TITUS
Rg-Veda: Rg-Veda-Samhita
Part No. 38
Previous part

Hymn: 38 
Verse: 1 
Halfverse: a    kád dʰa nūnáṃ kadʰapriyaḥ pitā́ putráṃ ná hástayoḥ /
   kád dʰa nūnáṃ kadʰapriyaḥ
   kát ha nūnám kadʰapriyaḥ
   kád dʰa nūnáṃ kadʰapriyaḥ

Halfverse: b    pitā́ putráṃ ná hástayoḥ /
   pitā́ putrám ná hástayoḥ /
   pitā́ putráṃ ná hástayoḥ /

Halfverse: c    dadʰidʰvé vr̥ktabarhiṣaḥ //
   dadʰidʰvé vr̥ktabarhiṣaḥ //
   dadʰidʰvé vr̥ktabarhiṣaḥ //
   dadʰidʰvé vr̥ktabarhiṣaḥ //


Verse: 2 
Halfverse: a    kvà nūnáṃ kád vo ártʰaṃ gántā divó ná pr̥tʰivyā́ḥ /
   kvà nūnáṃ kád vo ártʰaṃ
   kvà nūnám kát vaḥ ártʰam
   kúva nūnáṃ kád vo ártʰaṃ

Halfverse: b    gántā divó ná pr̥tʰivyā́ḥ /
   gánta+ diváḥ ná pr̥tʰivyā́ḥ /
   gántā divó ná pr̥tʰivyā́ḥ /

Halfverse: c    kvà vo gā́vo ná raṇyanti //
   kvà vo gā́vo ná raṇyanti //
   kvà vaḥ gā́vaḥ ná raṇyanti //
   kvà vo gā́vo ná raṇyanti //


Verse: 3 
Halfverse: a    kvà vaḥ sumnā́ návyāṃsi márutaḥ kvà suvitā́ /
   kvà vaḥ sumnā́ návyāṃsi
   kvà vaḥ sumnā́ návyāṃsi
   kúva vaḥ sumnā́ návyāṃsi

Halfverse: b    márutaḥ kvà suvitā́ /
   márutaḥ kvà suvitā́ /
   márutaḥ kúva suvitā́ /

Halfverse: c    kvò víśvāni saúbʰagā //
   kvò víśvāni saúbʰagā //
   kvà u víśvāni saúbʰagā //
   kúvo víśvāni saúbʰagā //


Verse: 4 
Halfverse: a    yád yūyám pr̥śnimātaro mártāsaḥ syā́tana /
   yád yūyám pr̥śnimātaro
   yát yūyám pr̥śnimātaraḥ
   yád yūyám pr̥śnimātaro

Halfverse: b    mártāsaḥ syā́tana /
   mártāsaḥ syā́tana /
   mártiāsaḥ* siyā́tana /

Halfverse: c    stotā́ vo amŕ̥taḥ syāt //
   stotā́ vo amŕ̥taḥ syāt //
   stotā́ vaḥ amŕ̥taḥ syāt //
   stotā́ vo amŕ̥taḥ siyāt //


Verse: 5 
Halfverse: a    mā́ vo mr̥gó ná yávase jaritā́ bʰūd ájoṣyaḥ /
   mā́ vo mr̥gó ná yávase
   mā́ vaḥ mr̥gáḥ ná yávase
   mā́ vo mr̥gó ná yávase

Halfverse: b    jaritā́ bʰūd ájoṣyaḥ /
   jaritā́ bʰūt ájoṣyaḥ /
   jaritā́ bʰūd ájoṣiyaḥ /

Halfverse: c    patʰā́ yamásya gād úpa //
   patʰā́ yamásya gād úpa //
   patʰā́ yamásya gāt úpa //
   patʰā́ yamásya gād úpa //


Verse: 6 
Halfverse: a    mó ṣú ṇaḥ párā-parā nírr̥tir durháṇā vadʰīt /
   mó ṣú ṇaḥ párā-parā
   mā́ u sú naḥ párā-parā
   mā́ ū* ṣú ṇaḥ párā-parā

Halfverse: b    nírr̥tir durháṇā vadʰīt /
   nírr̥tiḥ durháṇā vadʰīt /
   nírr̥tir durháṇā vadʰīt /

Halfverse: c    padīṣṭá tŕ̥ṣṇayā sahá //
   padīṣṭá tŕ̥ṣṇayā sahá //
   padīṣṭá tŕ̥ṣṇayā sahá //
   padīṣṭá tŕ̥ṣṇayā sahá //


Verse: 7 
Halfverse: a    satyáṃ tveṣā́ ámavanto dʰánvañ cid ā́ rudríyāsaḥ /
   satyáṃ tveṣā́ ámavanto
   satyám tveṣā́ḥ ámavantaḥ
   satyáṃ tveṣā́ ámavanto

Halfverse: b    dʰánvañ cid ā́ rudríyāsaḥ /
   dʰánvan cit ā́ rudríyāsaḥ /
   dʰánvañ cid ā́ rudríyāsaḥ /

Halfverse: c    míhaṃ kr̥ṇvanty avātā́m //
   míhaṃ kr̥ṇvanty avātā́m //
   míham kr̥ṇvanti avātā́m //
   míhaṃ kr̥ṇvanti avātā́m //


