TITUS
Rg-Veda: Rg-Veda-Samhita
Part No. 403
Previous part

Hymn: 49_(403) 
Verse: 1 
Halfverse: a    deváṃ vo adyá savitā́ram éṣe bʰágaṃ ca rátnaṃ vibʰájantam āyóḥ /
   deváṃ vo adyá savitā́ram éṣe
   devám vaḥ adyá savitā́ram ā́ īṣe
   deváṃ vo adyá savitā́ram éṣe

Halfverse: b    bʰágaṃ ca rátnaṃ vibʰájantam āyóḥ /
   bʰágam ca rátnam vibʰájantam āyóḥ /
   bʰágaṃ ca rátnaṃ vibʰájantam āyóḥ /

Halfverse: c    ā́ vāṃ narā purubʰujā vavr̥tyāṃ divé-dive cid aśvinā sakʰīyán //
   ā́ vāṃ narā purubʰujā vavr̥tyāṃ
   ā́ vām narā purubʰujā vavr̥tyām
   ā́ vāṃ narā purubʰujā vavr̥tyāṃ

Halfverse: d    divé-dive cid aśvinā sakʰīyán //
   divé-dive cit aśvinā sakʰīyán //
   divé-dive cid aśvinā sakʰīyán //


Verse: 2 
Halfverse: a    práti prayā́ṇam ásurasya vidvā́n sūktaír deváṃ savitā́raṃ duvasya /
   práti prayā́ṇam ásurasya vidvā́n
   práti prayā́ṇam ásurasya vidvā́n
   práti prayā́ṇam ásurasya vidvā́n

Halfverse: b    sūktaír deváṃ savitā́raṃ duvasya /
   sūktaíḥ devám savitā́ram duvasya /
   sūktaír deváṃ savitā́raṃ duvasya /

Halfverse: c    úpa bruvīta námasā vijānáñ jyéṣṭʰaṃ ca rátnaṃ vibʰájantam āyóḥ //
   úpa bruvīta námasā vijānáñ
   úpa bruvīta námasā vijānán
   úpa bruvīta námasā vijānáñ

Halfverse: d    jyéṣṭʰaṃ ca rátnaṃ vibʰájantam āyóḥ //
   jyéṣṭʰam ca rátnam vibʰájantam āyóḥ //
   jyéṣṭʰaṃ ca rátnaṃ vibʰájantam āyóḥ //


Verse: 3 
Halfverse: a    adatrayā́ dayate vā́ryāṇi pūṣā́ bʰágo áditir vásta usráḥ /
   adatrayā́ dayate vā́ryāṇi
   adatrayā́ dayate vā́ryāṇi
   adatrayā́ dayate vā́riyāṇi

Halfverse: b    pūṣā́ bʰágo áditir vásta usráḥ /
   pūṣā́ bʰágaḥ áditiḥ vásto ! usráḥ /
   pūṣā́ bʰágo áditir vásta usráḥ /

Halfverse: c    índro víṣṇur váruṇo mitró agnír áhāni bʰadrā́ janayanta dasmā́ḥ //
   índro víṣṇur váruṇo mitró agnír
   índraḥ víṣṇuḥ váruṇaḥ mitráḥ agníḥ
   índro víṣṇur váruṇo mitró agnír

Halfverse: d    áhāni bʰadrā́ janayanta dasmā́ḥ //
   áhāni bʰadrā́ janayanta dasmā́ḥ //
   áhāni bʰadrā́ janayanta dasmā́ḥ //


Verse: 4 
Halfverse: a    tán no anarvā́ savitā́ várūtʰaṃ tát síndʰava iṣáyanto ánu gman /
   tán no anarvā́ savitā́ várūtʰaṃ
   tát naḥ anarvā́ savitā́ várūtʰam
   tán no anarvā́ savitā́ várūtʰaṃ

Halfverse: b    tát síndʰava iṣáyanto ánu gman /
   tát síndʰavaḥ iṣáyantaḥ ánu gman /
   tát síndʰava iṣáyanto ánu gman /

Halfverse: c    úpa yád vóce adʰvarásya hótā rāyáḥ syāma pátayo vā́jaratnāḥ //
   úpa yád vóce adʰvarásya hótā
   úpa yát vóce adʰvarásya hótā
   úpa yád vóce adʰvarásya hótā

Halfverse: d    rāyáḥ syāma pátayo vā́jaratnāḥ //
   rāyáḥ syāma pátayaḥ vā́jaratnāḥ //
   rāyáḥ syāma pátayo vā́jaratnāḥ //


Verse: 5 
Halfverse: a    prá yé vásubʰya ī́vad ā́ námo dúr yé mitré váruṇe sūktávācaḥ /
   prá yé vásubʰya ī́vad ā́ námo dúr
   prá yé vásubʰyaḥ ī́vat ā́ námaḥ dúḥ
   prá yé vásubʰya ī́vad ā́ námo dúr

Halfverse: b    yé mitré váruṇe sūktávācaḥ /
   yé mitré váruṇe sūktávācaḥ /
   yé mitré ? váruṇe sūktávācaḥ /

Halfverse: c    ávaitv ábʰvaṃ kr̥ṇutā́ várīyo diváspr̥tʰivyór ávasā madema //
   ávaitv ábʰvaṃ kr̥ṇutā́ várīyo
   áva etu ábʰvam kr̥ṇutá+ várīyaḥ
   ávaitu ábʰvaṃ kr̥ṇutā́ várīyo

Halfverse: d    diváspr̥tʰivyór ávasā madema //
   diváspr̥tʰivyóḥ ávasā madema //
   diváspr̥tʰivyór ávasā madema //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.