TITUS
Rg-Veda: Rg-Veda-Samhita
Part No. 35
Previous part

Hymn: 35 
Verse: 1 
Halfverse: a    hváyāmy agním pratʰamáṃ svastáye hváyāmi mitrā́váruṇāv ihā́vase /
   hváyāmy agním pratʰamáṃ svastáye
   hváyāmi agním pratʰamám svastáye
   hváyāmi agním pratʰamáṃ suastáye

Halfverse: b    hváyāmi mitrā́váruṇāv ihā́vase /
   hváyāmi mitrā́váruṇau ihá ávase /
   hváyāmi mitrā́váruṇāv ihā́vase /

Halfverse: c    hváyāmi rā́trīṃ jágato nivéśanīṃ hváyāmi deváṃ savitā́ram ūtáye //
   hváyāmi rā́trīṃ jágato nivéśanīṃ
   hváyāmi rā́trīm jágataḥ nivéśanīm
   hváyāmi rā́trīṃ jágato nivéśanīṃ

Halfverse: d    hváyāmi deváṃ savitā́ram ūtáye //
   hváyāmi devám savitā́ram ūtáye //
   hváyāmi deváṃ savitā́ram ūtáye //


Verse: 2 
Halfverse: a    ā́ kr̥ṣṇéna rájasā vártamāno niveśáyann amŕ̥tam mártyaṃ ca /
   ā́ kr̥ṣṇéna rájasā vártamāno
   ā́ kr̥ṣṇéna rájasā vártamānaḥ
   ā́ kr̥ṣṇéna rájasā vártamāno

Halfverse: b    niveśáyann amŕ̥tam mártyaṃ ca /
   niveśáyan amŕ̥tam mártyam ca /
   niveśáyann amŕ̥tam mártiyaṃ ca /

Halfverse: c    hiraṇyáyena savitā́ rátʰenā́ devó yāti bʰúvanāni páśyan //
   hiraṇyáyena savitā́ rátʰena_
   hiraṇyáyena savitā́ rátʰena
   hiraṇyáyena savitā́ rátʰena

Halfverse: d    _ā́ devó yāti bʰúvanāni páśyan //
   ā́ deváḥ yāti bʰúvanāni páśyan //
   ā́ devó yāti bʰúvanāni páśyan //


Verse: 3 
Halfverse: a    yā́ti deváḥ pravátā yā́ty udvátā yā́ti śubʰrā́bʰyāṃ yajató háribʰyām /
   yā́ti deváḥ pravátā yā́ty udvátā
   yā́ti deváḥ pravátā yā́ti udvátā
   yā́ti deváḥ pravátā yā́ti udvátā

Halfverse: b    yā́ti śubʰrā́bʰyāṃ yajató háribʰyām /
   yā́ti śubʰrā́bʰyām yajatáḥ háribʰyām /
   yā́ti śubʰrā́bʰyāṃ yajató háribʰyām /

Halfverse: c    ā́ devó yāti savitā́ parāvátó 'pa víśvā duritā́ bā́dʰamānaḥ //
   ā́ devó yāti savitā́ parāvátó
   ā́ deváḥ yāti savitā́ parāvátaḥ
   ā́ devó yāti savitā́ parāváto

Halfverse: d    'pa víśvā duritā́ bā́dʰamānaḥ //
   ápa víśvā duritā́ bā́dʰamānaḥ //
   ápa víśvā duritā́ bā́dʰamānaḥ //


Verse: 4 
Halfverse: a    abʰī́vr̥taṃ kŕ̥śanair viśvárūpaṃ híraṇyaśamyaṃ yajató br̥hántam /
   abʰī́vr̥taṃ kŕ̥śanair viśvárūpaṃ
   abʰī́vr̥tam kŕ̥śanaiḥ viśvárūpam
   abʰī́vr̥taṃ kŕ̥śanair viśvárūpaṃ

Halfverse: b    híraṇyaśamyaṃ yajató br̥hántam /
   híraṇyaśamyam yajatáḥ br̥hántam /
   híraṇyaśamyaṃ yajató br̥hántam /

Halfverse: c    ā́stʰād rátʰaṃ savitā́ citrábʰānuḥ kr̥ṣṇā́ rájāṃsi táviṣīṃ dádʰānaḥ //
   ā́stʰād rátʰaṃ savitā́ citrábʰānuḥ
   ā́ astʰāt rátʰam savitā́ citrábʰānuḥ
   ā́stʰād rátʰaṃ savitā́ citrábʰānuḥ

