TITUS
Rg-Veda: Rg-Veda-Samhita
Part No. 1000
Previous part

Hymn: 163_(989) 
Verse: 1 
Halfverse: a    akṣī́bʰyāṃ te nā́sikābʰyāṃ kárṇābʰyāṃ cʰúbukād ádʰi /
   akṣī́bʰyāṃ te nā́sikābʰyāṃ
   akṣī́bʰyām te nā́sikābʰyām
   akṣī́bʰyāṃ te nā́sikābʰyāṃ

Halfverse: b    kárṇābʰyāṃ cʰúbukād ádʰi /
   kárṇābʰyām cʰúbukāt ádʰi /
   kárṇābʰyāṃ cʰúbukād ádʰi /

Halfverse: c    yákṣmaṃ śīrṣaṇyàm mastíṣkāj jihvā́yā ví vr̥hāmi te //
   yákṣmaṃ śīrṣaṇyàm mastíṣkāj
   yákṣmam śīrṣaṇyàm mastíṣkāt
   yákṣmaṃ śīrṣaṇyàm mastíṣkāj

Halfverse: d    jihvā́yā ví vr̥hāmi te //
   jihvā́yāḥ ví vr̥hāmi te //
   jihvā́yā ví vr̥hāmi te //


Verse: 2 
Halfverse: a    grīvā́bʰyas ta uṣṇíhābʰyaḥ kī́kasābʰyo anūkyā̀t /
   grīvā́bʰyas ta uṣṇíhābʰyaḥ
   grīvā́bʰyaḥ te uṣṇíhābʰyaḥ
   grīvā́bʰyas ta uṣṇíhābʰyaḥ

Halfverse: b    kī́kasābʰyo anūkyā̀t /
   kī́kasābʰyaḥ anūkyā̀t /
   kī́kasābʰyo anūkíyāt /

Halfverse: c    yákṣmaṃ doṣaṇyàm áṃsābʰyām bāhúbʰyāṃ ví vr̥hāmi te //
   yákṣmaṃ doṣaṇyàm áṃsābʰyām
   yákṣmam doṣaṇyàm áṃsābʰyām
   yákṣmaṃ doṣaṇyàm áṃsābʰyām

Halfverse: d    bāhúbʰyāṃ ví vr̥hāmi te //
   bāhúbʰyām ví vr̥hāmi te //
   bāhúbʰyāṃ ví vr̥hāmi te //


Verse: 3 
Halfverse: a    āntrébʰyas te gúdābʰyo vaniṣṭʰór hŕ̥dayād ádʰi /
   āntrébʰyas te gúdābʰyo
   āntrébʰyaḥ te gúdābʰyaḥ
   āntrébʰyas te gúdābʰiyo

Halfverse: b    vaniṣṭʰór hŕ̥dayād ádʰi /
   vaniṣṭʰóḥ hŕ̥dayāt ádʰi /
   vaniṣṭʰór hŕ̥dayād ádʰi /

Halfverse: c    yákṣmam mátasnābʰyāṃ yaknáḥ plāśíbʰyo ví vr̥hāmi te //
   yákṣmam mátasnābʰyāṃ yaknáḥ
   yákṣmam mátasnābʰyām yaknáḥ
   yákṣmam mátasnābʰyāṃ yaknáḥ

Halfverse: d    plāśíbʰyo ví vr̥hāmi te //
   plāśíbʰyaḥ ví vr̥hāmi te //
   plāśíbʰyo ví vr̥hāmi te //


Verse: 4 
Halfverse: a    ūrúbʰyāṃ te aṣṭʰīvádbʰyām pā́rṣṇibʰyām prápadābʰyām /
   ūrúbʰyāṃ te aṣṭʰīvádbʰyām
   ūrúbʰyām te aṣṭʰīvádbʰyām
   ūrúbʰyāṃ te aṣṭʰīvádbʰyām

Halfverse: b    pā́rṣṇibʰyām prápadābʰyām /
   pā́rṣṇibʰyām prápadābʰyām /
   pā́rṣṇibʰyām prápadābʰiyām /

Halfverse: c    yákṣmaṃ śróṇibʰyām bʰā́sadād bʰáṃsaso ví vr̥hāmi te //
   yákṣmaṃ śróṇibʰyām bʰā́sadād
   yákṣmam śróṇibʰyām bʰā́sadāt
   yákṣmaṃ śróṇibʰyām bʰā́sadād

Halfverse: d    bʰáṃsaso ví vr̥hāmi te //
   bʰáṃsasaḥ ví vr̥hāmi te //
   bʰáṃsaso ví vr̥hāmi te //


Verse: 5 
Halfverse: a    méhanād vanaṃkáraṇāl lómabʰyas te nakʰébʰyaḥ /
   méhanād vanaṃkáraṇāl
   méhanāt vanaṃkáraṇāt
   méhanād vanaṃkáraṇāl

Halfverse: b    lómabʰyas te nakʰébʰyaḥ /
   lómabʰyaḥ te nakʰébʰyaḥ /
   lómabʰyas te nakʰébʰiyaḥ /

Halfverse: c    yákṣmaṃ sárvasmād ātmánas tám idáṃ ví vr̥hāmi te //
   yákṣmaṃ sárvasmād ātmánas
   yákṣmam sárvasmāt ātmánaḥ
   yákṣmaṃ sárvasmād ātmánas

Halfverse: d    tám idáṃ ví vr̥hāmi te //
   tám idám ví vr̥hāmi te //
   tám idáṃ ví vr̥hāmi te //


Verse: 6 
Halfverse: a    áṅgād-aṅgāl lómno-lomno jātám párvaṇi-parvaṇi /
   áṅgād-aṅgāl lómno-lomno
   áṅgād-aṅgāt lómno-lomnaḥ
   áṅgād-aṅgāl lómno-lomno

Halfverse: b    jātám párvaṇi-parvaṇi /
   jātám párvaṇi-parvaṇi /
   jātám párvaṇi-parvaṇi /

Halfverse: c    yákṣmaṃ sárvasmād ātmánas tám idáṃ ví vr̥hāmi te //
   yákṣmaṃ sárvasmād ātmánas
   yákṣmam sárvasmāt ātmánaḥ
   yákṣmaṃ sárvasmād ātmánas

Halfverse: d    tám idáṃ ví vr̥hāmi te //
   tám idám ví vr̥hāmi te //
   tám idáṃ ví vr̥hāmi te //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.