TITUS
Rg-Veda: Rg-Veda-Samhita
Part No. 401
Previous part

Hymn: 47_(401) 
Verse: 1 
Halfverse: a    prayuñjatī́ divá eti bruvāṇā́ mahī́ mātā́ duhitúr bodʰáyantī /
   prayuñjatī́ divá eti bruvāṇā́
   prayuñjatī́ diváḥ eti bruvāṇā́
   prayuñjatī́ divá eti bruvāṇā́

Halfverse: b    mahī́ mātā́ duhitúr bodʰáyantī /
   mahī́ mātā́ duhitúḥ bodʰáyantī /
   mahī́ mātā́ duhitúr bodʰáyantī /

Halfverse: c    āvívāsantī yuvatír manīṣā́ pitŕ̥bʰya ā́ sádane jóhuvānā //
   āvívāsantī yuvatír manīṣā́
   āvívāsantī yuvatíḥ manīṣā́
   āvívāsantī yuvatír manīṣā́

Halfverse: d    pitŕ̥bʰya ā́ sádane jóhuvānā //
   pitŕ̥bʰyaḥ ā́ sádane jóhuvānā //
   pitŕ̥bʰya ā́ sádane jóhuvānā //


Verse: 2 
Halfverse: a    ajirā́sas tádapa ī́yamānā ātastʰivā́m̐so amŕ̥tasya nā́bʰim /
   ajirā́sas tádapa ī́yamānā
   ajirā́saḥ tádapaḥ ī́yamānāḥ
   ajirā́sas tádapa ī́yamānā

Halfverse: b    ātastʰivā́m̐so amŕ̥tasya nā́bʰim /
   ātastʰivā́ṃsaḥ amŕ̥tasya nā́bʰim /
   ātastʰivā́ṃso amŕ̥tasya nā́bʰim /

Halfverse: c    anantā́sa urávo viśvátaḥ sīm pári dyā́vāpr̥tʰivī́ yanti pántʰāḥ //
   anantā́sa urávo viśvátaḥ sīm
   anantā́saḥ urávaḥ viśvátaḥ sīm
   anantā́sa urávo viśvátaḥ sīm

Halfverse: d    pári dyā́vāpr̥tʰivī́ yanti pántʰāḥ //
   pári dyā́vāpr̥tʰivī́ yanti pántʰāḥ //
   pári dyā́vāpr̥tʰivī́ yanti pántʰāḥ //


Verse: 3 
Halfverse: a    ukṣā́ samudró aruṣáḥ suparṇáḥ pū́rvasya yónim pitúr ā́ viveśa /
   ukṣā́ samudró aruṣáḥ suparṇáḥ
   ukṣā́ samudráḥ aruṣáḥ suparṇáḥ
   ukṣā́ samudró aruṣáḥ suparṇáḥ

Halfverse: b    pū́rvasya yónim pitúr ā́ viveśa /
   pū́rvasya yónim pitúḥ ā́ viveśa /
   pū́rvasya yónim pitúr ā́ viveśa /

Halfverse: c    mádʰye divó níhitaḥ pŕ̥śnir áśmā ví cakrame rájasas pāty ántau //
   mádʰye divó níhitaḥ pŕ̥śnir áśmā
   mádʰye diváḥ níhitaḥ pŕ̥śniḥ áśmā
   mádʰye divó níhitaḥ pŕ̥śnir áśmā

Halfverse: d    ví cakrame rájasas pāty ántau //
   ví cakrame rájasaḥ pāti ántau //
   ví cakrame rájasas pāti ántau //


Verse: 4 
Halfverse: a    catvā́ra īm bibʰrati kṣemayánto dáśa gárbʰaṃ caráse dʰāpayante /
   catvā́ra īm bibʰrati kṣemayánto
   catvā́raḥ īm bibʰrati kṣemayántaḥ
   catvā́ra īm bibʰrati kṣemayánto

