TITUS
Rg-Veda: Rg-Veda-Samhita
Part No. 1001
Previous part

Hymn: 164_(990) 
Verse: 1 
Halfverse: a    ápehi manasas paté 'pa krāma paráś cara /
   ápehi manasas paté
   ápa ihi manasaḥ pate
   ápehi manasas pate

Halfverse: b    'pa krāma paráś cara /
   ápa krāma paráḥ cara /
   ápa krāma paráś cara /

Halfverse: c    paró nírr̥tyā ā́ cakṣva bahudʰā́ jī́vato mánaḥ //
   paró nírr̥tyā ā́ cakṣva
   paráḥ nírr̥tyai ā́ cakṣva
   paró nírr̥tyā ā́ cakṣva

Halfverse: d    bahudʰā́ jī́vato mánaḥ //
   bahudʰā́ jī́vataḥ mánaḥ //
   bahudʰā́ jī́vato mánaḥ //


Verse: 2 
Halfverse: a    bʰadráṃ vaí váraṃ vr̥ṇate bʰadráṃ yuñjanti dákṣiṇam /
   bʰadráṃ vaí váraṃ vr̥ṇate
   bʰadrám vaí váram vr̥ṇate
   bʰadráṃ vaí váraṃ vr̥ṇate

Halfverse: b    bʰadráṃ yuñjanti dákṣiṇam /
   bʰadrám yuñjanti dákṣiṇam /
   bʰadráṃ yuñjanti dákṣiṇam /

Halfverse: c    bʰadráṃ vaivasvaté cákṣur bahutrā́ jī́vato mánaḥ //
   bʰadráṃ vaivasvaté cákṣur
   bʰadrám vaivasvaté cákṣuḥ
   bʰadráṃ vaivasvaté cákṣur

Halfverse: d    bahutrā́ jī́vato mánaḥ //
   bahutrā́ jī́vataḥ mánaḥ //
   bahutrā́ jī́vato mánaḥ //


Verse: 3 
Halfverse: a    yád āśásā niḥśásābʰiśásopārimá jā́grato yát svapántaḥ /
   yád āśásā niḥśásābʰiśásā_
   yát āśásā niḥśásā abʰiśásā
   yád āśásā niḥśásā abʰiśásā

Halfverse: b    _upārimá jā́grato yát svapántaḥ /
   upārimá jā́grataḥ yát svapántaḥ /
   upārimá jā́grato yát svapántaḥ /

Halfverse: c    agnír víśvāny ápa duṣkr̥tā́ny ájuṣṭāny āré asmád dadʰātu //
   agnír víśvāny ápa duṣkr̥tā́ny
   agníḥ víśvāni ápa duṣkr̥tā́ni
   agnír víśvāni ápa duṣkr̥tā́ni

Halfverse: d    ájuṣṭāny āré asmád dadʰātu //
   ájuṣṭāni āré asmát dadʰātu //
   ájuṣṭāni āré asmád dadʰātu //


Verse: 4 
Halfverse: a    yád indra brahmaṇas pate 'bʰidroháṃ cárāmasi /
   yád indra brahmaṇas pate
   yát indra brahmaṇaḥ pate
   yád indra brahmaṇas pate

Halfverse: b    'bʰidroháṃ cárāmasi /
   abʰidrohám cárāmasi /
   abʰidroháṃ cárāmasi /

Halfverse: c    prácetā na āṅgirasó dviṣatā́m pātv áṃhasaḥ //
   prácetā na āṅgirasó
   prácetāḥ naḥ āṅgirasáḥ
   prácetā na āṅgirasó

Halfverse: d    dviṣatā́m pātv áṃhasaḥ //
   dviṣatā́m pātu \!\ áṃhasaḥ //
   dviṣatā́m pātu áṃhasaḥ //


Verse: 5 
Halfverse: a    ájaiṣmādyā́sanāma cā́bʰūmā́nāgaso vayám /
   ájaiṣmādyā́sanāma ca_
   ájaiṣma adyá ásanāma ca
   ájaiṣmādyā́sanāma ca

Halfverse: b    _ábʰūmā́nāgaso vayám /
   ábʰūma ánāgasaḥ vayám /
   ábʰūmā́nāgaso vayám /

Halfverse: c    jāgratsvapnáḥ saṃkalpáḥ pāpó yáṃ dviṣmás táṃ sá r̥cʰatu yó no dvéṣṭi tám r̥cʰatu //
   jāgratsvapnáḥ saṃkalpáḥ pāpó
   jāgratsvapnáḥ saṃkalpáḥ pāpáḥ
   jāgratsvapnáḥ saṃkalpáḥ pāpó

Halfverse: d    yáṃ dviṣmás táṃ sá r̥cʰatu
   yám dviṣmáḥ tám sáḥ \!\ r̥cʰatu
   yáṃ dviṣmás táṃ sá r̥cʰatu

Halfverse: e    yó no dvéṣṭi tám r̥cʰatu //
   yáḥ naḥ dvéṣṭi tám r̥cʰatu //
   yó no dvéṣṭi tám r̥cʰatu //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.