Verse: 8 
Halfverse: a    vāśréva vidyún mimāti vatsáṃ ná mātā́ siṣakti /
   vāśréva vidyún mimāti
   vāśrā́ iva vidyút mimāti
   vāśréva vidyún mimāti

Halfverse: b    vatsáṃ ná mātā́ siṣakti /
   vatsám ná mātā́ siṣakti /
   vatsáṃ ná mātā́ siṣakti /

Halfverse: c    yád eṣāṃ vr̥ṣṭír ásarji //
   yád eṣāṃ vr̥ṣṭír ásarji //
   yát eṣām vr̥ṣṭíḥ ásarji //
   yád eṣāṃ vr̥ṣṭír ásarji //


Verse: 9 
Halfverse: a    dívā cit támaḥ kr̥ṇvanti parjányenodavāhéna /
   dívā cit támaḥ kr̥ṇvanti
   dívā cit támaḥ kr̥ṇvanti
   dívā cit támaḥ kr̥ṇvanti

Halfverse: b    parjányenodavāhéna /
   parjányena udavāhéna /
   parjányenodavāhéna /

Halfverse: c    yát pr̥tʰivī́ṃ vyundánti //
   yát pr̥tʰivī́ṃ vyundánti //
   yát pr̥tʰivī́m vyundánti //
   yát pr̥tʰivī́ṃ viundánti //


Verse: 10 
Halfverse: a    ádʰa svanā́n marútāṃ víśvam ā́ sádma pā́rtʰivam /
   ádʰa svanā́n marútāṃ
   ádʰa svanā́t marútām
   ádʰa svanā́n marútãaṃ

Halfverse: b    víśvam ā́ sádma pā́rtʰivam /
   víśvam ā́ sádma pā́rtʰivam /
   víśvam ā́ sádma pā́rtʰivam /

Halfverse: c    árejanta prá mā́nuṣāḥ //
   árejanta prá mā́nuṣāḥ //
   árejanta prá mā́nuṣāḥ //
   árejanta prá mā́nuṣāḥ //


Verse: 11 
Halfverse: a    máruto vīḷupāṇíbʰiś citrā́ ródʰasvatīr ánu /
   máruto vīḷupāṇíbʰiś
   márutaḥ vīḷupāṇíbʰiḥ
   máruto vīḷupāṇíbʰiś

Halfverse: b    citrā́ ródʰasvatīr ánu /
   citrā́ḥ ródʰasvatīḥ ánu /
   citrā́ ródʰasvatīr ánu /

Halfverse: c    yātém ákʰidrayāmabʰiḥ //
   yātém ákʰidrayāmabʰiḥ //
   yātá īm ákʰidrayāmabʰiḥ //
   yātém ákʰidrayāmabʰiḥ //


Verse: 12 
Halfverse: a    stʰirā́ vaḥ santu nemáyo rátʰā áśvāsa eṣām /
   stʰirā́ vaḥ santu nemáyo
   stʰirā́ḥ vaḥ santu nemáyaḥ
   stʰirā́ vaḥ santu nemáyo

Halfverse: b    rátʰā áśvāsa eṣām /
   rátʰāḥ áśvāsaḥ eṣām /
   rátʰā áśvāsa eṣãam /

Halfverse: c    súsaṃskr̥tā abʰī́śavaḥ //
   súsaṃskr̥tā abʰī́śavaḥ //
   súsaṃskr̥tāḥ abʰī́śavaḥ //
   súsaṃskr̥tā abʰī́śavaḥ //


Verse: 13 
Halfverse: a    ácʰā vadā tánā girā́ jarā́yai bráhmaṇas pátim /
   ácʰā vadā tánā girā́
   ácʰa+ vada+ tánā girā́
   ácʰā vadā tánā girā́

Halfverse: b    jarā́yai bráhmaṇas pátim /
   jarā́yai bráhmaṇaḥ pátim /
   jarā́yai bráhmaṇas pátim /

Halfverse: c    agním mitráṃ ná darśatám //
   agním mitráṃ ná darśatám //
   agním mitrám ná darśatám //
   agním mitráṃ ná darśatám //


Verse: 14 
Halfverse: a    mimīhí ślókam āsyè parjánya iva tatanaḥ /
   mimīhí ślókam āsyè
   mimīhí ślókam āsyè
   mimīhí ślókam āsíye

Halfverse: b    parjánya iva tatanaḥ /
   parjányaḥ iva tatanaḥ /
   parjánya iva tatanaḥ /

Halfverse: c    gā́ya gāyatrám uktʰyàm //
   gā́ya gāyatrám uktʰyàm //
   gā́ya gāyatrám uktʰyàm //
   gā́ya gāyatrám uktʰíyam //


Verse: 15 
Halfverse: a    vándasva mā́rutaṃ gaṇáṃ tveṣám panasyúm arkíṇam /
   vándasva mā́rutaṃ gaṇáṃ
   vándasva mā́rutam gaṇám
   vándasva mā́rutaṃ gaṇáṃ

Halfverse: b    tveṣám panasyúm arkíṇam /
   tveṣám panasyúm arkíṇam /
   tveṣám panasyúm arkíṇam /

Halfverse: c    asmé vr̥ddʰā́ asann ihá //
   asmé vr̥ddʰā́ asann ihá //
   asmé vr̥ddʰā́ḥ asan ihá //
   asmé vr̥ddʰā́ asann ihá //


Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.