TITUS
Rg-Veda: Rg-Veda-Samhita
Part No. 42
Previous part

Hymn: 42 
Verse: 1 
Halfverse: a    sám pūṣann ádʰvanas tira vy áṃho vimuco napāt /
   sám pūṣann ádʰvanas tira
   sám pūṣan ádʰvanaḥ tira
   sám pūṣann ádʰvanas tira

Halfverse: b    vy áṃho vimuco napāt /
   ví áṃhaḥ vimucaḥ napāt /
   ví áṃho vimuco napāt /

Halfverse: c    sákṣvā deva prá ṇas puráḥ //
   sákṣvā deva prá ṇas puráḥ //
   sákṣva+ deva prá naḥ puráḥ //
   sákṣvā deva prá ṇas puráḥ //


Verse: 2 
Halfverse: a    yó naḥ pūṣann agʰó vŕ̥ko duḥśéva ādídeśati /
   yó naḥ pūṣann agʰó vŕ̥ko
   yáḥ naḥ pūṣan agʰáḥ vŕ̥kaḥ
   yó naḥ pūṣann agʰó vŕ̥ko

Halfverse: b    duḥśéva ādídeśati /
   duḥśévaḥ ādídeśati /
   duḥśéva ādídeśati /

Halfverse: c    ápa sma tám patʰó jahi //
   ápa sma tám patʰó jahi //
   ápa sma tám patʰáḥ jahi //
   ápa sma tám patʰó jahi //


Verse: 3 
Halfverse: a    ápa tyám paripantʰínam muṣīvā́ṇaṃ huraścítam /
   ápa tyám paripantʰínam
   ápa tyám paripantʰínam
   ápa tyám paripantʰínam

Halfverse: b    muṣīvā́ṇaṃ huraścítam /
   muṣīvā́ṇam huraścítam /
   muṣīvā́ṇaṃ huraścítam /

Halfverse: c    dūrám ádʰi srutér aja //
   dūrám ádʰi srutér aja //
   dūrám ádʰi srutéḥ aja //
   dūrám ádʰi srutér aja //


Verse: 4 
Halfverse: a    tváṃ tásya dvayāvíno 'gʰáśaṃsasya kásya cit /
   tváṃ tásya dvayāvíno
   tvám tásya dvayāvínaḥ
   tuváṃ tásya dvayāvíno

Halfverse: b    'gʰáśaṃsasya kásya cit /
   agʰáśaṃsasya kásya cit /
   agʰáśaṃsasya kásya cit /

Halfverse: c    padā́bʰí tiṣṭʰa tápuṣim //
   padā́bʰí tiṣṭʰa tápuṣim //
   padā́ abʰí tiṣṭʰa tápuṣim //
   padā́bʰí tiṣṭʰa tápuṣim //


Verse: 5 
Halfverse: a    ā́ tát te dasra mantumaḥ pū́ṣann ávo vr̥ṇīmahe /
   ā́ tát te dasra mantumaḥ
   ā́ tát te dasra mantumaḥ
   ā́ tát te dasra mantumaḥ

Halfverse: b    pū́ṣann \!\ ávo vr̥ṇīmahe /
   pū́ṣan ávaḥ vr̥ṇīmahe /
   pū́ṣann ávo vr̥ṇīmahe /

Halfverse: c    yéna pitŕ̥̄n ácodayaḥ //
   yéna pitŕ̥̄n ácodayaḥ //
   yéna pitŕ̥̄n ácodayaḥ //
   yéna pitŕ̥̄n ácodayaḥ //


Verse: 6 
Halfverse: a    ádʰā no viśvasaubʰaga híraṇyavāśīmattama /
   ádʰā no viśvasaubʰaga
   ádʰa+ naḥ viśvasaubʰaga
   ádʰā no viśvasaubʰaga

Halfverse: b    híraṇyavāśīmattama /
   híraṇyavāśīmattama /
   híraṇyavāśīmattama /

Halfverse: c    dʰánāni suṣáṇā kr̥dʰi //
   dʰánāni suṣáṇā kr̥dʰi //
   dʰánāni suṣáṇā kr̥dʰi //
   dʰánāni suṣáṇā kr̥dʰi //


Verse: 7 
Halfverse: a    áti naḥ saścáto naya sugā́ naḥ supátʰā kr̥ṇu /
   áti naḥ saścáto naya
   áti naḥ saścátaḥ naya
   áti naḥ saścáto naya

Halfverse: b    sugā́ naḥ supátʰā kr̥ṇu /
   sugā́ naḥ supátʰā kr̥ṇu /
   sugā́ naḥ supátʰā kr̥ṇu /

Halfverse: c    pū́ṣann ihá krátuṃ vidaḥ //
   pū́ṣann ihá krátuṃ vidaḥ //
   pū́ṣan ihá krátum vidaḥ //
   pū́ṣann ihá krátuṃ vidaḥ //


Verse: 8 
Halfverse: a    abʰí sūyávasaṃ naya ná navajvāró ádʰvane /
   abʰí sūyávasaṃ naya
   abʰí sūyávasam naya
   abʰí sūyávasaṃ naya

Halfverse: b    ná navajvāró ádʰvane /
   ná navajvāráḥ ádʰvane /
   ná navajvāró ádʰvane /

Halfverse: c    pū́ṣann ihá krátuṃ vidaḥ //
   pū́ṣann ihá krátuṃ vidaḥ //
   pū́ṣan ihá krátum vidaḥ //
   pū́ṣann ihá krátuṃ vidaḥ //


Verse: 9 
Halfverse: a    śagdʰí pūrdʰí prá yaṃsi ca śiśīhí prā́sy udáram /
   śagdʰí pūrdʰí prá yaṃsi ca
   śagdʰí pūrdʰí prá yaṃsi ca
   śagdʰí pūrdʰí prá yaṃsi ca

Halfverse: b    śiśīhí prā́sy udáram /
   śiśīhí prā́si udáram /
   śiśīhí prā́si udáram /

Halfverse: c    pū́ṣann ihá krátuṃ vidaḥ //
   pū́ṣann ihá krátuṃ vidaḥ //
   pū́ṣan ihá krátum vidaḥ //
   pū́ṣann ihá krátuṃ vidaḥ //


Verse: 10 
Halfverse: a    ná pūṣáṇam metʰāmasi sūktaír abʰí gr̥ṇīmasi /
   ná pūṣáṇam metʰāmasi
   ná pūṣáṇam metʰāmasi
   ná pūṣáṇam metʰāmasi

Halfverse: b    sūktaír abʰí gr̥ṇīmasi /
   sūktaíḥ abʰí gr̥ṇīmasi /
   sūktaír abʰí gr̥ṇīmasi /

Halfverse: c    vásūni dasmám īmahe //
   vásūni dasmám īmahe //
   vásūni dasmám īmahe //
   vásūni dasmám īmahe //


Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.