TITUS
Rg-Veda: Rg-Veda-Samhita
Part No. 40
Previous part

Hymn: 40 
Verse: 1 
Halfverse: a    út tiṣṭʰa brahmaṇas pate devayántas tvemahe /
   út tiṣṭʰa brahmaṇas pate
   út tiṣṭʰa brahmaṇaḥ pate
   út tiṣṭʰa brahmaṇas pate

Halfverse: b    devayántas tvemahe /
   devayántaḥ tvā īmahe /
   devayántas tuvemahe /

Halfverse: c    úpa prá yantu marútaḥ sudā́nava índra prāśū́r bʰavā sácā //
   úpa prá yantu marútaḥ sudā́nava
   úpa prá yantu marútaḥ sudā́navaḥ
   úpa prá yantu marútaḥ sudā́nava

Halfverse: d    índra prāśū́r bʰavā sácā //
   índra prāśū́ḥ bʰava+ sácā //
   índra prāśū́r bʰavā sácā //


Verse: 2 
Halfverse: a    tvā́m íd dʰí sahasas putra mártya upabrūté dʰáne hité /
   tvā́m íd dʰí sahasas putra mártya
   tvā́m ít hí sahasaḥ putra mártyaḥ
   tuvā́m íd dʰí sahasas putra mártiya

Halfverse: b    upabrūté dʰáne hité /
   upabrūté dʰáne hité /
   upabrūté dʰáne hité /

Halfverse: c    suvī́ryam maruta ā́ sváśvyaṃ dádʰīta yó va ācaké //
   suvī́ryam maruta ā́ sváśvyaṃ
   suvī́ryam marutaḥ ā́ sváśvyam
   suvī́riyam maruta ā́ suáśviyaṃ

Halfverse: d    dádʰīta yó va ācaké //
   dádʰīta yáḥ vaḥ ācaké //
   dádʰīta yó va ācaké //


Verse: 3 
Halfverse: a    praítu bráhmaṇas pátiḥ prá devy ètu sūnŕ̥tā /
   praítu bráhmaṇas pátiḥ
   prá etu bráhmaṇaḥ pátiḥ
   prá etu bráhmaṇas pátiḥ

Halfverse: b    prá devy ètu sūnŕ̥tā /
   prá devī́ etu sūnŕ̥tā /
   prá devī́ etu sūnŕ̥tā /

Halfverse: c    ácʰā vīráṃ náryam paṅktírādʰasaṃ devā́ yajñáṃ nayantu naḥ //
   ácʰā vīráṃ náryam paṅktírādʰasaṃ
   ácʰa+ vīrám náryam paṅktírādʰasam
   ácʰā vīráṃ náriyam paṅktírādʰasaṃ

Halfverse: d    devā́ yajñáṃ nayantu naḥ //
   devā́ḥ yajñám nayantu naḥ //
   devā́ yajñáṃ nayantu naḥ //


Verse: 4 
Halfverse: a    yó vāgʰáte dádāti sūnáraṃ vásu sá dʰatte ákṣiti śrávaḥ /
   yó vāgʰáte dádāti sūnáraṃ vásu
   yáḥ vāgʰáte dádāti sūnáram vásu
   yó vāgʰáte dádāti sūnáraṃ vásu

Halfverse: b    sá dʰatte ákṣiti śrávaḥ /
   sá dʰatte ákṣiti śrávaḥ /
   sá dʰatte ákṣiti śrávaḥ /

Halfverse: c    tásmā íḷāṃ suvī́rām ā́ yajāmahe suprátūrtim anehásam //
   tásmā íḷāṃ suvī́rām ā́ yajāmahe
   tásmai íḷām suvī́rām ā́ yajāmahe
   tásmā íḷāṃ suvī́rām ā́ yajāmahe

Halfverse: d    suprátūrtim anehásam //
   suprátūrtim anehásam //
   suprátūrtim anehásam //


