TITUS
Rg-Veda: Rg-Veda-Samhita
Part No. 39
Previous part

Hymn: 39 
Verse: 1 
Halfverse: a    prá yád ittʰā́ parāvátaḥ śocír ná mā́nam ásyatʰa /
   prá yád ittʰā́ parāvátaḥ
   prá yát ittʰā́ parāvátaḥ
   prá yád ittʰā́ parāvátaḥ

Halfverse: b    śocír ná mā́nam ásyatʰa /
   śocíḥ ná mā́nam ásyatʰa /
   śocír ná mā́nam ásyatʰa /

Halfverse: c    kásya krátvā marutaḥ kásya várpasā káṃ yātʰa káṃ ha dʰūtayaḥ //
   kásya krátvā marutaḥ kásya várpasā
   kásya krátvā marutaḥ kásya várpasā
   kásya krátvā marutaḥ kásya várpasā

Halfverse: d    káṃ yātʰa káṃ ha dʰūtayaḥ //
   kám yātʰa kám ha dʰūtayaḥ //
   káṃ yātʰa káṃ ha dʰūtayaḥ //


Verse: 2 
Halfverse: a    stʰirā́ vaḥ santv ā́yudʰā parāṇúde vīḷū́ utá pratiṣkábʰe /
   stʰirā́ vaḥ santv ā́yudʰā parāṇúde
   stʰirā́ vaḥ santu ā́yudʰā parāṇúde
   stʰirā́ vaḥ santu ā́yudʰā parāṇúde

Halfverse: b    vīḷū́ utá pratiṣkábʰe /
   vīḷú+ utá pratiṣkábʰe /
   vīḷū́ utá pratiṣkábʰe /

Halfverse: c    yuṣmā́kam astu táviṣī pánīyasī mā́ mártyasya māyínaḥ //
   yuṣmā́kam astu táviṣī pánīyasī
   yuṣmā́kam astu táviṣī pánīyasī
   yuṣmā́kam astu táviṣī pánīyasī

Halfverse: d    mā́ mártyasya māyínaḥ //
   mā́ mártyasya māyínaḥ //
   mā́ mártiyasya māyínaḥ //


Verse: 3 
Halfverse: a    párā ha yát stʰiráṃ hatʰá náro vartáyatʰā gurú /
   párā ha yát stʰiráṃ hatʰá
   párā ha yát stʰirám hatʰá
   párā ha yát stʰiráṃ hatʰá

Halfverse: b    náro vartáyatʰā gurú /
   náraḥ vartáyatʰa+ gurú /
   náro vartáyatʰā gurú /

Halfverse: c    ví yātʰana vanínaḥ pr̥tʰivyā́ vy ā́śāḥ párvatānām //
   ví yātʰana vanínaḥ pr̥tʰivyā́
   ví yātʰana vanínaḥ pr̥tʰivyā́ḥ
   ví yãatʰana vanínaḥ pr̥tʰiviyā́

Halfverse: d    vy ā́śāḥ párvatānām //
   ví ā́śāḥ párvatānām //
   ví ā́śāḥ párvatānãam //


Verse: 4 
Halfverse: a    nahí vaḥ śátrur vividé ádʰi dyávi ná bʰū́myāṃ riśādasaḥ /
   nahí vaḥ śátrur vividé ádʰi dyávi
   nahí vaḥ śátruḥ vividé ádʰi dyávi
   nahí vaḥ śátrur vividé ádʰi dyávi

Halfverse: b    ná bʰū́myāṃ riśādasaḥ /
   ná bʰū́myām riśādasaḥ /
   ná bʰū́miyāṃ riśādasaḥ /

Halfverse: c    yuṣmā́kam astu táviṣī tánā yujā́ rúdrāso nū́ cid ādʰŕ̥ṣe //
   yuṣmā́kam astu táviṣī tánā yujā́
   yuṣmā́kam astu táviṣī tánā yujā́
   yuṣmā́kam astu táviṣī tánā yujā́

Halfverse: d    rúdrāso nū́ cid ādʰŕ̥ṣe //
   rúdrāsaḥ nú+ cit ādʰŕ̥ṣe //
   rúdrāso nū́ cid ādʰŕ̥ṣe //


Verse: 5 
Halfverse: a    prá vepayanti párvatān ví viñcanti vánaspátīn /
   prá vepayanti párvatān
   prá vepayanti párvatān
   prá vepayanti párvatān

Halfverse: b    ví viñcanti vánaspátīn /
   ví viñcanti vánaspátīn /
   ví viñcanti vánaspátīn /

Halfverse: c    pró ārata maruto durmádā iva dévāsaḥ sárvayā viśā́ //
   pró ārata maruto durmádā iva
   prá u ārata marutaḥ durmádāḥ iva
   pró ārata maruto durmádā iva

Halfverse: d    dévāsaḥ sárvayā viśā́ //
   dévāsaḥ sárvayā viśā́ //
   dévāsaḥ sárvayā viśā́ //


Verse: 6 
Halfverse: a    úpo rátʰeṣu pŕ̥ṣatīr ayugdʰvam práṣṭir vahati róhitaḥ /
   úpo rátʰeṣu pŕ̥ṣatīr ayugdʰvam
   úpa u rátʰeṣu pŕ̥ṣatīḥ ayugdʰvam
   úpo rátʰeṣu pŕ̥ṣatīr ayugdʰuvam