Halfverse: b    dáśa gárbʰaṃ caráse dʰāpayante /
   dáśa gárbʰam caráse dʰāpayante /
   dáśa gárbʰaṃ caráse dʰāpayante /

Halfverse: c    tridʰā́tavaḥ paramā́ asya gā́vo diváś caranti pári sadyó ántān //
   tridʰā́tavaḥ paramā́ asya gā́vo
   tridʰā́tavaḥ paramā́ḥ asya gā́vaḥ
   tridʰā́tavaḥ paramā́ asya gā́vo

Halfverse: d    diváś caranti pári sadyó ántān //
   diváḥ caranti pári sadyáḥ ántān //
   diváś caranti pári sadyó ántān //


Verse: 5 
Halfverse: a    idáṃ vápur nivácanaṃ janāsaś cáranti yán nadyàs tastʰúr ā́paḥ /
   idáṃ vápur nivácanaṃ janāsaś
   idám vápuḥ nivácanam janāsaḥ
   idáṃ vápur nivácanaṃ janāsaś

Halfverse: b    cáranti yán nadyàs tastʰúr ā́paḥ /
   cáranti yát nadyàḥ tastʰúḥ ā́paḥ /
   cáranti yán nadíyas tastʰúr ā́paḥ /

Halfverse: c    dvé yád īm bibʰr̥tó mātúr anyé ihéha jāté yamyā̀ sábandʰū //
   dvé yád īm bibʰr̥tó mātúr anyé
   dvé yát īm bibʰr̥táḥ mātúḥ anyé
   duvé yád īm bibʰr̥tó mātúr anyé

Halfverse: d    ihéha jāté yamyā̀ sábandʰū //
   ihéha jāté yamyā̀ sábandʰū //
   ihéha jāté yamíyā sábandʰū //


Verse: 6 
Halfverse: a    ví tanvate dʰíyo asmā ápām̐si vástrā putrā́ya mātáro vayanti /
   ví tanvate dʰíyo asmā ápām̐si
   ví tanvate dʰíyaḥ asmai ápāṃsi
   ví tanvate dʰíyo asmā ápāṃsi

Halfverse: b    vástrā putrā́ya mātáro vayanti /
   vástrā putrā́ya mātáraḥ vayanti /
   vástrā putrā́ya mātáro vayanti /

Halfverse: c    upaprakṣé vŕ̥ṣaṇo módamānā divás patʰā́ vadʰvò yanty ácʰa //
   upaprakṣé vŕ̥ṣaṇo módamānā
   upaprakṣé vŕ̥ṣaṇaḥ módamānāḥ
   upaprakṣé vŕ̥ṣaṇo módamānā

Halfverse: d    divás patʰā́ vadʰvò yanty ácʰa //
   diváḥ patʰā́ vadʰvàḥ yanti ácʰa //
   divás patʰā́ vadʰúvo yanti ácʰa //


Verse: 7 
Halfverse: a    tád astu mitrāvaruṇā tád agne śáṃ yór asmábʰyam idám astu śastám /
   tád astu mitrāvaruṇā tád agne
   tát astu mitrāvaruṇā tát agne
   tád astu mitrāvaruṇā tád agne

Halfverse: b    śáṃ yór asmábʰyam idám astu śastám /
   śám yóḥ asmábʰyam idám astu śastám /
   śáṃ yór asmábʰyam idám astu śastám /

Halfverse: c    aśīmáhi gādʰám utá pratiṣṭʰā́ṃ námo divé br̥haté sā́danāya //
   aśīmáhi gādʰám utá pratiṣṭʰā́ṃ
   aśīmáhi gādʰám utá pratiṣṭʰā́m
   aśīmáhi gādʰám utá pratiṣṭʰā́ṃ

Halfverse: d    námo divé br̥haté sā́danāya //
   námaḥ divé br̥haté sā́danāya //
   námo divé br̥haté sā́danāya //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.