātír aśvinā /
   tríś cin no adyā́ bʰavataṃ navedasā
   tríḥ cit naḥ adyá+ bʰavatam navedasā
   tríś cin no adyā́ bʰavataṃ navedasā

Halfverse: b    vibʰúr vāṃ yā́ma utá rātír aśvinā /
   vibʰúḥ vām yā́maḥ utá rātíḥ aśvinā /
   vibʰúr vāṃ yā́ma utá rātír aśvinā /

Halfverse: c    yuvór hí yantráṃ himyéva vā́saso 'bʰyāyaṃsényā bʰavatam manīṣíbʰiḥ //
   yuvór hí yantráṃ himyéva vā́saso
   yuvóḥ hí yantrám himyā́ iva vā́sasaḥ
   yuvór hí yantráṃ himiyéva vā́saso

Halfverse: d    'bʰyāyaṃsényā bʰavatam manīṣíbʰiḥ //
   abʰyāyaṃsényā bʰavatam manīṣíbʰiḥ //
   abʰyāyaṃsényā bʰavatam manīṣíbʰiḥ //


Verse: 2 
Halfverse: a    tráyaḥ paváyo madʰuvā́hane rátʰe sómasya venā́m ánu víśva íd viduḥ /
   tráyaḥ paváyo madʰuvā́hane rátʰe
   tráyaḥ paváyaḥ madʰuvā́hane rátʰe
   tráyaḥ paváyo madʰuvā́hane rátʰe

Halfverse: b    sómasya venā́m ánu víśva íd viduḥ /
   sómasya venā́m ánu víśve ít viduḥ /
   sómasya venā́m ánu víśva íd viduḥ /

Halfverse: c    tráya skambʰā́sa skabʰitā́sa ārábʰe trír náktaṃ yātʰás trír v aśvinā dívā //
   tráya skambʰā́sa skabʰitā́sa ārábʰe
   tráyaḥ skambʰā́saḥ skabʰitā́saḥ ārábʰe
   tráya skambʰā́sa skabʰitā́sa ārábʰe

Halfverse: d    trír náktaṃ yātʰás trír v aśvinā dívā //
   tríḥ náktam yātʰáḥ tríḥ u aśvinā dívā //
   trír náktaṃ yātʰás trír u aśvinā dívā //


Verse: 3 
Halfverse: a    samāné áhan trír avadyagohanā trír adyá yajñám mádʰunā mimikṣatam /
   samāné áhan trír avadyagohanā
   samāné áhan tríḥ avadyagohanā
   samāné áhan trír avadyagohanā

Halfverse: b    trír adyá yajñám mádʰunā mimikṣatam /
   tríḥ adyá yajñám mádʰunā mimikṣatam /
   trír adyá yajñám mádʰunā mimikṣatam /

Halfverse: c    trír vā́javatīr íṣo aśvinā yuváṃ doṣā́ asmábʰyam uṣásaś ca pinvatam //
   trír vā́javatīr íṣo aśvinā yuváṃ
   tríḥ vā́javatīḥ íṣaḥ aśvinā yuvám
   trír vā́javatīr íṣo aśvinā yuváṃ

Halfverse: d    doṣā́ asmábʰyam uṣásaś ca pinvatam //
   doṣā́ḥ asmábʰyam uṣásaḥ ca pinvatam //
   doṣā́ asmábʰyam uṣásaś ca pinvatam //


Verse: 4 
Halfverse: a    trír vartír yātaṃ trír ánuvrate jané tríḥ suprāvyè tredʰéva śikṣatam /
   trír vartír yātaṃ trír ánuvrate jané
   tríḥ vartíḥ yātam tríḥ ánuvrate jáne
   trír vartír yātaṃ trír ánuvrate jané

Halfverse: b    tríḥ suprāvyè tredʰéva śikṣatam /
   tríḥ suprāvyè tredʰā́ iva śikṣatam /
   tríḥ suprāvíye trayidʰéva śikṣatam /

Halfverse: c    trír nāndyàṃ vahatam aśvinā yuváṃ tríḥ pŕ̥kṣo asmé akṣáreva pinvatam //
   trír nāndyàṃ vahatam aśvinā yuváṃ
   tríḥ nāndyàm vahatam aśvinā yuvám
   trír nāndíyaṃ vahatam aśvinā yuváṃ

Halfverse: d    tríḥ pŕ̥kṣo asmé akṣáreva pinvatam //
   tríḥ pŕ̥kṣaḥ asmé akṣárā iva pinvatam //
   tríḥ pŕ̥kṣo asmé akṣáreva pinvatam //


Verse: 5 
Halfverse: a    trír no rayíṃ vahatam aśvinā yuváṃ trír devátātā trír utā́vataṃ dʰíyaḥ /
   trír no rayíṃ vahatam aśvinā yuváṃ
   tríḥ naḥ rayím vahatam aśvinā yuvám
   trír no rayíṃ vahatam aśvinā yuváṃ

