TITUS
Rg-Veda: Rg-Veda-Samhita
Part No. 404
Previous part

Hymn: 50_(404) 
Verse: 1 
Halfverse: a    víśvo devásya netúr márto vurīta sakʰyám /
   víśvo devásya netúr
   víśvaḥ devásya netúḥ
   víśvo devásya nayitúr

Halfverse: b    márto vurīta sakʰyám /
   mártaḥ vurīta sakʰyám /
   márto vurīta sakʰiyám /

Halfverse: c    víśvo rāyá iṣudʰyati dyumnáṃ vr̥ṇīta puṣyáse //
   víśvo rāyá iṣudʰyati
   víśvaḥ rāyé iṣudʰyati
   víśvo rāyá iṣudʰyati

Halfverse: d    dyumnáṃ vr̥ṇīta puṣyáse //
   dyumnám vr̥ṇīta puṣyáse //
   dyumnáṃ vr̥ṇīta puṣyáse //


Verse: 2 
Halfverse: a    té te deva netar yé cemā́m̐ anuśáse /
   té te deva netar
   té te deva netar
   té te deva nayitar

Halfverse: b    yé cemā́m̐ anuśáse /
   yé ca imā́n anuśáse /
   yé ca imā́m̐ anuśáse /

Halfverse: c    té rāyā́ té hy ā̀pŕ̥ce sácemahi sacatʰyaìḥ //
   té rāyā́ té hy ā̀pŕ̥ce
   té rāyā́ té hí āpŕ̥ce
   té rāyā́ té hí āpŕ̥ce

Halfverse: d    sácemahi sacatʰyaìḥ //
   sácemahi sacatʰyaìḥ //
   sácemahi sacatʰíyaiḥ //


Verse: 3 
Halfverse: a    áto na ā́ nŕ̥̄n átitʰīn átaḥ pátnīr daśasyata /
   áto na ā́ nŕ̥̄n átitʰīn
   átaḥ naḥ ā́ nŕ̥̄n átitʰīn
   áto na ā́ nŕ̥̄n átitʰīn

Halfverse: b    átaḥ pátnīr daśasyata /
   átaḥ pátnīḥ daśasyata /
   átaḥ pátnīr daśasyata /

Halfverse: c    āré víśvam patʰeṣṭʰā́ṃ dviṣó yuyotu yū́yuviḥ //
   āré víśvam patʰeṣṭʰā́ṃ
   āré víśvam patʰeṣṭʰā́m
   āré víśvam patʰeṣṭʰâáṃ

Halfverse: d    dviṣó yuyotu yū́yuviḥ //
   dviṣáḥ yuyotu yū́yuviḥ //
   dviṣó yuyotu yū́yuviḥ //


Verse: 4 
Halfverse: a    yátra váhnir abʰíhito dudrávad dróṇyaḥ paśúḥ /
   yátra váhnir abʰíhito
   yátra váhniḥ abʰíhitaḥ
   yátra váhnir abʰíhito

Halfverse: b    dudrávad dróṇyaḥ paśúḥ /
   dudrávat dróṇyaḥ paśúḥ /
   dudrávad dróṇiyaḥ paśúḥ /

Halfverse: c    nr̥máṇā vīrápastyó 'rṇā dʰī́reva sánitā //
   nr̥máṇā vīrápastyó
   nr̥máṇāḥ vīrápastyaḥ
   nr̥máṇā vīrápastiyo

Halfverse: d    'rṇā dʰī́reva sánitā //
   árṇā dʰī́rā iva sánitā //
   árṇā dʰī́reva sánitā //


Verse: 5 
Halfverse: a    eṣá te deva netā rátʰaspátiḥ śáṃ rayíḥ /
   eṣá te deva netā
   eṣá te deva netar
   eṣá te deva nayitā

Halfverse: b    rátʰaspátiḥ śáṃ rayíḥ /
   rátʰaspátiḥ śám rayíḥ /
   rátʰaspátiḥ śáṃ rayíḥ /

Halfverse: c    śáṃ rāyé śáṃ svastáya iṣastúto manāmahe devastúto manāmahe //
   śáṃ rāyé śáṃ svastáya
   śám rāyé śám svastáye
   śáṃ rāyé śáṃ suastáya

Halfverse: d    iṣastúto manāmahe
   iṣastútaḥ manāmahe
   iṣastúto manāmahe

Halfverse: e    devastúto manāmahe //
   devastútaḥ manāmahe //
   devastúto manāmahe //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.