TITUS
Rg-Veda: Rg-Veda-Samhita
Part No. 405
Previous part

Hymn: 51_(405) 
Verse: 1 
Halfverse: a    ágne sutásya pītáye víśvair ū́mebʰir ā́ gahi /
   ágne sutásya pītáye
   ágne sutásya pītáye
   ágne sutásya pītáye

Halfverse: b    víśvair ū́mebʰir ā́ gahi /
   víśvaiḥ ū́mebʰiḥ ā́ gahi /
   víśvair ū́mebʰir ā́ gahi /

Halfverse: c    devébʰir havyádātaye //
   devébʰir havyádātaye //
   devébʰiḥ havyádātaye //
   devébʰir havyádātaye //


Verse: 2 
Halfverse: a    ŕ̥tadʰītaya ā́ gata sátyadʰarmāṇo adʰvarám /
   ŕ̥tadʰītaya ā́ gata
   ŕ̥tadʰītayaḥ ā́ gata
   ŕ̥tadʰītaya ā́ gata

Halfverse: b    sátyadʰarmāṇo adʰvarám /
   sátyadʰarmāṇaḥ adʰvarám /
   sátyadʰarmāṇo adʰvarám /

Halfverse: c    agnéḥ pibata jihváyā //
   agnéḥ pibata jihváyā //
   agnéḥ pibata jihváyā //
   agnéḥ pibata jihváyā //


Verse: 3 
Halfverse: a    víprebʰir vipra santya prātaryā́vabʰir ā́ gahi /
   víprebʰir vipra santya
   víprebʰiḥ vipra santya
   víprebʰir vipra santiya

Halfverse: b    prātaryā́vabʰir ā́ gahi /
   prātaryā́vabʰiḥ ā́ gahi /
   prātaryā́vabʰir ā́ gahi /

Halfverse: c    devébʰiḥ sómapītaye //
   devébʰiḥ sómapītaye //
   devébʰiḥ sómapītaye //
   devébʰiḥ sómapītaye //


Verse: 4 
Halfverse: a    ayáṃ sómaś camū́ sutó 'matre pári ṣicyate /
   ayáṃ sómaś camū́ sutó
   ayám sómaḥ camū́ sutáḥ
   ayáṃ sómaś camū́ sutó

Halfverse: b    'matre pári ṣicyate /
   ámatre pári sicyate /
   ámatre pári ṣicyate /

Halfverse: c    priyá índrāya vāyáve //
   priyá índrāya vāyáve //
   priyáḥ índrāya vāyáve //
   priyá índrāya vāyáve //


Verse: 5 
Halfverse: a    vā́yav ā́ yāhi vītáye juṣāṇó havyádātaye /
   vā́yav ā́ yāhi vītáye
   vāyo ā́ yāhi vītáye
   vā́yav ā́ yāhi vītáye

Halfverse: b    juṣāṇó havyádātaye /
   juṣāṇáḥ havyádātaye /
   juṣāṇó havyádātaye /

Halfverse: c    píbā sutásyā́ndʰaso abʰí práyaḥ //
   píbā sutásyā́ndʰaso
   píba+ sutásya ándʰasaḥ
   píbā sutásya ándʰaso

Halfverse: d    abʰí práyaḥ //
   abʰí práyaḥ //
   abʰí práyaḥ //


Verse: 6 
Halfverse: a    índraś ca vāyav eṣāṃ sutā́nām pītím arhatʰaḥ /
   índraś ca vāyav eṣāṃ
   índraḥ ca vāyo eṣām
   índraś ca vāyav eṣãaṃ

Halfverse: b    sutā́nām pītím arhatʰaḥ /
   sutā́nām pītím arhatʰaḥ /
   sutā́nām pītím arhatʰaḥ /

Halfverse: c    tā́ñ juṣetʰām arepásāv abʰí práyaḥ //
   tā́ñ juṣetʰām arepásāv
   tā́n juṣetʰām arepásau
   tā́ñ juṣetʰām arepásāv

