TITUS
Rg-Veda: Rg-Veda-Samhita
Part No. 43
Previous part

Hymn: 43 
Verse: 1 
Halfverse: a    kád rudrā́ya prácetase mīḷʰúṣṭamāya távyase /
   kád rudrā́ya prácetase
   kát rudrā́ya prácetase
   kád rudrā́ya prácetase

Halfverse: b    mīḷʰúṣṭamāya távyase /
   mīḷʰúṣṭamāya távyase /
   mīḷʰúṣṭamāya távyase /

Halfverse: c    vocéma śáṃtamaṃ hr̥dé //
   vocéma śáṃtamaṃ hr̥dé //
   vocéma śáṃtamam hr̥dé //
   vocéma śáṃtamaṃ hr̥dé //


Verse: 2 
Halfverse: a    yátʰā no áditiḥ kárat páśve nŕ̥bʰyo yátʰā gáve /
   yátʰā no áditiḥ kárat
   yátʰā naḥ áditiḥ kárat
   yátʰā no áditiḥ kárat

Halfverse: b    páśve nŕ̥bʰyo yátʰā gáve /
   páśve nŕ̥bʰyaḥ yátʰā gáve /
   páśve nŕ̥bʰyo yátʰā gáve /

Halfverse: c    yátʰā tokā́ya rudríyam //
   yátʰā tokā́ya rudríyam //
   yátʰā tokā́ya rudríyam //
   yátʰā tokā́ya rudríyam //


Verse: 3 
Halfverse: a    yátʰā no mitró váruṇo yátʰā rudráś cíketati /
   yátʰā no mitró váruṇo
   yátʰā naḥ mitráḥ váruṇaḥ
   yátʰā no mitró váruṇo

Halfverse: b    yátʰā rudráś cíketati /
   yátʰā rudráḥ cíketati /
   yátʰā rudráś cíketati /

Halfverse: c    yátʰā víśve sajóṣasaḥ //
   yátʰā víśve sajóṣasaḥ //
   yátʰā víśve sajóṣasaḥ //
   yátʰā víśve sajóṣasaḥ //


Verse: 4 
Halfverse: a    gātʰápatim medʰápatiṃ rudráṃ jálāṣabʰeṣajam /
   gātʰápatim medʰápatiṃ
   gātʰápatim medʰápatim
   gātʰápatim medʰápatiṃ

Halfverse: b    rudráṃ jálāṣabʰeṣajam /
   rudrám jálāṣabʰeṣajam /
   rudráṃ jálāṣabʰeṣajam /

Halfverse: c    tác cʰaṃyóḥ sumnám īmahe //
   tác cʰaṃyóḥ sumnám īmahe //
   tát śaṃyóḥ sumnám īmahe //
   tác cʰaṃyóḥ sumnám īmahe //


Verse: 5 
Halfverse: a    yáḥ śukrá iva sū́ryo híraṇyam iva rócate /
   yáḥ śukrá iva sū́ryo
   yáḥ śukráḥ iva sū́ryaḥ
   yáḥ śukrá iva sū́riyo

Halfverse: b    híraṇyam iva rócate /
   híraṇyam iva rócate /
   híraṇyam iva rócate /

Halfverse: c    śréṣṭʰo devā́nāṃ vásuḥ //
   śréṣṭʰo devā́nāṃ vásuḥ //
   śréṣṭʰaḥ devā́nām vásuḥ //
   śréṣṭʰo devā́nãaṃ vásuḥ //


Verse: 6 
Halfverse: a    śáṃ naḥ karaty árvate sugám meṣā́ya meṣyè /
   śáṃ naḥ karaty árvate
   śám naḥ karati árvate
   śáṃ naḥ karati árvate

Halfverse: b    sugám meṣā́ya meṣyè /
   sugám meṣā́ya meṣyè /
   sugám meṣā́ya meṣíye /

Halfverse: c    nŕ̥bʰyo nā́ribʰyo gáve //
   nŕ̥bʰyo nā́ribʰyo gáve //
   nŕ̥bʰyaḥ nā́ribʰyaḥ gáve //
   nŕ̥bʰyo nā́ribʰiyo gáve //


Verse: 7 
Halfverse: a    asmé soma śríyam ádʰi ní dʰehi śatásya nr̥ṇā́m /
   asmé soma śríyam ádʰi
   asmé soma śríyam ádʰi
   asmé soma śríyam ádʰi

Halfverse: b    ní dʰehi śatásya nr̥ṇā́m /
   ní dʰehi śatásya nr̥ṇā́m /
   ní dʰehi śatásya nr̥̄ṇā́m /

Halfverse: c    máhi śrávas tuvinr̥mṇám //
   máhi śrávas tuvinr̥mṇám //
   máhi śrávaḥ tuvinr̥mṇám //
   máhi śrávas tuvinr̥mṇám //


Verse: 8 
Halfverse: a    mā́ naḥ somaparibā́dʰo mā́rātayo juhuranta /
   mā́ naḥ somaparibā́dʰo
   mā́ naḥ somaparibā́dʰaḥ
   mā́ naḥ somaparibā́dʰo

Halfverse: b    mā́rātayo juhuranta /
   mā́ árātayaḥ juhuranta /
   mā́rātayo juhuranta /

Halfverse: c    ā́ na indo vā́je bʰaja //
   ā́ na indo vā́je bʰaja //
   ā́ naḥ indo vā́je bʰaja //
   ā́ na indo vā́je bʰaja //


Verse: 9 
Halfverse: a    yā́s te prajā́ amŕ̥tasya párasmin dʰā́mann r̥tásya /
   yā́s te prajā́ amŕ̥tasya
   yā́ḥ te prajā́ḥ amŕ̥tasya
   yā́s te prajā́ amŕ̥tasya

Halfverse: b    párasmin dʰā́mann r̥tásya /
   párasmin dʰā́man r̥tásya /
   párasmin dʰā́mann r̥tásya /

Halfverse: c    mūrdʰā́ nā́bʰā soma vena ābʰū́ṣantīḥ soma vedaḥ //
   mūrdʰā́ nā́bʰā soma vena
   mūrdʰā́ nā́bʰā soma venaḥ
   mūrdʰā́ nā́bʰā soma vena

Halfverse: d    ābʰū́ṣantīḥ soma vedaḥ //
   ābʰū́ṣantīḥ soma vedaḥ //
   ābʰū́ṣantīḥ soma vedaḥ //


Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.