TITUS
Rg-Veda: Rg-Veda-Samhita
Part No. 37
Previous part

Hymn: 37 
Verse: 1 
Halfverse: a    krīḷáṃ vaḥ śárdʰo mā́rutam anarvā́ṇaṃ ratʰeśúbʰam /
   krīḷáṃ vaḥ śárdʰo mā́rutam
   krīḷám vaḥ śárdʰaḥ mā́rutam
   krīḷáṃ vaḥ śárdʰo mā́rutam

Halfverse: b    anarvā́ṇaṃ ratʰeśúbʰam /
   anarvā́ṇam ratʰeśúbʰam /
   anarvā́ṇaṃ ratʰeśúbʰam /

Halfverse: c    káṇvā abʰí prá gāyata //
   káṇvā abʰí prá gāyata //
   káṇvāḥ abʰí prá gāyata //
   káṇvā abʰí prá gāyata //


Verse: 2 
Halfverse: a    yé pŕ̥ṣatībʰir r̥ṣṭíbʰiḥ sākáṃ vā́śībʰir añjíbʰiḥ /
   yé pŕ̥ṣatībʰir r̥ṣṭíbʰiḥ
   yé pŕ̥ṣatībʰiḥ r̥ṣṭíbʰiḥ
   yé pŕ̥ṣatībʰir r̥ṣṭíbʰiḥ

Halfverse: b    sākáṃ vā́śībʰir añjíbʰiḥ /
   sākám vā́śībʰiḥ añjíbʰiḥ /
   sākáṃ vā́śībʰir añjíbʰiḥ /

Halfverse: c    ájāyanta svábʰānavaḥ //
   ájāyanta svábʰānavaḥ //
   ájāyanta svábʰānavaḥ //
   ájāyanta svábʰānavaḥ //


Verse: 3 
Halfverse: a    ihéva śr̥ṇva eṣāṃ káśā hásteṣu yád vádān /
   ihéva śr̥ṇva eṣāṃ
   ihá iva śr̥ṇve eṣām
   ihéva śr̥ṇva eṣãaṃ

Halfverse: b    káśā hásteṣu yád vádān /
   káśāḥ hásteṣu yát vádān /
   káśā hásteṣu yád vádān /

Halfverse: c    ní yā́mañ citrám r̥ñjate //
   ní yā́mañ citrám r̥ñjate //
   ní yā́man citrám r̥ñjate //
   ní yā́mañ citrám r̥ñjate //


Verse: 4 
Halfverse: a    prá vaḥ śárdʰāya gʰŕ̥ṣvaye tveṣádyumnāya śuṣmíṇe /
   prá vaḥ śárdʰāya gʰŕ̥ṣvaye
   prá vaḥ śárdʰāya gʰŕ̥ṣvaye
   prá vaḥ śárdʰāya gʰŕ̥ṣvaye

Halfverse: b    tveṣádyumnāya śuṣmíṇe /
   tveṣádyumnāya śuṣmíṇe /
   tveṣádyumnāya śuṣmíṇe /

Halfverse: c    deváttam bráhma gāyata //
   deváttam bráhma gāyata //
   deváttam bráhma gāyata //
   deváttam bráhma gāyata //


Verse: 5 
Halfverse: a    prá śaṃsā góṣv ágʰnyaṃ krīḷáṃ yác cʰárdʰo mā́rutam /
   prá śaṃsā góṣv ágʰnyaṃ
   prá śaṃsa+ góṣu ágʰnyam
   prá śaṃsā góṣu ágʰniyaṃ

Halfverse: b    krīḷáṃ yác cʰárdʰo mā́rutam /
   krīḷám yát śárdʰaḥ mā́rutam /
   krīḷáṃ yác cʰárdʰo mā́rutam /

Halfverse: c    jámbʰe rásasya vāvr̥dʰe //
   jámbʰe rásasya vāvr̥dʰe //
   jámbʰe rásasya vāvr̥dʰe //
   jámbʰe rásasya vāvr̥dʰe //


Verse: 6 
Halfverse: a    kó vo várṣiṣṭʰa ā́ naro diváś ca gmáś ca dʰūtayaḥ /
   kó vo várṣiṣṭʰa ā́ naro
   káḥ vaḥ várṣiṣṭʰaḥ ā́ naraḥ
   kó vo várṣiṣṭʰa ā́ naro

Halfverse: b    diváś ca gmáś ca dʰūtayaḥ /
   diváḥ ca gmáḥ ca dʰūtayaḥ /
   diváś ca gmáś ca dʰūtayaḥ /

Halfverse: c    yát sīm ántaṃ ná dʰūnutʰá //
   yát sīm ántaṃ ná dʰūnutʰá //
   yát sīm ántam ná dʰūnutʰá //
   yát sīm ántaṃ ná dʰūnutʰá //


Verse: 7 
Halfverse: a    ní vo yā́māya mā́nuṣo dadʰrá ugrā́ya manyáve /
   ní vo yā́māya mā́nuṣo
   ní vaḥ yā́māya mā́nuṣaḥ
   ní vo yā́māya mā́nuṣo

Halfverse: b    dadʰrá ugrā́ya manyáve /
   dadʰré ugrā́ya manyáve /
   dadʰrá ugrā́ya manyáve /

Halfverse: c    jíhīta párvato giríḥ //
   jíhīta párvato giríḥ //
   jíhīta párvataḥ giríḥ //
   jíhīta párvato giríḥ //