Halfverse: d    kr̥ṣṇā́ rájāṃsi táviṣīṃ dádʰānaḥ //
   kr̥ṣṇā́ rájāṃsi táviṣīm dádʰānaḥ //
   kr̥ṣṇā́ rájāṃsi táviṣīṃ dádʰānaḥ //


Verse: 5 
Halfverse: a    ví jánāñ cʰyāvā́ḥ śitipā́do akʰyan rátʰaṃ híraṇyapraügaṃ váhantaḥ /
   ví jánāñ cʰyāvā́ḥ śitipā́do akʰyan
   ví jánān śyāvā́ḥ śitipā́daḥ akʰyan
   ví jánāñ cʰyāvā́ḥ śitipā́do akʰyan

Halfverse: b    rátʰaṃ híraṇyapraügaṃ váhantaḥ /
   rátʰam híraṇyapraügam váhantaḥ /
   rátʰaṃ híraṇyapraügaṃ váhantaḥ /

Halfverse: c    śáśvad víśaḥ savitúr daívyasyopástʰe víśvā bʰúvanāni tastʰuḥ //
   śáśvad víśaḥ savitúr daívyasya_
   śáśvat víśaḥ savitúḥ daívyasya
   śáśvad víśaḥ savitúr daíviyasya

Halfverse: d    _upástʰe víśvā bʰúvanāni tastʰuḥ //
   upástʰe víśvā bʰúvanāni tastʰuḥ //
   upástʰe víśvā bʰúvanāni tastʰuḥ //


Verse: 6 
Halfverse: a    tisró dyā́vaḥ savitúr dvā́ upástʰām̐ ékā yamásya bʰúvane virāṣā́ṭ /
   tisró dyā́vaḥ savitúr dvā́ upástʰām̐
   tisráḥ dyā́vaḥ savitúḥ dvaú upástʰā
   tisró dyā́vaḥ savitúr dvā́ upástʰām̐

Halfverse: b    ékā yamásya bʰúvane virāṣā́ṭ /
   ékā yamásya bʰúvane virāṣā́ṭ /
   ékā yamásya bʰúvane virāṣā́ṭ /

Halfverse: c    āṇíṃ ná rátʰyam amŕ̥tā́dʰi tastʰur ihá bravītu yá u tác cíketat //
   āṇíṃ ná rátʰyam amŕ̥tā́dʰi tastʰur
   āṇím ná rátʰyam amŕ̥tā ádʰi tastʰuḥ
   āṇíṃ ná rátʰyam amŕ̥tā́dʰi tastʰur

Halfverse: d    ihá bravītu yá u tác cíketat //
   ihá bravītu yáḥ u tát cíketat //
   ihá bravītu yá u tác cíketat //


Verse: 7 
Halfverse: a    ví suparṇó antárikṣāṇy akʰyad gabʰīrávepā ásuraḥ sunītʰáḥ /
   ví suparṇó antárikṣāṇy akʰyad
   ví suparṇáḥ antárikṣāṇi akʰyat
   ví suparṇó antárikṣāṇi akʰyad

Halfverse: b    gabʰīrávepā ásuraḥ sunītʰáḥ /
   gabʰīrávepāḥ ásuraḥ sunītʰáḥ /
   gabʰīrávepā ásuraḥ sunītʰáḥ /

Halfverse: c    kvèdā́nīṃ sū́ryaḥ káś ciketa katamā́ṃ dyā́ṃ raśmír asyā́ tatāna //
   kvèdā́nīṃ sū́ryaḥ káś ciketa
   kvà idā́nīm sū́ryaḥ káḥ ciketa
   kúvedā́nīṃ sū́riyaḥ káś ciketa

Halfverse: d    katamā́ṃ dyā́ṃ raśmír asyā́ tatāna //
   katamā́m dyā́m raśmíḥ asya ā́ tatāna //
   katamā́ṃ dyā́ṃ raśmír asyā́ tatāna //


Verse: 8 
Halfverse: a    aṣṭaú vy àkʰyat kakúbʰaḥ pr̥tʰivyā́s trī́ dʰánva yójanā saptá síndʰūn /
   aṣṭaú vy àkʰyat kakúbʰaḥ pr̥tʰivyā́s
   aṣṭaú ví akʰyat kakúbʰaḥ pr̥tʰivyā́ḥ
   aṣṭaú ví akʰyat kakúbʰaḥ pr̥tʰivyā́s

