TITUS
Rg-Veda: Rg-Veda-Samhita
Part No. 402
Previous part

Hymn: 48_(402) 
Verse: 1 
Halfverse: a    kád u priyā́ya dʰā́mne manāmahe svákṣatrāya sváyaśase mahé vayám /
   kád u priyā́ya dʰā́mne manāmahe
   kát u priyā́ya dʰā́mne manāmahe
   kád u priyā́ya dʰā́mane manāmahe

Halfverse: b    svákṣatrāya sváyaśase mahé vayám /
   svákṣatrāya sváyaśase mahé vayám /
   svákṣatrāya sváyaśase mahé vayám /

Halfverse: c    āmenyásya rájaso yád abʰrá ā́m̐ apó vr̥ṇānā́ vitanóti māyínī //
   āmenyásya rájaso yád abʰrá ā́m̐
   āmenyásya rájasaḥ yát abʰré ā́
   āmeniyásya rájaso yád abʰrá ā́m̐

Halfverse: d    apó vr̥ṇānā́ vitanóti māyínī //
   apáḥ vr̥ṇānā́ vitanóti māyínī //
   apó vr̥ṇānā́ vitanóti māyínī //


Verse: 2 
Halfverse: a    tā́ atnata vayúnaṃ vīrávakṣaṇaṃ samānyā́ vr̥táyā víśvam ā́ rájaḥ /
   tā́ atnata vayúnaṃ vīrávakṣaṇaṃ
   tā́ḥ atnata vayúnam vīrávakṣaṇam
   tā́ atnata vayúnaṃ vīrávakṣaṇaṃ

Halfverse: b    samānyā́ vr̥táyā víśvam ā́ rájaḥ /
   samānyā́ vr̥táyā víśvam ā́ rájaḥ /
   samāniyā́ vr̥táyā víśvam ā́ rájaḥ /

Halfverse: c    ápo ápācīr áparā ápejate prá pū́rvābʰis tirate devayúr jánaḥ //
   ápo ápācīr áparā ápejate
   ápa u ápācīḥ áparāḥ ápa ījate
   ápo ápācīr áparā ápejate

Halfverse: d    prá pū́rvābʰis tirate devayúr jánaḥ //
   prá pū́rvābʰiḥ tirate devayúḥ jánaḥ //
   prá pū́rvābʰis tirate devayúr jánaḥ //


Verse: 3 
Halfverse: a    ā́ grā́vabʰir ahanyèbʰir aktúbʰir váriṣṭʰaṃ vájram ā́ jigʰarti māyíni /
   ā́ grā́vabʰir ahanyèbʰir aktúbʰir
   ā́ grā́vabʰiḥ ahanyèbʰiḥ aktúbʰiḥ
   ā́ grā́vabʰir ahaníyebʰir aktúbʰir

Halfverse: b    váriṣṭʰaṃ vájram ā́ jigʰarti māyíni /
   váriṣṭʰam vájram ā́ jigʰarti māyíni /
   váriṣṭʰaṃ vájram ā́ jigʰarti māyíni /

Halfverse: c    śatáṃ vā yásya pracáran své dáme saṃvartáyanto ví ca vartayann áhā //
   śatáṃ vā yásya pracáran své dáme
   śatám vā yásya pracáran své dáme
   śatáṃ vā yásya pracáran suvé dáme

Halfverse: d    saṃvartáyanto ví ca vartayann áhā //
   saṃvartáyantaḥ ví ca vartayan áhā //
   saṃvartáyanto ví ca vartayann áhā //


Verse: 4 
Halfverse: a    tā́m asya rītím paraśór iva práty ánīkam akʰyam bʰujé asya várpasaḥ /
   tā́m asya rītím paraśór iva práty
   tā́m asya rītím paraśóḥ iva práti
   tā́m asya rītím paraśór iva práti

Halfverse: b    ánīkam akʰyam bʰujé asya várpasaḥ /
   ánīkam akʰyam bʰujé asya várpasaḥ /
   ánīkam akʰyam bʰujé asya várpasaḥ /

Halfverse: c    sácā yádi pitumántam iva kṣáyaṃ rátnaṃ dádʰāti bʰárahūtaye viśé //
   sácā yádi pitumántam iva kṣáyaṃ
   sácā yádi pitumántam iva kṣáyam
   sácā yádi pitumántam iva kṣáyaṃ

Halfverse: d    rátnaṃ dádʰāti bʰárahūtaye viśé //
   rátnam dádʰāti bʰárahūtaye viśé //
   rátnaṃ dádʰāti bʰárahūtaye viśé //


Verse: 5 
Halfverse: a    sá jihváyā cáturanīka r̥ñjate cā́ru vásāno váruṇo yátann arím /
   sá jihváyā cáturanīka r̥ñjate
   sá jihváyā cáturanīkaḥ r̥ñjate
   sá jihváyā cáturanīka r̥ñjate

Halfverse: b    cā́ru vásāno váruṇo yátann arím /
   cā́ru vásānaḥ váruṇaḥ yátan arím /
   cā́ru vásāno váruṇo yátann arím /

Halfverse: c    ná tásya vidma puruṣatvátā vayáṃ yáto bʰágaḥ savitā́ dā́ti vā́ryam //
   ná tásya vidma puruṣatvátā vayáṃ
   ná tásya vidma puruṣatvátā vayám
   ná tásya vidma puruṣatvátā vayáṃ

Halfverse: d    yáto bʰágaḥ savitā́ dā́ti vā́ryam //
   yátaḥ bʰágaḥ savitā́ dā́ti vā́ryam //
   yáto bʰágaḥ savitā́ dā́ti vā́riyam //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.