Verse: 8 
Halfverse: a    yéṣām ájmeṣu pr̥tʰivī́ jujurvā́m̐ iva viśpátiḥ /
   yéṣām ájmeṣu pr̥tʰivī́
   yéṣām ájmeṣu pr̥tʰivī́
   yéṣām ájmeṣu pr̥tʰivī́

Halfverse: b    jujurvā́m̐ iva viśpátiḥ /
   jujurvā́n iva viśpátiḥ /
   jujurvā́m̐ iva viśpátiḥ /

Halfverse: c    bʰiyā́ yā́meṣu réjate //
   bʰiyā́ yā́meṣu réjate //
   bʰiyā́ yā́meṣu réjate //
   bʰiyā́ yā́meṣu réjate //


Verse: 9 
Halfverse: a    stʰiráṃ hí jā́nam eṣāṃ váyo mātúr níretave /
   stʰiráṃ hí jā́nam eṣāṃ
   stʰirám hí jā́nam eṣām
   stʰiráṃ hí jā́nam eṣãaṃ

Halfverse: b    váyo mātúr níretave /
   váyaḥ mātúḥ níretave /
   váyo mātúr níretave /

Halfverse: c    yát sīm ánu dvitā́ śávaḥ //
   yát sīm ánu dvitā́ śávaḥ //
   yát sīm ánu dvitā́ śávaḥ //
   yát sīm ánu dvitā́ śávaḥ //


Verse: 10 
Halfverse: a    úd u tyé sūnávo gíraḥ kā́ṣṭʰā ájmeṣv atnata /
   úd u tyé sūnávo gíraḥ
   út u tyé sūnávaḥ gíraḥ
   úd u tyé sūnávo gíraḥ

Halfverse: b    kā́ṣṭʰā ájmeṣv atnata /
   kā́ṣṭʰāḥ ájmeṣu atnata /
   kā́ṣṭʰā ájmeṣu atnata /

Halfverse: c    vāśrā́ abʰijñú yā́tave //
   vāśrā́ abʰijñú yā́tave //
   vāśrā́ḥ abʰijñú yā́tave //
   vāśrā́ abʰijñú yā́tave //


Verse: 11 
Halfverse: a    tyáṃ cid gʰā dīrgʰám pr̥tʰúm mihó nápātam ámr̥dʰram /
   tyáṃ cid gʰā dīrgʰám pr̥tʰúm
   tyám cit gʰa+ dīrgʰám pr̥tʰúm
   tiyáṃ cid gʰā dīrgʰám pr̥tʰúm

Halfverse: b    mihó nápātam ámr̥dʰram /
   miháḥ nápātam ámr̥dʰram /
   mihó nápātam ámr̥dʰram /

Halfverse: c    prá cyāvayanti yā́mabʰiḥ //
   prá cyāvayanti yā́mabʰiḥ //
   prá cyāvayanti yā́mabʰiḥ //
   prá cyāvayanti yā́mabʰiḥ //


Verse: 12 
Halfverse: a    máruto yád dʰa vo bálaṃ jánām̐ acucyavītana /
   máruto yád dʰa vo bálaṃ
   márutaḥ yát ha vaḥ bálam
   máruto yád dʰa vo bálaṃ

Halfverse: b    jánām̐ acucyavītana /
   jánān acucyavītana /
   jánām̐ acucyavītana /

Halfverse: c    girī́m̐r acucyavītana //
   girī́m̐r acucyavītana //
   girī́n acucyavītana //
   girī́m̐r acucyavītana //


Verse: 13 
Halfverse: a    yád dʰa yā́nti marútaḥ sáṃ ha bruvaté 'dʰvann ā́ /
   yád dʰa yā́nti marútaḥ
   yát ha yā́nti marútaḥ
   yád dʰa yâánti marútaḥ

Halfverse: b    sáṃ ha bruvaté 'dʰvann ā́ /
   sám ha bruvate ádʰvan ā́ /
   sáṃ ha bruvate ádʰvan ā́ /

Halfverse: c    śr̥ṇóti káś cid eṣām //
   śr̥ṇóti káś cid eṣām //
   śr̥ṇóti káḥ cit eṣām //
   śr̥ṇóti káś cid eṣãam //


Verse: 14 
Halfverse: a    prá yāta śī́bʰam āśúbʰiḥ sánti káṇveṣu vo dúvaḥ /
   prá yāta śī́bʰam āśúbʰiḥ
   prá yāta śī́bʰam āśúbʰiḥ
   prá yāta śī́bʰam āśúbʰiḥ

Halfverse: b    sánti káṇveṣu vo dúvaḥ /
   sánti káṇveṣu vaḥ dúvaḥ /
   sánti káṇveṣu vo dúvaḥ /

Halfverse: c    tátro ṣú mādayādʰvai //
   tátro ṣú mādayādʰvai //
   tátra u sú mādayādʰvai //
   tátro ṣú mādayādʰuvai //


Verse: 15 
Halfverse: a    ásti hí ṣmā mádāya vaḥ smási ṣmā vayám eṣām /
   ásti hí ṣmā mádāya vaḥ
   ásti hí sma+ mádāya vaḥ
   ásti hí ṣmā mádāya vaḥ

Halfverse: b    smási ṣmā vayám eṣām /
   smási sma+ vayám eṣām /
   smási ṣmā vayám eṣãam /

Halfverse: c    víśvaṃ cid ā́yur jīváse //
   víśvaṃ cid ā́yur jīváse //
   víśvam cit ā́yuḥ jīváse //
   víśvaṃ cid ā́yu* jīváse //


Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.