Halfverse: b    trī́ dʰánva yójanā saptá síndʰūn /
   trī́ dʰánva yójanā saptá síndʰūn /
   trī́ dʰánuva yójanā saptá síndʰūn /

Halfverse: c    hiraṇyākṣáḥ savitā́ devá ā́gād dádʰad rátnā dāśúṣe vā́ryāṇi //
   hiraṇyākṣáḥ savitā́ devá ā́gād
   hiraṇyākṣáḥ savitā́ deváḥ ā́ agāt
   hiraṇyākṣáḥ savitā́ devá ā́gād

Halfverse: d    dádʰad rátnā dāśúṣe vā́ryāṇi //
   dádʰat rátnā dāśúṣe vā́ryāṇi //
   dádʰad rátnā dāśúṣe vā́riyāṇi //


Verse: 9 
Halfverse: a    híraṇyapāṇiḥ savitā́ vícarṣaṇir ubʰé dyā́vāpr̥tʰivī́ antár īyate /
   híraṇyapāṇiḥ savitā́ vícarṣaṇir
   híraṇyapāṇiḥ savitā́ vícarṣaṇiḥ
   híraṇyapāṇiḥ savitā́ vícarṣaṇir

Halfverse: b    ubʰé dyā́vāpr̥tʰivī́ antár īyate /
   ubʰé dyā́vāpr̥tʰivī́ antár īyate /
   ubʰé dyā́vāpr̥tʰivī́ antár īyate /

Halfverse: c    ápā́mīvām bā́dʰate véti sū́ryam abʰí kr̥ṣṇéna rájasā dyā́m r̥ṇoti //
   ápā́mīvām bā́dʰate véti sū́ryam
   ápa ámīvām bā́dʰate véti sū́ryam
   ápā́mīvām bā́dʰate véti sū́riyam

Halfverse: d    abʰí kr̥ṣṇéna rájasā dyā́m r̥ṇoti //
   abʰí kr̥ṣṇéna rájasā dyā́m r̥ṇoti //
   abʰí kr̥ṣṇéna rájasā dyā́m r̥ṇoti //


Verse: 10 
Halfverse: a    híraṇyahasto ásuraḥ sunītʰáḥ sumr̥ḷīkáḥ svávām̐ yātv arvā́ṅ /
   híraṇyahasto ásuraḥ sunītʰáḥ
   híraṇyahastaḥ ásuraḥ sunītʰáḥ
   híraṇyahasto ásuraḥ sunītʰáḥ

Halfverse: b    sumr̥ḷīkáḥ svávām̐ yātv arvā́ṅ /
   sumr̥ḷīkáḥ svávān yātu arvā́ṅ /
   sumr̥ḷīkáḥ suávām̐ yātu arvā́ṅ /

Halfverse: c    apasédʰan rakṣáso yātudʰā́nān ástʰād deváḥ pratidoṣáṃ gr̥ṇānáḥ //
   apasédʰan rakṣáso yātudʰā́nān
   apasédʰan rakṣásaḥ yātudʰā́nān
   apasédʰan rakṣáso yātudʰā́nān

Halfverse: d    ástʰād deváḥ pratidoṣáṃ gr̥ṇānáḥ //
   ástʰāt deváḥ pratidoṣám gr̥ṇānáḥ //
   ástʰād deváḥ pratidoṣáṃ gr̥ṇānáḥ //


Verse: 11 
Halfverse: a    yé te pántʰāḥ savitaḥ pūrvyā́so 'reṇávaḥ súkr̥tā antárikṣe /
   yé te pántʰāḥ savitaḥ pūrvyā́so
   yé te pántʰāḥ savitar pūrvyā́saḥ
   yé te pántʰāḥ savitaḥ pūrviyā́so

Halfverse: b    'reṇávaḥ súkr̥tā antárikṣe /
   areṇávaḥ súkr̥tāḥ antárikṣe /
   areṇávaḥ súkr̥tā antárikṣe /

Halfverse: c    tébʰir no adyá patʰíbʰiḥ sugébʰī rákṣā ca no ádʰi ca brūhi deva //
   tébʰir no adyá patʰíbʰiḥ sugébʰī
   tébʰiḥ naḥ adyá patʰíbʰiḥ sugébʰiḥ
   tébʰir no adyá patʰíbʰiḥ sugébʰī

Halfverse: d    rákṣā ca no ádʰi ca brūhi deva //
   rákṣa+ ca naḥ ádʰi ca brūhi deva //
   rákṣā ca no ádʰi ca brūhi deva //


Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.