Halfverse: b    trír devátātā trír utā́vataṃ dʰíyaḥ /
   tríḥ devátātā tríḥ utá avatam dʰíyaḥ /
   trír devátātā trír utā́vataṃ dʰíyaḥ /

Halfverse: c    tríḥ saubʰagatváṃ trír utá śrávāṃsi nas triṣṭʰáṃ vāṃ sū́re duhitā́ ruhad rátʰam //
   tríḥ saubʰagatváṃ trír utá śrávāṃsi nas
   tríḥ saubʰagatvám tríḥ utá śrávāṃsi naḥ
   tríḥ saubʰagatváṃ trír utá śrávāṃsi nas

Halfverse: d    triṣṭʰáṃ vāṃ sū́re duhitā́ ruhad rátʰam //
   triṣṭʰám vām sū́re duhitā́ ruhat rátʰam //
   triṣṭʰáṃ vāṃ sū́re duhitā́ ruhad rátʰam //


Verse: 6 
Halfverse: a    trír no aśvinā divyā́ni bʰeṣajā́ tríḥ pā́rtʰivāni trír u dattam adbʰyáḥ /
   trír no aśvinā divyā́ni bʰeṣajā́
   tríḥ naḥ aśvinā divyā́ni bʰeṣajā́
   trír no aśvinā diviyā́ni bʰeṣajā́

Halfverse: b    tríḥ pā́rtʰivāni trír u dattam adbʰyáḥ /
   tríḥ pā́rtʰivāni tríḥ u dattam adbʰyáḥ /
   tríḥ pā́rtʰivāni trír u dattam adbʰiyáḥ /

Halfverse: c    omā́naṃ śaṃyór mámakāya sūnáve tridʰā́tu śárma vahataṃ śubʰas patī //
   omā́naṃ śaṃyór mámakāya sūnáve
   omā́nam śaṃyóḥ mámakāya sūnáve
   omā́naṃ śaṃyór mámakāya sūnáve

Halfverse: d    tridʰā́tu śárma vahataṃ śubʰas patī //
   tridʰā́tu śárma vahatam śubʰaḥ patī //
   tridʰā́tu śárma vahataṃ śubʰas patī //


Verse: 7 
Halfverse: a    trír no aśvinā yajatā́ divé-dive pári tridʰā́tu pr̥tʰivī́m aśāyatam /
   trír no aśvinā yajatā́ divé-dive
   tríḥ naḥ aśvinā yajatā́ divé-dive
   trír no aśvinā yajatā́ divé-dive

Halfverse: b    pári tridʰā́tu pr̥tʰivī́m aśāyatam /
   pári tridʰā́tu pr̥tʰivī́m aśāyatam /
   pári tridʰā́tu pr̥tʰivī́m aśāyatam /

Halfverse: c    tisró nāsatyā ratʰyā parāváta ātméva vā́taḥ svásarāṇi gacʰatam //
   tisró nāsatyā ratʰyā parāváta
   tisráḥ nāsatyā ratʰyā parāvátaḥ
   tisró nāsatyā ratʰiyā parāváta

Halfverse: d    ātméva vā́taḥ svásarāṇi gacʰatam //
   ātmā́ iva vā́taḥ svásarāṇi gacʰatam //
   ātméva vā́taḥ svásarāṇi gacʰatam //


Verse: 8 
Halfverse: a    trír aśvinā síndʰubʰiḥ saptámātr̥bʰis tráya āhāvā́s tredʰā́ havíṣ kr̥tám /
   trír aśvinā síndʰubʰiḥ saptámātr̥bʰis
   tríḥ aśvinā síndʰubʰiḥ saptámātr̥bʰiḥ
   trír aśvinā síndʰubʰiḥ saptámātr̥bʰis

Halfverse: b    tráya āhāvā́s tredʰā́ havíṣ kr̥tám /
   tráyaḥ āhāvā́ḥ tredʰā́ havíḥ kr̥tám /
   tráya āhāvā́s trayidʰā́ havíṣ kr̥tám /

Halfverse: c    tisráḥ pr̥tʰivī́r upári pravā́ divó nā́kaṃ rakṣetʰe dyúbʰir aktúbʰir hitám //
   tisráḥ pr̥tʰivī́r upári pravā́ divó
   tisráḥ pr̥tʰivī́ḥ upári pravā́ diváḥ
   tisráḥ pr̥tʰivī́r upári pravā́ divó

Halfverse: d    nā́kaṃ rakṣetʰe dyúbʰir aktúbʰir hitám //
   nā́kam rakṣetʰe dyúbʰiḥ aktúbʰiḥ hitám //
   nā́kaṃ rakṣetʰe dyúbʰir aktúbʰir hitám //