Halfverse: d    abʰí práyaḥ //
   abʰí práyaḥ //
   abʰí práyaḥ //


Verse: 7 
Halfverse: a    sutā́ índrāya vāyáve sómāso dádʰyāśiraḥ /
   sutā́ índrāya vāyáve
   sutā́ḥ índrāya vāyáve
   sutā́ índrāya vāyáve

Halfverse: b    sómāso dádʰyāśiraḥ /
   sómāsaḥ dádʰyāśiraḥ /
   sómāso dádʰiāśiraḥ /

Halfverse: c    nimnáṃ ná yanti síndʰavo 'bʰí práyaḥ //
   nimnáṃ ná yanti síndʰavo
   nimnám ná yanti síndʰavaḥ
   nimnáṃ ná yanti síndʰavo

Halfverse: d    'bʰí práyaḥ //
   abʰí práyaḥ //
   abʰí práyaḥ //


Verse: 8 
Halfverse: a    sajū́r víśvebʰir devébʰir aśvíbʰyām uṣásā sajū́ḥ /
   sajū́r víśvebʰir devébʰir
   sajū́ḥ víśvebʰiḥ devébʰiḥ
   sajū́r víśvebʰir devébʰir

Halfverse: b    aśvíbʰyām uṣásā sajū́ḥ /
   aśvíbʰyām uṣásā sajū́ḥ /
   aśvíbʰyām uṣásā sajū́ḥ /

Halfverse: c    ā́ yāhy agne atrivát suté raṇa //
   ā́ yāhy agne atrivát
   ā́ yāhi agne atrivát
   ā́ yāhi agne atrivát

Halfverse: d    suté raṇa //
   suté raṇa //
   suté raṇa //


Verse: 9 
Halfverse: a    sajū́r mitrā́váruṇābʰyāṃ sajū́ḥ sómena víṣṇunā /
   sajū́r mitrā́váruṇābʰyāṃ
   sajū́ḥ mitrā́váruṇābʰyām
   sajū́r mitrā́váruṇābʰyāṃ

Halfverse: b    sajū́ḥ sómena víṣṇunā /
   sajū́ḥ sómena víṣṇunā /
   sajū́ḥ sómena víṣṇunā /

Halfverse: c    ā́ yāhy agne atrivát suté raṇa //
   ā́ yāhy agne atrivát
   ā́ yāhi agne atrivát
   ā́ yāhi agne atrivát

Halfverse: d    suté raṇa //
   suté raṇa //
   suté raṇa //


Verse: 10 
Halfverse: a    sajū́r ādityaír vásubʰiḥ sajū́r índreṇa vāyúnā /
   sajū́r ādityaír vásubʰiḥ
   sajū́ḥ ādityaíḥ vásubʰiḥ
   sajū́r ādityaír vásubʰiḥ

Halfverse: b    sajū́r índreṇa vāyúnā /
   sajū́ḥ índreṇa vāyúnā /
   sajū́r índreṇa vāyúnā /

Halfverse: c    ā́ yāhy agne atrivát suté raṇa //
   ā́ yāhy agne atrivát
   ā́ yāhi agne atrivát
   ā́ yāhi agne atrivát

Halfverse: d    suté raṇa //
   suté raṇa //
   suté raṇa //


Verse: 11 
Halfverse: a    svastí no mimītām aśvínā bʰágaḥ svastí devy áditir anarváṇaḥ /
   svastí no mimītām aśvínā bʰágaḥ
   svastí naḥ mimītām aśvínā bʰágaḥ
   suastí no mimītām aśvínā bʰágaḥ

Halfverse: b    svastí devy áditir anarváṇaḥ /
   svastí devī́ áditiḥ anarváṇaḥ /
   suastí devī́ áditir anarváṇaḥ /

Halfverse: c    svastí pūṣā́ ásuro dadʰātu naḥ svastí dyā́vāpr̥tʰivī́ sucetúnā //
   svastí pūṣā́ ásuro dadʰātu naḥ
   svastí pūṣā́ ásuraḥ dadʰātu naḥ
   suastí pūṣā́ ásuro dadʰātu naḥ

