TITUS
Rg-Veda: Rg-Veda-Samhita
Part No. 1003
Previous part

Hymn: 166_(992) 
Verse: 1 
Halfverse: a    r̥ṣabʰám mā samānā́nāṃ sapátnānāṃ viṣāsahím /
   r̥ṣabʰám mā samānā́nāṃ
   r̥ṣabʰám mā samānā́nām
   r̥ṣabʰám mā samānā́nāṃ

Halfverse: b    sapátnānāṃ viṣāsahím /
   sapátnānām viṣāsahím /
   sapátnānāṃ viṣāsahím /

Halfverse: c    hantā́raṃ śátrūṇāṃ kr̥dʰi virā́jaṃ gópatiṃ gávām //
   hantā́raṃ śátrūṇāṃ kr̥dʰi
   hantā́ram śátrūṇām kr̥dʰi
   hantā́raṃ śátrūṇāṃ kr̥dʰi

Halfverse: d    virā́jaṃ gópatiṃ gávām //
   virā́jam gópatim gávām //
   virā́jaṃ gópatiṃ gávām //


Verse: 2 
Halfverse: a    ahám asmi sapatnahéndra ivā́riṣṭo ákṣataḥ /
   ahám asmi sapatnahā́_
   ahám asmi sapatnahā́
   ahám asmi sapatnahā́

Halfverse: b    _índra ivā́riṣṭo ákṣataḥ /
   índraḥ iva áriṣṭaḥ ákṣataḥ /
   índra 'vā́riṣṭo ՙ ákṣataḥ /

Halfverse: c    adʰáḥ sapátnā me padór imé sárve abʰíṣṭʰitāḥ //
   adʰáḥ sapátnā me padór
   adʰáḥ sapátnāḥ me padóḥ
   adʰáḥ sapátnā me padór

Halfverse: d    imé sárve abʰíṣṭʰitāḥ //
   imé sárve abʰíṣṭʰitāḥ //
   imé sárve abʰíṣṭʰitāḥ //


Verse: 3 
Halfverse: a    átraivá vó 'pi nahyāmy ubʰé ā́rtnī iva jyáyā /
   átraivá vó 'pi nahyāmy
   átra evá vaḥ ápi nahyāmi
   átraivá vó 'pi nahyāmi

Halfverse: b    ubʰé ā́rtnī iva jyáyā /
   ubʰé ā́rtnī iva jyáyā /
   ubʰé ā́rtnī iva jyáyā /

Halfverse: c    vā́cas pate ní ṣedʰemā́n yátʰā mád ádʰaraṃ vádān //
   vā́cas pate ní ṣedʰemā́n
   vā́caḥ pate ní sedʰa imā́n
   vā́cas pate ní ṣedʰemā́n

Halfverse: d    yátʰā mád ádʰaraṃ vádān //
   yátʰā mát ádʰaram vádān //
   yátʰā mád ádʰaraṃ vádān //


Verse: 4 
Halfverse: a    abʰibʰū́r ahám ā́gamaṃ viśvákarmeṇa dʰā́mnā /
   abʰibʰū́r ahám ā́gamaṃ
   abʰibʰū́ḥ ahám ā́ agamam
   abʰibʰū́r ahám ā́gamaṃ

Halfverse: b    viśvákarmeṇa dʰā́mnā /
   viśvákarmeṇa dʰā́mnā /
   viśvákarmeṇa dʰā́manā /

Halfverse: c    ā́ vaś cittám ā́ vo vratám ā́ vo 'háṃ sámitiṃ dade //
   ā́ vaś cittám ā́ vo vratám
   ā́ vaḥ cittám ā́ vaḥ vratám
   ā́ vaś cittám ā́ vo vratám

Halfverse: d    ā́ vo 'háṃ sámitiṃ dade //
   ā́ vaḥ ahám sámitim dade //
   ā́ vo 'háṃ sámitiṃ dade //


Verse: 5 
Halfverse: a    yogakṣemáṃ va ādā́yāhám bʰūyāsam uttamá ā́ vo mūrdʰā́nam akramīm /
   yogakṣemáṃ va ādā́ya_
   yogakṣemám vaḥ ādā́ya
   yogakṣemáṃ va ādā́ya

Halfverse: b    _ahám bʰūyāsam uttamá
   ahám bʰūyāsam uttamáḥ
   ahám bʰūyāsam uttamá

Halfverse: c    ā́ vo mūrdʰā́nam akramīm /
   ā́ vaḥ mūrdʰā́nam akramīm /
   ā́ vo mūrdʰā́nam akramīm /

Halfverse: d    adʰaspadā́n ma úd vadata maṇḍū́kā ivodakā́n maṇḍū́kā udakā́d iva //
   adʰaspadā́n ma úd vadata
   adʰaspadā́t me út vadata
   adʰaspadā́n ma úd vadata

Halfverse: e    maṇḍū́kā ivodakā́n
   maṇḍū́kāḥ iva udakā́t
   maṇḍū́kā iva udakā́n

Halfverse: f    maṇḍū́kā udakā́d iva //
   maṇḍū́kāḥ udakā́t iva //
   maṇḍū́kā udakā́d iva //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.