Verse: 9 
Halfverse: a    kvà trī́ cakrā́ trivŕ̥to rátʰasya kvà tráyo vandʰúro yé sánīḷāḥ /
   kvà trī́ cakrā́ trivŕ̥to rátʰasya
   kvà trī́ cakrā́ trivŕ̥taḥ rátʰasya
   kúva trī́ cakrā́ trivŕ̥to rátʰasya

Halfverse: b    kvà tráyo vandʰúro yé sánīḷāḥ /
   kvà tráyaḥ vandʰúraḥ yé sánīḷāḥ /
   kúva tráyo vandʰúro yé sánīḷāḥ /

Halfverse: c    kadā́ yógo vājíno rā́sabʰasya yéna yajñáṃ nāsatyopayātʰáḥ //
   kadā́ yógo vājíno rā́sabʰasya
   kadā́ yógaḥ vājínaḥ rā́sabʰasya
   kadā́ yógo vājíno rā́sabʰasya

Halfverse: d    yéna yajñáṃ nāsatyopayātʰáḥ //
   yéna yajñám nāsatyā upayātʰáḥ //
   yéna yajñáṃ nāsatiyopayātʰáḥ //


Verse: 10 
Halfverse: a    ā́ nāsatyā gácʰataṃ hūyáte havír mádʰvaḥ pibatam madʰupébʰir āsábʰiḥ /
   ā́ nāsatyā gácʰataṃ hūyáte havír
   ā́ nāsatyā gácʰatam hūyáte havíḥ
   ā́ nāsatyā gácʰataṃ hūyáte havír

Halfverse: b    mádʰvaḥ pibatam madʰupébʰir āsábʰiḥ /
   mádʰvaḥ pibatam madʰupébʰiḥ āsábʰiḥ /
   mádʰvaḥ pibatam madʰupébʰir āsábʰiḥ /

Halfverse: c    yuvór hí pū́rvaṃ savitóṣáso rátʰam r̥tā́ya citráṃ gʰr̥távantam íṣyati //
   yuvór hí pū́rvaṃ savitóṣáso rátʰam
   yuvóḥ hí pū́rvam savitā́ uṣásaḥ rátʰam
   yuvór hí pū́rvaṃ savitóṣáso rátʰam

Halfverse: d    r̥tā́ya citráṃ gʰr̥távantam íṣyati //
   r̥tā́ya citrám gʰr̥távantam íṣyati //
   r̥tā́ya citráṃ gʰr̥távantam íṣyati //


Verse: 11 
Halfverse: a    ā́ nāsatyā tribʰír ekādaśaír ihá devébʰir yātam madʰupéyam aśvinā /
   ā́ nāsatyā tribʰír ekādaśaír ihá
   ā́ nāsatyā tribʰíḥ ekādaśaíḥ ihá
   ā́ nāsatyā tribʰír ekādaśaír ihá

Halfverse: b    devébʰir yātam madʰupéyam aśvinā /
   devébʰiḥ yātam madʰupéyam aśvinā /
   devébʰir yātam madʰupéyam aśvinā /

Halfverse: c    prā́yus tā́riṣṭaṃ nī́ rápāṃsi mr̥kṣataṃ sédʰataṃ dvéṣo bʰávataṃ sacābʰúvā //
   prā́yus tā́riṣṭaṃ nī́ rápāṃsi mr̥kṣataṃ
   prá ā́yuḥ tā́riṣṭam níḥ rápāṃsi mr̥kṣatam
   prā́yus tā́riṣṭaṃ nī́ rápāṃsi mr̥kṣataṃ

Halfverse: d    sédʰataṃ dvéṣo bʰávataṃ sacābʰúvā //
   sédʰatam dvéṣaḥ bʰávatam sacābʰúvā //
   sédʰataṃ dvéṣo bʰávataṃ sacābʰúvā //


Verse: 12 
Halfverse: a    ā́ no aśvinā trivŕ̥tā rátʰenārvā́ñcaṃ rayíṃ vahataṃ suvī́ram /
   ā́ no aśvinā trivŕ̥tā rátʰena_
   ā́ naḥ aśvinā trivŕ̥tā rátʰena
   ā́ no aśvinā trivŕ̥tā rátʰena

Halfverse: b    _arvā́ñcaṃ rayíṃ vahataṃ suvī́ram /
   arvā́ñcam rayím vahatam suvī́ram /
   arvā́ñcaṃ rayíṃ vahataṃ suvī́ram /

Halfverse: c    śr̥ṇvántā vām ávase johavīmi vr̥dʰé ca no bʰavataṃ vā́jasātau //
   śr̥ṇvántā vām ávase johavīmi
   śr̥ṇvántā vām ávase johavīmi
   śr̥ṇvántā vām ávase johavīmi

Halfverse: d    vr̥dʰé ca no bʰavataṃ vā́jasātau //
   vr̥dʰé ca naḥ bʰavatam vā́jasātau //
   vr̥dʰé ca no bʰavataṃ vā́jasātau //


Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.