Halfverse: d    svastí dyā́vāpr̥tʰivī́ sucetúnā //
   svastí dyā́vāpr̥tʰivī́ sucetúnā //
   suastí dyā́vāpr̥tʰivī́ sucetúnā //


Verse: 12 
Halfverse: a    svastáye vāyúm úpa bravāmahai sómaṃ svastí bʰúvanasya yás pátiḥ /
   svastáye vāyúm úpa bravāmahai
   svastáye vāyúm úpa bravāmahai
   suastáye vāyúm úpa bravāmahai

Halfverse: b    sómaṃ svastí bʰúvanasya yás pátiḥ /
   sómam svastí bʰúvanasya yáḥ pátiḥ /
   sómaṃ suastí bʰúvanasya yás pátiḥ /

Halfverse: c    bŕ̥haspátiṃ sárvagaṇaṃ svastáye svastáya ādityā́so bʰavantu naḥ //
   bŕ̥haspátiṃ sárvagaṇaṃ svastáye
   bŕ̥haspátim sárvagaṇam svastáye
   bŕ̥haspátiṃ sárvagaṇaṃ suastáye

Halfverse: d    svastáya ādityā́so bʰavantu naḥ //
   svastáye ādityā́saḥ bʰavantu naḥ //
   suastáya ādityā́so bʰavantu naḥ //


Verse: 13 
Halfverse: a    víśve devā́ no adyā́ svastáye vaiśvānaró vásur agníḥ svastáye /
   víśve devā́ no adyā́ svastáye
   víśve devā́ḥ naḥ adyá+ svastáye
   víśve devā́ no adyā́ suastáye

Halfverse: b    vaiśvānaró vásur agníḥ svastáye /
   vaiśvānaráḥ vásuḥ agníḥ svastáye /
   vaiśvānaró vásur agníḥ suastáye /

Halfverse: c    devā́ avantv r̥bʰávaḥ svastáye svastí no rudráḥ pātv ám̐hasaḥ //
   devā́ avantv r̥bʰávaḥ svastáye
   devā́ḥ avantu r̥bʰávaḥ svastáye
   devā́ avantu r̥bʰávaḥ suastáye

Halfverse: d    svastí no rudráḥ pātv ám̐hasaḥ //
   svastí naḥ rudráḥ pātu áṃhasaḥ //
   suastí no rudaráḥ pātu áṃhasaḥ //


Verse: 14 
Halfverse: a    svastí mitrāvaruṇā svastí patʰye revati /
   svastí mitrāvaruṇā
   svastí mitrāvaruṇā
   suastí mitrāvaruṇā

Halfverse: b    svastí patʰye revati /
   svastí patʰye revati /
   suastí patʰye revati /

Halfverse: c    svastí na índraś cāgníś ca svastí no adite kr̥dʰi //
   svastí na índraś cāgníś ca
   svastí naḥ índraḥ ca agníḥ ca
   svastí na índraś cāgníś ca

Halfverse: d    svastí no adite kr̥dʰi //
   svastí naḥ adite kr̥dʰi //
   svastí no adite kr̥dʰi //


Verse: 15 
Halfverse: a    svastí pántʰām ánu carema sūryācandramásāv iva /
   svastí pántʰām ánu carema
   svastí pántʰām ánu carema
   svastí pántʰām ánu carema

Halfverse: b    sūryācandramásāv iva /
   sūryācandramásau iva /
   sūryācandramásāv iva /

Halfverse: c    púnar dádatā́gʰnatā jānatā́ sáṃ gamemahi //
   púnar dádatā́gʰnatā
   púnar dádatā ágʰnatā
   púnar dádatā ágʰnatā

Halfverse: d    jānatā́ sáṃ gamemahi //
   jānatā́ sám gamemahi //
   jānatā́ sáṃ gamemahi //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.