Verse: 5 
Halfverse: a    prá nūnám bráhmaṇas pátir mántraṃ vadaty uktʰyàm /
   prá nūnám bráhmaṇas pátir
   prá nūnám bráhmaṇaḥ pátiḥ
   prá nūnám bráhmaṇas pátir

Halfverse: b    mántraṃ vadaty uktʰyàm /
   mántram vadati uktʰyàm /
   mántraṃ vadati uktʰíyam /

Halfverse: c    yásminn índro váruṇo mitró aryamā́ devā́ ókāṃsi cakriré //
   yásminn índro váruṇo mitró aryamā́
   yásmin índraḥ váruṇaḥ mitráḥ aryamā́
   yásminn índro váruṇo mitró aryamā́

Halfverse: d    devā́ ókāṃsi cakriré //
   devā́ḥ ókāṃsi cakriré //
   devā́ ókāṃsi cakriré //


Verse: 6 
Halfverse: a    tám íd vocemā vidátʰeṣu śambʰúvam mántraṃ devā anehásam /
   tám íd vocemā vidátʰeṣu śambʰúvam
   tám ít vocema+ vidátʰeṣu śambʰúvam
   tám íd vocemā vidátʰeṣu śambʰúvam

Halfverse: b    mántraṃ devā anehásam /
   mántram devāḥ anehásam /
   mántraṃ devā anehásam /

Halfverse: c    imā́ṃ ca vā́cam pratiháryatʰā naro víśvéd vāmā́ vo aśnavat //
   imā́ṃ ca vā́cam pratiháryatʰā naro
   imā́m ca vā́cam pratiháryatʰa+ naraḥ
   imā́ṃ ca vā́cam pratiháryatʰā naro

Halfverse: d    víśvéd vāmā́ vo aśnavat //
   víśvā ít vāmā́ vaḥ aśnavat //
   víśvéd vāmā́ vo aśnavat //


Verse: 7 
Halfverse: a    kó devayántam aśnavaj jánaṃ kó vr̥ktábarhiṣam /
   kó devayántam aśnavaj
   káḥ devayántam aśnavat
   kó devayántam aśnavaj

Halfverse: b    jánaṃ kó vr̥ktábarhiṣam /
   jánam káḥ vr̥ktábarhiṣam /
   jánaṃ kó vr̥ktábarhiṣam /

Halfverse: c    prá-pra dāśvā́n pastyā̀bʰir astʰitāntarvā́vat kṣáyaṃ dadʰe //
   prá-pra dāśvā́n pastyā̀bʰir astʰita_
   prá-pra dāśvā́n pastyā̀bʰiḥ astʰita
   prá-pra dāśuvā́n pastíyābʰir astʰita

Halfverse: d    _antarvā́vat kṣáyaṃ dadʰe //
   antarvā́vat kṣáyam dadʰe //
   antarvā́vat kṣáyaṃ dadʰe //


Verse: 8 
Halfverse: a    úpa kṣatrám pr̥ñcītá hánti rā́jabʰir bʰayé cit sukṣitíṃ dadʰe /
   úpa \!\ kṣatrám pr̥ñcītá hánti rā́jabʰir
   úpa kṣatrám \!\ pr̥ñcītá hánti rā́jabʰiḥ
   úpa kṣatrám pr̥ñcītá hánti rā́jabʰir

Halfverse: b    bʰayé cit sukṣitíṃ dadʰe /
   bʰayé cit sukṣitím dadʰe /
   bʰayé cit sukṣitíṃ dadʰe /

Halfverse: c    nā́sya vartā́ ná tarutā́ mahādʰané nā́rbʰe asti vajríṇaḥ //
   nā́sya vartā́ ná tarutā́ mahādʰané
   ná asya vartā́ ná tarutā́ mahādʰané
   nā́sya vartā́ ná tarutā́ mahādʰané

Halfverse: d    nā́rbʰe asti vajríṇaḥ //
   ná árbʰe asti vajríṇaḥ //
   ná árbʰe asti vajríṇaḥ //


Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.