TITUS
Rg-Veda: Rg-Veda-Samhita
Part No. 1004
Previous part

Hymn: 167_(993) 
Verse: 1 
Halfverse: a    túbʰyedám indra pári ṣicyate mádʰu tváṃ sutásya kaláśasya rājasi /
   túbʰyedám indra pári ṣicyate mádʰu
   túbʰya idám indra pári sicyate mádʰu
   túbʰyedám indra pári ṣicyate mádʰu

Halfverse: b    tváṃ sutásya kaláśasya rājasi /
   tvám sutásya kaláśasya rājasi /
   tuváṃ sutásya kaláśasya rājasi /

Halfverse: c    tváṃ rayím puruvī́rām u nas kr̥dʰi tváṃ tápaḥ paritápyājayaḥ svàḥ //
   tváṃ rayím puruvī́rām u nas kr̥dʰi
   tvám rayím puruvī́rām u naḥ kr̥dʰi
   tuváṃ rayím puruvī́rām u nas kr̥dʰi

Halfverse: d    tváṃ tápaḥ paritápyājayaḥ svàḥ //
   tvám tápaḥ paritápya ajayaḥ svàr //
   tuváṃ tápaḥ paritápyājayaḥ súvaḥ //


Verse: 2 
Halfverse: a    svarjítam máhi mandānám ándʰaso hávāmahe pári śakráṃ sutā́m̐ úpa /
   svarjítam máhi mandānám ándʰaso
   svarjítam máhi mandānám ándʰasaḥ
   suarjítam máhi mandānám ándʰaso

Halfverse: b    hávāmahe pári śakráṃ sutā́m̐ úpa /
   hávāmahe pári śakrám sutā́n úpa /
   hávāmahe pári śakráṃ sutā́m̐ úpa /

Halfverse: c    imáṃ no yajñám ihá bodʰy ā́ gahi spŕ̥dʰo jáyantam magʰávānam īmahe //
   imáṃ no yajñám ihá bodʰy ā́ gahi
   imám naḥ yajñám ihá bodʰi ā́ gahi
   imáṃ no yajñám ihá bodʰi ā́ gahi

Halfverse: d    spŕ̥dʰo jáyantam magʰávānam īmahe //
   spŕ̥dʰaḥ jáyantam magʰávānam īmahe //
   spŕ̥dʰo jáyantam magʰávānam īmahe //


Verse: 3 
Halfverse: a    sómasya rā́jño váruṇasya dʰármaṇi bŕ̥haspáter ánumatyā u śármaṇi /
   sómasya rā́jño váruṇasya dʰármaṇi
   sómasya rā́jñaḥ váruṇasya dʰármaṇi
   sómasya rā́jño váruṇasya dʰármaṇi

Halfverse: b    bŕ̥haspáter ánumatyā u śármaṇi /
   bŕ̥haspáteḥ ánumatyāḥ u śármaṇi /
   bŕ̥haspáter ánumatyā u śármaṇi /

Halfverse: c    távāhám adyá magʰavann úpastutau dʰā́tar vídʰātaḥ kaláśām̐ abʰakṣayam //
   távāhám adyá magʰavann úpastutau
   táva ahám adyá magʰavan úpastutau
   távāhám adyá magʰavann úpastutau

Halfverse: d    dʰā́tar vídʰātaḥ kaláśām̐ abʰakṣayam //
   dʰā́tar vídʰātar kaláśān abʰakṣayam //
   dʰā́tar vídʰātaḥ kaláśām̐ abʰakṣayam //


Verse: 4 
Halfverse: a    prásūto bʰakṣám akaraṃ carā́v ápi stómaṃ cemám pratʰamáḥ sūrír ún mr̥je /
   prásūto bʰakṣám akaraṃ carā́v ápi
   prásūtaḥ bʰakṣám akaram caraú ápi
   prásūto bʰakṣám akaraṃ carā́v ápi

Halfverse: b    stómaṃ cemám pratʰamáḥ sūrír ún mr̥je /
   stómam ca imám pratʰamáḥ sūríḥ út mr̥je /
   stómaṃ cemám pratʰamáḥ sūrír ún mr̥je /

Halfverse: c    suté sāténa yády ā́gamaṃ vām práti viśvāmitrajamadagnī dáme //
   suté sāténa yády ā́gamaṃ vām
   suté sāténa yádi ā́ agamam vām
   suté sāténa yádi ā́gamaṃ vãam

Halfverse: d    práti viśvāmitrajamadagnī dáme //
   práti viśvāmitrajamadagnī dáme //
   práti viśvāmitrajamadagnī dáme //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.