Halfverse: b    práṣṭir vahati róhitaḥ /
   práṣṭiḥ vahati róhitaḥ /
   práṣṭir vahati róhitaḥ /

Halfverse: c    ā́ vo yā́māya pr̥tʰivī́ cid aśrod ábībʰayanta mā́nuṣāḥ //
   ā́ vo yā́māya pr̥tʰivī́ cid aśrod
   ā́ vaḥ yā́māya pr̥tʰivī́ cit aśrot
   ā́ vo yā́māya pr̥tʰivī́ cid aśrod

Halfverse: d    ábībʰayanta mā́nuṣāḥ //
   ábībʰayanta mā́nuṣāḥ //
   ábībʰayanta mā́nuṣāḥ //


Verse: 7 
Halfverse: a    ā́ vo makṣū́ tánāya káṃ rúdrā ávo vr̥ṇīmahe /
   ā́ vo makṣū́ tánāya káṃ
   ā́ vaḥ makṣú+ tánāya kám
   ā́ vo makṣū́ tánāya káṃ

Halfverse: b    rúdrā ávo vr̥ṇīmahe /
   rúdrāḥ ávaḥ vr̥ṇīmahe /
   rúdrā ávo vr̥ṇīmahe /

Halfverse: c    gántā nūnáṃ nó 'vasā yátʰā puréttʰā́ káṇvāya bibʰyúṣe //
   gántā nūnáṃ nó 'vasā yátʰā purā́_
   gánta+ nūnám naḥ ávasā yátʰā purā́
   gántā nūnáṃ no ávasā yátʰā purā́

Halfverse: d    _ittʰā́ káṇvāya bibʰyúṣe //
   ittʰā́ káṇvāya bibʰyúṣe //
   ittʰā́ káṇvāya bibʰyúṣe //


Verse: 8 
Halfverse: a    yuṣméṣito maruto mártyeṣita ā́ yó no ábʰva ī́ṣate /
   yuṣméṣito maruto mártyeṣita
   yuṣméṣitaḥ marutaḥ mártyeṣitaḥ
   yuṣméṣito maruto mártiyeṣita

Halfverse: b    ā́ yó no ábʰva ī́ṣate /
   ā́ yáḥ naḥ ábʰvaḥ ī́ṣate /
   ā́ yó no ábʰva ī́ṣate /

Halfverse: c    ví táṃ yuyota śávasā vy ójasā ví yuṣmā́kābʰir ūtíbʰiḥ //
   ví táṃ yuyota śávasā vy ójasā
   ví tám yuyota śávasā ví ójasā
   ví táṃ yuyota śávasā ví ójasā

Halfverse: d    ví yuṣmā́kābʰir ūtíbʰiḥ //
   ví yuṣmā́kābʰiḥ ūtíbʰiḥ //
   ví yuṣmā́kābʰir ūtíbʰiḥ //


Verse: 9 
Halfverse: a    ásāmi hí prayajyavaḥ káṇvaṃ dadá pracetasaḥ /
   ásāmi hí prayajyavaḥ
   ásāmi hí prayajyavaḥ
   ásāmi hí prayajyavaḥ

Halfverse: b    káṇvaṃ dadá pracetasaḥ /
   káṇvam dadá pracetasaḥ /
   káṇvaṃ dadá pracetasaḥ /

Halfverse: c    ásāmibʰir maruta ā́ na ūtíbʰir gántā vr̥ṣṭíṃ ná vidyútaḥ //
   ásāmibʰir maruta ā́ na ūtíbʰir
   ásāmibʰiḥ marutaḥ ā́ naḥ ūtíbʰiḥ
   ásāmibʰir maruta ā́ na ūtíbʰir

Halfverse: d    gántā vr̥ṣṭíṃ \!\ ná vidyútaḥ //
   gánta+ vr̥ṣṭím ná vidyútaḥ //
   gántā vr̥ṣṭíṃ ná vidyútaḥ //


Verse: 10 
Halfverse: a    ásāmy ójo bibʰr̥tʰā sudānavó 'sāmi dʰūtayaḥ śávaḥ /
   ásāmy ójo bibʰr̥tʰā sudānavó
   ásāmi ójaḥ bibʰr̥tʰa+ sudānavaḥ
   ásāmi ójo bibʰr̥tʰā sudānavo

Halfverse: b    'sāmi dʰūtayaḥ śávaḥ /
   ásāmi dʰūtayaḥ śávaḥ /
   ásāmi dʰūtayaḥ śávaḥ /

Halfverse: c    r̥ṣidvíṣe marutaḥ parimanyáva íṣuṃ ná sr̥jata dvíṣam //
   r̥ṣidvíṣe marutaḥ parimanyáva
   r̥ṣidvíṣe marutaḥ parimanyáve
   r̥ṣidvíṣe marutaḥ parimanyáva

Halfverse: d    íṣuṃ ná sr̥jata dvíṣam //
   íṣum ná sr̥jata dvíṣam //
   íṣuṃ ná sr̥jata dvíṣam //


Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.